Home P.Special ಶಿವಮೊಗ್ಗಕ್ಕೂ ಬಂದೆ ಬಿಟ್ಟಳು ರೋಬೋಟ್​ ವೈಟರ್​..!

ಶಿವಮೊಗ್ಗಕ್ಕೂ ಬಂದೆ ಬಿಟ್ಟಳು ರೋಬೋಟ್​ ವೈಟರ್​..!

ಅಲ್ಲಿ ನೀವು ಕುಳಿತಲ್ಲಿಗೆ ರೋಬೋಟ್ ಬರುತ್ತೆ. ನೀವು ಆರ್ಡರ್ ಮಾಡಿದ ತಿಂಡಿ-ತಿನಿಸುಗಳನ್ನು ನಿಮ್ಮಲ್ಲಿಗೆ ತಂದು ನೀಡುತ್ತೆ. ರೋಬೋಟ್ ಕೈಯಲ್ಲಿರುವ ಗುಂಡಿಯನ್ನ ಒತ್ತಿದ ಕೂಡಲೇ ಥ್ಯಾಂಕ್ಸ್ ಹೇಳಿ ಮುಂದೆ ಸಾಗತ್ತೆ. ಇದೇನಪ್ಪ ಅನ್ಕೊಂಡ್ರಾ!? ಇದು ಶಿವಮೊಗ್ಗದಲ್ಲಿರುವ ಹೋಟೆಲ್​​​ವೊಂದರಲ್ಲಿ ರೋಬೋಟ್ ಕಾರ್ಯನಿರ್ವಹಿಸುತ್ತಿರುವ ಶೈಲಿ.
‘ಹಲೋ, ಹಾಯ್, ನಮಸ್ಕಾರ, ನಮ್ಮ ಉಪಹಾರ ದರ್ಶಿನಿಗೆ ಸ್ವಾಗತ. ನಿಮ್ಮ ಆರ್ಡರ್ ನನ್ನ ಕೈಯಲ್ಲಿದೆ. ತೆಗೆದುಕೊಳ್ಳಿ. ನಂತರ ನನ್ನ ಕೈ ಬಳಿ ಇರುವ ಗುಂಡಿಯನ್ನ ಒತ್ತಿ’..! ಈ ರೀತಿ ಹೇಳುತ್ತಾ ಒಂದು ಗೊಂಬೆ ಬಂದು ನೀರು, ತಿಂಡಿ, ತಿನಿಸುಗಳನ್ನ ನೀಡಿ, ನಂತರ ಥ್ಯಾಂಕ್ಸ್ ಹೇಳಿ ಹೋಗುತ್ತೆ.
ಶಿವಮೊಗ್ಗದ ವಿನೋಬನಗರದ ಪೊಲೀಸ್ ಚೌಕಿಯಲ್ಲಿರುವ ಉಪಹಾರ ದರ್ಶಿನಿಯಲ್ಲಿ ಈ ರೋಬೋಟ್​​​ ವೈಟರ್​​ ಇದ್ದಾಳೆ. ಗ್ರಾಹಕರ ಸೇವೆಗಾಗಿ, ರೋಬೋಟ್ ಬಳಕೆ ಮಾಡಿಕೊಳ್ಳಲಾಗುತ್ತಿದ್ದು, ಪ್ರಮುಖ ಆಕರ್ಷಣೆಯ ಕೇಂದ್ರ ಬಿಂದುವಾಗಿದೆ.
ಶಿವಮೊಗ್ಗ ಮಾತ್ರವಲ್ಲದೇ, ರಾಜ್ಯದಲ್ಲಿಯೇ ಪ್ರಥಮ ಮತ್ತು ದೇಶದಲ್ಲಿಯೇ ಎರಡನೆಯ ರೋಬೋಟ್​​​ ವೈಟರ್ ಈ ಉಪಹಾರ ದರ್ಶಿನಿಯ ಹೊಸ ಸಪ್ಲೈಯರ್.
ಶಿವಮೊಗ್ಗದಲ್ಲೀಗ ಈ ರೋಬೋಟ್​ ವೈಟರ್ ಮನೆ ಮಾತಾಗಿದೆ. ಈ ರೋಬೋಟ್​ನ ಬ್ಯಾಟರಿಯನ್ನು 2 ಗಂಟೆಗಳ ಕಾಲ ಚಾರ್ಜ್ ಮಾಡಿದರೆ, ಸುಮಾರು 3 ದಿನಗಳ ಕಾಲ ಸೇವೆ ನೀಡಲಿದೆ. ಕುಡಿಯಲು ನೀರು ಸೇರಿದಂತೆ, ಯಾವುದೇ ತಿನಿಸುಗಳನ್ನು ಆರ್ಡರ್ ಮಾಡಿದಲ್ಲಿ, ಅದನ್ನು ಟೇಬಲ್ ಗೆ ತಂದು ನೀಡಲಿದೆ. ಅಲ್ಲದೇ ಸೇವೆ ಪೂರೈಸಿದ ಬಳಿಕ ಕೈ ಬಳಿ ಇರುವ ಗುಂಡಿ ಒತ್ತಿದರೆ, ಥ್ಯಾಂಕ್ಸ್ ಹೇಳಿ ಮುಂದಿನ ಟೇಬಲ್ ಗೆ ತೆರಳಿ ಅಲ್ಲಿನ ಆರ್ಡರ್ ಪೂರೈಸತ್ತೆ.

ಸುಮಾರು 6-7 ಕೆ.ಜಿ. ವರೆಗೂ ತೂಕವನ್ನು ತಡೆಯುವ ಸಾಮರ್ಥ್ಯ ಹೊಂದಿರುವ ಈ ರೋಬೋಟ್ ಚಲನೆಗೆ, ಮೊಬೈಲ್ ಆ್ಯಪ್ ಕೂಡ ಸಿದ್ಧಪಡಿಸಲಾಗಿದ್ದು, ಈ ಆ್ಯಪ್ ಮೂಲಕ, ರಿಮೋಟ್ ಕಂಟ್ರೋಲ್​​ನಿಂದ ರೋಬೋಟ್ ನಿಯಂತ್ರಿಸಬಹುದಾಗಿದೆ.
ಇನ್ನು ಈ ಚೈನಾ ನಿರ್ಮಿತ, ರೋಬೊಟ್ ನ್ನು, ಸುಮಾರು 6 ಲಕ್ಷ ರೂ. ವೆಚ್ಚದಲ್ಲಿ, ಶಿವಮೊಗ್ಗಕ್ಕೆ, ಆಂಧ್ರದ ವಿಜಯವಾಡದ ಮೂಲಕ ತರಿಸಿಕೊಳ್ಳಲಾಗಿದೆ. ಇತ್ತೀಚಿನ ದಿನಗಳಲ್ಲಿ, ಹೊಟೆಲ್​​ಗಳಲ್ಲಿ, ಗ್ರಾಹಕರಿಗೆ ಸೇವೆ ನೀಡಲು ಸಿಬ್ಬಂದಿ ಕೊರತೆ ಇರೋದ್ರಿಂದ ಲಾಭದಾಯಕ ಉದ್ಯಮವಾಗಿದ್ದರೂ, ಕೆಲವು ಹೋಟೆಲ್ ಗಳು ಮುಚ್ಚಿ ಹೋಗುತ್ತಿವೆ. ಹೋಟೆಲ್​ಗಳಲ್ಲಿ ಸಪ್ಲೆಯರ್ ಹುದ್ದೆ ಖಾಲಿ ಇದ್ದರೂ ಸಹ ಯುವ ಪೀಳಿಗೆ ಮುಂದೆ ಬರುತ್ತಿಲ್ಲ. ಹೀಗಾಗಿ, ಹಲವಾರು ಹೋಟೆಲ್ ಗಳಲ್ಲಿ ಸ್ವ-ಸಹಾಯ ಪದ್ದತಿ ಜಾರಿಯಲ್ಲಿದೆ. ಅದರಂತೆ, ಈ ಹೋಟೆಲ್​ನಲ್ಲಿ, ರೋಬೋಟ್ ಸೇವೆಯನ್ನು ಪ್ರಾಯೋಗಿಕವಾಗಿ ಚಾಲನೆ ಮಾಡಲಾಗಿದ್ದು, ಇದನ್ನ ನೋಡಲು ಮತ್ತು ಇದರ ಸೇವೆ ಪಡೆಯಲು ಜನರು ಬರುತ್ತಿದ್ದು, ರೋಬೋಟ್​ನ ಸೇವೆಯನ್ನ ಬಿಂದಾಸ್ ಆಗಿ ಎಂಜಾಯ್ ಮಾಡುತ್ತಿದ್ದು, ತಿಂಡಿ, ಊಟದ ನಂತರ ರೋಬೋಟ್ ಜೊತೆ ಸೆಲ್ಫಿ ತೆಗೆದುಕೊಂಡು ಸಕತ್ ಖುಷಿ ಪಡುತ್ತಿದ್ದಾರೆ.
ಒಟ್ಟಿನಲ್ಲಿ ಶಿವಮೊಗ್ಗ ನಗರದಲ್ಲಿ, ಮೊದಲ ಬಾರಿಗೆ ರೋಬೋಟ್ ವೊಂದು, ಹೋಟೆಲ್​ನಲ್ಲಿ ಸೇವೆ ನೀಡುತ್ತಿರುವುದರಿಂದ ಪುಟ್ಟ ಮಕ್ಕಳು ಸೇರಿದಂತೆ, ಗ್ರಾಹಕರ ಆಕರ್ಷಣೆಯ ಕೇಂದ್ರಬಿಂದುವಾಗಿದೆ. ಇತ್ತ ಹೊಟೆಲ್ ಗೆ ಆಗಮಿಸುವ ಗ್ರಾಹಕರು ಕೂಡ ಈ ರೋಬೋಟ್ ನ ವಿಶೇಷತೆ ಕಂಡು ಪುಳಕಿತರಾಗುತ್ತಿದ್ದಾರೆ.

– ಗೋ.ವ. ಮೋಹನಕೃಷ್ಣ, ಶಿವಮೊಗ್ಗ

LEAVE A REPLY

Please enter your comment!
Please enter your name here

- Advertisment -

Most Popular

ದೇಶದಲ್ಲಿ  24 ಗಂಟೆಗಳಲ್ಲಿ 48,648 ಕೊರೋನಾ ಕೇಸ್ ಪತ್ತೆ!

ನವದೆಹಲಿ : ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 48,648 ಮಂದಿಯಲ್ಲಿ ಕೊರೋನಾ ಸೋಂಕು ಪತ್ತೆಯಾಗಿದೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 80,88,851ಕ್ಕೆ ತಲುಪಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ...

 ಸಿನಿಮೀಯ ರೀತಿಯಲ್ಲಿ ನಗರಸಭೆ ಸದಸ್ಯ ಕಿಡ್ನಾಪ್​!

ಕೊಪ್ಪಳ : ಸಿನಿಮೀಯ ರೀತಿಯಲ್ಲಿ ನಗರಸಭೆ ಸದಸ್ಯನನ್ನು ಕಿಡ್ನಾಪ್ ಮಾಡಲಾಗಿದೆ. ಕಿಡ್ನಾಪ್​ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಕೊಪ್ಪಳ ಜಿಲ್ಲೆಯ ಗಂಗಾವತಿಯಲ್ಲಿ ನವೆಂಬರ್ 2 ರಂದು ನಗರಸಭೆ ಚುನಾವಣೆ ನಡೆಯಲಿದ್ದು, ಗಂಗಾವತಿ ನಗರಸಭೆ ಕಾಂಗ್ರೆಸ್ ಸದಸ್ಯ...

ಅಲಹಬಾದ್​ ಹೈಕೋರ್ಟ್ ನಿಗಾದಲ್ಲಿ ಹತ್ರಾಸ್​ ಗ್ಯಾಂಗ್ ರೇಪ್​ ಕೇಸ್ ತನಿಖೆಗೆ ಸುಪ್ರೀಂ ಆದೇಶ

ನವದೆಹಲಿ : ಉತ್ತರ ಪ್ರದೇಶ ಹತ್ರಾಸ್​​​​ ಗ್ಯಾಂಗ್​ ರೇಪ್​​ ಪ್ರಕರಣದ ತನಿಖೆ ಅಲಹಬಾದ್​ ಹೈಕೋರ್ಟ್​ ನಿಗಾದಲ್ಲಿ ನಡೆಯಬೇಕೆಂದು ಸುಪ್ರೀಂ ಕೋರ್ಟ್​ ಆದೇಶಿಸಿದೆ. ಸದ್ಯ ಸಿಬಿಐ ಪ್ರಕರಣದ ತನಿಖೆಯನ್ನು ನಡೆಸುತ್ತಿದ್ದು, ತನಿಖಾ ತಂಡದಲ್ಲಿರುವ ಅಧಿಕಾರಿಗಳನ್ನು ರಾಜ್ಯದಿಂದ...

ಡಿ.ಬಾಸ್​​ಗಾಗಿ ಕನ್ನಡ ಕಲಿತ ಜಗಮಪತಿ ಬಾಬು..!

ಸಾಲ್ಟ್ ಅಂಡ್ ಪೆಪ್ಪರ್ ಲುಕ್​ನಲ್ಲಿ ಸೌತ್​ನಲ್ಲಿ ಸಂಚಲನ ಸೃಷ್ಠಿಸಿರೋ ಜಗಪತಿ ಬಾಬು, ಮತ್ತೊಂದು ನೂತನ ದಾಖಲೆ ಬರೆದಿದ್ದಾರೆ. ಅದೂ ಡಿ ಬಾಸ್ ದರ್ಶನ್​ಗಾಗಿ ಅನ್ನೋದು ವಿಶೇಷ. ಇಷ್ಟಕ್ಕೂ ಮೋಸ್ಡ್ ಡಿಮ್ಯಾಂಡಿಂಗ್ ಜಗಪತಿ ಬಾಬು...

Recent Comments