Sunday, May 29, 2022
Powertv Logo
Homeಸಿನಿಮಾಪ್ರಶಾಂತ್ ನೀಲ್ ಕಂಡಿರೋ ಆ ಮಹತ್ವದ ಕನಸೇನು..?

ಪ್ರಶಾಂತ್ ನೀಲ್ ಕಂಡಿರೋ ಆ ಮಹತ್ವದ ಕನಸೇನು..?

ಜಗಮೆಚ್ಚೋ ಸಿನಿಮಾ ಮಾಡಿದ್ರೂ ತನಗೆ ತೃಪ್ತಿ ನೀಡಿಲ್ಲ ಅಂತಾರೆ ಕೆಜಿಎಫ್ ಸೃಷ್ಟಿಕರ್ತ ಪ್ರಶಾಂತ್ ನೀಲ್. ಅದೊಂದು ಕನಸನ್ನು ನನಸು ಮಾಡೋಕೆ ಅಂತ ಹಗಲಿರುಳು ಪರಿತಪಿಸುತ್ತಿದ್ದಾರೆ.

ಸದ್ಯ ಇಡೀ ವಿಶ್ವವೇ ರಾಕಿಂಗ್​ ಸ್ಟಾರ್​​ ಯಶ್​​ ನಟನೆಯ ಕೆಜಿಎಫ್​​ 2 ಸಿನಿಮಾ ಬಗ್ಗೆ ಮಾತಾಡ್ತಿದೆ. ಆ ಸಿನಿಮಾ ಮಾಡಿರೋ ದಾಖಲೆಗಳನ್ನು ಹಾಡಿ, ಹೊಗಳಿ, ಕೊಂಡಾಡ್ತಿದೆ. ಈ ಎಲ್ಲಾ ದಾಖಲೆಗಳ ಹಿಂದಿನ ಸಾರಥಿ ಪ್ರಶಾಂತ್​​ ನೀಲ್​. ಕೆಜಿಎಫ್​ ಚಾಪ್ಟರ್​ 2 ಸಿನಿಮಾ ಬಳಿಕ ಪ್ರಶಾಂತ್​​ ನೀಲ್​​ ಹೆಸರು ಜಗದಗಲ ಸದ್ದು ಮಾಡ್ತಿದೆ. ಮತ್ತಷ್ಟು ಡಿಮ್ಯಾಂಡ್​ ಕ್ರಿಯೇಟ್​ ಮಾಡಿಕೊಂಡಿರೋ ನೀಲ್​​, ಈಗಂತೂ ಸಿಕ್ಕಾಪಟ್ಟೆ ಬ್ಯುಸಿ.

ರೋರಿಂಗ್ ಸ್ಟಾರ್​ ಶ್ರೀ ಮುರಳಿಗೆ ಉಗ್ರಂ ಅಂತಹ ಬ್ಲಾಕ್​ ಬಸ್ಟರ್​ ಹಿಟ್​ ಸಿನಿಮಾ ಕೊಟ್ಟ ಪ್ರಶಾಂತ್​​ ನೀಲ್​​ ಆ ಬಳಿಕ ಕೆಜಿಎಫ್​ ಚಾಪ್ಟರ್​​1 ಹಾಗೂ ಚಾಪ್ಟರ್​ 2 ಸಿನಿಮಾಗಳನ್ನ ಮಾಡಿದ್ರು. ಕೇವಲ ಮೂರೇ ಸಿನಿಮಾ ಮೂಲಕ ಸೆನ್ಸೇಷನಲ್ ಸ್ಟಾರ್​ ಡೈರೆಕ್ಟರ್​ ಆಗಿ ಯಶಸ್ಸಿನ ಉತ್ತುಂಗಕ್ಕೇರಿದ್ದಾರೆ.

ಉಗ್ರಂ ಸಿನಿಮಾದಿಂದಾಗಿ ಶ್ರೀಮುರಳಿ ಸಿನಿ ಕೆರಿಯರ್​ಗೆ ಬಿಗ್​ ಟ್ವಿಸ್ಟ್​ ಸಿಕ್ಕಿತ್ತು. ಸಿನಿಮಾ ಸೂಪರ್​ ಹಿಟ್​​ ಆದ್ರೂ, ಬಾಕ್ಸ್ ಆಫೀಸ್​ ಕಲೆಕ್ಷನ್​ನಲ್ಲಿ ​ ನೀಲ್​ಗೆ ಕೊಂಚ ಅಸಮಾಧಾನವಿತ್ತು. ಅದೇ ಬೇಸರದಲ್ಲೇ ಛಲದಿಂದ ಕೆಜಿಎಫ್​ ಸಿನಿಮಾ ಮಾಡಿದ್ರು. ಚಿತ್ರದ ಎರಡೂ ಚಾಪ್ಟರ್ಸ್​​ ಕೂಡ ನಿರೀಕ್ಷೆಗೂ ಮೀರಿದ ಯಶಸ್ಸು ಗಳಿಸಿವೆ.

ಕೆಜಿಎಫ್​ 2 ಬಳಿಕ ಇದೀಗ ನೀಲ್ ಡಾರ್ಲಿಂಗ್​ ಪ್ರಭಾಸ್​ ಜೊತೆಗೆ ಸಲಾರ್​ ಸಿನಿಮಾ ಮಾಡ್ತಿದ್ದಾರೆ. ಹೊಂಬಾಳೆ ಫಿಲ್ಮ್ಸ್ ಸಂಸ್ಥೆಯೇ ನಿರ್ಮಾಣ ಮಾಡ್ತಿರೋ ಈ ಚಿತ್ರದ ಬಗ್ಗೆ ಬಹುದೊಡ್ಡ ನಿರೀಕ್ಷೆ ಇದೆ. ಕೆಜಿಎಫ್​ 2 ಹಿಟ್​ ಬಳಿಕ ಟಾಲಿವುಡ್ ಆ್ಯಕ್ಟರ್ಸ್​​ ನೀಲ್​ ಹಿಂದೆ ಬಿದ್ದಿದ್ದಾರೆ. ಪ್ರಶಾಂತ್​ ನೀಲ್​ ಕೂಡ ತೆಲುಗು ನಟರ ಸಿನಿಮಾಗಳನ್ನು ಒಪ್ಪಿಕೊಳ್ತಿದ್ದಾರೆ. ಈಗಾಗ್ಲೇ ಜೂನಿಯರ್​ ಎನ್​ಟಿಆರ್​​ ಹಾಗೂ ರಾಮ್​ ಚರಣ್​ ತೇಜಾಗೆ ನೀಲ್​ ಡೈರೆಕ್ಟ್​ ಮಾಡೋದು ಪಕ್ಕಾ ಆಗಿದೆ.

ಸಲಾರ್​ ಸಿನಿಮಾ ಬಳಿಕ ಜೂನಿಯರ್​ ಎನ್​ಟಿಆರ್​ ಚಿತ್ರವನ್ನು ಕೈಗೆತ್ತಿಕೊಳ್ಳಲಿರೋ ನೀಲ್, ನಂತ್ರ ರಾಮ್​ ಚರಣ್​ಗೆ ಌಕ್ಷನ್​ ಕಟ್​ ಹೇಳಲಿದ್ದಾರೆ. ಈ ಮಧ್ಯೆ ಖಾಸಗಿ ಸಂದರ್ಶನವೊಂದರಲ್ಲಿ ತನ್ನದೊಂದು ಮಹತ್ವದ ಕನಸಿದೆ ಅಂತ ಬಾಯಿ ಬಿಟ್ಟಿದ್ದಾರೆ ನೀಲ್. ಅರೇ ಡೈರೆಕ್ಟರ್ಸ್​ ಎಲ್ಲಾ ನೀಲ್ ತರಹ ಒಂದು ಸಿನಿಮಾ ಮಾಡ್ಬೇಕು ಅಂತ ಕನಸು ಕಾಣ್ತಿದ್ರೆ, ಇವ್ರಿಗೆ ಮತ್ತಿನ್ನೇನು ಕನಸು ಅಂತ ನೀವು ಅಂದುಕೊಳ್ಳಬಹುದು.

ಅದು ಸೂಪರ್​ ಸ್ಟಾರ್​ ರಜಿನೀಕಾಂತ್​ಗೆ ಆ್ಯಕ್ಷನ್ ಕಟ್ ಹೇಳೋದಾ..? ಅಥ್ವಾ ಬಾಲಿವುಡ್​​ ಬಿಗ್​ ಬಿ ಅಮಿತಾಬ್​ ಬಚ್ಚನ್​ಗೆ ನಿರ್ದೇಶನ ಮಾಡೋದಾ..? ಅಲ್ಲದೆ, ಹಾಲಿವುಡ್ ಸಿನಿಮಾ ಮಾಡೋದಾ ಅನ್ನೋ ಚರ್ಚೆಗಳು ಶುರುವಾಗಿವೆ. ಇಡೀ ಜಗತ್ತೇ ಮೆಚ್ಚುವಂತಹ ಸಿನಿಮಾಗಳನ್ನು ಮಾಡಿದ್ರೂ, ಇನ್ನಷ್ಟು ಸ್ಟಾರ್​ ನಟರ ಸಿನಿಮಾಗಳನ್ನು ಮಾಡುವ ಅವಕಾಶವಿದ್ರೂ ಅದ್ರಿಂದ ನೀಲ್​ ಅವ್ರಿಗೆ ತೃಪ್ತಿ ಆಗಿಲ್ಲ ಅನ್ನೋದು ಖಾತರಿ ಆಗಿದೆ.

650 ಕೋಟಿ ವರ್ಲ್ಡ್​ ವೈಡ್ ಕಲೆಕ್ಷನ್ ಮಾಡಿ, ಸಾವಿರ ಕೋಟಿಯತ್ತ ಮುನ್ನುಗ್ಗುತ್ತಿರೋ ಕೆಜಿಎಫ್ ಚಾಪ್ಟರ್- 2 ಸಕ್ಸಸ್​​ನ ಎಂಜಾಯ್ ಮಾಡೋದು ಬಿಟ್ಟು, ಕಂಡ ಕನಸಿನ ಬಗ್ಗೆ ಕನವರಿಸ್ತಿರೋ ನೀಲ್ ಪ್ಯಾಷನ್​ನ ಮೆಚ್ಚಲೇಬೇಕು. ಒಟ್ಟಾರೆ ಅಂದುಕೊಂಡಿದ್ದನ್ನ ಸಾಧಿಸಿ ತೀರೋ ಅಂತಹ ಹಠವಾದಿ, ಕನಸುಗಾರ ಪ್ರಶಾಂತ್ ನೀಲ್ ಕಂಡಿರೋ ಕನಸು ನನಸಾಗಲಿ ಅನ್ನೋದು ನಮ್ಮ ಆಶಯ.

ಚಂದನ.ಎಸ್​, ಫಿಲ್ಮ್​ ಬ್ಯೂರೋ, ಪವರ್​ ಟಿವಿ

- Advertisment -

Most Popular

Recent Comments