Home uncategorized ಮೃತ ಅಜ್ಜಿಯಿಂದ ಶುರುವಾಯ್ತು ಟೆನ್ಷನ್-ಅಜ್ಜಿ ಕುಟುಂಬಸ್ಥರಿಗೆ ಹೆಚ್ಚಿದ ಆತಂಕ

ಮೃತ ಅಜ್ಜಿಯಿಂದ ಶುರುವಾಯ್ತು ಟೆನ್ಷನ್-ಅಜ್ಜಿ ಕುಟುಂಬಸ್ಥರಿಗೆ ಹೆಚ್ಚಿದ ಆತಂಕ

ಚಿಕ್ಕಮಗಳೂರು : ಆ ಅಜ್ಜಿಗೆ 72 ವರ್ಷ ವಯಸ್ಸಾಗಿತ್ತು. ಮನೆಯಲ್ಲೇ ಸಾವು ಬದುಕಿನ ನಡುವೆ ಹೋರಾಟ ನಡೆಸಿ ಕೊನೆಗೂ ಉಸಿರು ಚೆಲ್ಲಿಬಿಡ್ತು ಬಡ ಜೀವ. ಮೂರು ದಿನದ ನಡೆದ ಈ ಸಾವು, ಜಿಲ್ಲಾಡಳಿತಕ್ಕೆ ಇದೀಗ ತಲೆನೋವಾಗಿ ಪರಿಣಮಿಸಿದೆ. ನಿನ್ನೆ ಬಂದ ವರದಿಯಲ್ಲಿ ಅಜ್ಜಿಗೆ ಕೊರೊನಾ ಇದ್ದಿದ್ದು ಧೃಡವಾಗಿದೆ. ಅಜ್ಜಿಯ ಅಂತ್ಯಸಂಸ್ಕಾರ ನಡೆಸಿದ ಬಳಿಕ ಬಂದ ವರದಿ ಇದೀಗ ಕುಟುಂಬಸ್ಥರಿಗೂ ಶಾಕ್ ತರಿಸಿದೆ. ಕೊನೆಕ್ಷಣದಲ್ಲಿ ಅಜ್ಜಿಯ ಆರೈಕೆ ಮಾಡಿದವರು ಸೇರಿದಂತೆ ಸಂಬಂಧಿಕರಿಗೂ ಅಜ್ಜಿಯಿಂದ ಆತಂಕ ಎದುರಾಗಿದೆ.

ಕಾಫಿನಾಡಿನಲ್ಲಿ ಕೊರೊನಾದಿಂದ ಪ್ರತಿನಿತ್ಯ ಒಂದು-ಎರಡು ಸಾವುಗಳು ಸಂಭವಿಸ್ತಿದೆ. ನಿನ್ನೆ ಕೊರೊನಾಕ್ಕೆ 2 ಮಂದಿ ಸಾವನ್ನಪ್ಪಿದ್ರೆ, ಇಂದು ಹೆಮ್ಮಾರಿಗೆ ಮತ್ತೊಂದು ಬಲಿಯಾಗಿದೆ. ನಿನ್ನೆ ಜಿಲ್ಲಾಡಳಿತ ಧೃಡಿಕರಿಸಿದ ಎರಡು ಸಾವುಗಳಲ್ಲಿ ಒಂದು ಪ್ರಕರಣ ಎರಡು ದಿನಗಳ ಹಿಂದಿನ ಅಜ್ಜಿಯ ಪ್ರಕರಣ. ಅಂತ್ಯಸಂಸ್ಕಾರ ಮಾಡಿದ್ಮೇಲೆ 72 ವರ್ಷದ ಅಜ್ಜಿಗೆ ಕೊರೊನಾ ಇದ್ದಿದ್ದು ಇದೀಗ ದೃಢವಾಗಿದೆ. ಕೊರೊನಾ ದೃಢವಾಗಿರೋ ವಿಚಾರ ಸದ್ಯ ಅಜ್ಜಿಯ ಕುಟುಂಬಸ್ಥರಿಗೆ ಆತಂಕವನ್ನ ಮೂಡಿಸಿರೋದು. ನಗರದ ಹೊರವಲಯದ ರಾಮನಹಳ್ಳಿಯ ಏರಿಯಾವನ್ನ ಈಗಾಗಲೇ ಸೀಲ್ ಡೌನ್ ಮಾಡಲಾಗಿದ್ದು, ಆ ಏರಿಯಾದ ಜನರು ಇದೀಗ ಹೊರಗಡೆ ಓಡಾಡದಂತೆ ಸೂಚಿಸಲಾಗಿದೆ. ಕೆಲ ದಿನಗಳಿಂದ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದ ಅಜ್ಜಿಯನ್ನ ಕುಟುಂಬಸ್ಥರು ಆರೈಕೆ ಮಾಡಿದ್ರು. ಹಲವರು ಸಂಬಂಧಿಕರು ಬಂದು ಅಜ್ಜಿಯ ಆರೋಗ್ಯವನ್ನ ವಿಚಾರಿಸಿಕೊಂಡು ಹೋಗಿದ್ರು. ಆದ್ರೆ ಕುಟುಂಬಸ್ಥರ ಅಜ್ಜಿಯನ್ನ ಬದುಕಿಸೋ ಪ್ರಯತ್ನ ಮಾಡಿದ್ರೂ ಸಾಧ್ಯವಾಗದೇ ಅಜ್ಜಿ ಮನೆಯಲ್ಲೇ ಸಾವನ್ನಪ್ಪಿದ್ರು. ಕೊನೆಗೆ ಆರೋಗ್ಯ ಇಲಾಖೆ ಸಿಬ್ಬಂದಿಗಳು ಮೃತ ಅಜ್ಜಿಯ ಸ್ವಾಬ್ ತೆಗೆದು ಲ್ಯಾಬ್ ಗೆ ಪರೀಕ್ಷೆಗೆ ಕಳುಹಿಸಿದ್ರು. ನಿನ್ನೆ ಬಂದಿರೋ ವರದಿ ಅಜ್ಜಿಯ ಸಂಬಂಧಿಕರು ಸೇರಿದಂತೆ ನೆರೆಹೊರೆಯವರಿಗೂ ಆತಂಕ ತಂದೊಡ್ಡಿದೆ..

ಅಜ್ಜಿಯ ವರದಿಯನ್ನ ಎದುರು ನೋಡ್ತಿದ್ದ ಆರೋಗ್ಯ ಇಲಾಖೆ ಮೃತ ಅಜ್ಜಿಗೆ ಕೊರೊನಾ ಇರೋದು ದೃಢವಾದ ಮೇಲೆ ಅಜ್ಜಿಯ ಸಂಪರ್ಕದಲ್ಲಿದ್ದ ಕುಟುಂಬಸ್ಥರು, ಸಂಬಂಧಿಕರ ಪರೀಕ್ಷೆಯನ್ನ ಮಾಡಿಸಿದೆ. ಅಜ್ಜಿಯ ಸಂಪರ್ಕದಲ್ಲಿದ್ದ ಪ್ರತಿಯೊಬ್ಬರ ಸ್ವಾಬ್ ಕೂಡ ತೆಗೆಯಲಾಗಿದ್ದು, ಸದ್ಯ ವರದಿಗಾಗಿ ಜಿಲ್ಲಾಡಳಿತ ಸೇರಿದಂತೆ ಕುಟುಂಬಸ್ಥರು ಕೂಡ ಆತಂಕದಿಂದಲೇ ಎದುರು ನೋಡ್ತಿದ್ದಾರೆ.

ಹೀಗೆ ಒಂದ್ಕಡೆ ಕಾಫಿನಾಡಿನಲ್ಲಿ ಸೋಂಕಿತರ ಸಂಖ್ಯೆ ದಿನೇ ದಿನೇ ಹೆಚ್ಚಾಗ್ತಲೇ ಇದೆ. ಸದ್ಯ 155 ಸೋಂಕಿತರು ಜಿಲ್ಲೆಯಲ್ಲಿದ್ದು, ಅದರಲ್ಲಿ 56 ಕೇಸ್ಗಳು ಸಕ್ರಿಯವಾಗಿದ್ರೆ, ಅದರಲ್ಲಿ ಕ್ರೂರಿ ಕೊರೊನಾಗೆ ಆರು ಮಂದಿ ಬಲಿಯಾಗಿದ್ದಾರೆ. ಈ ನಡುವೆ ಕೊರೊನಾದಿಂದ ಮೃತಪಡುವವರ ಸಂಖ್ಕೆಯೂ ಕೂಡ ಜನರಲ್ಲಿ ಭಯ ಹುಟ್ಟಿಸಿದೆ. ಅದರಲ್ಲೂ ಮೃತಪಟ್ಟ ಅಜ್ಜಿಯ ಪ್ರಕರಣ ಅಂತ್ಯಸಂಸ್ಕಾರವಾದ 2 ದಿನದ ಬಳಿಕ ಜಿಲ್ಲಾಡಳಿತದ ಕೈ ಸೇರಿದ್ದು, ಅಜ್ಜಿಯಿಂದ ಮತ್ತೆಷ್ಟು ಜನರಿಗೆ ಕೊರೊನಾ ಬರಬಹುದು ಅನ್ನೋ ಅತಂಕ ಸ್ಥಳೀಯರಲ್ಲಿ ಮನೆಮಾಡಿದೆ…

ಸಚಿನ್ ಶೆಟ್ಟಿ ಪವರ್ ಟಿವಿ ಚಿಕ್ಕಮಗಳೂರು…

LEAVE A REPLY

Please enter your comment!
Please enter your name here

- Advertisment -

Most Popular

ಸಚಿವ ಡಾ.‌ಸುಧಾಕರ್ ಕಾರಿಗೆ ಕಪ್ಪು ಬಟ್ಟೆ ಪ್ರದರ್ಶನ ಮಾಡಿ ಕರವೇ ಕಾರ್ಯಕರ್ತರ ಆಕ್ರೋಶ

ಹುಬ್ಬಳ್ಳಿ : ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಸುಧಾಕರ್​ಗೆ ಕರವೇ ಕಾರ್ಯಕರ್ತರು ಕಪ್ಪು ಬಟ್ಟೆ ತೋರಿಸಿ, ಘೇರಾವ್ ಹಾಕಿದ ಘಟನೆ  ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಯ ಆವರಣದಲ್ಲಿ ನಡೆದಿದೆ. ಕರವೇ  ರಾಜ್ಯಾಧ್ಯಕ್ಷ ನಾರಾಯಣಗೌಡ ಯಾರು ನನಗೆ...

‘ಡಿ.ಸಿ. ಕಚೇರಿ ಮುಂದೆ ವಿದ್ಯಾರ್ಥಿಗಳ ಪ್ರತಿಭಟನೆ’

ಶಿವಮೊಗ್ಗ: ವಿದ್ಯಾರ್ಥಿ ವೇತನವೂ ಸೇರಿದಂತೆ, ವಿದ್ಯಾರ್ಥಿಗಳ ಸಮಸ್ಯೆಗಳನ್ನು ಕೂಡಲೇ ಪರಿಹರಿಸಬೇಕು ಎಂದು ಆಗ್ರಹಿಸಿ, ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್(ಎಬಿವಿಪಿ) ನೇತೃತ್ವದಲ್ಲಿ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸಿದ್ದಾರೆ.  ಇಂದು ಜಿಲ್ಲಾಧಿಕಾರಿಗಳ ಕಚೇರಿ ಮುಂಭಾಗ ಧರಣಿ ನಡೆಸಿ,...

ಕೊರೋನಾ ಲಸಿಕೆ ಪಡೆದಿದ್ದ ವ್ಯಕ್ತಿ ಸಾವು: ಸಾವಿಗೆ ಲಸಿಕೆ ಕಾರಣವಲ್ಲ ಎಂದ ಜಿಲ್ಲಾಡಳಿತ

ಬಳ್ಳಾರಿ: ಕೊರೋನಾ ಲಸಿಕೆ ಪಡೆದಿದ್ದ ವ್ಯಕ್ತಿಯೋರ್ವ ಸಾವಿಗೀಡಾದ ಘಟನೆ ಬಳ್ಳಾರಿ ಜಿಲ್ಲೆಯಲ್ಲಿ ತಡವಾಗಿ ಬೆಳಕಿಗೆ ಬಂದಿದೆ. ಕೊರೋನಾ ಲಸಿಕೆ ಪಡೆದ ಎರಡು ದಿನಗಳಲ್ಲಿ ವ್ಯಕ್ತಿ ಮೃತಪಟ್ಟಿದ್ದಾನೆ. ಬಳ್ಳಾರಿ ಜಿಲ್ಲೆಯ ಸಂಡೂರು ತಾಲೂಕಿನ ನಾಗರಾಜ್...

ನಿರಂತರ ಜ್ಯೋತಿ ಯೋಜನೆಯಲ್ಲಿ ಅವ್ಯವಹಾರ: ಕೆ.ಎಸ್. ಈಶ್ವರಪ್ಪ

ಶಿವಮೊಗ್ಗ: ಗ್ರಾಮೀಣ ಪ್ರದೇಶಗಳಲ್ಲಿ ಮನೆಗಳಿಗೆ ನಿರಂತರ ವಿದ್ಯುತ್ ಸಂಪರ್ಕ ಕಲ್ಪಿಸುವ ನಿರಂತರ ಜ್ಯೋತಿ ಯೋಜನೆ ಅನುಷ್ಠಾನದಲ್ಲಿ ಜಿಲ್ಲೆಯಲ್ಲಿ ಅವ್ಯವಹಾರ ನಡೆದಿರುವುದು ಮೇಲ್ನೋಟಕ್ಕೆ ಕಂಡು ಬಂದಿದ್ದು, ಈ ಕುರಿತು ಸೂಕ್ತ ಕ್ರಮ ಜರುಗಿಸಿ ಎಂದು...

Recent Comments