Sunday, May 29, 2022
Powertv Logo
Homeದೇಶದುಡ್​ ಕೊಡೋದು ಬೇಡ..,ಪ್ಲಾಸ್ಟಿಕ್ ಕೊಡಿ ಊಟ ಮಾಡಿ!

ದುಡ್​ ಕೊಡೋದು ಬೇಡ..,ಪ್ಲಾಸ್ಟಿಕ್ ಕೊಡಿ ಊಟ ಮಾಡಿ!

ಭುವನೇಶ್ವರ್: ಪ್ಲಾಸ್ಟಿಕ್ ನಿರ್ಮೂಲನೆಗೆ ಹೊಸ ಹೊಸ ಯೋಜನೆಗಳನ್ನು ಮಾಡಲಾಗಿದ್ದರೂ ಫಲಪ್ರದವಾಗಿಲ್ಲ. ಅದಕ್ಕಾಗಿ ಕೆಲವೊಂದು ರಾಜ್ಯದಲ್ಲಿ ಕೆಲವು ಕೆಫೆಗಳು, ಹೋಟೆಲ್ ಉದ್ಯಮಗಳು ಹೊಸ ಚಿಂತನೆಯನ್ನು ಮಾಡುತ್ತಿವೆ. ಇದೀಗ ಅದೇ ರೀತಿಯಲ್ಲಿ ಪ್ಲಾಸ್ಟಿಕ್ ಬಳಕೆ ಕೈಬಿಡುವ ಕೆಲಸಕ್ಕೆ ಪ್ಲ್ಯಾನ್​ ಮಾಡಿದ್ದು, ಭುವನೇಶ್ವರ್​ನಲ್ಲಿ ಸರ್ಕಾರಿ ಆಹಾರ ಕೇಂದ್ರಗಳಲ್ಲಿ ‘ಪ್ಲಾಸ್ಟಿಕ್ ಕೊಡಿ ಊಟ ಮಾಡಿ’ ಎಂಬ ಯೋಜನೆಯನ್ನು ಜಾರಿಗೆ ತಂದಿದೆ.

ಸ್ಥಳೀಯ ಎನ್​ಜಿಒಗಳ ಜೊತೆಗೂಡಿ ಭುವನಶ್ವರ್​ನ ಮುನ್ಸಿಪಲ್ ಕಾರ್ಪೋರೇಷನ್ ಪ್ಲಾಸ್ಟಿಕ್ ನಿರ್ಮೂಲನೆಗೆ ಹೊಸ ಯೋಜನೆಯನ್ನು ರೂಪಿಸಿದ್ದು, ರಾಜ್ಯ ಸರ್ಕಾರದ ಆಹಾರ ಯೋಜನೆಯ ಯುನೈಟೆಡ್ ನೇಷನ್ಸ್ ಡೆವಲಪ್​ಮೆಂಟ್ ಪ್ರೋಗ್ರಾಮ್ ಅಡಿಯಲ್ಲಿ ಇದನ್ನು ಜಾರಿಗೆ ತರಲಾಗಿದೆ. ಈ ಯೋಜನೆಯಡಿಯಲ್ಲಿ ಯಾರೇ ಆಗಲಿ ಅರ್ಧ ಕೆಜಿಯಷ್ಟು ಪ್ಲಾಸ್ಟಿಕ್ ಕೊಟ್ಟರೆ ಸಾಕು ಅವರಿಗೆ ಉಚಿತವಾಗಿ ಊಟ ನೀಡಲಾಗುತ್ತದೆ. ಅದಕ್ಕಾಗಿ ಭುವನೇಶ್ವರ್​ನಲ್ಲಿರುವ 11ಸರ್ಕಾರಿ ಆಹಾರ ಕೇಂದ್ರಗಳಲ್ಲಿ ಯಾವುದೇ ಕೇಂದ್ರಕ್ಕೆ ಹೋಗಿ ಪ್ಲಾಸ್ಟಿಕ್ ಕೊಟ್ಟು ಉಚಿತ ಊಟವನ್ನು ಪಡೆಯಬಹುದು ಎಂದು ಬಿಎಂಸಿ ಕಮಿಷನರ್ ಪ್ರೇಮ್ ಚಂದ್ ಚೌಧರಿ ಹೇಳಿದ್ದಾರೆ.

ನಮ್ಮ ದೇಶದಲ್ಲಿ ಅದೆಷ್ಟೋ ಜನ ಪ್ಲಾಸ್ಟಿಕ್ ಆಯ್ದು ಜೀವನ ಸಾಗಿಸುತ್ತಿದ್ದಾರೆ. ಅವರುಗಳು ಒಂದು ಹೊತ್ತಿನ ಊಟಕ್ಕೂ ಕಷ್ಟ ಪಡುತ್ತಾರೆ. ಆದ್ದರಿಂದ  ಇಂತಹ ಯೋಜನೆಗಳು ಅಂತಹವರ ಹೊಟ್ಟೆ ತುಂಬಿಸುತ್ತದೆ. ಇಂತಹ ಯೋಜನೆಯನ್ನು ಪ್ರತಿಯೊಂದು ರಾಜ್ಯದಲ್ಲಿಯೂ ಜಾರಿಗೆ ತಂದರೆ ಅದರಿಂದ ಅನೇಕ ಬಡವರಿಗೆ ಉಪಯುಕ್ತವಾಗುವುದಲ್ಲದೇ, ಪ್ಲಾಸ್ಟಿಕ್ ನಿರ್ಮೂಲನೆಯೂ ಸಾಧ್ಯವಿದೆ.

 

LEAVE A REPLY

Please enter your comment!
Please enter your name here

- Advertisment -

Most Popular

Recent Comments