ಹೀರೋ ಯಾವತ್ತಿದ್ರು ಲೇಟಾಗೇ ಬರೋದು ಯಾಕೇಳಿ?

ಹೀರೋ ಯಾವತ್ತಿದ್ರು ಲೇಟಾಗೇ ಬರೋದು ಯಾಕೇಳಿ?ಈ ಪ್ರಶ್ನೆಗೆ ಸರಿಯಾದ ಉತ್ತರ ಬೇಕಾ..? ಗಿರ್ಮಿಟ್ ಟ್ರೈಲರ್ ನೋಡಿ.
ಸ್ಟಾರ್ ಮ್ಯೂಸಿಕ್ ಡೈರೆಕ್ಟರ್ ರವಿಬಸ್ರೂರ್ ಆ್ಯಕ್ಷನ್ ಕಟ್ ಹೇಳಿರೋ ‘ಗಿರ್ಮಿಟ್’ ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದೆ. ವಾವ್ಹ್​ ಅನಿಸುವಂತಿದೆ ಗಿರ್ಮಿಟ್ ಪವರ್ ಫುಲ್ ಟ್ರೈಲರ್! ಒಂದ್ಸಲ ನೋಡಿದ್ರೆ ಇನ್ನೊಮ್ಮೆ ನೋಡ್ಲೇಬೇಕು ಅಂತ ಅನಿಸಿಯೇ ಅನಿಸುತ್ತೆ. ನೀವು ಖಂಡಿತಾ ಮತ್ತೆ ಮತ್ತೆ ಕನಿಷ್ಠ 5 ಬಾರಿಯಾದ್ರೂ ಟ್ರೈಲರ್ ನೋಡ್ತೀರಾ!
280ಕ್ಕೂ ಹೆಚ್ಚು ಬಾಲ ಕಲಾವಿದರು ನಟಿಸಿರೋ ಸಿನಿಮಾ ಈ ‘ಗಿರ್ಮಿಟ್’. ಈ ಸಿನಿಮಾ ವಿಶೇಷ ಅಂದ್ರೆ ಇಲ್ಲಿ ಎಲ್ಲಾ ಮಕ್ಕಳೇ.. ಮಕ್ಕಳಿಗೆ ಸ್ಟಾರ್ ನಟರು ಡಬ್ಬಿಂಗ್ ಮಾಡಿದ್ದಾರೆ. ಇದು ಭಾರತೀಯ ಸಿನಿಮಾ ಇತಿಹಾಸದಲ್ಲೇ ಫಸ್ಟ್. ಹೀರೋಗೆ ರಾಕಿಂಗ್ ಸ್ಟಾರ್ ಯಶ್, ಹೀರೋಯಿನ್ನಿಗೆ ರಾಧಿಕಾ ಪಂಡಿತ್ ವಾಯ್ಸ್ ನೀಡಿದ್ದಾರೆ.
ಟ್ರೈಲರ್ ಪವರ್ ಫುಲ್ ಡೈಲಾಗ್​ಗಳಿಂದ ಗಮನಸೆಳೆದಿದೆ. ಅದರಲ್ಲಿ ”ಹೀರೋ ಯಾವತ್ತಿದ್ರು ಲೇಟಾಗೇ ಬರೋದು ಯಾಕ್ ಹೇಳು,ಅವನು ಬರೋವರೆಗಾದ್ರು ವಿಲನ್ಸ್​ಗಳ ಮುಖಾನ ಆಡಿಯನ್ಸ್ ನೋಡ್ಲಿ ಅಂತ. ಅನ್ನೋ ಪವರ್ ಪುಲ್ ಡೈಲಾಗ್​ ಜೊತೆ ಮಾಸ್ ​ಲುಕ್​​ನಲ್ಲಿ ಹೀರೋ ಎಂಟ್ರಿ ರಗಡ್ ಆಗಿದೆ. ಇನ್ನು ನಾಯಕಿಯ ಲವ್ ಪಂಚಿಂಗ್ ಟಾಂಗ್​ಗಳು ಅಷ್ಟೇ ಕ್ಯಾಚಿಯಾಗಿ ಮೂಡಿಬಂದಿವೆ. ಚಿತ್ರದಲ್ಲಿ ಲವ್, ಸೆಂಟಿಮೆಂಟ್, ಪೈಟಿಂಗ್, ಕಾಮಿಡಿ, ಸೇರಿದಂತೆ ಎಲ್ಲಾ ಅಂಶಗಳನ್ನು ಒಳಗೊಂಡಿದೆ. ಪೋಷಕ ಪಾತ್ರಗಳಿಗೆ ರಂಗಾಯಣ ರಘು, ಅಚ್ಯುತ್ ಕುಮಾರ್, ಸುಧಾ ಬೆಳವಾಡಿ ಸೇರಿದಂತೆ ಬಹುತೇಕ ಹಿರಿಯ ಕಲಾವಿದರು ವಾಯ್ಸ್ ನೀಡಿದ್ದಾರೆ. ಟ್ರೈಲರ್ ಬೊಂಬಾಟಾಗಿದ್ದು ನವೆಂಬರ್ 8 ಕ್ಕೆ ಹಲವು ಭಾಷೆಗಳಲ್ಲಿ ತೆರೆಗೆ ಬರಲಿದೆ ಚಿತ್ರದಲ್ಲಿ ಆಶ್ಲೇಷ ರಾಜ್‌, ಶಾಲ್ಗ ಸಾಲಿಗ್ರಾಮ, ಸೇರಿದಂತೆ ಬಹುತೇಕ ಮಕ್ಕಳು ನಟಿಸಿದ್ದಾರೆ.