ಈ ಬಾರಿ ಸ್ಟೇಡಿಯಂನಲ್ಲಿ IPL ನೋಡೋಕಾಗಲ್ವಾ?

0
326

ನವದೆಹಲಿ: ಕೊರೋನಾ ವೈರಸ್ ತೀವ್ರವಾಗಿ ಹರಡುತ್ತಿರುವ ಹಿನ್ನೆಲೆಯಲ್ಲಿ ಐಪಿಎಲ್ ನಡೆಯುವುದೇ ಅನುಮಾನವಾಗಿದೆ. ಒಂದು ವೇಳೆ ನಿಗದಿಯಾದಂತೆ  ಐಪಿಎಲ್ ನಡೆಯಬೇಕಾದರೆ  ಮುಚ್ಚಿದ ಕ್ರೀಡಾಂಗಣದಲ್ಲಿ ನಡೆಸಬೇಕು ಎಂದು ಕೇಂದ್ರ ಸರ್ಕಾರ ಆದೇಶ ನೀಡಿದೆ.

ಕೇಂದ್ರ ಕ್ರೀಡಾ ಕಾರ್ಯದರ್ಶಿ ರಾಧೆ ಶ್ಯಾಮ್  ಜುಲಾನಿಯಾ ಈ  ಬಗ್ಗೆ ಸ್ಪಷ್ಟನೆ ನೀಡಿದ್ದು, ‘ಕ್ರೀಡೆಯನ್ನು  ರದ್ದು ಪಡಿಸಲು ಅಥವಾ ಮುಂದೂಡಲು ಸಾಧ್ಯವಾಗದೇ ಇದ್ದರೆ ಮುಚ್ಚಿದ ಕ್ರೀಡಾಂಗಣದಲ್ಲಿ  ಆಯೋಜಿಸಬೇಕು.  ಈ ಮೂಲಕ ಕ್ರೀಡಾಂಗಣದಲ್ಲಿ ಪ್ರೇಕ್ಷಕರು ಸೇರದಂತೆ ನೋಡಿಕೊಳ್ಳಬೇಕಾಗಿದೆ. ಹಾಗಾಗಿ ಈ ಬಾರಿ ದೂರದರ್ಶನಗಳ ಮೂಲಕ ಮಾತ್ರ ಮ್ಯಾಚ್​ಗಳನ್ನು ನೋಡಬಹುದಾಗಿದೆ‘ ಎಂದಿದ್ದಾರೆ. 

ಬಿಸಿಸಿಐ ಹಾಗೂ ದೇಶದ ಇತರ ರಾಷ್ಟ್ರೀಯ ಒಕ್ಕೂಟಗಳಿಗೆ  ಈ ಬಗ್ಗೆ ಕೇಂದ್ರ ಆರೋಗ್ಯ ಮತ್ತು ಸಾರ್ವಜನಿಕ ಹಿತಾಸಕ್ತಿ  ಸಚಿವಾಲಯ ಆದೇಶ ಹೊರಡಿಸಿದೆ.  ಯಾವುದೇ ಕಾರಣಕ್ಕೂ ಜನರನನು ಒಗ್ಗೂಡಿಸಬಾರದು. IPL ನಡೆಸುವುದೇ ಆದರೆ  ಅಲ್ಲಿ ಪ್ರೇಕಕ್ಷಕರು ಇರಲೇ ಬಾರದು ಎಂದು ಕಟ್ಟುನಿಟ್ಟಾಗಿ ಹೇಳಿದೆ. ಆದೇಶವನ್ನು ಪಾಲಿಸದಿದ್ದಲ್ಲಿ  ಸಾಂಕ್ರಾಮಿಕ ರೋಗಗಳ  ತಡೆಗಟ್ಟುವಿಕೆಯ ಕಾಯಿದೆ 1897 ರ ಅಡಿಯಲ್ಲಿ ಕಠಿಣ ಕ್ರಮವನ್ನು ತೆಗೆದುಕೊಳ್ಳಲಾಗುತ್ತದೆ ಎಂದು ಹೇಳಿದ್ದಾರೆ. ಈ ಬಗ್ಗೆ ಬಿಸಿಸಿಐ ಮಾರ್ಚ್ 14 ರಂದು ಸಭೆ ಸೇರಲಿದ್ದು, ಅಂತಿಮ ನಿರ್ಧಾರವನ್ನು ತೆಗೆದುಕೊಳ್ಳಲಿದೆ.

LEAVE A REPLY

Please enter your comment!
Please enter your name here