ನವದೆಹಲಿ: ಸೋಶಿಯಲ್ ಮೀಡಿಯಾಗಳಲ್ಲಿ ಹ್ಯಾಕರ್ಸ್ ಹಾವಳಿ ಹೆಚ್ಚುತ್ತಿದ್ದು, ವಾಟ್ಸ್ಆ್ಯಪಲ್ಲಿ ಹ್ಯಾಕರ್ಸ್ ಮಾಹಿತಿಗಳನ್ನು ಕದಿಯುತ್ತಿದ್ದಾರೆ ಎಂದು ಎಚ್ಚರಿಕೆ ನೀಡಿದ್ದ ಕಂಪ್ಯೂಟರ್ ಎಮರ್ಜೆನ್ಸಿ ರೆಸ್ಪಾನ್ಸ್ ಟೀಮ್-ಇಂಡಿಯಾ (ಸಿಇಆರ್ ಟಿಇ) ಇದೀಗ ವ್ಯಾಟ್ಸ್ಆ್ಯಪ್ ಗ್ರಾಹಕರಿಗೆ ಆ್ಯಪನ್ನು ಅಪ್ಡೇಟ್ ಮಾಡಿಕೊಳ್ಳುವಂತೆ ಸೂಚಿಸಿದೆ..!
ಇತ್ತೀಚೆಗೆ ಹ್ಯಾಕರ್ಸ್ಸೋಶಿಯಲ್ ಮೀಡಿಯಾಗಳಲ್ಲಿ ಬಳಕೆದಾರರ ಮಾಹಿತಿಗಳನ್ನು ಕದಿಯಲು ಯತ್ನಿಸುತ್ತಲೇ ಇರುತ್ತಾರೆ. ಹ್ಯಾಕಿಂಗ್ ಮಾಡುವ ಮೂಲಕ ವೈರಸ್ ದಾಳಿಯನ್ನು ಮಾಡುತ್ತಾರೆ. ಸಿಇಆರ್ ಟಿಇ ಸಂಸ್ಥೆಯು ಹ್ಯಾಕಿಂಗ್ ಅಪಾಯಗಳನ್ನು ನಿಭಾಯಿಸುವ ಸಂಸ್ಥೆಯಾಗಿದ್ದು, ವಾಟ್ಸ್ಆ್ಯಪ್ ಗ್ರಾಹಕರ ಮೊಬೈಲ್ ಗೆ ಬರುವ ಎಂಪಿ 4 ವೀಡಿಯೋ ಕ್ಲಿಪ್ಪಿಂಗ್ ಬಗ್ಗೆ ಈ ಮೊದಲೇ ಎಚ್ಚರಿಸಿತ್ತು. ಈಗ ವೈರಸ್ ದಾಳಿ ಹಿನ್ನೆಲೆ ವಾಟ್ಸ್ಆ್ಯಪ್ ಅಪ್ಡೇಟ್ ಮಾಡಬೇಕಾಗಿ ಎಚ್ಚರಿಸಿದೆ.
