Saturday, May 28, 2022
Powertv Logo
Homeವಿದೇಶಟಿ20 ವರ್ಲ್ಡ್​​ಕಪ್​​ನಲ್ಲಿ ಕನ್ನಡಿಗ ಕೆ.ಎಲ್ ರಾಹುಲ್ ಹೆಗಲಿಗೆ ಹೊಸ ಹೊಣೆ?

ಟಿ20 ವರ್ಲ್ಡ್​​ಕಪ್​​ನಲ್ಲಿ ಕನ್ನಡಿಗ ಕೆ.ಎಲ್ ರಾಹುಲ್ ಹೆಗಲಿಗೆ ಹೊಸ ಹೊಣೆ?

ಟೀಮ್ ಇಂಡಿಯಾ ಓಪನರ್, ಕನ್ನಡಿಗ ಕೆ.ಎಲ್ ರಾಹುಲ್​ಗೆ ಮುಂಬರುವ ಟಿ20 ವರ್ಲ್ಡ್​​ಕಪ್​​ನಲ್ಲಿ ಹೊಸ ಹೊಣೆ ನೀಡಲು ಟೀಮ್ ಇಂಡಿಯಾ ಮ್ಯಾನೇಜ್ಮೆಂಟ್ ನಿರ್ಧರಿಸಿದೆ ಎಂದು ತಿಳಿದುಬಂದಿದೆ.
ಸೀಮಿತ ಓವರ್​ಗಳ ಮ್ಯಾಚ್​ನಲ್ಲಿ ರಾಹುಲ್ ಅದ್ಭುತ ಪ್ರದರ್ಶನ ನೀಡುತ್ತಿದ್ದಾರೆ. ಒಡಿಐ ವರ್ಲ್ಡ್​ಕಪ್ ಬಳಿಕ ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಅನುಪಸ್ಥಿತಿಯಲ್ಲಿ ಖಾಯಂ ವಿಕೆಟ್​ ಕೀಪರ್ ಆಗಿ ತಂಡದಲ್ಲಿರುವ ಯುವ ಆಟಗಾರ ರಿಷಬ್ ಪಂತ್ ಉತ್ತಮ ಪ್ರದರ್ಶನ ನೀಡುವಲ್ಲಿ ಸಂಪೂರ್ಣ ಎಡವಿದ್ದಾರೆ. ಇನ್ನು ಕೇರಳದ ಸಂಜು ಸಾಮ್ಸನ್ ಬಗ್ಗೆ ಅದೇಕೋ ಮ್ಯಾನೇಜ್ಮೆಂಟ್​ ಒಲವು ತೋರುತ್ತಿಲ್ಲ.
ಕನ್ನಡಿಗ ಕೆ.ಎಲ್ ರಾಹುಲ್ ಬ್ಯಾಟಿಂಗ್​ನಲ್ಲಿ ಮಾತ್ರವಲ್ಲದೆ ವಿಕೆಟ್​ ಕೀಪಿಂಗ್​ನಲ್ಲೂ ತಂಡಕ್ಕೆ ನೆರವಾಗಬಲ್ಲರೆಂಬ ವಿಶ್ವಾಸ ಬಿಸಿಸಿಐಗಿದೆ. ಈಗಾಲೇ ದೇಶಿಯ ಟೂರ್ನಿಗಳಲ್ಲಿ ಹಾಗೂ ಐಪಿಎಲ್​ನಲ್ಲಿ ವಿಕೆಟ್​ ಕೀಪರ್ ಆಗಿ ಕ್ಲಿಕ್ ಆಗಿರೋ ರಾಹುಲ್ ಅವರನ್ನೇ ಟಿ20ಗೆ ಖಾಯಂ ವಿಕೆಟ್​ ಕೀಪರ್ ಆಗಿ ಮಾಡುವ ಬಗ್ಗೆ ಚರ್ಚೆ ನಡೆಯುತ್ತಿದೆ. ರಾಹುಲ್​​ಗೆ ಹೆಚ್ಚುವರಿಯಾಗಿ ವಿಕೆಟ್​ ಕೀಪಿಂಗ್ ಜವಬ್ದಾರಿ ನೀಡಿದಲ್ಲಿ ತಂಡಕ್ಕೆ ಇನ್ನೊಬ್ಬ ಬ್ಯಾಟ್ಸ್​ಮನ್ ಅಥವಾ ಆಲ್​ರೌಂಡರ್ ಅನ್ನು ಸೇರಿಸಿಕೊಳ್ಳಲು ಅವಕಾಶ ಕೂಡ ಸಿಗುತ್ತದೆ. ಆದ್ದರಿಂದ ರಾಹುಲ್​ ಮುಂದಿನ ದಿನಗಳಲ್ಲಿ ಬ್ಯಾಟಿಂಗ್ ಜೊತೆಗೆ ವಿಕೆಟ್​ ಕೀಪರ್ ಆಗಿಯೂ ಜವಬ್ದಾರಿ ನಿಭಾಯಿಸುವುದು ಬಹುತೇಕ ಖಚಿತ ಎಂದು ಹೇಳಲಾಗುತ್ತಿದೆ.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments