Home ಸಿನಿ ಪವರ್ ಇದ್ದಕ್ಕಿದ್ದಂತೆ 'ಪೈಲ್ವಾನ್​' ಸುನೀಲ್ ಶೆಟ್ಟಿಗೆ 'ಕೆಜಿಎಫ್​' ನೆನಪಾಗಿದ್ದೇಕೆ?

ಇದ್ದಕ್ಕಿದ್ದಂತೆ ‘ಪೈಲ್ವಾನ್​’ ಸುನೀಲ್ ಶೆಟ್ಟಿಗೆ ‘ಕೆಜಿಎಫ್​’ ನೆನಪಾಗಿದ್ದೇಕೆ?

ಕೆಜಿಎಫ್ .. ಕನ್ನಡದ ಗೋಲ್ಡನ್  ಫಿಲ್ಮ್… ಚಂದನವನದ ಬ್ರಾಂಡ್ ವ್ಯಾಲ್ಯುವನ್ನು ಹೆಚ್ಚಿಸಿದ ಸಿನಿಮಾ. ಸಪ್ತ ಸಾಗರದಾಚೆಗೂ ಸದ್ದು ಮಾಡಿದ ಬಿಗ್ ಬಜೆಟ್ ಮೂವಿ. ಕನ್ನಡ ಚಿತ್ರರಂಗಕ್ಕೆ ಹೊಸ ಆಯಾಮವನ್ನು ಕೊಟ್ಟ ಸಿನಿಮಾ. ಚಾಪ್ಟರ್ 1 ಯಶಸ್ಸಿನ ಬೆನ್ನಲ್ಲೇ ಈಗ ಕೆಜಿಎಫ್ ಚಾಪ್ಟರ್ 2 ಸೆಟ್ಟೇರಿದೆ.

ರಾಕಿಂಗ್​ ಸ್ಟಾರ್ ಯಶ್ ಮತ್ತು ‘ಗೋಲ್ಡನ್’ ಡೈರೆಕ್ಟರ್ ಪ್ರಶಾಂತ್ ನೀಲ್ ಕಾಂಬಿನೇಷನ್​ನ ಕೆಜಿಎಫ್ ಕನ್ನಡ ಮಾತ್ರವಲ್ಲದೆ ಹಿಂದಿ, ತೆಲುಗು, ತಮಿಳು, ಮಲೆಯಾಳಂ ಭಾಷೆಗಳಲ್ಲಿ ರಿಲೀಸ್ ಆಗಿತ್ತು. ವಿಶ್ವದಾದ್ಯಂತ ಸಿಕ್ಕಾಪಟ್ಟೆ ಸೌಂಡು ಮಾಡಿತ್ತು. ಈ ಸಿನಿಮಾದೊಂದಿಗೆ ರಾಕಿಂಗ್ ಸ್ಟಾರ್ ಯಶ್ ನ್ಯಾಷನಲ್ ಸ್ಟಾರ್ ಆಗಿರೋದು ಕೂಡ ಇತಿಹಾಸ.

ಈ ಸಿನಿಮಾ ರಿಲೀಸ್ ಆಗಿ ಆರೇಳು ತಿಂಗಳು ಕಳೆದರೂ ರಾಕಿಭಾಯ್ ಹವಾ ಕಮ್ಮಿ ಆಗಿಲ್ಲ. ಎಲ್ಲೆಲ್ಲೂ ಕೆಜಿಎಫ್ ಕೆಜಿಎಫ್ ಕೆಜಿಎಫ್ ಅನ್ನೋ ಮಾತೇ… ಚಾಪ್ಟರ್-2 ಈಗಿನ್ನೂ ಸೆಟ್ಟೇರಿದೆ.. ಈಗಾಗಲೇ ಅದು ಯಾವಾಗ ರಿಲೀಸ್ ಆಗುತ್ತಪ್ಪಾ ಅಂತ ಕಾಯ್ತಿದ್ದಾರೆ ಇಡೀ ವಿಶ್ವದ ಸಿನಿಪ್ರಿಯರು.

ಯಶ್ ಅಭಿಮಾನಿಗಳು ಮಾತ್ರ ಇಂದಿಗೂ ಕೆಜಿಎಫ್ ಮಂತ್ರ ಜಪಿಸ್ತಿಲ್ಲ. ಬದಲಾಗಿ ಪ್ರತಿಯೊಬ್ಬ ಸಿನಿ ಪ್ರಿಯರು ರಾಕಿಭಾಯ್ ರಾಕಿಭಾಯ್ ಅಂತಿದ್ದಾರೆ. ಅದು ಸಿನಿಮಾದ ತಾಕತ್ತು.. ಡೈರಕ್ಟರ್ ಪ್ರಶಾಂತ್ ನೀಲ್ ಪವರ್ ಅಂದ್ರೂ ಅತಿಶಯೋಕ್ತಿ ಅಲ್ಲ.

ಇವತ್ತು ಮತ್ತೆ ಕೆಜಿಎಫ್ ಬಗ್ಗೆ ಮಾತಾಡ್ತಿದ್ದೀವಿ ಅಂದ್ರೆ ಅದಕ್ಕೆ ಕಾರಣ ಬಾಲಿವುಡ್ ಸ್ಟಾರ್..!  ಆ ಸ್ಟಾರ್ ಬೇರಾರು ಅಲ್ಲ.. ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿನಯದ ‘ಪೈಲ್ವಾನ್​’ ಅಖಾಡದಲ್ಲಿರುವ ಸುನೀಲ್ ಶೆಟ್ಟಿ..! ಕಾರ್ಯಕ್ರಮವೊಂದರಲ್ಲಿ ಪೈಲ್ವಾನ್ ಗುಣಗಾನ ಮಾಡಿರುವ ಶೆಟ್ರು ಕೆಜಿಎಫ್ ಅನ್ನು ಹಾಡಿ ಹೊಗಳಿದ್ದಾರೆ..!

ಸುದೀಪ್​ ಅವರಿಂದಾಗಿ ಪೈಲ್ವಾನ್ ಒಪ್ಕೊಂಡೆ. ಆಮೇಲೆ ಕಥೆ ಕೇಳಿದೆ ಅಂತ ಹೇಳಿರುವ ಸುನೀಲ್ ಶೆಟ್ಟಿ ಯಶ್ ಅಭಿನಯದ ಕೆಜಿಎಫ್ ಬಗ್ಗೆ ಮೆಚ್ಚುಗೆಯ ನುಡಗಿಗಳನ್ನಾಡಿದ್ದಾರೆ. ಅದರೊಡನೆ ಸ್ಯಾಂಡಲ್​ವುಡ್ಡನ್ನು ಕೊಂಡಾಡಿದ್ದಾರೆ..! ಇದೇ ನಮ್ಮ ಸ್ಯಾಂಡಲ್​ವುಡ್ ತಾಕತ್ತು.

ಇತ್ತೀಚೆಗೆ ಕನ್ನಡ, ಹಿಂದಿ, ತೆಲುಗು, ತಮಿಳು ಸಿನಿಮಾಗಳು ಅನ್ನೋ ಯಾವ್ದೇ ರೀತಿ ಭೇದವಿಲ್ಲ. ಇಡೀ ಭಾರತೀಯ ಚಿತ್ರರಂಗವೇ ಒಂದು. ಯಾವ್ದೇ ಭಾಷೆಯಲ್ಲಿ ಒಳ್ಳೇ ಸಿನಿಮಾ ಬಂದ್ರೆ ಜನ ಅವುಗಳನ್ನ ಗೆಲ್ಲಿಸ್ತಾರೆ ಅಂದ ಸುನೀಲ್ ಶೆಟ್ಟಿ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಸಿನಿಮಾವನ್ನು ಗುಣಗಾನ ಮಾಡಿದ್ರು.

ಕೆಜಿಎಫ್ ಎಲ್ಲೆ ಮೀರಿ ಗೆದ್ದಿದೆ. ಹಿಂದಿ ಚಿತ್ರರಂಗ ಕೂಡ ಕೆಜಿಎಫ್ ಚಾಪ್ಟರ್ 2ಗೆ ವ್ಹೇಟ್ ಮಾಡ್ತಾ ಇದೆ. ಬಾಲಿವುಡ್​ ಮಂದಿ ಕೂಡ ಅವರ ಸಿನಿಮಾ ಅಂತಲೇ ಕೆಜಿಎಫ್​ ಅನ್ನು ಒಪ್ಕೊಂಡಿದ್ದಾರೆ ಅಂತ ಮನಬಿಚ್ಚಿ ಹೇಳಿರುವ ಸುನೀಲ್ ಶೆಟ್ಟಿ ಕನ್ನಡದಲ್ಲಿ ಬಾಲಿವುಡ್​ ಮೀರಿಸುವ ಸಿನಿಮಾಗಳು ಬರ್ತಾ ಇವೆ ಅಂತ ಮೆಚ್ಚುಗೆಯ ನುಡಿಗಳನ್ನಾಡಿದ್ದಾರೆ.

ಸದ್ಯ ಸುನೀಲ್ ಶೆಟ್ಟಿ ಸುದೀಪ್​​ ಅಭಿನಯದ ಪೈಲ್ವಾನ್ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಪೈಲ್ವಾನ್ ಸೆಪ್ಟೆಂಬರ್ 12ಕ್ಕೆ ಪಂಚ ಭಾಷೆಗಳಲ್ಲಿ ರಿಲೀಸ್ ಆಗ್ತಿದೆ. ಒಟ್ನಲ್ಲಿ ಕನ್ನಡ ಸಿನಿಮಾಗಳು ವಿಶ್ವಮಟ್ಟದಲ್ಲಿ ಸದ್ದು ಮಾಡ್ತಿವೆ ಅನ್ನೋದು ಕನ್ನಡಿಗರಿಗೆ ಹೆಮ್ಮೆ.

 

 

 

LEAVE A REPLY

Please enter your comment!
Please enter your name here

- Advertisment -

Most Popular

‘ನನ್ನಿಂದ ಮನೆಯವರೆಗೂ ಸೋಂಕು ತಗುಲಿದೆ ಎಂದು ತಹಶೀಲ್ದಾರ್ ಸೂಸೈಡ್’

ಚಿಕ್ಕಮಗಳೂರು: ನನ್ನಿಂದಲೇ ನನ್ನ ಮಕ್ಕಳು, ಮೊಮ್ಮಕ್ಕಳಿಗೆ ಕೊರೋನ ಬಂತು. ನನಗೆ ವಯಸ್ಸಾಗಿದ್ದು, ಬದುಕುವ ಭರವಸೆ ಕಡಿಮೆ ಇದೆ. ಆದರೆ, ನನ್ನ ಮಕ್ಕಳು, ಮೊಮ್ಮಕ್ಕಳಿಗೆ ನನ್ನ ಕಣ್ಣೆದುರೇ ಏನಾದರೂ ಆದರೆ ಅದನ್ನ ನನ್ನಿಂದ ಸಹಿಸಿಕೊಳ್ಳಲು...

ಮನೆ, ಮನೆಗೆ ಹಾಲು ವಿತರಣೆಗೆ ಪೊಲೀಸರ ಅಡ್ಡಿ..!  

ಶಿವಮೊಗ್ಗ: ನಗರ ಪ್ರದೇಶದ ಮನೆಮನೆಗಳಿಗೆ ಹಾಲು ಮಾರಾಟ ಮಾಡುವ ರೈತರಿಗೂ ಬಿಡದೇ ಪೊಲೀಸರು, ದರ್ಪ ಮೆರೆದಿದ್ದಾರೆ ಎಂಬ ಆರೋಪ ಕೇಳಿ ಬರುತ್ತಿದೆ.  ಹಾಲು, ತರಕಾರಿ ಮನೆಮನೆಗೆ ತೆರಳಿ ಮಾರಾಟ ಮಾಡಬಹುದು ಎಂದು ಜಿಲ್ಲಾಡಳಿತ ಸೂಚನೆ...

‘ವೈದ್ಯರ ಮೇಲೆ ಮಾರಣಾಂತಿಕ ಹಲ್ಲೆ’

ಕಲಬುರಗಿ: ಹಗಲಿರುಳು ಎನ್ನದೇ ಕೊರೊನಾ ರೋಗಿಗಳನ್ನ ಬದುಕಿಸೊದಕ್ಕೆ ದುಡಿಯುತ್ತಿರುವ ವೈದ್ಯರು ಮತ್ತು ಸಿಬ್ಬಂದಿಗಳ ಮೇಲೆ ಗ್ರಾಮಸ್ಥರು ಹಲ್ಲೆ ಮಾಡಿರುವಂತಹ ಘಟನೆ ಕಲಬುರಗಿ ಜಿಲ್ಲೆ ಸೇಡಂ ತಾಲೂಕಿನ ಗುಂಡೇಪಲ್ಲಿ ಗ್ರಾಮದಲ್ಲಿ ನಡೆದಿದೆ.‌ ಕಳೆದ ನಾಲ್ಕು...

‘ನಾಳೆಯಿಂದ ಯಾರು ಕೂಡ ವಾಹನಗಳಲ್ಲಿ ಓಡಾಡುವಂತಿಲ್ಲ’

ಶಿವಮೊಗ್ಗ : ರಾಜ್ಯ ಸರ್ಕಾರದ ಲಾಕ್ ಡೌನ್ ಮಾರ್ಗಸೂಚಿ ಹೊರಡಿಸಿದ ಬೆನ್ನಲ್ಲೇ, ಶಿವಮೊಗ್ಗದಲ್ಲಿಯೂ ಕಟ್ಟುನಿಟ್ಟಿನ ಲಾಕ್ ಡೌನ್ ಗೆ ನಿರ್ಧಾರ ಮಾಡಲಾಗಿದೆ.  ಇಂದು ಶಿವಮೊಗ್ಗದಲ್ಲಿ ಜಿಲ್ಲೆಯ ವಿವಿಧ ಇಲಾಖಾಧಿಕಾರಿಗಳ ಮತ್ತು ವರ್ತಕರೊಂದಿಗೆ ಜಿಲ್ಲಾಡಳಿತದ ಸಭೆಯಲ್ಲಿ...

Recent Comments