ಸಾಕುನಾಯಿ ಕಚ್ಚಿದ್ದಕ್ಕೆ ಮಾಲೀಕನಿಗೆ ಜೈಲು!

0
310

ಅಹಮದಾಬಾದ್ : ನೀವು ನಾಯಿ ಸಾಕಿದ್ದೀರಾ? ನಿಮ್ ಮನೆಯ ನಾಯಿಗೆ ನಿಮ್ಮ ಅಕ್ಕ-ಪಕ್ಕದವ್ರೆಂದ್ರೆ ಆಗಲ್ವಾ? ಅದು ಕಚ್ಚುತ್ತಾ? ಹಾಗಾದ್ರೆ ನೀವು ಸ್ವಲ್ಪ ಹುಷಾರಾಗಿರಿ..ನಿಮ್ಗೆ ಜೈಲು ಶಿಕ್ಷೆ ಆದ್ರೂ ಆಗ್ಬಹುದು..! 

ಅಲ್ಲಾ ಸ್ವಾಮಿ, ನಾಯಿ ಕಚ್ಚಿದ್ರೆ ಜೈಲಾ? ಅಚ್ಚರಿ ಆಗುತ್ತೆ ಅಲ್ವಾ? ಅಚ್ಚರಿ ಆದ್ರೂ ನೀವು ಇದನ್ನು ನಂಬ್ಲೇ ಬೇಕು.. ಯಾಕಂದ್ರೆ ಇದು ಅಂತೆ-ಕಂತೆ ಸ್ಟೋರಿಯಲ್ಲ.. ರಿಯಲ್ ಸ್ಟೋರಿ! ಗುಜುರಾತ್​ನ ಗೋದಾಸರ್​ ನಿವಾಸಿ ಭರೇಶ್​ ಪಾಂಡ್ಯ ಅನ್ನೋರು ಡಾಬರ್​ಮನ್​ ನಾಯಿಯನ್ನು ಸಾಕಿದ್ರು. ಅದು ಪಕ್ಕದ ಮನೆಯ ಅವಿನಾಶ್ ಅನ್ನೋರಿಗೆ ಕಚ್ಚಿತ್ತು. ಈ ಬಗ್ಗೆ ಕಂಪ್ಲೇಂಟ್ ದಾಖಲಾಗಿತ್ತು. ಸದ್ಯ ಅದರ ವಿಚಾರಣೆ ಮುಗಿದಿದ್ದು, ನ್ಯಾಯಾಲಯ ನಾಯಿ ಮಾಲೀಕ ಭರೇಶ್​​ ಪಾಂಡ್ಯ ಅವರಿಗೆ 1 ವರ್ಷ ಜೈಲು ಶಿಕ್ಷೆ ವಿಧಿಸಿ ಆದೇಶ ಹೊರಡಿಸಿದೆ.

ಹೌದು 2014ರಲ್ಲಿ ಭರೇಶ್ ಮನೆಯ ನಾಯಿ ಅವಿನಾಶ್ ಅವರಿಗೆ ಕಚ್ಚಿದೆ. ಒಂದ್​ ಕಡೆ ನಾಯಿ ಕಚ್ಚಿದ ಗಾಯವಾದ್ರೆ, ಇನ್ನೊಂದೆಡೆ ಅದ್ರಿಂದ ತಪ್ಪಿಸಿಕೊಳ್ಳಲು ಹೋದಾಗ ಕೆಳಗೆ ಬಿದ್ದು ಮೂಳೆ ಮುರಿದುಕೊಂಡಿದ್ರು. ಹೀಗಾಗಿ ಇಸಾನ್​ಪುರ್ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ರು.

ಅಷ್ಟೇ ಅಲ್ಲದೆ 2012 ರಿಂದ 2014ರ ಅವಧಿಯಲ್ಲಿ ತನ್ನನ್ನೂ ಒಳಗೊಂಡಂತೆ ತನ್ನ ಮಗ ಜೈ, ಅಣ್ಣನ ಮಕ್ಕಳಾದ ತಕ್ಷೀಲ್, ವ್ಯೋಮ್​​ ಕಯಾಸ್ತ್​​​ಗೂ ಕಚ್ಚಿತ್ತು ಅಂತ ದೂರಿನಲ್ಲಿ ತಿಳಿಸಿದ್ರು.

ಪ್ರಕರಣ ಕೋರ್ಟ್ ಮೆಟ್ಟಿಲೇರಿದ್ದು, ಕೋರ್ಟ್ ಈ ಬಗ್ಗೆ ಸರ್ಕಾರದ ಅಭಿಪ್ರಾಯ ಕೇಳಿತ್ತು. ಈ ಬಗ್ಗೆ ಪ್ರತಿಕ್ರಿಯಿಸಿದ್ದ ಸರ್ಕಾರ, ಇಂಥಾ ಪ್ರಕರಣಗಳಲ್ಲಿ ಕಠಿಣ ಕ್ರಮ ಕೈಗೊಳ್ಬೇಕು. ಬೇರೆಯವ್ರ ಜೀವವನ್ನು ಅಪಾಯಕ್ಕೆ ದಬ್ಬಿದ ಪಾಂಡ್ಯಗೆ 2 ವರ್ಷ ಜೈಲು ಶಿಕ್ಷೆ ನೀಡ್ಬೇಕು ಅಂತ ಹೇಳಿತ್ತು. ಅಂತಿಮವಾಗಿ ಕೋರ್ಟ್ 1 ವರ್ಷ ಶಿಕ್ಷಿ ವಿಧಿಸಿ ತೀರ್ಪು ನೀಡಿದೆ.

LEAVE A REPLY

Please enter your comment!
Please enter your name here