1996ರಲ್ಲಿ ಕನ್ನಡಿಗ ಜಾವಗಲ್ ಶ್ರೀನಾಥ್ – 2019ರಲ್ಲಿ ಮೊಹಮ್ಮದ್ ಶಮಿ..!

0
313

ವಿಶಾಖಪಟ್ಟಣ : ಕ್ರಿಕೆಟ್​​ ಜಗತ್ತು ಕೌತುಕಗಳ ಆಗರ. ಇಲ್ಲಿ ಸಾಕಷ್ಟು ದಾಖಲೆಗಳು ನಿರ್ಮಾಣವಾಗುತ್ತಲೇ ಇರುತ್ತವೆ. ಅದೆಷ್ಟೋ ದಾಖಲೆಗಳು ಇಂದಿಗೂ ಬ್ರೇಕ್ ಆಗಿಲ್ಲ…ಮುಂದೆ ಕೂಡ ಬ್ರೇಕ್ ಆಗುವುದು ಕಷ್ಟ..! ಕ್ರಿಕೆಟ್​ ಎಂಬ ವರ್ಣ ರಂಜಿತ ಆಟದಲ್ಲಿ ಪ್ರತಿಯೊಂದು ಮ್ಯಾಚ್​ನಲ್ಲೂ ಒಂದಲ್ಲ ಒಂದು ರೆಕಾರ್ಡ್​​ಗಳು ಪುಸ್ತಕದಲ್ಲಿ ದಾಖಲಾಗುತ್ತಲೇ ಇರುತ್ತವೆ. ಅಂತೆಯೇ ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಮೊದಲ ಟೆಸ್ಟ್​ನಲ್ಲೂ ಅನೇಕ ದಾಖಲೆಗಳು ನಿರ್ಮಾಣವಾಗಿದ್ದು, ವೇಗಿ ಮೊಹಮ್ಮದ್ ಶಮಿ ವಿಶೇಷ ರೆಕಾರ್ಡ್​ವೊಂದನ್ನು ಮಾಡಿದ್ದಾರೆ.
ಹೌದು, ವಿಶಾಖಪಟ್ಟಣದ ಡಾ.ವೈಎಸ್​ ರಾಜಶೇಖರ್ ರೆಡ್ಡಿ ಕ್ರೀಡಾಂಗಣದಲ್ಲಿ ನಡೆದ ಮ್ಯಾಚ್​ನಲ್ಲಿ ಭಾರತದ ಎರಡನೇ ಇನ್ನಿಂಗ್ಸ್​ನಲ್ಲಿ ಶಮಿ 5 ವಿಕೆಟ್​ ಕಿತ್ತು ಮಿಂಚಿದರು. ಈ ಮೂಲಕ 1996ರ ಬಳಿಕ ಭಾರತದಲ್ಲಿ ಟೆಸ್ಟ್​​​ ಪಂದ್ಯದ 4ನೇ ಇನ್ನಿಂಗ್ಸ್​​ನಲ್ಲಿ 5 ವಿಕೆಟ್ ಕಿತ್ತ ಸಾಧನೆ ಮಾಡಿದ ಬೌಲರ್ ಎನಿಸಿಕೊಂಡಿದ್ದಾರೆ. 1996ರಲ್ಲಿ ಜಾವಗಲ್ ಶ್ರೀನಾಥ್ ಸೌತ್ ಆಫ್ರಿಕಾ ವಿರುದ್ಧದ ಮ್ಯಾಚ್​​ನಲ್ಲಿ 4ನೇ ಇನ್ನಿಂಗ್ಸ್​ನಲ್ಲಿ 6 ವಿಕೆಟ್​ ಪಡೆದಿದ್ದರು, ಅಂತೆಯೇ ಲ್ಯಾನ್ಸ್ ಕ್ಲುಸ್ನೆರ್​​​​​ 64 ರನ್​ಗಳಿಗೆ 8 ವಿಕೆಟ್​ ಕಿತ್ತಿದ್ದರು. ಆ ಬಳಿಕ ಯಾರೂ ಈ ಸಾಧನೆ ಮಾಡಿರ್ಲಿಲ್ಲ.

LEAVE A REPLY

Please enter your comment!
Please enter your name here