Home ರಾಜ್ಯ 'ಮಣಿಕಂಠನ ತಿವಿತಕ್ಕೆ ಬಾಲಣ್ಣ ಬೆಸ್ತು, ನಡು ನೀರಿನಲ್ಲಿ ಮಣಿಕಂಠನ ಪುಂಡಾಟ'

‘ಮಣಿಕಂಠನ ತಿವಿತಕ್ಕೆ ಬಾಲಣ್ಣ ಬೆಸ್ತು, ನಡು ನೀರಿನಲ್ಲಿ ಮಣಿಕಂಠನ ಪುಂಡಾಟ’

ಶಿವಮೊಗ್ಗ: ಸಕ್ರೆಬೈಲು ಆನೆ ಬಿಡಾರದಲ್ಲಿ ಮದವೇರಿದ ಮಣಿಕಂಠ ಆನೆ ಇಂದು ಬೆಳಿಗ್ಗೆ ಆತಂಕ ಸೃಷ್ಟಿಸಿದ ಘಟನೆ ನಡೆದಿದೆ.

ಸಲಗ ಬಾಲಣ್ಣ, ಅದರ ಮಾವುತ ಗೌಸ್ ಮತ್ತು ಮತ್ತೊಂದು‌ ಮರಿ ಆನೆಯನ್ನು ತುಂಗಾ ಜಲಾಶಯದ ಹಿನ್ನೀರಿಗೆ ತಳ್ಳಿ ಜೀವ ಭಯ ಉಂಟು ಮಾಡಿದ್ದಾನೆ..!  ಹೌದು, ಶಿವಮೊಗ್ಗದ ಸಕ್ರೆಬೈಲು ಆನೆ ಬಿಡಾರದಲ್ಲಿಯೇ ಈ ಒಂದು ಘಟನೆ ನಡೆದಿದ್ದು, ಈ ಘಟನೆಯಿಂದಾಗಿ, ಕೆಲ ಕಾಲ ಸ್ಥಳದಲ್ಲಿ ಆತಂಕ ಉಂಟಾಗಿತ್ತು.  ಮಣಿಕಂಠನ ದಂತದ ತಿವಿತದಿಂದ ತೀವ್ರ ನೋವು ತಿಂದ ಬಾಲಣ್ಣ ಆನೆಯು, ಜೀವ ಭಯದಿಂದ ಚೀರಾಡಿದೆ.  ಅಲ್ಲದೇ, ಬಾಲಣ್ಣ ಆನೆಯ ಮೇಲೆ ಕುಳಿತಿದ್ದ ಮಾವುತ ಗೌಸ್, ಏನೂ ಮಾಡಲಾಗದೆ ಆನೆಯೊಂದಿಗೆ ಆಳವಾದ ನೀರಿಗೆ ತೆರಳಿದ್ದಾನೆ. 

ಬಳಿಕ, ಹಿನ್ನೀರು ನಡುವಿನ ನಡುಗಡ್ಡೆಗೆ ಹಾರಿದ ಮಾವುತ ಗೌಸ್, ಜೀವ ಉಳಿಸಿಕೊಂಡಿದ್ದಾರೆ.  ಇಷ್ಟಾದ ಬಳಿಕವೂ ಬಾಲಣ್ಣಮತ್ತು ಮರಿ ಆನೆಯನ್ನು ಮಣಿಕಂಠ ನೀರಿನಲ್ಲಿ ಬೆನ್ನತ್ತಿ ಅಟ್ಟಾಡಿಸಿದ್ದಾನೆ.  ಸ್ವಲ್ಪ ಹೊತ್ತಾದ ಬಳಿಕ ಕೊಂಚ ಸಮಾಧಾನಗೊಂಡ ಮಣಿಕಂಠ, ನೀರಿನಲ್ಲೇ ಬಹಳ ಹೊತ್ತು ನಿಂತಿದ್ದು, ಸ್ಥಳೀಯರು ಮಾಡಿರುವ ಈ ಒಂದು ವಿಡಿಯೋ ಪವರ್ ಟಿ.ವಿ. ಗೆ ದೊರೆತಿದೆ. 

ಸುಮಾರು ಎರಡು ತಾಸುಗಳ ಬಳಿಕ ಮಾವುತರು ಮತ್ತು ಕವಾಡಿಗಳು ಮಣಿಕಂಠನ ಮನವೊಲಿಸಿ ನೀರಿನಿಂದ ಹೊರಗೆ ಕರೆತಂದು ಸರಪಳಿಯಿಂದ ಬಿಗಿಯುವಲ್ಲಿ ಯಶಸ್ವಿಯಾಗಿದ್ದು, ಈ ಎಲ್ಲಾ ಘಟನೆಗಳಿಂದಾಗಿ ಆನೆಗಳನ್ನು ನೋಡಲು ಬಂದಿದ್ದ ಪ್ರವಾಸಿಗರೂ ಸಹ ಆತಂಕಗೊಡಿದ್ದರು. ಬಿಡಾರದ ಸಿಬ್ಬಂದಿ ಮುನ್ನೆಚ್ಚರಿಕಾ ಕ್ರಮವಾಗಿ ಪ್ರವಾಸಿಗರನ್ನು ಬಿಡಾರದಿಂದ ಹೊರಗೆ ಕಳಿಸಿದ್ದರು.

ಅಂದಹಾಗೆ, ಸಕ್ರೆಬೈಲು ಆನೆ ಬಿಡಾರದಲ್ಲಿ, ಕಾಡಿನಲ್ಲಿರುವ ಆನೆಗಳನ್ನು ಪ್ರತಿದಿನ ಬೆಳಿಗ್ಗೆ ಬಿಡಾರಕ್ಕೆ ಕರೆತಂದು ತುಂಗಾ ಜಲಾಶಯದ ಹಿನ್ನೀರಲ್ಲಿ ಮೈ ತೊಳೆದು ತಲೆಗೆ ಎಣ್ಣೆ ಮಸಾಜ್ ಮಾಡಿ ನಿಗದಿತ ಮೇವು ನೀಡಿ ಬಳಿಕ ಮತ್ತೆ ಕಾಡಿಗೆ ಬಿಡಲಾಗುತ್ತದೆ.  ಆದರೆ, ಇಂದು ಮಣಿಕಂಠನ ಪುಂಡಾಟಕ್ಕೆ ಬಾಲಣ್ಣ ಆನೆ ಸುಸ್ತಾಗಿದ್ದು, ಬೆಸ್ತು ಬಿದ್ದಿದ್ದಾನೆ.

ಇನ್ನೂ ಬೆಂಗಳೂರಿನ ಯಲಹಂಕದ ಅಯ್ಯಪ್ಪ ಸ್ವಾಮಿ ದೇವಾಲಯಲ್ಲಿದ್ದ ಮಣಿಕಂಠ ಆನೆಯು 10 ವರ್ಷಗಳ ಹಿಂದೆ ಮಾವುತನನ್ನು ಸಾಯಿಸಿತ್ತು.  ಅದಾದ ಬಳಿಕ ದೇವಸ್ಥಾನ ಸಮಿತಿಯವರು ಅರಣ್ಯ ಇಲಾಖೆಗೆ ಒಪ್ಪಿಸಿದ್ದರು.  ಸಕ್ರೆಬೈಲಿನಲ್ಲಿ ತಂದ ಬಳಿಕ ಅದನ್ನು ಪಳಗಿಸಿ ನಿಯಂತ್ರಿಸಲಾಗಿತ್ತು.  ಇಷ್ಟಾಗಿಯೂ ಪುಂಡಾಟ ನಡೆಸುವುದನ್ನು ಈ ಮಣಿಕಂಠ ಆನೆ ನಿಲ್ಲಿಸದೇ ಇರೋದು, ಆತಂಕಕ್ಕೆ ಕಾರಣವಾಗಿದೆ.

LEAVE A REPLY

Please enter your comment!
Please enter your name here

- Advertisment -

Most Popular

ಪರೀಕ್ಷೆ ಬೇಡ ಅಂತ ಕಾನೂನು ವಿದ್ಯಾರ್ಥಿಗಳ ಪ್ರತಿಭಟನೆ

ಬೆಂಗಳೂರು : ಕರ್ನಾಟಕ ರಾಜ್ಯ ಕಾನೂನು ವಿಶ್ವವಿದ್ಯಾನಿಲಯ ಹಿಂದಿನ ಸೆಮಿಸ್ಟರ್ ವಿದ್ಯಾರ್ಥಿಗಳಿಗೆ ಭೌತಿಕ ಪರೀಕ್ಷೆ ನಡೆಸಲು ಸಿದ್ಧತೆ ನಡೆಸಿದೆ, ಇದನ್ನು ಖಂಡಿಸಿ ನಗರದ ಮೌರ್ಯ ಸರ್ಕಲ್​ನಲ್ಲಿ  ಎನ್​​​ಎಸ್​​ಯುಐ ಸಂಘಟನೆ ಪ್ರತಿಭಟನೆ ನಡೆಸಿತು. ರಾಜ್ಯ...

ಸಚಿವ ಶಾಸಕರುಗಳ ಗುಪ್ತ ಗುಪ್ತ ಸಭೆ

ಚಿಕ್ಕಮಗಳೂರು : ಸಂಪುಟ ವಿಸ್ತರಣೆ ಖಾತೆ ಹಂಚಿಕೆ ಅಸಮಾಧಾನದ ಬೇಗುದಿ ಮಧ್ಯೆ ಬಿಜೆಪಿಯೊಳಗೆ ಹೊಸ ಬಂಡಾಯ ಬೂದಿ ಮುಚ್ಚಿದಂತೆ ಇದೆ ಪಕ್ಷದೊಳಗೆ ಒಂದೆರಡಲ್ಲ, ಹಲವು ಬಣಗಳು ರೂಪುಗೊಂಡಂತೆ ತೋರುತ್ತಿವೆ. ಸಚಿವ ಸ್ಥಾನ ಸಿಗದವರದ್ದು...

ಮಗಳಿಂದ ತಂದೆಯ ಅಂತ್ಯ ಸಂಸ್ಕಾರ

ಕಾರವಾರ : ಹೃದಯಾಘಾತದಿಂದ ಮೃತಪಟ್ಟಿದ್ದ ತಂದೆಯ ಅಂತ್ಯ ಸಂಸ್ಕಾರವನ್ನು ಮಗಳೇ ನೆರವೇರಿಸಿದ ಘಟನೆ ತಾಲೂಕಿನ ಮಲ್ಲಾಪುರ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಕುರ್ನಿಪೇಟೆಯಲ್ಲಿ ನಡೆದಿದೆ.ಕುರ್ನಿಪೇಟೆಯ ಚಂದ್ರಕಾಂತ ಬುದೊ ಪಾಗಿ (56) ಹೃದಯಾಘಾತದಿಂದ ಮೃತಪಟ್ಟಿದ್ದರು. 9...

ಉದ್ಧವ್ ಠಾಕ್ರೆ ಹೇಳಿಕೆಗೆ ಸಿಲಿಕಾನ್ ಸಿಟಿ ಮರಾಠಿಗರಿಂದ ವಿರೋಧ

ಬೆಂಗಳೂರು : ಮಹಾರಾಷ್ಟ್ರ ಸಿಎಂ ಉದ್ಧವ್ ಠಾಕ್ರೆ ಹೇಳಿಕೆಗೆ ದಿನ ದಿನಕ್ಕೆ ಪ್ರತಿಭಟನೆಗಳು ಜಾಸ್ತಿಯಾಗುತ್ತಿವೆ. ಇವತ್ತು ನಗರದ ಮೌರ್ಯ ಸರ್ಕಲ್​ನಲ್ಲಿ ಸಿಲಿಕಾನ್ ಸಿಟಿಯ ಮರಾಠಿಗರೆಲ್ಲಾ ಒಂದೆಡೆ ಸೇರಿ ತೀವ್ರ ವಿರೋಧ ವ್ಯಕ್ತ ಪಡಿಸಿದ್ರು....

Recent Comments