Home ಕ್ರೀಡೆ P.Cricket ಇಂಡೋ-ಆಸೀಸ್​ ಮೆಗಾ ಫೈಟ್​​ಗೆ ಕ್ಷಣಗಣನೆ; ಹೇಗಿದೆ ಗೊತ್ತಾ ಕೊಹ್ಲಿ ಪಡೆ?

ಇಂಡೋ-ಆಸೀಸ್​ ಮೆಗಾ ಫೈಟ್​​ಗೆ ಕ್ಷಣಗಣನೆ; ಹೇಗಿದೆ ಗೊತ್ತಾ ಕೊಹ್ಲಿ ಪಡೆ?

ಇದು ಕ್ರಿಕೆಟ್​ ಜಗತ್ತಿನ ಮದಗಜಗಳ ಕಾದಾಟ.. ಒಂದೆಡೆ ಐದು ಬಾರಿ ವಿಶ್ವ ಚಾಂಪಿಯನ್​ ಆಸ್ಟ್ರೇಲಿಯಾ.. ಮತ್ತೊಂದೆಡೆ ಎರಡು ಬಾರಿಯ ಚಾಂಪಿಯನ್​ ಟೀಮ್​ ಇಂಡಿಯಾ…!
ವಿಶ್ವಕಪ್​ ಟೂರ್ನಿಯಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಗೆದ್ದು ಶುಭಾರಂಭ ಮಾಡಿದೆ ಟೀಮ್​ಇಂಡಿಯಾ. ಆಸೀಸ್​ ಕೂಡ ಕ್ರಿಕೆಟ್​ ಶಿಶು ಅಫ್ಘಾನಿಸ್ತಾನ, ದೈತ್ಯ ವೆಸ್ಟ್​ಇಂಡೀಸ್​​ ವಿರುದ್ಧ ಭರ್ಜರಿ ಜಯಭೇರಿ ಬಾರಿಸಿದೆ. ಈ ಎರಡೂ ತಂಡಗಳ ಹೊಡಿಬಡಿ ಮುಖಾಮುಖಿ ವೀಕೆಂಡ್​ ಮಸ್ತಿಗೆ ಕಳೆಗಟ್ಟೋದ್ರಲ್ಲಿ ಡೌಟೇ ಬೇಡ.
ಇಂಡೋ ಆಸೀಸ್​ ಪಂದ್ಯಗಳ ಖದರ್ರೆ ಬೇರೆ. ಇಲ್ಲಿ ಕೇವಲ ಬ್ಯಾಟ್​ ಮತ್ತು ಬಾಲ್​ ಮಾತ್ರ ಮಾತಾಡಲ್ಲ. ಪ್ರತಿ ಹಂತದಲ್ಲೂ ಎದುರಾಳಿ ಆಟಗಾರರನ್ನ ಕಿಚಾಯಿಸ್ತಾರೆ ಆಸೀಸ್​ ಪ್ಲೇಯರ್ಸ್​. ಸ್ಲೆಡ್ಜಿಂಗ್​ ಏನೇ ಇರಲಿ ಅದಕ್ಕೆಲ್ಲ ಹಾಗೇ ತಿರುಗೇಟು ಕೊಡೋದ್ರಲ್ಲಿ ನಿಸ್ಸೀಮರಾಗಿರೋದೆ ವಿರಾಟ್ ಕೊಹ್ಲಿ.
ವಿಶ್ವಕಪ್​ ಟೂರ್ನಿಯ ಅಭ್ಯಾಸ ಪಂದ್ಯದಲ್ಲಿ ಕಿವೀಸ್​​ ವಿರುದ್ಧ ಸೋಲುಂಡ ಟೀಮ್​ಇಂಡಿಯಾ ನಂತರದ ಬಾಂಗ್ಲಾ ವಿರುದ್ಧದ ಪಂದ್ಯದಲ್ಲಿ ಗೆಲುವಿನ ಹಾದಿಗೆ ಮರಳಿತ್ತು. ನಂತರದ ಟೂರ್ನಿಯ ಅಸಲಿ ವಾರ್​​ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ 6 ವಿಕೆಟ್​​ಗಳ ಗೆಲುವು ಸಾಧಿಸಿ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ. ಆದ್ರೆ ಇಂದಿನ ಪಂದ್ಯ ಭಾರತಕ್ಕೆ ಅಗ್ನಿ ಪರೀಕ್ಷೆ.
ವಿಶ್ವಕಪ್​ ಟೂರ್ನಿಗೂ ಮುನ್ನ ವರ್ಷಾರಂಭದಲ್ಲಿ ಭಾರತಕ್ಕೆ ಪ್ರವಾಸ ಕೈಗೊಂಡಿತ್ತು ಆಸ್ಟ್ರೇಲಿಯಾ. ಆಗ 2 ಪಂದ್ಯಗಳ ಟಿ20 ಸರಣಿಯಲ್ಲಿ ಕ್ಲೀನ್​ಸ್ವೀಪ್​ ಸಾಧಿಸಿತ್ತು. ಏಕದಿನ ಸರಣಿಯನ್ನೂ 2-3 ಅಂತರದಲ್ಲಿ ಗೆದ್ದು ಬೀಗಿತ್ತು. ಇದೀಗ ಆ ಸೇಡು ತೀರಿಸಿಕೊಳ್ಳಲು ಕೊಹ್ಲಿ ಬಾಯ್ಸ್​ ಸಜ್ಜಾಗಿದ್ದಾರೆ.
ಇನ್ನು ವಿಶ್ವ ಸಮರದಲ್ಲಿ ಆಸ್ಟ್ರೇಲಿಯಾ ಆಡಿದ 2 ಪಂದ್ಯಗಳಲ್ಲೂ ಜಯಭೇರಿ ಬಾರಿಸಿದೆ. ಅಫ್ಘಾನಿಸ್ತಾನ ವಿರುದ್ಧ 7 ವಿಕೆಟ್​​ಗಳ ಭರ್ಜರಿ ಗೆಲುವು ಕಂಡಿತ್ತು. ಇನ್ನು ವಿಂಡೀಸ್​​​​ ವಿರುದ್ಧದ 2ನೇ ಪಂದ್ಯದಲ್ಲಿ ಟಾಪ್​ ಆರ್ಡರ್​ ಬ್ಯಾಟ್ಸ್​​ಮನ್​ಗಳು ವೈಫಲ್ಯ ಅನುಭವಿಸಿದ್ರು. ಆತಂಕದ ನಡುವೆಯೂ ಸಂಘಟಿತ ಹೋರಾಟದ ನೆರವಿನಿಂದ 15ರನ್​ಗಳ ರೋಚಕ ಗೆಲುವು ದಾಖಲಿಸಿತ್ತು ಆಸೀಸ್​ ಬಳಗ.
ಅಂಕಿ-ಅಂಶಗಳ ವಿಚಾರದಲ್ಲೂ ಟೀಮ್​ಇಂಡಿಯಾ ಮೇಲೆ ಆಸಿಸ್​ ಪ್ರಭುತ್ವ ಸಾಧಿಸಿದೆ. ಏಕದಿನ ಮಾದರಿಯಲ್ಲಿ ಇಂಡೋ-ಆಸಿಸ್​ 136 ಮುಖಾಮುಖಿಯಾಗಿವೆ. ಇದರಲ್ಲಿ 49 ಬಾರಿ ಟೀಮ್​ಇಂಡಿಯಾ ಜಯ ಸಾಧಿಸಿದ್ರೆ, 77 ಪಂದ್ಯಗಳಲ್ಲಿ ಆಸಿಸ್​​ ಜಯಭೇರಿ ಬಾರಿಸಿದೆ. ಇನ್ನು ವಿಶ್ವಕಪ್​ ಮುಖಾಮುಖಿಯಲ್ಲೂ ಆಸಿಸ್​ನದ್ದೇ ಮೇಲುಗೈ.
ವಿಶ್ವಕಪ್​ನಲ್ಲಿ ಆಸಿಸ್​ V/S ಭಾರತ
ಪಂದ್ಯ -11
ಗೆಲುವು -03
ಸೋಲು -08
 ವಿಶ್ವಕಪ್​ ಟೂರ್ನಿಯಲ್ಲಿ ಭಾರತ-ಆಸ್ಟ್ರೇಲಿಯಾ ತಂಡಗಳು ಈವರೆಗೆ 11 ಬಾರಿ ಮುಖಾಮುಖಿ ಆಗಿವೆ. ಅದರಲ್ಲಿ ಕೇವಲ 3 ಪಂದ್ಯಗಳಲ್ಲಿ ಭಾರತ ಗೆಲುವು ಸಾಧಿಸಿದ್ರೆ, 8 ಮ್ಯಾಚ್​​ಗಳಲ್ಲಿ ಸೋಲುಂಡಿದೆ.

ಸೌತ್​​ಆಫ್ರಿಕಾ ವಿರುದ್ಧ ಪಂದ್ಯದಲ್ಲಿ ಟೀಮ್​ಇಂಡಿಯಾ ಉತ್ತಮ ಬೌಲಿಂಗ್​ ದಾಳಿ ಸಂಘಟಿಸಿತ್ತು. ಜೊತೆಗೆ ಬ್ಯಾಟಿಂಗ್​ ವಿಭಾಗದಲ್ಲೂ ಬೆಸ್ಟ್​​ ಪರ್ಫಾರ್ಮೆನ್ಸ್​​ ನೀಡಿತ್ತು. ಆದ್ರೆ ಆರಂಭಿಕ ಆಟಗಾರ ಶಿಖರ್​ ಧವನ್​, ವಿರಾಟ್​​ ಕೊಹ್ಲಿ ಅಸ್ಥಿರ ಫಾರ್ಮ್​ ಸದ್ಯಕ್ಕೆ ತಲೆ ನೋವು. ಇಂದಿನ ಪಂದ್ಯದಲ್ಲಾದ್ರು ವಿರಾಟ್​, ಧವನ್ ಫಾರ್ಮ್​ ಕಂಡುಕೊಳ್ತಾರಾ ಅನ್ನೋದೇ ಪ್ರಶ್ನೆ.

ಇತ್ತ ಆಸೀಸ್​​ ಪಾಳಯದಲ್ಲಿ ಡೇವಿಡ್​​ ವಾರ್ನರ್​ ,ಸ್ಟೀವ್​ ಸ್ಮಿತ್​​ ಕಮ್ ​ಬ್ಯಾಕ್​ ತಂಡದ ವಿಶ್ವಾಸ ಹೆಚ್ಚಿಸಿದೆ. ಆದ್ರೆ ಕಳೆದ ಪಂದ್ಯದಲ್ಲಿ ವಿಂಡೀಸ್​​ ಬಳಗ ಬೌನ್ಸ್​​ ಅಸ್ತ್ರಕ್ಕೆ ಕಾಂಗರೂ ಪಡೆಯ ಟಾಪ್​ ಆರ್ಡರ್​ ಬ್ಯಾಟ್ಸ್​​ಮನ್​ಗಳು ತರಗೆಲೆಯಂತೆ ಉದುರಿದ್ರು. ಆದರೂ ಅಂತಿಮ ಹಂತದಲ್ಲಿ ಸ್ಟೀವ್​ ಸ್ಮಿತ್​​, ನಥಾನ್​ ಕೌಲ್ಟರ್​​ ನೈಲ್​ ಕಟ್ಟಿದ ಅದ್ಭುತ ಇನ್ನಿಂಗ್ಸ್ ತಂಡದ ಮೊತ್ತ ಹಿಗ್ಗುವಲ್ಲಿ ನೆರವಾಗಿತ್ತು. ಮಿಚೆಲ್​ ಸ್ಟಾರ್ಕ್​, ಪಾಟ್​​ ಕುಮಿನ್ಸ್​​ರ ಬೌಲಿಂಗ್​ ಆಸಿಸ್​ ಗೆಲುವಿಗೆ ಕಾರಣವಾಗಿತ್ತು.

 ಕೆನ್ನಿಂಗ್​ಟನ್​ ಓವಲ್​ ಅಂಗಳದಲ್ಲೂ ಟೀಮ್​ಇಂಡಿಯಾ 15 ಪಂದ್ಯಗಳನ್ನಾಡಿ ಕೇವಲ 5ರಲ್ಲಿ ಜಯ ಸಾಧಿಸಿದ ಟ್ರ್ಯಾಕ್​ ರೆಕಾರ್ಡ್​​​ ಹೊಂದಿದೆ. ಎಲ್ಲಾ ಅಂಕಿ-ಅಂಶಗಳು ಆಸ್ಟ್ರೇಲಿಯಾ ಪರ ಇರೋದು ಸುಳ್ಳೇನಲ್ಲ. ಆದ್ರೆ ಅದನ್ನೆಲ್ಲಾ ಮೀರಿ ಟೀಮ್ ​ಇಂಡಿಯಾ ಗೆಲ್ಲೋ ಪ್ರತಿಭೆಗಳನ್ನ ಈ ಬಾರಿ ಹೊಂದಿದೆ. ಇಂದಿನ ಪಂದ್ಯದಲ್ಲಿ ಟೀಮ್​ ಇಂಡಿಯಾ ಮ್ಯಾಜಿಕ್​ ವರ್ಕೌಟ್​ ಆಗುತ್ತೆ ಅನ್ನೋದೇ ಕ್ರಿಕೆಟ್​ ಪ್ರೇಮಿಗಳ ಆಶಯ.

LEAVE A REPLY

Please enter your comment!
Please enter your name here

- Advertisment -

Most Popular

ಕೊರೋನಾಗೆ ಕ್ಯಾರೆ ಅನ್ನದೆ ನೃತ್ಯ ಮಾಡಿ ಧೈರ್ಯ ತುಂಬಿದ ಹೋಟೆಲ್ ಮಾಲಕ

ಉಡುಪಿ : ಕೋರೊನಾ ಬಂದ್ರೆ ನಮ್ಮ ಕಥೆ ಮುಗಿತು ಅನ್ನೋ ಈ ಸಂದರ್ಭದಲ್ಲಿ, ಕೋಟದ ಕೊರೋನಾ ಪಾಸಿಟಿವ್ ವ್ಯಕ್ತಿಯೋರ್ವರು ಧೈರ್ಯ ತುಂಬುವ ಕೆಲಸ ಮಾಡಿದ್ದಾರೆ. ಕೋಟದ ಹೋಟೆಲ್ ಮಾಲಕರೋರ್ವರಿಗೆ ಕೊರೋನಾ ಪಾಸಿಟಿವ್ ಬಂದ...

ಸಂಬಳ ಕೇಳಿದರೆ ಕೆಲಸದಿಂದ ತೆಗೆಯುತ್ತೇವೆ ! ವಿಮ್ಸ್​​ನಲ್ಲಿ ಇದೆಂಥಾ ಅಮಾನವೀಯತೆ ?

ಬಳ್ಳಾರಿ : ಕಳೆದ ಆರು ತಿಂಗಳಿನಿಂದ ಸಂಬಳವೇ ಸಿಕ್ಕಿಲ್ಲ ಅಂತ ಬಳ್ಳಾರಿಯ ವಿಮ್ಸ್ ನಲ್ಲಿ ಗುತ್ತಿಗೆ ಆಧಾರಿತ ಸಿಬ್ಬಂದಿ ಧರಣಿ ಕೂತಿದ್ದಾರೆ. ಕೊರೊನಾ ವಾರಿಯರ್ ಅಂತ ಸರ್ಕಾರ ನಮ್ಮನ್ನ ಕರೆಯುತ್ತೆ. ಆದ್ರೆ ನಮಗೆ...

ಕೊರೋನಾ ಗೆದ್ದ 96 ವೃದ್ಧೆ ಈಗ ಕೊರೋನಾ ರೋಗಿಗಳಿಗೆ ಸ್ಫೂರ್ತಿ

ಚಿತ್ರದುರ್ಗ : ಕೊರೋನಾ ಸೋಂಕಿನ ಭೀತಿ ಎಲ್ಲೆಡೆ ಹಬ್ಬಿದ್ದರೂ, ಆತ್ಮಿವಿಶ್ವಾಸವೊಂದಿದ್ದರೆ ಕೊರೋನಾ ಸೋಂಕಿನಿಂದ ಗುಣವಾಗಬಹುದು ಎನ್ನುವುದಕ್ಕೆ ಈ ವೃದ್ಧೆಯೇ ಸಾಕ್ಷಿ. ಚಿತ್ರದುರ್ಗ  ‌ಜಿಲ್ಲೆಯ ಹಿರಿಯೂರು ಮೂಲದ 96 ವರ್ಷದ ವೃದ್ದೆ ಕರೋನಾ ಸೋಂಕಿನಿಂದ...

ಹೋಮ್ ಕ್ವಾರಂಟೈನ್ ನಿಯಮ ಉಲ್ಲಂಘನೆ, ಪ್ರಕರಣ ದಾಖಲು

ಉಡುಪಿ : ಹೋಮ್ ಕ್ವಾರಂಟೈನ್ ನಲ್ಲಿದ್ದ ವ್ಯಕ್ತಿಯೋರ್ವರು ನಿಯಮ ಉಲ್ಲಂಘಿಸಿ ಉಡುಪಿಯಿಂದ ಕಾರ್ಕಳ ಪ್ರಯಾಣಿಸಿದ ಹಿನ್ನಲೆಯಲ್ಲಿ ಪ್ರಕರಣ ದಾಖಲಾಗಿದೆ. ನಿಯಮ ಉಲ್ಲಂಘಿಸಿದ ಕೊಡಂಕೂರು ನಿವಾಸಿ ವಿನಯ್ ಕುಮಾರ್ ಮೇಲೆ ಉಡುಪಿಯ ನಗರ ಠಾಣೆಯಲ್ಲಿ...