ಮಹೇಂದ್ರ ಸಿಂಗ್ ಧೋನಿ.. ಟೀಮ್ ಇಂಡಿಯಾದ ಮಾಜಿ ಕ್ಯಾಪ್ಟನ್..ವರ್ಲ್ಡ್ ಕ್ರಿಕೆಟ್ ಕಂಡ ಅದ್ಭುತ ಕ್ರಿಕೆಟಿಗ.. ಕ್ರಿಕೆಟ್ ಲೋಕವೇ ಮೆಚ್ಚಿದ ಕ್ಯಾಪ್ಟನ್! ಬಹುಶಃ ಧೋನಿ ಎಂಬ ಶಕ್ತಿಯ ಯಶಸ್ಸಿನ ಹಿಂದಿರೋದು ಅವರ ತಾಳ್ಮೆ.. ಅದೆಂಥಾ ಪರಿಸ್ಥತಿಯನ್ನೂ ಕೂಲ್ ಆಗಿಯೇ ನಿಭಾಯಿಸುವ ಜಾಣ್ಮೆ, ಚಾಕಚಕ್ಯತೆ!
ಭಾರತಕ್ಕೆ ಎರಡು ವರ್ಲ್ಡ್ಕಪ್ ತಂದುಕೊಟ್ಟ ಅಪ್ರತಿಮ ನಾಯಕ ಧೋನಿ ಟೀಮ್ ಇಂಡಿಯಾ ಪರ ಕಣಕ್ಕಿಳಿದು, ಇಂಟರ್ನ್ಯಾಷನಲ್ ಕ್ರಿಕೆಟ್ಗೆ ಎಂಟ್ರಿಕೊಟ್ಟು 15 ವರ್ಷ.
ಅದು ಇಂದಿನ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಟೀಮ್ ಇಂಡಿಯಾದ ಕ್ಯಾಪ್ಟನ್ ಆಗಿದ್ದ ದಿನಗಳು. ಭಾರತೀಯ ಕ್ರಿಕೆಟಿನ ಸುವರ್ಣಕಾಲವದು. ಆ ದಿನಗಳಲ್ಲಿ ಉದಯಿಸಿದ ಕ್ರಿಕೆಟಿಗರಲ್ಲಿ ಧೋನಿ ಕೂಡ ಒಬ್ಬರು. 2004 ಡಿಸೆಂಬರ್ 23ರಂದು ಬಾಂಗ್ಲಾ ದೇಶದ ವಿರುದ್ಧದ ಮ್ಯಾಚ್ ಮೂಲಕ ಮಹೇಂದ್ರ ಸಿಂಗ್ ಧೋನಿ ಟೀಮ್ ಇಂಡಿಯಾಕ್ಕೆ ಎಂಟ್ರಿ ಕೊಡ್ತಾರೆ. ಚೊಚ್ಚಲ ಮ್ಯಾಚಲ್ಲಿ ಧೋನಿ ಸಾಧನೆ ಶೂನ್ಯ!
ಆದರೆ, 2005ರ ಏಪ್ರಿಲ್ನಲ್ಲಿ ಪಾಕಿಸ್ತಾನ್ ವಿರುದ್ಧ ವಿಶಾಖಪಟ್ಟಣದಲ್ಲಿ ನಡೆದ ಮ್ಯಾಚ್ನಲ್ಲಿ ಗಂಗೂಲಿ ಧೋನಿಯನ್ನು 3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ಗೆ ಇಳಿಸಿದ್ರು. ನಾಯಕನ ನಿರ್ಧಾರ ಸಮರ್ಥಿಸಿಕೊಂಡ ಮಾಹಿ 123 ಬಾಲ್ಗಳಲ್ಲಿ 148ರನ್ ಬಾರಿಸಿದ್ರು. ಅವರ ಅಬ್ಬರಕ್ಕೆ ಪಾಕ್ ಬೌಲರ್ಗಳು ನಡುಗಿ ಹೋಗಿದ್ರು. ಅಲ್ಲಿಂದ ಧೋನಿ ಹಿಂತಿರುಗಿ ನೋಡಿಲ್ಲ.
ಕೇವಲ 48 ಮ್ಯಾಚ್ಗಳಲ್ಲಿ ಐಸಿಸಿ ಒಡಿಐ ರ್ಯಾಂಕಿಂಗ್ನಲ್ಲಿ ಇದೇ ಧೋನಿ ನಂಬರ್ 1 ಪಟ್ಟ ಅಲಂಕರಿಸಿದ್ರು! ಅತೀ ಕಡಿಮೆ ಮ್ಯಾಚ್ ಗಳಲ್ಲಿ ಐಸಿಸಿ ರ್ಯಾಂಕಿಂಗ್ನಲ್ಲಿ ಅಗ್ರಸ್ಥಾನಕ್ಕೇರಿದ ಹಿರಿಮೆಗೆ ಪಾತ್ರರಾಗಿದ್ರು. ಮುಂದೆ ಧೋನಿ ಸೃಷ್ಟಿಸಿದ್ದೆಲ್ಲಾ ಅಳಿಸಲಾಗದ ಚರಿತ್ರೆ!
ಕನ್ನಡಿಗ ರಾಹುಲ್ ದ್ರಾವಿಡ್ ನಂತರ ಟೀಮ್ ಇಂಡಿಯಾದ ಚುಕ್ಕಾಣಿ ಹಿಡಿದ ಧೋನಿ 2007ರ ಟಿ20 ವರ್ಲ್ಡ್ಕಪ್, 2011ರ ಒಡಿಐ ವರ್ಲ್ಡ್ಕಪ್ ಗೆಲ್ಲಿಸಿಕೊಟ್ರು. ಅಲ್ಲದೆ 2013ರಲ್ಲಿ ಇದೇ ಧೋನಿ ಕ್ಯಾಪ್ಟೆನ್ಸಿಯಲ್ಲಿ ಭಾರತ ಚಾಂಪಿಯನ್ಸ್ ಟ್ರೋಫಿ ಗೆದ್ದು ಬೀಗಿತು. ಹೀಗೆ ಮೂರು ಐಸಿಸಿ ಟ್ರೋಫಿಗಳನ್ನು ಗೆದ್ದ ಭಾರತದ ಏಕೈಕ ಕ್ಯಾಪ್ಟನ್ ಧೋನಿ.
2019ರಲ್ಲಿ ಇಂಗ್ಲೆಂಡ್ನಲ್ಲಿ ನಡೆದ ವರ್ಲ್ಡ್ಕಪ್ ಬಳಿಕ ಸದ್ಯ ವಿರಾಮದಲ್ಲಿರುವ ಧೋನಿ ಮುಂಬರುವ ಟಿ20 ವರ್ಲ್ಡ್ಕಪ್ನಲ್ಲಿ ಕಣಕ್ಕಿಳಿಯಬೇಕು ಅನ್ನೋದು ಕೋಟಿ ಕೋಟಿ ಅಭಿಮಾನಿಗಳ ಆಸೆ.
`ವಿಶ್ವ ವಿಜೇತ’ಧೋನಿ ಎಂಟ್ರಿಗೆ 15 ವರ್ಷ!
Recent Comments
on ‘ಗಂಡ ಸತ್ತು 2 ತಿಂಗಳು ಕಳೆದಿಲ್ಲ, ರಾಜಕೀಯ ಬೇಕಿತ್ತಾ’? : ಸುಮಲತಾ ವಿರುದ್ಧ ನಾಲಿಗೆ ಹರಿಬಿಟ್ಟ ಹೆಚ್.ಡಿ ರೇವಣ್ಣ..!
on ಭಾರತ ದಾಳಿ ಮಾಡಿದ್ರೆ ಪ್ರತ್ಯುತ್ತರ ನೀಡುತ್ತಂತೆ ಪಾಕ್..! ಹಳೇ ರಾಗಕ್ಕೆ ತಾಳ ಹಾಕಿದ ರಣಹೇಡಿ ರಾಷ್ಟ್ರದ ಪ್ರಧಾನಿ..!
on ಶವವಂಚಕ!
on ಕೊರೊನ ನಡುವೆಯೇ ನಾಳೆಯಿಂದ ರಾಜ್ಯಾದ್ಯಂತ ಕೆ-ಸಿಇಟಿ ಪರೀಕ್ಷೆ , ಕೊರೊನ ಪಾಸಿಟಿವ್ ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಬಹುದು