ಅಂಡರ್​ 19 ಏಷ್ಯಾಕಪ್ : ಪಾಕ್ ವಿರುದ್ಧ ಸೆಂಚುರಿ ಸಿಡಿಸಿದ ಅರ್ಜುನ್, ತಿಲಕ್..!

0
494

ಕೊಲಂಬೋ : ಅಂಡರ್ 19 ಏಷ್ಯಾಕಪ್​ನಲ್ಲಿ ಪಾಕಿಸ್ತಾನ ವಿರುದ್ಧ ಭಾರತ ಅರ್ಜುನ್ ಆಜಾದ್ ಮತ್ತು ತಿಲಕ್​ ವರ್ಮಾರ ಭರ್ಜರಿ ಸೆಂಚುರಿ ನೆರವಿನಿಂದ 60ರನ್​ಗಳ ಅಧಿಕಾರಯುತ ಗೆಲುವು ಸಾಧಿಸಿದೆ.
ಶ್ರೀಲಂಕಾದ ಮೊರಾತುವಾದ ತೈರೊನ್ನೆ ಫೆರ್ನಾಂಡೋ ಸ್ಟೇಡಿಯಂನಲ್ಲಿ ನಡೆದ ಮ್ಯಾಚ್​ನಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ಅರ್ಜುನ್ (121), ತಿಲಕ್ (110) ಶತಕದಿಂದ ಭಾರತ 9 ವಿಕೆಟ್ ಕಳೆದುಕೊಂಡು 305ರನ್ ಮಾಡಿತು. ಅರ್ಜುನ್ ಮತ್ತು ತಿಲಕ್ ಅಲ್ಲದೆ ಶಾಶ್ವತ್ ರಾವತ್ 18, ಅಥರ್ವ ಅಂಕೋಲೆಕರ್ 16, ಧೃವ್ ಜುರೇಲ್ 10ರನ್​ ಕೊಡುಗೆ ನೀಡಿದರು.
ಗುರಿ ಬೆನ್ನತ್ತಿದ್ದ ಪಾಕಿಸ್ತಾನ ರೊಹೈಲ್ ನಜೀರ್ ಶತಕದ ಹೊರತಾಗಿಯೂ ಸೋಲುಂಡಿತು. ನಜೀರ್ (117) ಮೊಹಮ್ಮದ್ ಹ್ಯಾರಿಸ್ (43) ಹೋರಾಟದ ನಡುವೆಯೂ 46.4 ಓವರ್​ ಮಾತ್ರ ಬ್ಯಾಟ್ ಮಾಡಲು ಶಕ್ತವಾಗಿ 245ರನ್​ಗಳಿಗೆ ಆಲ್​ಔಟ್​ ಆಯಿತು. ಇದರೊಂದಿಗೆ ಭಾರತ ಗೆದ್ದು ಬೀಗಿತು.

LEAVE A REPLY

Please enter your comment!
Please enter your name here