Home ರಾಜ್ಯ ರಾಮ, ಕೃಷ್ಣ ದೇವರೇ ಅಲ್ವಂತೆ..!  ಬಿಜೆಪಿ ನಾಯಕನಿಂದ  ಹಿಂದೂ ದೇವರ ಬಗ್ಗೆ ಅಪಸ್ವರ..!

ರಾಮ, ಕೃಷ್ಣ ದೇವರೇ ಅಲ್ವಂತೆ..!  ಬಿಜೆಪಿ ನಾಯಕನಿಂದ  ಹಿಂದೂ ದೇವರ ಬಗ್ಗೆ ಅಪಸ್ವರ..!

ಬೆಂಗಳೂರು :  ಇದು ಪ್ರತಿಯೊಬ್ಬ ಆಸ್ತಿಕರನ್ನು ರೊಚ್ಚಿಗೇಳಿಸುವಂಥಾ ಸುದ್ದಿ. ಬಿಜೆಪಿ ನಾಯಕರೊಬ್ಬರು  ಹಿಂದೂ ದೇವರನ್ನು ಅವಹೇಳನ ಮಾಡಿದ್ದಾರೆ. ರಾಮ, ಕೃಷ್ಣ, ಶಿವ ಸೇರಿದಂತೆ ಹಿಂದೂ ದೇವಾನುದೇವತೆಗಳ ಬಗ್ಗೆ ಅಪಸ್ವರ ತೆಗೆದಿದ್ದಾರೆ.

ಹಿಂದುತ್ವ ಪಕ್ಷ ಅಂತಲೇ ಗುರುತಿಸಿಕೊಂಡಿರೋ, ಕರೆಯಲ್ಪಡೋ ಬಿಜೆಪಿ ಪಕ್ಷದ ಕಟ್ಟಾಳು ಮೈಮೇಲೆ ಎಳೆದುಕೊಂಡಿರೋ ಪ್ರಮಾದವಿದು! ಆ ಜನನಾಯಕ ಬೇರೆ ಯಾರೂ ಅಲ್ಲ ಶುಗರ್ ಕಂಪನಿಗಳ ಕಿಂಗ್, ನಿರಾಣಿ ಶುಗರ್ಸ್​ ಲಿಮಿಟೆಡ್​ ಅಧ್ಯಕ್ಷ, ಶಾಸಕ ಮುರುಗೇಶ್ ನಿರಾಣಿ.

ಹೌದು, ಮುರುಗೇಶ್ ನಿರಾಣಿ ವಾಟ್ಸ್​ಆ್ಯಪ್​ನಲ್ಲಿ ಬ್ರಹ್ಮ, ವಿಷ್ಣು, ರಾಮ, ಕೃಷ್ಣ, ಇಂದ್ರ ಮೊದಲಾದ  ಹಿಂದೂ ಆರಾಧ್ಯ ದೇವರುಗಳ ಬಗ್ಗೆ ಅತ್ಯಂತ ಕೀಳಾದ ಮೆಸೇಜನ್ನು ಫಾರ್ವಡ್ ಮಾಡಿದ್ದಾರೆ. ಈ ಮೂಲಕ ಆಸ್ತಿಕರ ಭಾವನೆಗೆ ಧಕ್ಕೆ ತಂದಿದ್ದಾರೆ, ದೇವರ ವಿಚಾರದಲ್ಲಿ ಕಿಡಿ ಹತ್ತಿಸಿದ್ದಾರೆ.

‘’ಮಗಳನ್ನೇ  ಮದುವೆಯಾದ ಬ್ರಹ್ಮ ನಮಗೆ ದೇವರು. 16 ಸಾವಿರ ಹೆಂಡಂದಿರನ್ನು ಮದುವೆಯಾದ ದನಕಾಯುವ ಕೃಷ್ಣ ದೇವರು, ಮುಗ್ಧ ಬಾಲಕಿಯರು ಸರೋರವರದಲ್ಲಿ ಬೆತ್ತಲೆ ಸ್ನಾನ ಮಾಡುವಾಗ ಸೀರೆ ಕದ್ದವ ನಮ್ಮ ದೇವರು. ತಲೆ ಮೇಲೆ ಒಬ್ಬಳು, ತೊಡೆಯ ಮೇಲೆ ಒಬ್ಬಳನ್ನು ಇಟ್ಟುಕೊಂಡಾತ ನಮಗೆ ದೇವರು. ತುಂಬು ಗರ್ಭಿಣಿಯನ್ನು ಕಾಡಿಗಟ್ಟಿದ ರಾಮ ನಮ್ಮ ದೇವರು. ಹಾವು, ಹಂದಿ, ಕುದುರೆ, ಕತ್ತೆ, ನಾಯಿ, ಆಕಳು, ರತ್ನಪಕ್ಷಿ ಇನ್ನೂ ಹಲವು ದೇವರಾದರೆ, ಕಾಗೆ, ಗೂಬೆ, ಬೆಕ್ಕು ಇವು ಅಪಶಕುನ, ದೇವರುಗಳಿಗೆ ದೇವರೆನಿಸಿಕೊಂಡಾತ ಇಂದ್ರನು ಮಾಡಲಾರದ ಅನಾಚಾರಗಳು ಎಷ್ಟು? ಆದರೂ ನಮ್ಮ ದೇವರು.  ಜರಾಸಂಧನ ಹೆಂಡತಿ ವೃಂದಾಳನ್ನು ಅತ್ಯಾಚಾರ ಮಾಡಿದ ವಿಷ್ಣು ನಮ್ಮ ದೇವರು, ಗಂಡನ ಸಂಪರ್ಕ ಪಡೆಯದೇ ಸೂರ್ಯನಿಂದ, ಯಮನಿಂದ, ಇಂದ್ರನಿಂದ, ವಾಯುವಿನಿಂದ, ಪುತ್ರರನ್ನು ಪಡೆದ ಕುಂತಿ ದೇವತೆ. ಸನಾತನಿಗಳು ತಮ್ಮ ತೀಟೆಗೆ ನೂರೆಂಟು ಕಥೆಕಟ್ಟಿ ಸ್ತ್ರೀಯರನ್ನು ದೇವದಾಸಿಯರನ್ನಾಗಿ ಮಾಡಿದರು. ಸೂಳೆಯರನ್ನಾಗಿ ಮಾಡಿದರು. ದೇಹ ಸುಖ ಸವಿಯಲು ಬೆತ್ತಲೆ ಮೆರವಣಿಗೆ ಆಚರಣೆಗೆ ತಂದರು’’ ಅಂತ ತುಚ್ಛ ಮಾತುಗಳನ್ನು ಹಂಚಿಕೊಂಡಿದ್ದಾರೆ.

ಮುಂದುವರೆದು, ‘’ ವಿಶ್ವಗುರು ಅಪ್ಪ ಬಸವಣ್ಣ, ಪತಿತೆಯರನ್ನು ತಾಯಿಯಾಗಿ ಕಂಡ ಜಗತ್ತಿನ ಏಕೈಕ ದಾರ್ಶನಿಕರು, ದಯವೇ ಧರ್ಮದವೆಂದರು. ಕಾಯಕವೇ ಕೈಲಾಸವೆಂದರು. ಸ್ತ್ರೀಯರಿಗೆ ಗೌರವ ಸಮಾನತೆ ತಂದರು. ಸ್ತ್ರೀ ಸೂತಕತೆಗೆ ವಿರೋಧಿಸಿದರು. ಸಕಲರೂ ಸಮಾನರೆಂದರು. ದೇಹವೇ ದೇಗುಲವೆಂದರು, ದಾಸೋಹದ ಹರಿಕಾರರು, ಕರಸ್ಥಲದಲ್ಲಿ ಚುಳುಕಾಗಿಸಿದ ಇಷ್ಟಲಿಂಗದ ಪರಿಕಲ್ಪನೆಯಲ್ಲಿ ಬ್ರಹ್ಮಾಂಡ (ಯೂನಿವರ್ಸ್) ವನ್ನೇ ಪೂಜಿಸಿ ವಿಶ್ವ ವೈಶಾಲ್ಯತೆಯನ್ನು ಜಗಕೆ ತೋರಿಸಿದವರು. ಅನುಭವ ಮಂಟಪದ ಸೃಷ್ಟಿಕರ್ತರು, ಶರಣು ಶರಣಾರ್ಥಿ ಎಂದರು. ಸಕಲ ಜೀವಾತ್ಮರಿಗೂ ಲೇಸಾಗಲೆಂದರು. ಮೂಢನಂಬಿಕೆ, ಪವಾಡ, ಕಂದಾಚಾರ, ಉಚ್ಛ , ನೀಚ, ನಿಯಮ ವಿರೋಧಿಸಿದ ಧೀಮಂತ ಧೀರರು. ಜಗದ ಪ್ರಥಮ ಪ್ರಧಾನ ಮಂತ್ರಿಗಳು, ಸರಳತೆಯ ಮಹಾನ್ ಬುದ್ಧಿವಂತ ವಚನ, ಸಾಹಿತ್ಯಜ್ಞರು, ಅರ್ಥಶಾಸ್ತ್ರಜ್ಞರು, ಉಣಲು ಕಲಿಸಿದವರು, ಉಡಲು ಕಲಿಸಿದವರು. ಪ್ರಾಮಾಣಿಕ ದುಡುಮೆಯೇ ನಾಡಿನ ಸಂಪತ್ ಅಭಿವೃದ್ಧಿ ಎಂದರು. ಗುರು ಲಿಂಗ ಜಂಗಮ ಷಟ್​ ಸ್ಥಲ ಅಷ್ಠಾವರಣ ಅನೇಕ ಪ್ರಥಮಗಳ ಜನಕರು, ಪ್ರಜಾಸತ್ತಾತ್ಮಕ ಲಿಂಗಾಯತ ಧರ್ಮ ಸಂಸ್ಥಾಪಕರೂ ಆದ ವಿಶ್ವಗುರು ಬಸವಣ್ಣನವರು’’ ಎಂದು ಆ ಸದೇಶದಲ್ಲಿದೆ.

ಇಲ್ಲಿ ಬಸವಣ್ಣನವರ ಬಗ್ಗೆ ಇರುವ ಸಾಲುಗಳ ಬಗ್ಗೆ ಯಾರ, ಯಾವ ಆಕ್ಷೇಪವೂ ಇಲ್ಲ. ಆದ್ರೆ, ರಾಮ, ಕೃಷ್ಣ ಮತ್ತಿತರ ದೇವರುಗಳ ಬಗ್ಗೆ ಮಾತನಾಡಿರೋದು ಅಕ್ಷಮ್ಯ.

ಹಿಂದೂ ದೇವರಗಳ ಬಗ್ಗೆ ತುಚ್ಛ ವಾಕ್ಯಗಳ ಮೆಸೇಜನ್ನು ಮುರುಗೇಶ್ ನಿರಾಣಿ ವಾಟ್ಸ್​ಆ್ಯಪ್​ ಗ್ರೂಪೊಂದರಲ್ಲಿ ಫಾರ್ವಡ್ ಮಾಡಿದ್ದಾರೆ. ಹೀಗೆ ಕಿಡಿ ಹತ್ತಿಸೋ ಸಂದೇಶ ಕಳುಹಿಸಿ, ಆಮೇಲೆ  ಕ್ಷಮಿಸಿ, “ಸರ್ ಒಂದು ಮೆಸೇಜ್ ತಪ್ಪಾಗಿ ಬಂದಿದೆ. ದಯವಿಟ್ಟು ಡಿಲೀಟ್ ಮಾಡಿ’’ ಅಂತ ಕೇಳಿಕೊಂಡಿದ್ದಾರೆ.

LEAVE A REPLY

Please enter your comment!
Please enter your name here

- Advertisment -

Most Popular

5 ವರ್ಷದ ಬಾಲಕಿ ಕಾಣೆ

ಬೆಂಗಳೂರು : ನಗರದ ಮೆಜೆಸ್ಟಿಕ್ ಬಸ್ ನಿಲ್ದಾಣದಲ್ಲಿ 5 ವರ್ಷದ ಬಾಲಕಿ ಕಾಣೆಯಾಗಿದ್ದಾಳೆ. ಲೋಕಿತ ಕೆ.ಮರನ್ ಕಾಣೆಯಾಗಿರುವ ಬಾಲಕಿ‌. ಈಕೆ ತನ್ನ ತಾತನ ಜೊತೆ ಸೆ.18 ರಂದು ಮನೆಯಿಂದ ತೆರಳಿದ್ದಳು. ಮೆಜೆಸ್ಟಿಕ್ ನಿಲ್ದಾಣದಲ್ಲಿ...

ಅಕ್ಕ ಗೌರಿ ಲಂಕೇಶ್​ರನ್ನು ನೆನೆದು ಕಣ್ಣೀರಿಟ್ಟ ಇಂದ್ರಜಿತ್ ಲಂಕೇಶ್..!

ಬೆಂಗಳೂರು : ಸ್ಯಾಂಡಲ್​​ವುಡ್​ ಡ್ರಗ್ಸ್​ ಮಾಫಿಯಾ ವಿಚಾರಕ್ಕೆ ಸಂಬಂಧಿಸಿದಂತೆ ಸೋಮವಾರ ಸಿಸಿಬಿ ವಿಚಾರಣೆ ಎದುರಿಸಿದ್ದ ನಿರ್ದೇಶಕ ಇಂದ್ರಜಿತ್ ಲಂಕೇಶ್ ಇಂದು ಮತ್ತೊಮ್ಮೆ ಸಿಸಿಬಿ ಅಧಿಕಾರಿಗಳ ಮುಂದೆ ಹಾಜರಾಗುತ್ತಿದ್ದಾರೆ.  ಇಂದು ಸಿಸಿಬಿ ವಿಚಾರಣೆಗೆ ಹೋಗುವ...

ಸ್ಯಾಂಡಲ್​​ವುಡ್​​​​​ನಲ್ಲಿ ಡ್ರಗ್​ ಮಾಫಿಯಾ : ಇಂದು ಸಿಸಿಬಿಯಿಂದ ನಟಿ ರಾಗಿಣಿ ವಿಚಾರಣೆ

ಬೆಂಗಳೂರು :  ಸ್ಯಾಂಡಲ್​​​​ವುಡ್​​ನಲ್ಲಿ ಡ್ರಗ್​​ ಮಾಫಿಯಾದ ಬಗ್ಗೆ ಬಿಸಿಬಿಸಿ ಚರ್ಚೆ ನಡೀತಾ ಇದೆ. ಚಂದನವನಕ್ಕೆ ಮಾದಕ ಜಾಲ ಹಬ್ಬಿದೆಯೇ ಅಥವಾ ಇಲ್ಲವೇ ಅನ್ನೋದು ಸದ್ಯದ ಗಾಂಧಿನಗರದ ಹಾಟ್ ಸುದ್ದಿ. ಇದಕ್ಕೆ ಸಂಬಂಧಿಸಿದಂತೆ ನಟಿ ರಾಗಿಣಿ...

ಕೊರೋನಾದಿಂದ ಮಾಜಿ ಶಾಸಕ ಅಪ್ಪಾಜಿ ಗೌಡ ನಿಧನ

ಶಿವಮೊಗ್ಗ : ಭದ್ರಾವತಿಯ ಜೆಡಿಎಸ್ ನ ಮಾಜಿ ಶಾಸಕ ಅಪ್ಪಾಜಿಗೌಡ ವಿಧಿವಶರಾಗಿದ್ದಾರೆ. ಕಳೆದ ಕೆಲ ದಿನಗಳಿಂದ ಕೊರೋನಾ ಸೋಂಕಿಗೆ ಒಳಗಾಗಿದ್ದ ಅವರು,  ಚಿಕಿತ್ಸೆ ಫಲಕಾರಿಯಾಗದೆ ನಿಧನರಾಗಿದ್ದಾರೆ. ಅಪ್ಪಾಜಿಗೌಡರಿಗೆ 69 ವರ್ಷ ವಯಸ್ಸಾಗಿತ್ತು. ಪತ್ನಿ...

Recent Comments