ಕೊರೋನಾ ವಿರುದ್ಧ ಸಮರಕ್ಕೆ ರೆಡಿಯಾದ ಉದ್ಯಮಿಗಳು..!

0
2166

ನವದೆಹಲಿ: ದೇಶಾದ್ಯಂತ ಕೊರೋನಾ ಸೋಂಕು ಹರಡುವುದನ್ನು ತಡೆಯಲು ಕೇಂದ್ರ ಸರ್ಕಾರ ಹಲವಾರು ಪ್ರಯತ್ನಗಳನ್ನು ಮಾಡುತ್ತಿದೆ. ಇದರ ಬೆನ್ನಲ್ಲೇ ದೇಶದ ಉದ್ಯಮಿಗಳು ಕೊರೋನಾ ವೈರಸ್ ವಿರುದ್ಧದ ಹೋರಾಟಕ್ಕೆ ತಯಾರಾಗಿದ್ದು, ಅದಕ್ಕೆ ಬೆಂಬಲ ಸೂಚಿಸುವ ಸಲುವಾಗಿ ಉದ್ಯಮಿ ಆನಂದ್ ಮಹೀಂದ್ರಾ, ವಿಜಯ್ ​ಶೇಖರ್ ಹಾಗೂ ಅನಿಲ್ ಅಗರ್​ವಾಲ್  ದೇಶದ ಜನತೆಗಾಗಿ ಆರ್ಥಿಕ ನೆರವು ನೀಡಲು ಮುಂದಾಗಿದ್ದಾರೆ.

ಪೇಟಿಎಂನ ಸಂಸ್ಥಾಪಕ ವಿಜಯ್ ಶೇಖರ್ ಕೊರೋನಾವನ್ನು ತಡೆಯಲು ಕೆಲಸ ಮಾಡುತ್ತಿರುವ ಟೀಮ್​ಗಾಗಿ ಹಾಗೂ ಅದಕ್ಕೆ ಔಷಧಿಗಳನ್ನು ಪತ್ತೆಹಚ್ಚುವುದಕ್ಕಾಗಿ 5 ಕೋಟಿ ರೂಪಾಯಿ ಮೀಸಲಿಡುವುದಾಗಿ ಹೇಳಿದ್ದಾರೆ.

ಇನ್ನು ವೆಂಡೇಟಾ ರಿಸೋರ್ಸ್​ನ ಚೇರ್​ಮನ್ ಅನಿಲ್ ಅಗರ್​ವಾಲ್ ದೇಶಕ್ಕಾಗಿ ನೂರು ಕೋಟಿ ರೂಪಾಯಿಗಳನ್ನು ಮೀಸಲಿಡುವುದಾಗಿ ತಿಳಿಸಿದ್ದಾರೆ. ಈ ಸಮಯದಲ್ಲಿ ದೇಶಕ್ಕೆ ನಮ್ಮ ಅಗತ್ಯವಿದೆ. ಹಲವು ಜನ ಕೊರೋನಾ ವೈರಸ್​ನಿಂದ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಅದರಲ್ಲೂ ದಿನಗೂಳಿಯವರಂತು ಪರದಾಡುವಂತಾಗಿದೆ. ಅವರಿಗಾಗಿ ನಾವು ಸಣ್ಣ ಮಟ್ಟದ ಸಹಾಯವನ್ನು ಮಾಡಬೇಕೆಂದು ಟ್ವೀಟ್​ನಲ್ಲಿ ಬರೆದುಕೊಂಡಿದ್ದಾರೆ.

LEAVE A REPLY

Please enter your comment!
Please enter your name here