ಬೆಂಗಳೂರು: ಲಾಕ್ಡೌನ್ 5.O ನಲ್ಲಿ ಕೇಂದ್ರ ಸರ್ಕಾರ ಹೊರಡಿಸಿರುವ ನಿಯಮಗಳಲ್ಲಿ ಹಲವಾರು ಸಡಿಲಿಕೆಯನ್ನು ಮಾಡಿದ್ದು, ಶಾಪಿಂಗ್ ಮಾಲ್ಗಳನ್ನು ಓಪನ್ ಮಾಡಲು ಅವಕಾಶ ನೀಡಿದೆ. ಈ ನಿಯಮ್ಮವನ್ನೇ ರಾಜ್ಯ ಸರ್ಕಾರಗಳು ಪಾಲಿಸುತ್ತಿದ್ದು, ಬೆಂಗಳೂರಿನಲ್ಲೂ ಜೂನ್ 8 ರಿಂದ ಮಾಲ್ಗಳನ್ನು ಓಪನ್ ಮಾಡಲು ಭರ್ಜರಿ ಸಿದ್ಧತೆ ನಡೆಲಾಗುತ್ತಿದೆ.
ಕೇಂದ್ರದಿಂದ ಹೊರಡಿಸಿರುವ ನಿಯಮದ ಪ್ರಕಾರವೇ ಸಿಲಿಕಾನ್ ಸಿಟಿಯಲ್ಲಿ ಸೋಮವಾರದಿಂದಲೇ ಶಾಪಿಂಗ್ ಮಾಲ್ಗಳು ಓಪನ್ ಆಗುತ್ತಿದೆ. ಕೇಂದ್ರದಿಂದ ಹೊರಡಿಸರುವ ಹೊಸ ಮಾರ್ಗಸೂಚಿಗಳು ಈ ಕೆಳಗಿನಂತಿವೆ.
- ಮಾಸ್ಕ್, ಸ್ಯಾನಿಟೈಸರ್ ಹಾಗೂ ಥರ್ಮಲ್ ಸ್ಕ್ರೀನಿಂಗ್ ಕಡ್ಡಾಯ
- ಎಲ್ಲೆಡೆ ಸಾಮಾಜಿಕ ಅಂತರ ಇರಬೇಕು, ಇದರ ನಿಗಾ ವಹಿಸಲು ಸಿಬ್ಬಂದಿ ಇರಬೇಕು
- ಸಾಮಾಜಿಕ ಅಂತರಕ್ಕಾಗಿ ಮಾರ್ಕಿಂಗ್, ಪ್ರವೇಶ, ನಿರ್ಗಮನಕ್ಕೆ ಪ್ರತ್ಯೇಕ ದ್ವಾರ
- ಅಂಗಡಿಗಳ ಒಳಗೆ ಸಾಧ್ಯವಾದಷ್ಟು ಕಡಿಮೆ ಗ್ರಾಹಕರಿರುವಂತೆ ನಿಗಾ
- ಲಿಫ್ಟ್ನಲ್ಲೂ ಅಂತರವಿರಬೇಕು. ಎಸ್ಕಲೇಟರ್ನಲ್ಲಿ ಪ್ರತಿ ಎರಡು ಮೆಟ್ಟಿಲಿಗೆ ಒಬ್ಬರು ನಿಲ್ಲಬೇಕು
- ಎಸಿ ತಾಪಮಾನ 24 ರಿಂದ 30 ಡಿಗ್ರಿ ಇರಬೇಕು ಶುದ್ಧ ಗಾಳಿ ಒಳಗೆ ಬರುವಂತೆ ಇರಬೇಕು
- ಭಾರಿ ಸಂಖ್ಯೆಯಲ್ಲಿ ಜನ ಸೇರಬಾರದು. ಎಲ್ಲೆಡೆ ನೈರ್ಮಲ್ಯ ಕಾಪಾಡಬೇಕು
- ಶೌಚಾಲಯವನ್ನು ಶುಚಿಗೊಳಿಸಬೇಕು
- ಫುಡ್ಕೋರ್ಟ್ ರೆಸ್ಟೋರೆಂಟ್ಗಳಲ್ಲಿ, 50%ಕ್ಕಿಂತ ಹೆಚ್ಚಿಗೆ ಜನರು ಇರುವಂತಿಲ್ಲ
- ಕ್ಯಾಶ್ ಬದಲು ಡಿಜಿಟಲ್ ಪಾವತಿ ಸೇವೆಗೆ ಹೆಚ್ಚಿನ ಆದ್ಯತೆ
- ಗೇಮ್ ಮತ್ತು ಮಕ್ಕಳ ಆಟದ ಸ್ಥಳಗಳು, ಮಾಲ್ ಒಳಗಿನ ಮಲ್ಟಿಪ್ಲೆಕ್ಸ್ಗೆ ಅವಕಾಶವಿಲ್ಲ
