ಡಾಲಿ ‘ಹೊಯ್ಸಳ’ ನೋಡಿ ಅಶ್ವಿನಿ ಪುನೀತ್ ಏನಂದ್ರು ಗೊತ್ತಾ?

ಬೆಂಗಳೂರು : ಡಾಲಿ ಧನಂಜಯ್​ ನಟನೆಯ ಹೊಯ್ಸಳ ಸಿನಿಮಾ ರಾಜ್ಯಾದ್ಯಂತ ಬಿಡುಗಡೆಯಾಗಿ, ಯಶಸ್ವಿ ಪ್ರದರ್ಶನ ಕಾಣುತ್ತಿದೆ. ಮತ್ತೊಂದೆಡೆ, ದಿವಂಗತ ನಟ ಡಾ.ಪುನೀತ್ ರಾಜ್ ಕುಮಾರ್ ಪತ್ನಿ ಅಶ್ವಿನಿ ಪುನೀತ್ ರಾಜ್ ಕುಮಾರ್ ಹೊಯ್ಸಳ ಸಿನಿಮಾ ವೀಕ್ಷಿಸಿ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.

ಹೌದು, ಗುರುದೇವ್ ಎಂಬ ಖಡಕ್ ಪೊಲೀಸ್​ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಡಾಲಿ ಧನಂಜಯ್​ ಅವರ ಅಭಿನಯಕ್ಕೆ ಅಶ್ವಿನಿ ಪುನೀತ್ ಫುಲ್ ಮಾರ್ಕ್ಸ್ ನೀಡಿದ್ದಾರೆ.

ಈ ಕುರಿತು ಸಾಮಾಜಿಕ ಜಾಲತಾಣದಲ್ಲಿ (ಪೋಸ್ಟ್) ಅಭಿಪ್ರಾಯ ಹಂಚಿಕೊಂಡಿರುವ ಅಶ್ವಿನಿ ಪುನೀತ್ ರಾಜ್ ಕುಮಾರ್, ‘ಗುರುದೇವ್ ಹೊಯ್ಸಳ’ ಚಿತ್ರದ ಕಥಾಹಂದರವು ಅದ್ಭುತವಾಗಿ ಮೂಡಿಬಂದಿದೆ. ಈ ಚಿತ್ರ ಯಶಸ್ವಿಯಾಗಲಿ ಎಂದು ನಮ್ಮೆಲ್ಲರ ಹಾರೈಕೆ. ಶುಭವಾಗಲಿ ಎಂದು ಹೇಳಿದ್ದಾರೆ.

'ಗುರುದೇವ್ ಹೊಯ್ಸಳ’ ಚಿತ್ರದ ಕಥಾಹಂದರವು ಅದ್ಭುತವಾಗಿ ಮೂಡಿಬಂದಿದೆ.
ಈ ಚಿತ್ರ ಯಶಸ್ವಿಯಾಗಲಿ ಎಂದು ನಮ್ಮೆಲ್ಲರ ಹಾರೈಕೆ. ಶುಭವಾಗಲಿ.#GurudevHoysala takes action to another level. A treat to watch.
Kudos to Dhananjaya, Naveen Shankar and the rest of the cast and crew for this top notch movie. ✨ pic.twitter.com/r6xA5V1vyk

— Ashwini Puneeth Rajkumar (@Ashwini_PRK) March 31, 2023

ಸಿನಿಮಾ ನೋಡುವುದೇ ಸತ್ಕಾರ

ಚಿತ್ರದಲ್ಲಿ ಗುರುದೇವ ಹೊಯ್ಸಳ (ಡಾಲಿ) ಕರ್ತವ್ಯ ಹಾಗೂ ಅಭಿನಯ ನಮ್ಮನ್ನು ಮತ್ತೊಂದು ಹಂತಕ್ಕೆ ಕರೆದುಕೊಂಡು ಹೋಗುತ್ತದೆ. ಈ ಸಿನಿಮಾ ನೋಡುವುದೇ ಒಂದು ಸತ್ಕಾರ. ಈ ಅತ್ಯುತ್ತಮ ಸಿನಿಮಾ ನೀಡಿದ ನಟ ಧನಂಜಯ್, ನವೀನ್ ಶಂಕರ್ ಮತ್ತು ಇನ್ನಿತರ ಕಲಾವಿದರು, ಸಿಬ್ಬಂದಿ ಹಾಗೂ ಇಡೀ ಚಿತ್ರತಂಡಕ್ಕೆ ನನ್ನ ಅಭಿನಂದನೆಗಳು ಎಂದು ಪೋಸ್ಟ್ ನಲ್ಲಿ ಬರೆದುಕೊಂಡಿದ್ದಾರೆ.

Thanks madam❤️ https://t.co/WlElTgayDP

— Dhananjaya (@Dhananjayaka) March 31, 2023

ಇಂಡಸ್ಟ್ರಿ ಹಿಟ್ ಕೊಟ್ಟ ಡಾಲಿ

ನಟ ಡಾಲಿ ಧನಂಜಯ್ ಹೊಯ್ಸಳ ಸಿನಿಮಾದ ಮೂಲಕ ಮತ್ತೊಂದು ಇಂಡಸ್ಟ್ರಿ ಹಿಟ್ ಕೊಟ್ಟಿದ್ದಾರೆ. ಡಾಲಿ ಪಕ್ಕಾ ಮಾಸ್ ವಿತ್ ಕ್ಲಾಸ್ ಕಂಟೆಂಟ್​ನಿಂದ ನೋಡುಗರಿಗೆ ಮಸ್ತ್ ಮನರಂಜನೆ ನೀಡುವಲ್ಲಿ ಯಶಸ್ವಿ ಆಗಿದ್ದಾರೆ. ಹೊಯ್ಸಳ, ಈ ವರ್ಷದ ಮತ್ತೊಂದು ಇಂಡಸ್ಟ್ರಿ ಹಿಟ್ ಸಿನಿಮಾ ಸಾಲಿಗೆ ಸೇರ್ಪಡೆಯಾಗಿದೆ.