ಬೆಳಗಾವಿ : ಗೋವಾ ಪ್ರವಾಸದ ವೇಳೆ ಬೆಳಗಾವಿ ಭೇಟಿ ನೀಡಿ, ಖುಷಿ ಕ್ಷಣಗಳನ್ನು ತಮ್ಮ ಸೋಶಿಯಲ್ ಮಿಡಿಯಾದಲ್ಲಿ ಸಚಿನ್ ತೆಂಡೂಲ್ಕರ್ ಹಂಚಿಕೊಂಡಿದ್ದಾರೆ.
ರಸ್ತೆ ಪಕ್ಕವೇ ಚಹಾ ಜೊತೆಗೆ ಟೋಸ್ಟ್ ಸೇವಿಸಿ ಸರಳತೆ ಮೆರೆದ ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್, ಈ ಸಂಬಂಧ ಇನ್ಟಾಗ್ರಾಂನಲ್ಲಿ 43 ಸೆಕೆಂಡ್ ವಿಡಿಯೋ ಶೇರ್ ಮಾಡಿದ್ದಾರೆ. ತಾವೇ ಕಾರಿನಿಂದ ಇಳಿದು ಚಹಾ-ಟೋಸ್ಟ್ ತೆಗೆದುಕೊಂಡು ರಸ್ತೆ ಪಕ್ಕ ನಿಂತ ಸಚಿನ್, ಬೆಳಗಾವಿ-ಗೋವಾ ಹೆದ್ದಾರಿ ಮಾರ್ಗದ ರಸ್ತೆ ಪಕ್ಕ ನಿಂತು ಚಹಾ- ಟೋಸ್ಟ್ ಸೇವಿಸುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ.
ಇನ್ನು, , 43 ಸೆಕೆಂಡ್ ವಿಡಿಯೋದಲ್ಲಿ ಕ್ಷಣಹೊತ್ತಷ್ಟೇ ಘೋಚರಿಸುವ ಕ್ರಿಕೆಟಿಗ, ಪುತ್ರ ಅರ್ಜುನ ತೆಂಡೂಲ್ಕರ್, ಬಳಿಕ ಫೌಜಿ ಟೀ ಸ್ಟಾಲ್ ಮಾಲೀಕನ ಜೊತೆಗೆ ಸೆಲ್ಫಿ ಕ್ಲಿಕ್ಕಿಸಿಕೊಂಡ ಅವರು, ನಂತರ ಟೀ ಸ್ಟಾಲ್ ಮಾಲೀಕನಿಗೆ ಹ್ಯಾಂಡ್ ಶೇಕ್ ಮಾಡಿ ನಮಸ್ಕರಿಸಿ ಸರಳತೆ ಮೆರೆದಿದ್ದಾರೆ.
