ಟೆಸ್ಟ್​​ನಲ್ಲೂ ಹಿಟ್​ಮ್ಯಾನ್​ ರೋಹಿತ್​ ಓಪನರ್..?

0
223

ನವದೆಹಲಿ : ಆರಂಭಿಕ ಆಟಗಾರನಾಗಿ ಟಿ20, ಒಡಿಐನಲ್ಲಿ ಕ್ಲಿಕ್ ಆಗಿರುವ ಹಿಟ್​​ಮ್ಯಾನ್ ರೋಹಿತ್ ಶರ್ಮಾ ಟೆಸ್ಟ್​ನಲ್ಲೂ ಓಪನರ್ ಆಗಿ ಕಣಕ್ಕಿಳಿಯುವ ಸಾದ್ಯತೆ ಹೆಚ್ಚಿದೆ.
ಕನ್ನಡಿಗ ಕೆ.ಎಲ್​ ರಾಹುಲ್ ಓಪನರ್ ಆಗಿ ಟೆಸ್ಟ್​ನಲ್ಲಿ ರನ್​ ಕಲೆಹಾಕಲು ಮತ್ತೆ ಮತ್ತೆ ಎಡವುತ್ತಿದ್ದಾರೆ. ರಾಹುಲ್​ ಕ್ರೀಸ್​ನಲ್ಲಿ ಗಟ್ಟಿಯಾಗಿ ನೆಲೆನಿಂತು ತಂಡಕ್ಕೆ ಉತ್ತಮ ಅಡಿಪಾಯ ಹಾಕಲು ವಿಫಲರಾಗ್ತಿರುವ ಹಿನ್ನೆಲೆಯಲ್ಲಿ ಶರ್ಮಾ ಅವರನ್ನು ಆರಂಭಿಕರಾಗಿ ಕಣಕ್ಕಿಳಿಸಲು ಚಿಂತನೆ ನಡೆದಿದೆ ಅಂತ ಬಿಸಿಸಿಐ ಮುಖ್ಯ ಆಯ್ಕೆದಾರ ಎಂಎಸ್​ಕೆ ಪ್ರಸಾದ್​ ತಿಳಿಸಿದ್ದಾರೆ.
ವಿಂಡೀಸ್​ ವಿರುದ್ಧದ ಎರಡು ಟೆಸ್ಟ್​ ಮ್ಯಾಚ್​ಗಳ ನಾಲ್ಕು ಇನ್ನಿಂಗ್ಸ್​​​ಗಳಲ್ಲಿ ಕ್ರಮವಾಗಿ 44, 38, 13 ಮತ್ತು 6ರನ್​ಗಳನ್ನು ಮಾತ್ರ ಗಳಿಸಿದ್ದರು. ಆದ್ದರಿಂದ ಉತ್ತಮ ಫಾರ್ಮ್​ನಲ್ಲಿರುವ ರೋಹಿತ್ ಶರ್ಮಾ ಅವರಿಗೆ ಮಣೆ ಹಾಕುವ ಬಗ್ಗೆ ಚಿಂತನೆ ನಡೆದಿದೆ. ವಿಂಡೀಸ್ ವಿರುದ್ಧ ಟೆಸ್ಟ್​ಗೆ ರೋಹಿತ್ ಆಯ್ಕೆಯಾಗಿದ್ದರೂ ಆಡುವ 11ರ ಬಳಗದಲ್ಲಿರಲಿಲ್ಲ.

LEAVE A REPLY

Please enter your comment!
Please enter your name here