Home ಪವರ್ ಪಾಲಿಟಿಕ್ಸ್ ಶಾಸಕರ ವೇತನ ಕಡಿತಗೊಳಿಸಿ, ವಾರಿಯರ್ಸ್ ವೇತನ ಪಾವತಿಸಿ! - ಎಂ.ಎಲ್.ಸಿ. ರಘು ಆಚಾರ್ ಮನವಿ

ಶಾಸಕರ ವೇತನ ಕಡಿತಗೊಳಿಸಿ, ವಾರಿಯರ್ಸ್ ವೇತನ ಪಾವತಿಸಿ! – ಎಂ.ಎಲ್.ಸಿ. ರಘು ಆಚಾರ್ ಮನವಿ

ಶಿವಮೊಗ್ಗ: ಎಲ್ಲಾ ಶಾಸಕರ ವೇತನವನ್ನು ಕಡಿತಗೊಳಿಸಿ, ಈ ಕೂಡಲೇ, ಸರ್ಕಾರ ಕೊರೋನಾ ವಾರಿಯರ್ಸ್​ಗೆ ಸಂಬಳ ನೀಡಬೇಕೆಂದು ಚಿತ್ರದುರ್ಗ ಎಂ.ಎಲ್.ಸಿ ರಘು ಆಚಾರ್ ಒತ್ತಾಯಿಸಿದ್ದಾರೆ.

ಶಿವಮೊಗ್ಗದಲ್ಲಿ ಮಾದ್ಯಮಗಳೊಂದಿಗೆ ಮಾತನಾಡಿದ ಅವರು, ನನಗೆ ಸಿ.ಎಂ. ಯಡಿಯೂರಪ್ಪ ಮೇಲೆ ಬಹಳ ಗೌರವವಿದೆ. ನಾನು ಮುಖ್ಯಮಂತ್ರಿಗಳಿಗೆ ಪತ್ರ ಬರೆದಿದ್ದೆನೆ. ಕಳೆದ ನಾಲ್ಕು ತಿಂಗಳಿನಿಂದ ವಾರಿಯರ್ಸ್​ಗೆ, ವೇತನ ಪಾವತಿಸಿಲ್ಲ. ಹೀಗಾಗಿ, ಮುಂದಿನ 15 ದಿನಗಳಲ್ಲಿ ವೇತನ ಪಾವತಿಸಿ ಎಂದು ಮನವಿ ಮಾಡಿಕೊಂಡಿದ್ದಾರೆ. ಯಾವುದೇ ಕಾರಣಕ್ಕೂ, ನಮ್ಮ ಪ್ರಾಣ ಉಳಿಸುವವರ ವಾರಿಯರ್ ಗಳ ಸಂಬಳ ತಡೆಹಿಡಿಯಬೇಡಿ. ಎಲ್ಲಾ ಶಾಸಕರ ವೇತನ ತಡೆ ಹಿಡಿದು ವಾರಿಯರ್ ಗಳಿಗೆ ವೇತನ ನೀಡಿ. ಪಾಪ, ಅವರು ಮಿನಿಮಮ್ ಬಜೆಟ್​ನಲ್ಲಿ ಬದುಕುವವರು. ಅವರಿಗೆ ಮನೆ ಬಾಡಿಗೆ ಸೇರಿದಂತೆ, ಹಲವಾರು ಕಷ್ಟಗಳಿರುತ್ತವೆ. ಇತಿಮಿತಿಯ ಸಮಸ್ಯೆಯಲ್ಲಿ ಅವರು ಬದುಕುತ್ತಾರೆ. ಶಾಸಕರಿಗೆ ಒಂದು ತಿಂಗಳ ತಡೆ ಹಿಡಿದರೆ, ಅವರು ಸತ್ತು ಹೋಗುವುದಿಲ್ಲ. ನೆಮ್ಮದಿಯಾಗಿ ನಾವೆಲ್ಲಾ ಇದ್ದೇವೆ. ಎಲ್ಲಾ ಶಾಸಕರ ಬಳಿ ಬೇಕಾದಷ್ಟು ಹಣ ಇದೆ. ಒಂದು ತಿಂಗಳ ಸಂಬಳ ಬಂದಿಲ್ಲವಾದರೆ, ನಮಗೇನು ಸಮಸ್ಯೆ ಆಗೋದಿಲ್ಲ. ಬಡವರ್ಯಾರು ಶಾಸಕರಾಗಿಲ್ಲ. ಎಲ್ಲರ ಬಳಿ ಮತ್ತೊಂದು ಎಲೆಕ್ಷನ್ ಮಾಡುವಷ್ಟು ಹಣ ಇದೆ. ಹೀಗಾಗಿ ನಮಗೆ ವೇತನ ನೀಡದೇ ಅವರಿಗೆ ನೀಡಿ ಅಂತಾ ಮನವಿ ಮಾಡಿಕೊಂಡಿದ್ದಾರೆ.

ಅಲ್ಲದೇ, ಶಾಸಕರು, ಸಚಿವರು ಸೇರಿದಂತೆ, ಜನಪ್ರತಿನಿಧಿಗಳು ಕೊವಿಡ್ ಆಸ್ಪತ್ರೆಗೆ ತೆರಳಿ ಕೊರೋನಾ ಸೋಂಕಿತರನ್ನು ಮಾತನಾಡಿಸಲಿ ಎಂದೂ ಕೂಡ ಹೇಳಿದ್ದಾರೆ. ವೈದ್ಯರು ಸೋಂಕಿತರ ಬಳಿ ತೆರಳಿ ಸಾಂತ್ವನ ಹೇಳಲು, ಮೊದಲು ಜನಪ್ರತಿನಿಧಿಗಳು, ಕೊವಿಡ್ ಆಸ್ಪತ್ರೆಗೆ ಹೋಗುವಂತಾಗಲಿ. ಎಷ್ಟೋ ವೈದ್ಯರು ಕೊವಿಡ್ ಆಸ್ಪತ್ರೆಗೆ ತೆರಳುವುದಿಲ್ಲ. ಅವರೆಲ್ಲರೂ ಹೋಗಿ ಸೋಂಕಿತರಿಗೆ ಸಾಂತ್ವನ ಹೇಳುವ ಕೆಲಸ ಮಾಡಲಿ. ಆಗ ಕೊರೋನಾ ಸೋಂಕಿತರಿಗೆ ಭಯ ದೂರ ಹೋಗಲು ಸಹಕಾರಿಯಾಗುತ್ತದೆ. ಜನಪ್ರತಿನಿಧಿಗಳು, ಕೇವಲ ಮೀಟಿಂಗ್ ಮಾಡಿ ಕಾಲಹರಣ ಮಾಡುತ್ತಿದ್ದಾರೆ. ಹೀಗಾಗಿ ಪ್ರತಿಯೊಬ್ಬ ಜನಪ್ರತಿನಿಧಿಗಳು ಕೊವಿಡ್ ಆಸ್ಪತ್ರೆಗೆ ತೆರಳಿ ಸೋಂಕಿತರಿಗೆ ಸಾಂತ್ವನ ಹೇಳಲಿ. ನಾನು ಈಗಾಗಲೇ, ಪಿಪಿಇ ಕಿಟ್ ಹಾಕಿಕೊಂಡು, ಕೊವಿಡ್ ಆಸ್ಪತ್ರೆಗೆ ಹೋಗಿದ್ದೇನೆ ಎಂದು ಸ್ಪಷ್ಟನೆ ನೀಡಿದ್ದಾರೆ.

-ಗೋ.ವ. ಮೋಹನಕೃಷ್ಣ

LEAVE A REPLY

Please enter your comment!
Please enter your name here

- Advertisment -

Most Popular

5 ವರ್ಷದ ಬಾಲಕಿ ಕಾಣೆ

ಬೆಂಗಳೂರು : ನಗರದ ಮೆಜೆಸ್ಟಿಕ್ ಬಸ್ ನಿಲ್ದಾಣದಲ್ಲಿ 5 ವರ್ಷದ ಬಾಲಕಿ ಕಾಣೆಯಾಗಿದ್ದಾಳೆ. ಲೋಕಿತ ಕೆ.ಮರನ್ ಕಾಣೆಯಾಗಿರುವ ಬಾಲಕಿ‌. ಈಕೆ ತನ್ನ ತಾತನ ಜೊತೆ ಸೆ.18 ರಂದು ಮನೆಯಿಂದ ತೆರಳಿದ್ದಳು. ಮೆಜೆಸ್ಟಿಕ್ ನಿಲ್ದಾಣದಲ್ಲಿ...

ಅಕ್ಕ ಗೌರಿ ಲಂಕೇಶ್​ರನ್ನು ನೆನೆದು ಕಣ್ಣೀರಿಟ್ಟ ಇಂದ್ರಜಿತ್ ಲಂಕೇಶ್..!

ಬೆಂಗಳೂರು : ಸ್ಯಾಂಡಲ್​​ವುಡ್​ ಡ್ರಗ್ಸ್​ ಮಾಫಿಯಾ ವಿಚಾರಕ್ಕೆ ಸಂಬಂಧಿಸಿದಂತೆ ಸೋಮವಾರ ಸಿಸಿಬಿ ವಿಚಾರಣೆ ಎದುರಿಸಿದ್ದ ನಿರ್ದೇಶಕ ಇಂದ್ರಜಿತ್ ಲಂಕೇಶ್ ಇಂದು ಮತ್ತೊಮ್ಮೆ ಸಿಸಿಬಿ ಅಧಿಕಾರಿಗಳ ಮುಂದೆ ಹಾಜರಾಗುತ್ತಿದ್ದಾರೆ.  ಇಂದು ಸಿಸಿಬಿ ವಿಚಾರಣೆಗೆ ಹೋಗುವ...

ಸ್ಯಾಂಡಲ್​​ವುಡ್​​​​​ನಲ್ಲಿ ಡ್ರಗ್​ ಮಾಫಿಯಾ : ಇಂದು ಸಿಸಿಬಿಯಿಂದ ನಟಿ ರಾಗಿಣಿ ವಿಚಾರಣೆ

ಬೆಂಗಳೂರು :  ಸ್ಯಾಂಡಲ್​​​​ವುಡ್​​ನಲ್ಲಿ ಡ್ರಗ್​​ ಮಾಫಿಯಾದ ಬಗ್ಗೆ ಬಿಸಿಬಿಸಿ ಚರ್ಚೆ ನಡೀತಾ ಇದೆ. ಚಂದನವನಕ್ಕೆ ಮಾದಕ ಜಾಲ ಹಬ್ಬಿದೆಯೇ ಅಥವಾ ಇಲ್ಲವೇ ಅನ್ನೋದು ಸದ್ಯದ ಗಾಂಧಿನಗರದ ಹಾಟ್ ಸುದ್ದಿ. ಇದಕ್ಕೆ ಸಂಬಂಧಿಸಿದಂತೆ ನಟಿ ರಾಗಿಣಿ...

ಕೊರೋನಾದಿಂದ ಮಾಜಿ ಶಾಸಕ ಅಪ್ಪಾಜಿ ಗೌಡ ನಿಧನ

ಶಿವಮೊಗ್ಗ : ಭದ್ರಾವತಿಯ ಜೆಡಿಎಸ್ ನ ಮಾಜಿ ಶಾಸಕ ಅಪ್ಪಾಜಿಗೌಡ ವಿಧಿವಶರಾಗಿದ್ದಾರೆ. ಕಳೆದ ಕೆಲ ದಿನಗಳಿಂದ ಕೊರೋನಾ ಸೋಂಕಿಗೆ ಒಳಗಾಗಿದ್ದ ಅವರು,  ಚಿಕಿತ್ಸೆ ಫಲಕಾರಿಯಾಗದೆ ನಿಧನರಾಗಿದ್ದಾರೆ. ಅಪ್ಪಾಜಿಗೌಡರಿಗೆ 69 ವರ್ಷ ವಯಸ್ಸಾಗಿತ್ತು. ಪತ್ನಿ...

Recent Comments