ಬೆಂಗಳೂರು : ಒಂದಲ್ಲ, ಎರಡಲ್ಲ, ಬರೋಬ್ಬರಿ 94ಬಾರಿ ಸಂಚಾರ ನಿಯಮ ಉಲ್ಲಂಘನೆ. ಖಾಕಿ ಕಣ್ತಪ್ಪಿಸಿ ರಾಜಾರೋಷವಾಗಿ ಓಡಾಡುತ್ತಿದ್ದ ಭೂಪ. ಕೊನೆಗೂ ಪೊಲೀಸರ ಕೈಗೆ ಸಿಕ್ಕಿಬಿದ್ದ ಈ ಕಿರಾತಕನಿಂದ ಬಿತ್ತು 50,500 ದಂಡ!
ಬೆಂಗಳೂರಿನಲ್ಲಿ ಸಂಚಾರ ನಿಯಮ ಉಲ್ಲಂಘಿಸಿದ ವಾಹನ ಸವಾರರಿಗೆ ಪೊಲೀಸರು ಇಂದು ದಂಡಾಸ್ತ್ರ ಪ್ರಯೋಗಿಸಿದ್ದಾರೆ. ಈ ವೇಳೆ ಪದೇ ಪದೆ ಸಂಚಾರ ನಿಯಮ ಉಲ್ಲಂಘಿಸಿದ್ದ ಕಾರು ಚಾಲಕ ಪೊಲೀಸರ ಖಜಾನೆ ತುಂಬಿಸಿದ್ದಾನೆ.
ಈ ಘಟನೆ ಪುಲಿಕೇಶಿನಗರ ಟ್ರಾಫಿಕ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಒಂದೇ ಕಾರಿಗೆ ಬರೋಬ್ಬರಿ 50,500 ರೂಪಾಯಿ ದಂಡ ವಿಧಿಸಲಾಗಿದೆ. ದಂಡದ ಬಿಲ್ ಉದ್ದ ನೋಡಿ ಕಾರು ಚಾಲಕ ಒಂದು ಕ್ಷಣ ಶಾಕ್ ಆಗಿದ್ದಾನೆ.
ಮಾರುದ್ದದ ಬಿಲ್, 50,500 ದಂಡ
ಪುಲಿಕೇಶಿನಗರ ಪೊಲೀಸರು ಇಂದು ಅತಿ ಹೆಚ್ಚು ಬಾರಿ ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ ವಾಹನ ಸವಾರರುಗಳನ್ನು ಪತ್ತೆ ಹಚ್ಚಲು ರಸ್ತೆಗಿಳಿದಿದ್ದರು. ದಂಡ ಸಂಗ್ರಹಿಸುವ ವೇಳೆ ಸುಮಾರು 94 ಬಾರಿ ಸಂಚಾರ ನಿಯಮ ಉಲ್ಲಂಘಿಸಿದ ಕಾರು ಚಾಲಕ ಇವರ ಕೈಗೆ ಸಿಕ್ಕಿದ್ದಾನೆ. ಮಾರುದ್ದದ ದಂಡದ ಬಿಲ್ ಹಾಕಿ, ಈತನಿಂದ 50,500 ರೂಪಾಯಿ ದಂಡ ಕಕ್ಕಿಸಿದ್ದಾರೆ.
ಈ ದಿನ @ftowntrfps ವ್ಯಾಪ್ತಿಯಲ್ಲಿ ಅತಿ ಹೆಚ್ಚು ಬಾರಿ ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ ವಾಹನ ಸವಾರರುಗಳನ್ನು ಪತ್ತೆ ಹಚ್ಚಿ ದಂಡ ಸಂಗ್ರಹಿಸುವ ವೇಳೆ ಸುಮಾರು 94 ಬಾರಿ ಸಂಚಾರ ನಿಯಮ ಉಲ್ಲಂಘಿಸಿದ ಕಾರು ಚಾಲಕನಿಂದ ರೂ 50,500 ದಂಡವನ್ನು ಸಂಗ್ರಹಿಸಲಾಗಿರುತ್ತದೆ. pic.twitter.com/5sdVf3olFf
— DCP Traffic East ಉಪ ಪೊಲೀಸ್ ಆಯುಕ್ತರು ಸಂಚಾರ ಪೂರ್ವ (@DCPTrEastBCP) February 8, 2024
