ನಿಮ್ಮ ಬಲಿದಾನವನ್ನು ದೇಶ ಎಂದೂ ಮರೆಯದು : ಮೋದಿಯಿಂದ ಭಗತ್ ಸಿಂಗ್, ರಾಜ್​ಗುರು, ಸುಖದೇವ್ ಸ್ಮರಣೆ

0
223

ನವದೆಹಲಿ: ಇಂದು  ಕ್ರಾಂತಿಕಾರಿ ಸ್ವಾತಂತ್ರ್ಯ ಹೋರಾಟಗಾರರಾದ ಭಗತ್ ಸಿಂಗ್, ಸುಖ್​ದೇವ್ ಹಾಗೂ ರಾಜಗುರು ಹುತಾತ್ಮರಾದ ದಿನ. ಈ ಅಪ್ರತಿಮ ಸೇನಾನಿಗಳನ್ನು 1931ರ ಈ ದಿನ, ಅಂದ್ರೆ ಮಾರ್ಚ್​ 23ರಂದು ಗಲ್ಲಿಗೇರಿಸಲಾಯಿತು. ಈ ದಿನವನ್ನು ಬಲಿದಾನ್ ದಿವಸ್ ಎಂದು ಆಚರಿಸಲಾಗುತ್ತದೆ.

ಬ್ರಿಟಿಷರನ್ನು ಸಿಂಹಸ್ವಪ್ನವಾಗಿ ಕಾಡಿದ ಆ ಮೂವರು ನಗುತ್ತಲೇ ನೇಣುಗಂಬಕ್ಕೇರಿದ್ದರು. ಅವರ ಧೈರ್ಯ, ಸಾಹಸ, ಅಪ್ರತಿಮ ದೇಶಭಕ್ತಿಗೆ ಇಡೀ ದೇಶವೇ ತಲೆಬಾಗಿದ್ದು, ಪ್ರಧಾನಿ ನರೇಂದ್ರ ಮೋದಿ ಈ ದೇಶಭಕ್ತರನ್ನು ನೆನೆದಿದ್ದಾರೆ. “ದೇಶಕ್ಕಾಗಿ ನೀವು ಮಾಡಿರುವ ತ್ಯಾಗ, ನಿಮ್ಮ ಬಲಿದಾನವನ್ನು ರಾಷ್ಟ್ರ ಎಂದಿಗೂ ನೆನಪಿಟ್ಟುಕೊಳ್ಳುತ್ತದೆ. ನಿಮಗೆ ನನ್ನ ಕೋಟಿ ಕೋಟಿ ನಮನಗಳು” ಎಂದು ಟ್ವೀಟ್​ ಮೂಲಕ ನುಡಿನಮನ ಸಲ್ಲಿಸಿದ್ದಾರೆ. ಅಂತೆಯೇ ಕಾಂಗ್ರೆಸ್ ಮಾಜಿ ಅಧ್ಯಕ್ಷ ರಾಹುಲ್ ಗಾಂಧಿ ಕೂಡ ಟ್ವೀಟ್ ಮೂಲಕ ಸ್ಮರಿಸಿದ್ದಾರೆ. 

 

 

ಕ್ರಾಂತಿಕಾರಿ  ಭಗತ್ ಸಿಂಗ್, ದೇಶದ ದಾಸ್ಯ ಮುಕ್ತಿಗಾಗಿ ನೇಣಿಗೆ ಕೊರಳೊಡ್ಡಿ ಹುತಾತ್ಮನಾದ ದಿನವಿದು.  ಅವರ ಸ್ವಾತಂತ್ರ್ಯದೆಡೆಗಿನ ತುಡಿತ, ಕೆಚ್ಚೆದೆ, ದೇಶಪ್ರೇಮ ಹಾಗೂ ತ್ಯಾಗಗಳಿಗೆ ಕೋಟಿ ಕೋಟಿ ನಮನಗಳು ಎಂದು ಮುಖ್ಯಮಂತ್ರಿ ಯಡಿಯೂರಪ್ಪ ಟ್ವೀಟ್​ನಲ್ಲಿ ಬರೆದುಕೊಂಡಿದ್ದಾರೆ.

ವಿಪಕ್ಷ ನಾಯಕ ಸಿದ್ದರಾಮಯ್ಯ ಈ ಬಗ್ಗೆ ಟ್ವೀಟ್ ಮಾಡಿದ್ದು, ಭಗತ್ ಸಿಂಗ್ , ಸುಖ್​ದೇವ್ ಹಾಗೂ ರಾಜಗುರು ಅಂತಹ ಈ ನೆಲದ ವೀರ ಸೇನಾನಿಗಳ ತ್ಯಾಗ-ಬಲಿದಾನ, ನಿಸ್ವಾರ್ಥ ಚಿಂತನೆಗಳು ಇಂದಿನ ಸಮಾಜಕ್ಕೆ ಮಾದರಿಯಾಗಲಿ ಎಂದು ಹೇಳಿದ್ದಾರೆ.

 

 

LEAVE A REPLY

Please enter your comment!
Please enter your name here