ಟಿಕ್​ ಟಾಕ್​ ಆ್ಯಪ್​ ನಿಷೇಧಿಸುಂತೆ ಮದ್ರಾಸ್​ ಹೈಕೋರ್ಟ್​ನಿಂದ ಕೇಂದ್ರಕ್ಕೆ ಮಧ್ಯಂತರ ನಿರ್ದೇಶನ

0
75

ಚೆನ್ನೈ: ಟಿಕ್​ ಟಾಕ್​ ಆ್ಯಪ್​ ನಿಷೇಧಿಸುವಂತೆ ಮದ್ರಾಸ್​ ಹೈಕೋರ್ಟ್ ಕೇಂದ್ರ ಸರ್ಕಾರಕ್ಕೆ ಮದ್ಯಂತರ ನಿರ್ದೇಶನ ನೀಡಿದೆ. ಟಿಕ್​ ಟಾಕ್​ನಂತಹ ಮೊಬೈಲ್​ ಅಪ್ಲಿಕೇಶನ್​ಗಳಲ್ಲಿ ಆಶ್ಲೀಲ ಚಿತ್ರಗಳು ಮತ್ತು ಅನುಚಿತ ಅಂಶಗಳು ಮಕ್ಕಳ ಕೈಗೂ ಲಭ್ಯವಾಗುತ್ತಿದೆ ಅಂತ ನ್ಯಾಯಾಲಯ ಅಭಿಪ್ರಾಯ ಪಟ್ಟಿದೆ. ಹಾಗಾಗಿ ಆ್ಯಪ್​ ಡೌನ್​ಲೋಡ್​ ಮಾಡಿಕೊಳ್ಳುವುದಕ್ಕೆ ನಿಷೇಧ ಹೇರಬೇಕೆಂದು ಒತ್ತಾಯಿಸಿದೆ. ಟಿಕ್​ ಟಾಕ್ ಮಾಡಿದ ವಿಡಿಯೋಗಳನ್ನು ಪ್ರಸಾರ ಮಾಡದಂತೆ ಮಾಧ್ಯಮಗಳಿಗೆ ನಿರ್ದೇಶನ ಮಾಡುವಂತೆ ವಿಭಾಗಿಯ ಪೀಠ ಕೆಂದ್ರಕ್ಕೆ ನಿರ್ದೇಶನ ನೀಡಿದೆ.

ಟಿಕ್​ಟಾಕ್ ಆ್ಯಪ್​ ಬ್ಯಾನ್ ಮಾಡಬೇಕೆಂದು ತಮಿಳುನಾಡು ಸರ್ಕಾರ ಸಲ್ಲಿಸಿದ ಅರ್ಜಿಯನ್ನು ಪುರಸ್ಕರಿಸಿ, ನ್ಯಾ. ಎನ್​. ಕಿರುಭಕರಣ್, ನ್ಯಾ. ಎಸ್​. ಎಸ್​ ಸುಂದರ್ ಅವರನ್ನೊಳಗೊಂಡ ನ್ಯಾಯಪೀಠ ಕೇಂದ್ರಕ್ಕೆ ಮಧ್ಯಂತರ ನಿರ್ದೇಶನ ನೀಡಿದೆ. ಚೀನಾ ಮೂಲದ ಟಿಕ್​ಟಾಕ್ ಆ್ಯಪ್​ನ್ನು ಭಾರತದಲ್ಲಿ 104 ಮಿಲಿಯನ್ ಜನ ಬಳಸುತ್ತಿದ್ದಾರೆ. ಇಂಡೋನೇಷ್ಯಾ, ಬಾಂಗ್ಲಾದೇಶದಲ್ಲಿ ಈಗಾಗಲೇ ಟಿಕ್​ಟಾಕ್​ ಬ್ಯಾನ್ ಮಾಡಲಾಗಿದ್ದು, ಅಮೆರಿಕವೂ ಚಿರ್ಲ್ಡ್​ನ್ ಆನ್​ಲೈನ್ ಪ್ರೈವಸಿ ಆ್ಯಕ್ಟ್​ ಜಾರಿ ಮಾಡಿದೆ. ಇಂತಹ ಒಂದು ಕ್ರಮ ಭಾರತದಲ್ಲಿಯೂ ಅಗತ್ಯವಿದೆ ಅಂತ ನಿರ್ದೇಶನದಲ್ಲಿ ತಿಳಿಸಲಾಗಿದೆ.

ಎರಡು ತಿಂಗಳ ಹಿಂದೆಯಷ್ಟೇ ತಮಿಳುನಾಡು ಮಾಹಿತಿ ತಂತ್ರಜ್ಷಾನ ಸಚಿವ ಎಂ. ಮಣಿಕಂಠನ್ ಅವರು ಟಿಕ್​ಟಾಕ್​ ಬ್ಯಾನ್ ಮಾಡಲು ಕೇಂದ್ರದ ನೆರವು ಪಡೆಯುವಂತೆ ಸರ್ಕಾರಕ್ಕೆ ಸೂಚಿಸಿದ್ದರು.

https://www.powertvnews.in/tamil-nadu-will-try-to-ban-tiktok-app-over-vulgar-content-minister/

LEAVE A REPLY

Please enter your comment!
Please enter your name here