ಕೊರೋನಾ ಬಳಿಕ ಷೇರುಪೇಟೆಯನ್ನು ನಡುಗಿಸಿದ ‘YES’ ವೈರಸ್..!

0
438

ಮುಂಬೈ : ಕೋರೋನಾ ವೈರಸ್​​ನ ಹೊಡೆತದಿಂದ ಚೇತರಿಸಿಕೊಳ್ಳುವ ಮುನ್ನವೇ ಭಾರತದ ಷೇರುಪೇಟೆಗೆ ಮತ್ತೊಂದು ಹೊಡೆತ ಬಿದ್ದಿದೆ. Yes Bankನ ಹಣಕಾಸಿನ ಬಿಕ್ಕಟ್ಟು ಬಹಿರಂಗವಾಗುತ್ತಿದ್ದಂತೆ ಭಾರತದ ಷೇರುಪೇಟೆ ಸೂಚ್ಯಂಕ ಪಾತಾಳಕ್ಕೆ ಕುಸಿದಿದೆ. ಹೂಡಿಕೆದಾರರು ಒಂದೇ ಒಂದು ನಿಮಿಷದಲ್ಲಿ 4 ಲಕ್ಷ ಕೋಟಿ ರೂಗಳಷ್ಟು ನಷ್ಟ ಅನುಭವಿಸಿದ್ದಾರೆ.

ಬಿಎಸ್​ಇ ಸೆನ್ಸೆಕ್ಸ್​ ಮತ್ತು ಎನ್ಎಸ್​ಇ ನಿಫ್ಟಿ ಸೂಚ್ಯಂಕ ಪಾತಾಳಕ್ಕೆ  ಹೋಗಿದೆ.  ಇಂದಿನ ಬೆಳಗಿನ ವಹಿವಾಟಿನಲ್ಲಿ ಸೆನ್ಸೆಕ್ಸ್​ 1,400 ಪಾಯಿಂಟ್​ ಕಳೆದುಕೊಂಡಿದ್ದರೆ, ನಿಫ್ಟಿ  11 ಸಾವಿರ ಅಂಕಗಳವರೆಗೆ ಇಳಿದಿದೆ. Yes Bank ಷೇರು ಮೌಲ್ಯವೂ ಕುಡಾ ಪಾತಾಳಕ್ಕೆ ಇಳಿದಿದ್ದು, ಶೇ.57 ರಷ್ಟು ಕುಸಿತ ಕಂಡಿದೆ.

ಸೆನ್ಸೆಕ್ಸ್​ ಸೂಚ್ಯಂಕ ಸದ್ಯ 37,509.07 ಅಂಕಗಳ ಮಟ್ಟಕ್ಕೆ ಬಂದು ನಿಂತಿದ್ದು, ನಿಫ್ಟಿ 10,971.75ಕ್ಕೆ ಇಳಿದಿದೆ. Yes Bank ಮತ್ತು ಇನ್ನು ಕೆಲವು ಹಣಕಾಸು ಸಂಸ್ಥೆಗಳ ಷೇರುಗಳು ಕಡಿಮೆ ಬೆಲೆಗೆ ಮಾರಾಟವಾಗುತ್ತಿವೆ. ಇನ್ನುಳಿದಂತೆ ಎಸ್​ಬಿಐ, ಬಜಾಜ್​ ಫಿನಾನ್ಸ್​,  ಆ್ಯಕ್ಸಿಸ್​ ಬ್ಯಾಂಕ್ , ನಷ್ಟ ಅನುಭವಿಸುತ್ತಿದೆ.  ಟಾಟಾ ಸ್ಟೀಲ್ ಮತ್ತು ಇನ್ನು ಹಲವಾರು ಸಂಸ್ಥೆಗಳ ಷೇರುಗಳ ಬೆಲೆಯೂ ಕುಸಿದಿದೆ.

 

LEAVE A REPLY

Please enter your comment!
Please enter your name here