ಮೇಲ್ಬೋರ್ನ್ : ಆಟ ಅಂದ್ರೆ ಸೋಲು-ಗೆಲುವು ಇದ್ದಿದ್ದೇ.. ಆಟಗಾರ ಅಂದ್ರೂ ಅಷ್ಟೇ ಕೆಲವೊಮ್ಮೆ ನಿರೀಕ್ಷಿಸಿದ್ದಕ್ಕಿಂತ ಹೆಚ್ಚಿನ ಪರ್ಫಾರ್ಮೆನ್ಸ್ ಕೊಡಬಹುದು, ಮತ್ತೆ ಕೆಲವೊಮ್ಮೆ ಫೆಲ್ಯೂರ್ ಆಗಬಹುದು. ಗೆದ್ದಾಗ ಸಂಭ್ರಮಿಸ್ತೀವಿ.. ಸೋತಾಗ ಅದೇ ರೀತಿ ಕೆಟ್ಟದಾಗಿ ರಿಯಾಕ್ಟ್ ಮಾಡೋದು ಕೂಡ ಇದ್ದಿದ್ದೇ..!
ಇನ್ನು ಕ್ರಿಕೆಟ್ ವಿಷ್ಯಕ್ಕೆ ಬಂದ್ರೆ ಬ್ಯಾಟ್ಸ್ಮನ್ ಒಳ್ಳೆಯ ಇನ್ನಿಂಗ್ಸ್ ಕಟ್ಟುತ್ತಿರುವಾಗ, ತಂಡಕ್ಕೆ ಆಧಾರವಾಗಿ ನಿಂತು ಬ್ಯಾಟ್ ಬೀಸುತ್ತಿರುವಾಗ ಅನ್ ಎಸ್ಪೆಕ್ಟೆಡ್ ರೀತಿಯಲ್ಲಿ ಔಟ್ ಆಗಿ ಪೆವಿಲಿಯನ್ ಸೇರೋದು ಕೂಡ ಪಾರ್ಟ್ ಆಫ್ ದಿ ಗೇಮ್ ಅಂತಲೇ ಹೇಳಬಹುದು. ಹೀಗೆ ತನ್ನದಲ್ಲದ ತಪ್ಪಿಗೆ ರನ್ ಔಟ್ ಆದ ಆಸ್ಟ್ರೇಲಿಯಾ ಬ್ಯಾಟ್ಸ್ನ್ ಆ್ಯರೋನ್ ಫಿಂಚ್ ತನ್ನ ಕೋಪವನ್ನು ಚೇರ್ ಮೇಲೆ ತೀರಿಸಿಕೊಂಡಿದ್ದಾರೆ.
2019ನೇ ಸಾಲಿನ ಬಿಗ್ ಬಾಷ್ ಲೀಗ್ನ ಫೈನಲ್ ವೇಳೆ ಈ ಘಟನೆ ನಡೆದಿದೆ. ಮೇಲ್ಬೋರ್ನ್ ಸ್ಟಾರ್ಸ್ ಮತ್ತು ಮೆಲ್ಬೋರ್ನ್ ರೆನೆಗೇಡ್ಸ್ ತಂಡಗಳ ನಡುವೆ ನಡೆದ ಮ್ಯಾಚ್ನಲ್ಲಿ ರೆನೆಗೇಡ್ಸ್ ತಂಡದ ಕ್ಯಾಪ್ಟನ್ ಫಿಂಚ್ ಈ ವರ್ತನೆ ತೋರಿದ್ದಾರೆ. ಅವರು ಮತ್ತು ಕ್ಯಾಮರೂನ್ ವೈಟ್ ಸ್ಕ್ರೀಸ್ನಲ್ಲಿದ್ದರು. ಎದುರಾಳಿ ತಂಡದ ಬೌಲರ್ ಜಾಕ್ಸನ್ ಬರ್ಡ್ ಎಸೆದ ಬಾಲ್ ಅನ್ನು ವೈಟ್ ನೇರವಾಗಿ ಬಾರಿಸಿದ್ರು. ಆ ಬಾಲ್ ಬರ್ಡ್ ಕಾಲಿಗೆ ತಾಗಿ ಎದುರಿನ ವಿಕೆಟ್, ಅಂದ್ರೆ ಫಿಂಚ್ ಇದ್ದ ಬದಿಯ ವಿಕೆಟ್ಗೆ ಬಡಿಯಿತು. ಆಗ ಸ್ಕ್ರೀಸ್ ಬಿಟ್ಟಿದ್ದ ಫಿಂಚ್ ರನ್ಔಟ್ ಆಗಿ ಪೆವಿಲಿಯನ್ ಸೇರ ಬೇಕಾಯಿತು.
ಹೀಗೆ ರನ್ ಔಟ್ ಆದ ಫಿಂಚ್ ಪೆವಿಲಯನ್ ಕಡೆ ಹೆಜ್ಜೆ ಹಾಕಿದ್ರು. ಅಲ್ಲಿದ್ದ ಚೇರ್ ಮೇಲೆ ಬ್ಯಾಟಿಂಗ್ ಶಕ್ತಿ ಪ್ರದರ್ಶಿಸಿದ್ರು..! ಬ್ಯಾಟ್ನಿಂದ ಚೇರ್ಗೆ ಬಾರಿಸಿದ್ರು. ಈ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ. ಇನ್ನು ಫಿಂಚ್ ನೇತೃತ್ವದ ರೆನೆಗೇಡ್ಸ್ ತಂಡವೇ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದೆ
https://twitter.com/BBL/status/1096989197829779459
https://twitter.com/OddsComAu/status/1096989149150642176
