Home ಸಿನಿ ಪವರ್ 'ಒಡೆಯ'ನ ರಾಜ ದರ್ಬಾರ್ - ದಚ್ಚು ಫ್ಯಾನ್ಸ್​ಗೆ ತ್ರಿಬಲ್ ಧಮಾಕ

‘ಒಡೆಯ’ನ ರಾಜ ದರ್ಬಾರ್ – ದಚ್ಚು ಫ್ಯಾನ್ಸ್​ಗೆ ತ್ರಿಬಲ್ ಧಮಾಕ

ಸ್ಯಾಂಡಲ್​ವುಡ್​ ‘ಚಕ್ರವರ್ತಿ’ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸಿನಿಮಾಕ್ಕಾಗಿ ಇಡೀ ಸ್ಯಾಂಡಲ್​ವುಡ್ಡೇ ಕಾಯ್ತಿರುತ್ತೆ. ಅಭಿಮಾನಿಗಳಂತೂ ತಮ್ಮ ‘ಬಾಸ್​’ ಸಿನಿಮಾಕ್ಕಾಗಿ ಜಪ ಮಾಡ್ತಿರ್ತಾರೆ. ಕಳೆದ ವರ್ಷದ ಒಂದೇ ಒಂದು ಸಿನಿಮಾ ಬರದೇ ‘ಮಿಸ್ಟರ್ ಐರಾವತ’ನ ಫ್ಯಾನ್ಸ್​ ಬೇಸರದಲ್ಲಿದ್ರು. ಆ ಬೇಜಾರನ್ನು ಅಭಿಮಾನಿಗಳ ‘ದಾಸ’ ಈ ವರ್ಷ ಹೋಗಲಾಡಿಸಿದ್ದಾರೆ. ವರ್ಷವಿಡೀ ದಚ್ಚು ಸಿನಿಮಾಗಳದ್ದೇ ಕಾರುಬಾರು.
ವರ್ಷಾರಂಭದಲ್ಲಿ ‘ಯಜಮಾನ’ನಾಗಿ ದರ್ಶನ ನೀಡಿದ ‘ಸಾರಥಿ’ ಸದ್ಯ ‘ಕುರುಕ್ಷೇತ್ರ’ದ ಸುಯೋಧನನಾಗಿ ಅಬ್ಬರಿಸುತ್ತಿದ್ದಾರೆ. ಯಜಮಾನ ಸೆಂಚುರಿ ಬಾರಿಸಿದ್ದರೆ, ಕುರಕ್ಷೇತ್ರ ಕೋಟಿ ಕೋಟಿ ಗಳಿಕೆ ಮಾಡುತ್ತಾ ಯಶಸ್ವಿ ಪ್ರದರ್ಶನವನ್ನು ಕಾಣ್ತಿದೆ. ಈ ಬೆನ್ನೆಲ್ಲೇ ‘ಒಡೆಯ’ನ ರಾಜ ದರ್ಬಾರು ಶುರುವಾಗ್ತಿದೆ.

ಈ ಹಿಂದೆ ರಿಲೀಸ್ ಆಗಿದ್ದ ಪೋಸ್ಟರ್​ನಿಂದ ಸಖತ್ ಗಮನ ಸೆಳೆದಿದ್ದ ‘ಒಡೆಯ’ ಮಗು ಎತ್ತಿಕೊಂಡಿರುವ ಮತ್ತೊಂದು ಪೋಸ್ಟರ್ ಬಿಡುಗಡೆಯಾದ ಮೇಲಂತೂ ಚಿತ್ರದ ಮೇಲೆ ನಿರೀಕ್ಷೆ ಭಾರ ಹೆಚ್ಚಾಗಿದೆ. ಕ್ಲಾಸ್ ಅಂಡ್ ಮಾಸ್ ಲುಕ್​ನಲ್ಲಿ ಅಭಿಮಾನಿಗಳ ಹೃದಯದಲ್ಲಿ ಮನೆ ಮಾಡಿರುವ ‘ಗಜ’ ಕಂಪ್ಲೀಟ್ ಫ್ಯಾಮಿಲಿ ಮ್ಯಾನ್ ಆಗಿ ‘ ಒಡೆಯ’ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಒಡೆಯ ಅಣ್ಣ-ತಮ್ಮಂದಿರ ಸ್ಟೋರಿಯಾಗಿದ್ದು, ದರ್ಶನ್ ಗಜೇಂದ್ರ ಪಾತ್ರದಲ್ಲಿ ನಟಿಸಿದ್ದಾರೆ. ದಚ್ಚುಗೆ ನಾಯಕಿಯಾಗಿ ರಾಘವಿ ತಿಮ್ಮಯ್ಯ ಅಭಿನಯಿಸಿದ್ದಾರೆ. ಚಿಕ್ಕಣ್ಣ, ಯಶಸ್ ಸೂರ್ಯ ಮತ್ತಿತರರು ತಾರಾಗಣದಲ್ಲಿದ್ದಾರೆ.

ಎಂ.ಡಿ ಶ್ರೀಧರ್ ನಿರ್ದೇಶನದ ‘ಒಡೆಯ’ನಿಗೆ ಸಂದೇಶ್ ನಾಗರಾಜ್​​ ಬಂಡವಾಳ ಹಾಕಿದ್ದಾರೆ. ದಸರಾ ಹಬ್ಬಕ್ಕೆ ಅಭಿಮಾನಿಗಳಿಗೆ ಗಿಫ್ಟ್ ರೂಪದಲ್ಲಿ ಒಡೆಯ ಮೋಶನ್​ ಪೋಸ್ಟರ್ ಬಿಡುಗಡೆ ಆಗಲಿದೆ ಎನ್ನಲಾಗಿತ್ತು. ಆದರೆ, ಮೋಷನ್ ಪೋಸ್ಟರ್ ಬಿಡುಗಡೆಯನ್ನು ಮುಂದೂಡಲಾಗಿದೆ. ಈ ಬಗ್ಗೆ ಪ್ರೊಡ್ಯೂಸರ್ ಸಂದೇಶ್ ನಾಗರಾಜ್​ ಟ್ವೀಟ್ ಮೂಲಕ ಸ್ಪಷ್ಟನೆ ನೀಡಿದ್ದಾರೆ. ಹೀಗಾಗಿ ಇಂದು ಒಡೆಯನ ಮೋಶನ್ ಪೋಸ್ಟರ್​ಗೆ ವ್ಹೇಟ್ ಮಾಡ್ತಿದ್ದ ಫ್ಯಾನ್ಸ್​ಗೆ ಅಲ್ಪ ನಿರಾಸೆಯಾಗಿದೆ.

ಆದರೆ, ಶೀಘ್ರದಲ್ಲೇ ಮೋಶನ್ ಪೋಸ್ಟರ್ ರಿಲೀಸ್ ಡೇಟ್ ಅನೌನ್ಸ್ ಮಾಡುವುದಾಗಿಯೂ ಪ್ರೊಡ್ಯೂಸರ್ ಹೇಳಿದ್ದು, ನವೆಂಬರ್​ನಲ್ಲಿ ರಾಜ್ಯೋತ್ಸವಕ್ಕೆ ‘ಒಡೆಯ’ ರಿಲೀಸ್ ಆಗುವ ನಿರೀಕ್ಷೆ ಇರೋದ್ರಿಂದ ಸದ್ಯದಲ್ಲೇ ಮೋಶನ್ ಪೋಸ್ಟರ್, ಟೀಸರ್, ಟ್ರೈಲರ್​ಗಳು ರಿಲೀಸ್ ಆಗಲಿವೆ.

ಇನ್ನು ಕೀನ್ಯಾದ ಮಸಾಯಿ ಮಾರಾ ರಾಷ್ಟ್ರೀಯ ಉದ್ಯಾನವನದಲ್ಲಿ ಸುತ್ತಾಡಿ, ವನ್ಯಜೀವಿಗಳ ಛಾಯಚಿತ್ರಗಳನ್ನು ಸೆರೆ ಹಿಡಿದು, ಎಂಜಾಯ್ ಮಾಡಿ ವಾಪಸ್​ ಆಗಿರುವ ದರ್ಶನ್ ಸದ್ಯ ರಾಬರ್ಟ್​ ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ. ನವೆಂಬರ್ ಗೆ ಒಡೆಯ ರಿಲೀಸ್ ಆದಲ್ಲಿ ಅಭಿಮಾನಿಗಳಿಗೆ ಈ ವರ್ಷ ತ್ರಿಬಲ್ ಧಮಾಕ.

LEAVE A REPLY

Please enter your comment!
Please enter your name here

- Advertisment -

Most Popular

ಸಚಿನ್ ಗೆ ಸೆಡ್ಡುಹೊಡೆದ ಕನ್ನಡಿಗ ರಾಹುಲ್ ದ್ರಾವಿಡ್ !

ಕನ್ನಡಿಗ ರಾಹುಲ್ ದ್ರಾವಿಡ್ ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಅವರಿಗೆ ಸೆಡ್ಡು ಹೊಡೆದಿದ್ದಾರೆ. ಟೆಸ್ಟ್ ಕ್ರಿಕೆಟ್ ನಲ್ಲಿ ದ್ರಾವಿಡ್ಡೇ ದಿ ಬೆಸ್ಟ್ ಅಂತ ಜನ ಮತಹಾಕಿದ್ದಾರೆ. ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರಿಗಿಂತ...

ಕೊರೋನಾ ಇದ್ರೂ ಕಾರ್ಖಾನೆ ಸೀಲ್​ಡೌನ್​ ಯಾಕಿಲ್ಲ? ಐಟಿಸಿ ವಿರುದ್ಧ ಗ್ರಾಮಸ್ಥರ ಆಕ್ರೋಶ

ದೇವನಹಳ್ಳಿ : ಬೆಂಗಳೂರು ಹೊರವಲಯದ ಯಲಹಂಕ ತಾಲೂಕು ತರಬಹಳ್ಳಿ ಗ್ರಾಮದ ಸಮೀಪವಿರುವ ಪ್ರತಿಷ್ಠಿತ ಐಟಿಸಿ ಕಂಪನಿಯ ವಿರುದ್ಧ ಗ್ರಾಮಸ್ಥರು ಆಕ್ರೋಶ ವ್ಯಕ್ತ ಪಡಿಸುತ್ತಿದ್ದಾರೆ. ಐಟಿಸಿ ಕಾರ್ಖಾನೆಯಲ್ಲಿ ಸಿಗರೇಟ್ ತಯಾರಿಕೆ ಮಾಡಲಾಗುತ್ತಿದ್ದು ಈ ಕಾರ್ಖಾನೆಯಲ್ಲಿ...

ಕೊವಿಡ್ ಸೋಂಕಿತರ ಭೇಟಿ ಮಾಡಿ ಧೈರ್ಯ ತುಂಬಿದ ಸಚಿವ ಆನಂದ್ ಸಿಂಗ್ !!

ಬಳ್ಳಾರಿ : ಬಳ್ಳಾರಿಯ ದಂತ ವೈದ್ಯ ಕಾಲೇಜಿನ ಕೊವಿಡ್ ಅಸ್ಪತ್ರೆಗೆ ಉಸ್ತುವಾರಿ ಮತ್ತು ಅರಣ್ಯ ಸಚಿವ ಆನಂದ್ ಸಿಂಗ್ ಭೇಟಿ ನಿಡಿದರು. ಪಿಪಿಇ ಕಿಟ್ ಧರಿಸಿ ಐಸೋಲೇಷನ್ ವಾರ್ಡ್ ಗೆ ಭೇಟಿ ಕೊಟ್ಟ...

ಕೊರೋನಾ ಟೆಸ್ಟ್ ಗಾಗಿ ಶವ ಕೊಳೆಯಲು ಬಿಟ್ಟ ಬ್ರಹ್ಮಾವರ ಸರಕಾರಿ ಆಸ್ಪತ್ರೆ

ಉಡುಪಿ : ಕೊರೋನಾ ವಕ್ಕರಿಸಿದ ಬಳಿಕ ಮಾನವೀಯತೆ ಮರೆಯಾಗುತ್ತಿದೆ ಎನ್ನುವ ಮಾತುಗಳು ಕೇಳಿ ಬರುತ್ತಿದೆ. ಅದು ನಿಜ ಎನ್ನುವದನ್ನು ಬ್ರಹಾವ್ಮರ ಸಮುದಾಯ ಆರೋಗ್ಯ ಕೇಂದ್ರ ಸಾಬೀತು ಮಾಡಿದೆ ಎಂದರೆ ತಪ್ಪಾಗಲಾರದು. ಕೊರೋನಾ ವಿಚಾರವಾಗಿ...