ಕೊನೆಗೂ ಮೌನ ಮುರಿದ ಮಿಥಾಲಿ..!

ಟಿ20 ವರ್ಲ್ಡ್ ಕಪ್ ಸೆಮಿಫೈನಲ್ ನಿಂದ ತಮ್ಮನ್ನು ಹೊರಗಿಟ್ಟಿದ್ದಕ್ಕೆ ಟೀಮ್ ಇಂಡಿಯಾದ ಒಡಿಐ ಕ್ಯಾಪ್ಟನ್ ಮಿಥಾಲಿ ರಾಜ್ ಕೊನೆಗೂ ಮೌನ ಮುರಿದಿದ್ದಾರೆ. ಕೋಚ್​ ರಮೇಶ್​ ಪವಾರ್​ ಹಾಗೂ ಆಡಳಿತ ಮಂಡಳಿಯ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಸಿಒಎ ಆಡಳಿತ ಮಂಡಳಿಯ ಸದಸ್ಯೆ ಹಾಗೂ ಟೀಮ್​ಇಂಡಿಯಾದ ಮಾಜಿ ನಾಯಕಿ ಡಯಾನ ಎಡುಲ್ಜಿ ಪಕ್ಷಪಾತದ ಧೋರಣೆ ಅನುಸರಿಸುತಿದ್ದು, ಕೋಚ್​​ ರಮೇಶ್​​ ಪೋವಾರ್​ ಸೇರಿದಂತೆ ಕೆಲವರು ಕರಿಯರ್ ಗೆ ತೊಂದ್ರೆ ಮಾಡ್ತಿದ್ದಾರೆ ಅಂತ ಗಂಭೀರ ಆರೋಪ ಮಾಡಿ, ಸಿಇಒ ರಾಹುಲ್​ ಜೊಹ್ರಿ ಮತ್ತು ಸಬಾ ಕರೀಂರವರಿಗೆ ಪತ್ರ ಬರೆದಿದ್ದಾರೆ. ಟಿ-20 ವರ್ಲ್ಡ್ ಕಪ್ ನಲ್ಲಿ ಇಂಗ್ಲೆಂಡ್ ವಿರುದ್ಧದ ಸೆಮಿಫೈನಲ್​ನಲ್ಲಿ ಮಿಥಾಲಿರಾಜ್​ರನ್ನು ತಂಡದಿಂದ ಹೊರಗಿಡಲಾಗಿತ್ತು. ಪಂದ್ಯದ ಸೋಲಿನ ಬಳಿಕ ಅಭಿಮಾನಿಗಳು ಮಿಥಾಲಿರಾಜ್​ ರನ್ನು ಪ್ರಮುಖ ಮ್ಯಾಚ್ ನಿಂದ ಕೈ ಬಿಟ್ಟಿದ್ದಕ್ಕೆ ಆಕ್ರೋಶ ವ್ಯಕ್ತಪಡಿಸಿದ್ರು. ಈ ಬಗ್ಗೆ ಪ್ರತಿಕ್ರಿಯಿಸಿದ್ದ ಡಯಾನಾ ಎಡುಲ್ಜಿ, ಮಿಥಾಲಿ ರಾಜ್​ಯನ್ನ ಪಂದ್ಯದಿಂದ ಹೊರಗಿಟ್ಟ ಕ್ರಮವನ್ನ ಸಮರ್ಥಿಸಿಕೊಂಡಿದ್ರು. ಇನ್ನು ಈ ಬಗ್ಗೆ ಸ್ಪಷ್ಟಣೆಗೆಂದು ಹರ್ಮನ್ ​ಪ್ರೀತ್ ಕೌರ್​, ಮಿಥಾಲಿ ರಾಜ್​, ಕೋಚ್​ ರಮೇಶ್​​ ಪೋವಾರ್​​ ಹಾಗೂ ತಂಡದ ಮ್ಯಾನೇಜರ್​ರನ್ನ ಸಿಒಎ ಕಮಿಟಿ ಸಭೆ ಕರೆದಿದೆ.