ಮಹಿಳೆಯರಿಗಾಗಿ `ಸಖಿ’ ಮತಗಟ್ಟೆ! ಏನಿದರ ವಿಶೇಷ?

ಬೆಂಗಳೂರು: 15 ಕ್ಷೇತ್ರಗಳಲ್ಲಿ ಚುನಾವಣೆ ನಡೆಯುತ್ತಿದ್ದು, ಎಲ್ಲಾ ಮತಗಟ್ಟೆಗಳಲ್ಲಿ ಸಖಿ ಮತಗಟ್ಟೆಯನ್ನು ನಿರ್ಮಿಸಲಾಗಿದೆ. ಮಹಿಳೆಯರು ಹೆಚ್ಚಿರುವ ಕ್ಷೇತ್ರದಲ್ಲಿ ಈ ಮತಗಟ್ಟೆಯನ್ನು ಸ್ಥಾಪಿಸಲಾಗಿದ್ದು,  ಇನ್ನೂ ವಿಶೇಷವೆಂದ್ರೆ ಈ ಮತಗಟ್ಟೆಗಳಲ್ಲಿ ಸಿಬ್ಬಂದಿ, ಅಧಿಕಾರಿಗಳೆಲ್ಲರೂ ಮಹಿಳೆಯರೇ ಆಗಿದ್ದಾರೆ. ಇಲ್ಲಿ ಗುರುತಿನ  ಚೀಟಿ, ಹೆಸರು,ಭಾವಚಿತ್ರ, ಬೆರಳಿಗೆ ಶಾಹಿ ಹಚ್ಚುವುದು ಹಾಗೂ ಇವಿಎಂ ಇವೆಲ್ಲದರ ನಿರ್ವಹಣೆಯನ್ನು ಮಹಿಳೆಯರೇ ನೋಡಿಕೊಳ್ಳುತ್ತಾರೆ. ಕಳೆದ ವಿಧಾನಸಭಾ ಚುನಾವಣೆಯಲ್ಲಿಯೂ 700 ಕ್ಕೂ ಹೆಚ್ಚು ಈ ರೀತಿಯ ಸಖಿ ಮತಗಟ್ಟೆಗಳನ್ನು ರೂಪಿಸಲಾಗಿತ್ತು.