ಹುತಾತ್ಮ ಯೋಧರ ಮಕ್ಕಳ ಶಿಕ್ಷಣದ ಹೊಣೆ ನನ್ನದು ಅಂದ್ರು ಸೆಹ್ವಾಗ್..!

0
388

ನವದೆಹಲಿ : ಭಾರತದ ಮಾಜಿ ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್ ಪುಲ್ವಾಮಾ ದಾಳಿಯಲ್ಲಿ ಹುತಾತ್ಮರಾದ ವೀರ ಯೋಧರ ಮಕ್ಕಳ ಶಿಕ್ಷಣದ ಹೊಣೆಯನ್ನು ವಹಿಸಿಕೊಳ್ಳೋದಾಗಿ ಭರವಸೆ ನೀಡಿದ್ದಾರೆ.
‘ಹುತಾತ್ಮ ಯೋಧರಿಗಾಗಿ ನಾವೇನು ಮಾಡಿದ್ರೂ ಕಮ್ಮಿಯೇ. ನನ್ನಿಂದ ಸಣ್ಣ ಸಹಾಯವಾಗಲಿ ಅಂತ ವೀರ ಮರಣವನ್ನಪ್ಪಿದ ಎಲ್ಲಾ ಯೋಧರ ಮಕ್ಕಳ ಶಿಕ್ಷಣಕ್ಕೆ ಅಗತ್ಯ ನೆರವು ನೀಡುತ್ತೇನೆ” ಎಂದಿದ್ದಾರೆ ಟೀಮ್ ಇಂಡಿಯಾದ ಮಾಜಿ ಓಪನರ್ ಸೆಹ್ವಾಗ್.
ಈ ಮೂಲಕ 40 ಯೋಧರ ಕುಟುಂಬಗಳಿಗೆ ಸೆಹ್ವಾಗ್ ಹಿರಿ ಮಗನ ಸ್ಥಾನದಲ್ಲಿ ನಿಂತಿದ್ದಾರೆ. ಪುಲ್ವಾಮಾ ದಾಳಿ ನಡೆದಾಗ ರಣಹೇಡಿಗಳ ಹೇಯಕೃತ್ಯಕ್ಕೆ ಕಿಡಿಕಾರಿದ್ದ ವೀರೇಂದ್ರ ಸೆಹ್ವಾಗ್ ಇಂದು ಟ್ವೀಟ್​ ಮೂಲಕ ಹುತಾತ್ಮರಾದ ಯೋಧರ ಮಕ್ಕಳ ಶಿಕ್ಷಣದ ಜವಾಬ್ದಾರಿ ವಹಿಸಿಕೊಳ್ಳೋದಾಗಿ ತಿಳಿಸಿದ್ದಾರೆ.

LEAVE A REPLY

Please enter your comment!
Please enter your name here