ಕರುನಾಡ ಚಕ್ರವರ್ತಿ ಡಾ. ಶಿವರಾಜ್ಕುಮಾರ್ ನಟನೆಯ 125ನೇ ಸಿನಿಮಾ ವೇದ, ದಿನದಿಂದ ದಿನಕ್ಕೆ ಜೋರಾಗಿ ಸದ್ದು ಮಾಡ್ತಿದೆ. ಈಗಾಗ್ಲೇ ಎರಡು ಲುಕ್ಸ್ ರಿವೀಲ್ ಆಗಿದ್ದು, ಮೂರನೇ ಗೆಟಪ್ ಕೂಡ ಹೊರಬಿದ್ದಿದೆ. ಇಷ್ಟಕ್ಕೂ ಚಿತ್ರದಲ್ಲಿ ಸನ್ ಆಫ್ ಬಂಗಾರದ ಮನುಷ್ಯನ ಶೇಡ್ಸ್ ಎಷ್ಟು..? ಆ ಹೊಸ ಲುಕ್ ಹೇಗಿದೆ ಅಂತೀರಾ..? ನೀವೇ ಓದಿ.
- ರುದ್ರ, ವೇದ ಆಯ್ತು.. ಯಾರು ಈ ಡೆಡ್ಲಿ & ಡೇರಿಂಗ್ ಬೀರ
ಇದು ವೇದ ಚಿತ್ರದ ವೆಪನ್ಸ್ ಟೀಸರ್ ಝಲಕ್. ಭೈರತಿ ರಣಗಲ್ ಡಾ. ಶಿವರಾಜ್ಕುಮಾರ್ ನಟನೆಯ 125ನೇ ಸಿನಿಮಾ. ಹತ್ತು ಹಲವು ವಿಶೇಷತೆಗಳಿಂದ ಕೂಡಿರೋ ವೇದ, ನೋಡುಗರ ನಾಡಿಮಿಡಿತ ಹೆಚ್ಚಿಸಿದೆ. ಪ್ರೇಕ್ಷಕರು ಹಾಗೂ ಫ್ಯಾನ್ಸ್ ಪಾಳಯದಲ್ಲಿ ಹೊಸ ಕ್ಯೂರಿಯಾಸಿಟಿ ಹುಟ್ಟಿಸಿದೆ.
ನಿರ್ದೇಶಕ ಹರ್ಷ ಸಾರಥ್ಯದಲ್ಲಿ ಶಿವಣ್ಣ ಕಾಂಬೋನ ನಾಲ್ಕನೇ ಸಿನಿಮಾ ಇದು. ಭಜರಂಗಿ, ವಜ್ರಕಾಯ, ಭಜರಂಗಿ- 2 ಬಳಿಕ ವೇದ ರಿಲೀಸ್ಗೆ ಸಜ್ಜಾಗ್ತಿದ್ದು, ಇದೇ ಡಿಸೆಂಬರ್ 23ಕ್ಕೆ ವರ್ಲ್ಡ್ ವೈಡ್ ತೆರೆಗೆ ಬರ್ತಿದೆ. ಅಂದಹಾಗೆ ಇದು 124 ಸಿನಿಮಾಗಳ ಬಳಿಕ ಶಿವಣ್ಣ ಅವ್ರೇ ತಮ್ಮ ಹೋಮ್ ಬ್ಯಾನರ್ ಗೀತಾ ಪಿಕ್ಚರ್ಸ್ ಬ್ಯಾನರ್ನಡಿ ನಿರ್ಮಿಸಿರೋ ಮೆಗಾ ಮಾಸ್ ಪ್ರಾಜೆಕ್ಟ್.
ಮೊದಲಿಗೆ ಶಿವಣ್ಣ ಸಂತನಂತೆ ಫುಲ್ ವೈಟ್ ಹೇರ್ನಲ್ಲಿ ಕಾಣಿಸಿಕೊಂಡ ಲುಕ್ ರಿವೀಲ್ ಮಾಡಲಾಯ್ತು. ನಂತರ ಟೀಸರ್ನಲ್ಲಿ ಮಚ್ಚು ಹಿಡಿದು, ರಕ್ತ ಹರಿಸೋ ರುದ್ರನಾಗಿ ಮಿಂಚು ಹರಿಸಿದ್ರು ಶಿವಣ್ಣ. ಅದು ಅಸುರನ್ ಚಿತ್ರದಲ್ಲಿ ತಮಿಳು ಸೂಪರ್ ಸ್ಟಾರ್ ಧನುಷ್ ಗೆಟಪ್ ಅನಿಸಿದ್ರೂ, ಶಿವಣ್ಣನ ಇಂಟೆನ್ಸ್ ಎಮೋಷನ್ಸ್ ಮಾತ್ರ ಸೇಮ್ ಟು ಸೇಮ್ ಅನಿಸಿದೆ.
60ರ ದಶಕದ ರಕ್ತಸಿಕ್ತ ಕಥಾನಕ ಇದಾಗಿದ್ದು, ಜೈಲ್ ಕೂಡ ಇದ್ರ ಬ್ಯಾಕ್ಡ್ರಾಪ್ನಲ್ಲಿದೆ. ಹರ್ಷ ಪ್ರತಿ ಬಾರಿ ಒಂದು ಸಾಮ್ರಾಜ್ಯ ಸೃಷ್ಟಿಸ್ತಾರೆ. ಈ ಬಾರಿ ಶಿವಣ್ಣನಿಗಾಗಿ ಯಾವ ಬಗೆಯ ಕಥೆ ಹೆಣೆದಿದ್ದಾರೆ..? ಅದ್ರ ಅಸಲಿ ಕಹಾನಿ ಏನು ಅನ್ನೋದು ತಿಳಿಯಬೇಕು ಅಂದ್ರೆ ಡಿಸೆಂಬರ್ 23ರ ವರೆಗೂ ಕಾಯಲೇಬೇಕು.
ಕಲ್ಲು ಹಿಡಿದು ನಿಂತ ಕನಕ ಪಾತ್ರದಾರಿಯನ್ನ ಇಂಟ್ರಡ್ಯೂಸ್ ಮಾಡಿದ್ದ ಡೈರೆಕ್ಟರ್, ಇದೀಗ ಬೀರ ಅನ್ನೋ ಮತ್ತೊಂದು ಕ್ಯಾರೆಕ್ಟರ್ನ ಹೊರತಂದಿದ್ದಾರೆ. ಒಟ್ಟಾರೆ ಒಂದಿಕ್ಕಿಂತ ಒಂದು ಪಾತ್ರ ಭಯಾನಕ ಅನಿಸಿದ್ದು, ಶಿವಣ್ಣನಿಗೆ ಕನಿಷ್ಟ ಎರಡ್ಮೂರು ಶೇಡ್ಗಳು ಇರಲಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
