Home P.Special ಮಾರ್ಷಿಯಲ್​ ಆರ್ಟ್​​​ಗೂ ಅಗಸ್ತ್ಯರಿಗೂ ಅದೆಂಥಾ ನಂಟು?

ಮಾರ್ಷಿಯಲ್​ ಆರ್ಟ್​​​ಗೂ ಅಗಸ್ತ್ಯರಿಗೂ ಅದೆಂಥಾ ನಂಟು?

ಹುಟ್ಟಿದ ಪ್ರತಿ ಮಗುವೂ, ಅಷ್ಟೆಯಾಕೆ ಈ ಭೂಮಿಯಲ್ಲಿ ಜನಿಸಿದ ಪ್ರತಿಯೊಂದು ಜೀವಿಯೂ ಕೂಡ ಮೊದಲು ಕಲಿಯುವುದು ಆಟ ಆಡುವುದನ್ನು. ಅಂಥಾ ನಿಮ್ಮೆಲ್ಲರಿಗೂ ಗೊತ್ತಿರೋ ವಿಷಯ ಅನ್ನೋದು ನನಗೂ ಗೊತ್ತಿದೆ. ಆದ್ರೆ ಆಟಗಳನ್ನ ಕ್ರಮಬದ್ಧವಾಗಿ ನಿಯಮಗಳ ಸಮೇತ ಆಡುವುದಾದರೇ ಅದನ್ನ ಕ್ರೀಡೆಯೆಂದು ಕರೆಯುತ್ತಾರೆ ಎನ್ನುವುದು ಸಾಮಾನ್ಯ ಜ್ಞಾನಕೂಡ ಹೌದು.

 ನಮ್ಮ ಭಾರತದಲ್ಲಿ ಹಲವಾರು ಕ್ರೀಡೆಗಳಿವೆ ಅವುಗಳಲ್ಲಿ ಕೆಲವೊಂದು ಮಾತ್ರ ಬಹಳ ಪ್ರಖ್ಯಾತಿಯನ್ನ ಪಡೆದರೇ , ಇನ್ನೂ ಕೆಲವಷ್ಟು ಕ್ರೀಡೆಗಳು ಎಲೆಮರೆಯ ಕಾಯಿಯಂತೆ ಮೂಲೆಗುಂಪಾಗಿದೆ, ಅದೇನೇ ಇರಲಿ ನಾನು ಇನ್ನು ಮುಂದೆ ಕ್ರೀಡೆಗಳ ಬಗ್ಗೆ ನಿಮಗೆ ಗೊತ್ತಿಲ್ಲದ ಒಂದಷ್ಟು ಮಾಹಿತಿಗಳನ್ನ, ಆ ಕ್ರೀಡೆಯ ಇತಿಹಾಸವನ್ನ ಮತ್ತು ಅದರ ನಿಯಮಗಳನ್ನ, ಆ ಒಂದು ಕ್ರೀಡೆಯನ್ನ ಆಭ್ಯಾಸಿಸಬೇಕಾದರೆ ಯಾವೆಲ್ಲ ಗುಣಗಳಿರಬೇಕು, ಅಭ್ಯಾಸ ಮಾಡಿದರೆ ಏನೆಲ್ಲ ಲಾಭಗಳಿವೆ ಎನ್ನುವ ಹಲವಾರು ನಿಮ್ಮ ಕುತೂಹಲಕ್ಕೆ ನಾನು ಉತ್ತರ ಹುಡುಕುವ ಪ್ರಯತ್ನ ಇನ್ನುಮುಂದೆ ಸಾಗುತ್ತಲೇ ಇರುತ್ತದೆ.. ಈ ಕೆಳಗಿನಂತೆ..!

 ಮನುಷ್ಯ ಅಂದಮೇಲೆ ಬೇಜಾರು, ಗಲಾಟೆ, ಕೋಪ ಇನ್ನೂ ಹೆಚ್ಚೆಂದರೆ ಹೊಡೆದಾಟ ಸರ್ವೆಸಾಮಾನ್ಯ ಅಲ್ವಾ? ಇದು ಇನ್ನೂ ಅತೀರೇಕಕ್ಕೆ ಹೋದ್ರೆ ಗುಂಪು ಘರ್ಷಣೆ, ಆಫ್ ಮರ್ಡರ್​, ಕೊಲೆ, ಸಾವು ಇದೆಲ್ಲ ಸಂಭವಿಸುವುದು ಈಗಿನ ಸಮಾಜದಲ್ಲಿ ಕೆಡುಕನ್ನ ಸೃಷ್ಠಿಸೋದು ಇತ್ತೀಚೆಗೆ ಸಾಮನ್ಯ ಪ್ರಕ್ರಿಯೆಯಾಗಿದೆ. ಆದರೆ ನಮ್ಮ ರಾಜರ ಕಾಲದಲ್ಲಿ ಹೀಗಿರಲಿಲ್ಲ , ಯಾರಾದರೂ ತಪ್ಪು ಮಾಡಿದರೂ ಅವರಿಗೆ ಏನೇ ಶಿಕ್ಷೆಯಾಗಬೇಕಾದರೂ ಅದೆಲ್ಲದಕ್ಕೂ ರಾಜನ ಅಪ್ಪಣೆಯಾಗಬೇಕಿತ್ತು. ಹಾಗಾಗಿ ಅಲ್ಲಿ ಕೊಲೆ ಸಾವು ನೋವು ಇರಲಿ ಹೊಡೆದಾಡುವ ಮಾತೆ ಇದ್ದಿಲ್ಲ. ಹಾಗಾಗಿ ಆಗಿನ ಜನ ಹೊಡೆದಾಟವನ್ನೆ ಒಂದು ನಿಗದಿತ ಪ್ರದೇಶದಲ್ಲಿ ಗೊತ್ತು ಪಡಿಸಿಕೊಂಡು ಅಲ್ಲಿ ಹೊಡೆದಾಡಿ ನಂತರ ಯಾರೊ ಒಬ್ಬಗೆಲ್ಲುತ್ತಿದ್ದ ಇನ್ಯಾರೊ ಒಬ್ಬ ಸೋಲುತ್ತಿದ್ದ , ಅಲ್ಲಿಗೆ ಈ ಹೊಡೆದಾಟದ ಆಟ ಮುಗಿಯುತಿತ್ತು, ಅದರಿಂದ ನೋಡುಗರಿಗೂ ಮನೋರಂಜನೆಯೂ ಇರುತ್ತಿತ್ತು.

  ಹೀಗೆ ಮುಂದುವರೆದು ಅದನ್ನೆ ನಿಯಮಬದ್ಧವಾಗಿ ಮತ್ತು ಕ್ರಮಬದ್ಧವಾಗಿ ಆಡುವ ಮೂಲಕ ಮಾರ್ಷಿಯಲ್​ ಆರ್ಟ್​ ಅನ್ನೋದನ್ನ ಹುಟ್ಟುಹಾಕಲಾಗಿದೆ ಎನ್ನುವುದು ನಂಬಲೇಬೇಕಾದ ಸಂಗತಿ. ಯಾಕೆಂದರೆ ಒಂದು ಸತ್ಯ ಏನು ಗೊತ್ತಾ? ಈ ಮಾರ್ಷಿಯಲ್​ ಆರ್ಟ್​ ಅಂದರೆ ಕನ್ನಡದಲ್ಲಿ ಕದನ ಕಲೆ ಅಂತ, ಅಂದರೆ ಒಬ್ಬ ವ್ಯಕ್ತಿ ಮತ್ತೊಬ್ಬ ವ್ಯಕ್ತಿಯನ್ನ ಅಥವಾ ತನ್ನ ಎದುರಾಳಿಯನ್ನ ಧೈಹಿಕವಾಗಿ ಮಣಿಸಲು ಅಂದರೆ ಸೋಲಿಸಲು ಬಳಸುವ ಯಾವುದೇ ರೀತಿಯ ತಂತ್ರವನ್ನ ಅವನು ಪ್ರಯೋಗಿಸಿದರೆ ಅದುವೇ ಕದನ ಕಲೆ , ಮಾರ್ಷಿಯಲ್​ ಆರ್ಟ್​! ಹೀಗೆ ಶುರುವಾದ ಮಾರ್ಷಿಯಲ್​ ಆರ್ಟ್​ ಮೊದಲು ಒಂದು ಹೊಸರೂಪವನ್ನ ಪಡೆದಿದ್ದು ನಮ್ಮ ಭಾರತದಲ್ಲಿ ಅದರಲ್ಲೂ ಪಕ್ಕದ ರಾಜ್ಯ ಕೇರಳದಲ್ಲಿ ಅನ್ನೋದು ಹೆಮ್ಮೆಯನ್ನ ತರುವಂತಹ ವಿಷಯ.

  ಗೆಳೆಯರೆ, ಹಾಗೆ ಹುಟ್ಟುಪಡೆದ ಆ ಸಮರ ಕಲೆ ಯಾವುದು ಗೊತ್ತಾ? ಇಂದು ಜಗತ್ಪಸಿದ್ಧಿ ಪಡೆದು ಜನಮನ್ನಣೆಯನ್ನ ಗಳಿಸಿರುವಂತಹ ಕಳರಿ ಪಯಟ್ಟು ಎನ್ನುವ ಕದನ ಕಲೆ ಕಂಡ್ರಿ! ಶಿವನ ರುದ್ರತಾಂಡವವೇ ಈ ಸಮರ ಕಲೆಯ ಮೂಲ. ಸ್ನೇಹಿತರೆ, ಈ ಸಮರ ಕಲೆಯ ಹುಟ್ಟಿಗೆ ಕಾರಣರಾದವರು ಅಗಸ್ತ್ಯ ಮುನಿಗಳು.!

ಅರೆ, ಈ ಅಗಸ್ತ್ಯ ಮುನಿಗಳು ಈ ಕಲೆಯನ್ನು ಇದನ್ನ ಯಾವಾಗ ಅಭ್ಯಾಸ ಮಾಡಿದರಪ್ಪ ಅಂತಾ ಯೋಚಿಸ ಬೇಡಿ ಇಲ್ಲೇ ಇರೋದು ಟ್ವಿಸ್ಟ್. ಯಸ್, ಅಗಸ್ತ್ಯ ಮುನಿಗಳು ಶಿವನ ಪರಮ ಭಕ್ತರು.. ಇವರು ಸದಾ ಶಿವನ ಆರಾಧನೆಯಲ್ಲೇ ಕಾಲಕಳೆಯುತ್ತಿದ್ದರು. ಹೀಗಿರುವಾಗಲೇ ಅವರಿಗೆ ಒಂದು ಹೊಸ ಆಲೋಚನೆ ಉಂಟಾಗುತ್ತದೇ. ಶಿವನು ದುಷ್ಟರನ್ನು ಸಂಹರಿಸಲು, ಸಿಟ್ಟಿನಲ್ಲಿ ರುದ್ರ ತಾಂಡವವಾಡುತ್ತಾನೆ, ಈ ತಾಂಡವದ ಕೆಲವು ಬಂಗಿಗಳನ್ನ ಹೆಕ್ಕಿ ದೇಹವನ್ನ ಸದೃಢವಾಗಿಡಲು ವ್ಯಾಯಾಮದ ರೀತಿಯಲ್ಲಿ ಪ್ರತಿದಿನ ಅಭ್ಯಾಸಿಸಲು ಮುಂದಾಗುತ್ತಾರೆ. ಹಾಗೆ ತನ್ನ ಕೆಲ ಶಿಷ್ಯರಿಗೂ ಕಲಿಸಿ ಕೊಡಲು ಮುಂದಾಗುತ್ತಾರೆ. ಹೀಗೆ ಶುರುವಾದ ವ್ಯಾಯಾಮ ಮುಂದೆ ರೀತಿ, ನೀತಿ, ನಿಯಮಗಳನ್ನ ಹೊಂದುತ್ತದೆ.. ಆ ಶಿಷ್ಯಂದಿರುಗಳು ಹಾಗೆ ಅಲ್ಲಿಂದ ಮುಂದೆ ರಾಜರುಗಳ ಆಸ್ತಾನವನ್ನ ಸೇರಿ ಅಲ್ಲಿ ತರಬೇತಿಯನ್ನ ಶುರುಮಾಡುತ್ತಾರೆ. ಹೀಗೆ, ಶುರುವಾಗಿದ್ದೇ ಈ ಸಮರ ಕಲೆ ಅಥವಾ ಕಧನಕಲೆ ಅಥವಾ ಮಾರ್ಷಿಯಲ್​ ಆರ್ಟ್​.

-ಮೋಹನ್​ ಕುಮಾರ್ ಆಳಲಗೇರೆ

LEAVE A REPLY

Please enter your comment!
Please enter your name here

- Advertisment -

Most Popular

ದೇಶದಲ್ಲಿ  24 ಗಂಟೆಗಳಲ್ಲಿ 48,648 ಕೊರೋನಾ ಕೇಸ್ ಪತ್ತೆ!

ನವದೆಹಲಿ : ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 48,648 ಮಂದಿಯಲ್ಲಿ ಕೊರೋನಾ ಸೋಂಕು ಪತ್ತೆಯಾಗಿದೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 80,88,851ಕ್ಕೆ ತಲುಪಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ...

 ಸಿನಿಮೀಯ ರೀತಿಯಲ್ಲಿ ನಗರಸಭೆ ಸದಸ್ಯ ಕಿಡ್ನಾಪ್​!

ಕೊಪ್ಪಳ : ಸಿನಿಮೀಯ ರೀತಿಯಲ್ಲಿ ನಗರಸಭೆ ಸದಸ್ಯನನ್ನು ಕಿಡ್ನಾಪ್ ಮಾಡಲಾಗಿದೆ. ಕಿಡ್ನಾಪ್​ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಕೊಪ್ಪಳ ಜಿಲ್ಲೆಯ ಗಂಗಾವತಿಯಲ್ಲಿ ನವೆಂಬರ್ 2 ರಂದು ನಗರಸಭೆ ಚುನಾವಣೆ ನಡೆಯಲಿದ್ದು, ಗಂಗಾವತಿ ನಗರಸಭೆ ಕಾಂಗ್ರೆಸ್ ಸದಸ್ಯ...

ಅಲಹಬಾದ್​ ಹೈಕೋರ್ಟ್ ನಿಗಾದಲ್ಲಿ ಹತ್ರಾಸ್​ ಗ್ಯಾಂಗ್ ರೇಪ್​ ಕೇಸ್ ತನಿಖೆಗೆ ಸುಪ್ರೀಂ ಆದೇಶ

ನವದೆಹಲಿ : ಉತ್ತರ ಪ್ರದೇಶ ಹತ್ರಾಸ್​​​​ ಗ್ಯಾಂಗ್​ ರೇಪ್​​ ಪ್ರಕರಣದ ತನಿಖೆ ಅಲಹಬಾದ್​ ಹೈಕೋರ್ಟ್​ ನಿಗಾದಲ್ಲಿ ನಡೆಯಬೇಕೆಂದು ಸುಪ್ರೀಂ ಕೋರ್ಟ್​ ಆದೇಶಿಸಿದೆ. ಸದ್ಯ ಸಿಬಿಐ ಪ್ರಕರಣದ ತನಿಖೆಯನ್ನು ನಡೆಸುತ್ತಿದ್ದು, ತನಿಖಾ ತಂಡದಲ್ಲಿರುವ ಅಧಿಕಾರಿಗಳನ್ನು ರಾಜ್ಯದಿಂದ...

ಡಿ.ಬಾಸ್​​ಗಾಗಿ ಕನ್ನಡ ಕಲಿತ ಜಗಮಪತಿ ಬಾಬು..!

ಸಾಲ್ಟ್ ಅಂಡ್ ಪೆಪ್ಪರ್ ಲುಕ್​ನಲ್ಲಿ ಸೌತ್​ನಲ್ಲಿ ಸಂಚಲನ ಸೃಷ್ಠಿಸಿರೋ ಜಗಪತಿ ಬಾಬು, ಮತ್ತೊಂದು ನೂತನ ದಾಖಲೆ ಬರೆದಿದ್ದಾರೆ. ಅದೂ ಡಿ ಬಾಸ್ ದರ್ಶನ್​ಗಾಗಿ ಅನ್ನೋದು ವಿಶೇಷ. ಇಷ್ಟಕ್ಕೂ ಮೋಸ್ಡ್ ಡಿಮ್ಯಾಂಡಿಂಗ್ ಜಗಪತಿ ಬಾಬು...

Recent Comments