ಮುಂಬೈ : ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಪ್ರತಿ ಮ್ಯಾಚ್ನಲ್ಲೂ ಒಂದಲ್ಲ ಒಂದು ರೆಕಾರ್ಡ್ ಮಾಡ್ತಾನೇ ಇರ್ತಾರೆ. ಕೊಹ್ಲಿ ಅಂದ್ರೆ ರೆಕಾರ್ಡ್ ರೆಕಾರ್ಡ್ ಅಂದ್ರೆ ಕೊಹ್ಲಿ ಎಂಬಂತಾಗಿದೆ. ಇಂದು ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಯ ಮೊದಲ ಪಂದ್ಯ ನಡೆಯಲಿದೆ. ಈ ಮ್ಯಾಚ್ನಲ್ಲಿ ಕಿಂಗ್ ಕೊಹ್ಲಿ ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಅವರ ರೆಕಾರ್ಡೊಂದನ್ನು ಸರಿಗಟ್ಟೋ ಚಾನ್ಸ್ ಇದೆ. ಸಚಿನ್ ಅವರ ಆ ರೆಕಾರ್ಡ್ ಸಮಗಟ್ಟಲು ಕೊಹ್ಲಿಗೆ ಬೇಕಿರೋದು ಒಂದೇ ಒಂದು ಸೆಂಚುರಿ!
ಭಾರತದ ನೆಲದಲ್ಲಿ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ 20 ಸೆಂಚುರಿ ಸಿಡಿಸಿದ್ದಾರೆ. ಕೊಹ್ಲಿ ಭಾರತದ ಅಂಗಳದಲ್ಲಿ ಇದುವರೆಗೆ 19 ಸೆಂಚುರಿ ಬಾರಿಸಿದ್ದಾರೆ. ಆಸೀಸ್ ವಿರುದ್ಧದ ಮ್ಯಾಚ್ನಲ್ಲಿ ಕೊಹ್ಲಿ ಶತಕ ಬಾರಿಸಿದ್ರೆ ಸಚಿನ್ ರೆಕಾರ್ಡ್ ಸರಿಗಟ್ಟಿದಂತಾಗುತ್ತೆ.
