ಚೆನ್ನೈ: ಚೆನ್ನೈನ ಚೆಪಾಕ್ ಮೈದಾನದಲ್ಲಿ ನಡೆಯುತ್ತಿರುವ 2ನೇ ಟೆಸ್ಟ್ ಪಂದ್ಯದಲ್ಲಿ ಭಾರತ-ಇಂಗ್ಲೆಂಡ್ ಮುನ್ನಡೆಗೆ ಪ್ರಬಲ ಪೈಪೋಟಿ ನಡೆಸಿವೆ. ಭಾರತವನ್ನ 329 ರನ್ಗೆ ನಿಯಂತ್ರಿಸಿದ ಖುಷಿಯಲ್ಲಿದ್ದ ಪ್ರವಾಸಿ ತಂಡಕ್ಕೆ ಭಾರತೀಯ ಬೌಲರ್ಗಳು ಸಿಂಹಸ್ವಪ್ನರಾದರು.
ಆರಂಭಿಕ ಬರ್ನ್ಸ್ ಮೊದಲ ಓವರ್ನಲ್ಲೇ ನಿರ್ಗಮಿಸಿದ್ರೆ, ಡೊಮಿನಿಕ್ ಸಿಬ್ಲಿಗೆ ಅಶ್ವಿನ್ ಪೆವಿಲಿಯನ್ ದಾರಿ ತೋರಿಸಿದ್ರು. ಮೊದಲ ಟೆಸ್ಟ್ ಹಿರೋ ನಾಯಕ ಜೋರೂಟ್ ಸ್ಪಿನ್ನರ್ ಅಕ್ಷರ್ ಪಟೇಲ್ ಮೋಡಿಗೆ ಬಲಿಯಾದರು. ಬೋಜನ ವಿರಾಮಕ್ಕೂ ಮೊದಲು ಇಂಗ್ಲೆಂಡ್ 4 ವಿಕೆಟ್ ಕಳೆದುಕೊಂಡು 39 ರನ್ಗಳಿಸಿತ್ತು. ಭೋಜನ ವಿರಾಮದ ಬಳಿಕವೂ ಭಾರತೀಯ ಬೌಲರ್ಗಳ ಪರಾಕ್ರಮ ಮುಂದುವರೆದಿದ್ದು, ಇಂಗ್ಲೆಂಡ್ 5 ವಿಕೆಟ್ ಕಳೆದುಕೊಂಡು 65 ರನ್ಗಳಿಸಿದೆ.
ಇದಕ್ಕೂ ಮುನ್ನ ಮೊದಲ ದಿನದ ಅಂತ್ಯಕ್ಕೆ 6 ವಿಕೆಟ್ ಕಳೆದುಕೊಂಡು 300 ರನ್ಗಳಿಸಿದ್ದ ಟೀಂ ಇಂಡಿಯಾ ಇಂದು 29 ರನ್ ಸೇರಿಸುವಷ್ಟರಲ್ಲಿ ಉಳಿದ 4 ವಿಕೆಟ್ ಕಳೆದುಕೊಳ್ತು. ಒಂದು ಕಡೆ ವಿಕೆಟ್ ಕೀಪರ್ ರಿಷಬ್ ಪಂತ್ ಏಕಾಂಗಿಯಾಗಿ ಹೋರಾಟ ಮಾಡಿ ಅರ್ಧಶತಕಗಳಿಸಿದ್ರು. ಇನ್ನೊಂದು ತುದಿಯಲ್ಲಿ ಪಂತ್ಗೆ ಬೆಂಬಲ ಸಿಗದ ಪರಿಣಾಮ ಭಾರತ 239 ರನ್ಗೆ ಎಲ್ಲಾ ವಿಕೆಟ್ ಕಳೆದುಕೊಳ್ತು. ಭಾರತದ ಪರ ರೋಹಿತ್ ಶಮಾ 161, ರಹಾನೆ 67, ಪಂತ್ 58 ರನ್ ಕಾಣಿಕೆ ನೀಡಿದ್ರು, ಇಂಗ್ಲೆಂಡ್ ಪರ ಸ್ಪಿನ್ನರ್ ಮೋಹಿನ್ ಅಲಿ 4, ಓಲಿ ಸ್ಟೋನ್ 3, ಜ್ಯಾಕ್ ಲೀಚ್ ಎರಡು ವಿಕೆಟ್ ಪಡೆದುಕೊಂಡ್ರು. ಇತ್ತೀಚಿನ ವರದಿಗಳು ಬಂದಾಗ ಇಂಗ್ಲೆಂಡ್ 6 ವಿಕೆಟ್ ಕಳೆದುಕೊಂಡು 87 ರನ್ಗಳಿಸಿದೆ.
