ಮೂರೇ ದಿನಕ್ಕೆ ಟೀಮ್ ಇಂಡಿಯಾ ಎದುರು ಮಂಡಿಯೂರಿದ ಬಾಂಗ್ಲಾ!

0
259

ಇಂದೋರ್ : ವಿರಾಟ್​ ಕೊಹ್ಲಿ ನೇತೃತ್ವದ ಟೀಮ್ ಇಂಡಿಯಾ ಪ್ರವಾಸಿ ಬಾಂಗ್ಲಾ ದೇಶದ ವಿರುದ್ಧ ಮೊದಲ ಟೆಸ್ಟ್​​ ಮ್ಯಾಚಲ್ಲಿ ಇನ್ನಿಂಗ್ಸ್ ಮತ್ತು 130 ರನ್​ಗಳ ಭರ್ಜರಿ ಜಯ ದಾಖಲಿಸಿದೆ.
ಇಲ್ಲಿನ ಹೋಳ್ಕರ್ ಸ್ಟೇಡಿಯಂನಲ್ಲಿ ನಡೆದ ಮ್ಯಾಚ್​ನಲ್ಲಿ 3ನೇ ದಿನದ ಆಟದಲ್ಲೇ ಭಾರತ ಬಾಂಗ್ಲಾ ಹುಲಿಗಳನ್ನು ಮಣಿಸಿದೆ. ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ್ದ ಬಾಂಗ್ಲಾ ಭಾರತದ ಸಂಘಟಿತ ದಾಳಿಯಿಂದ 150ರನ್ ಗಳಿಗೆ ಸರ್ವಪತನ ಕಂಡಿತು. ಬಳಿಕ ತನ್ನ ಮೊದಲ ಇನ್ನಿಂಗ್ಸ್ ಆಡಿದ ಭಾರತ ಕನ್ನಡಿಗ ಮಯಾಂಕ್ ಅಗರ್​ ವಾಲ್ ಡಬಲ್ ಸೆಂಚುರಿ (243), ಅಜಿಂಕ್ಯಾ ರಹಾನೆ (86), ರವೀಂದ್ರ ಜಡೇಜಾ (60), ಚೇತೇಶ್ವರ ಪೂಜಾರ (54)ರನ್​ಗಳ ನೆರವಿನಿಂದ 6 ವಿಕೆಟ್​ಗೆ 493ರನ್​ ಮಾಡಿ 343ರನ್​ಗಳ ಮುನ್ನಡೆಯೊಂದಿಗೆ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿತು. ನಂತರ ಸೆಕೆಂಡ್ ಇನ್ನಿಂಗ್ಸ್ ಆರಂಭಿಸಿದ ಬಾಂಗ್ಲಾ ಮೊಹಮ್ಮದ್ ಶಮಿ (4 ವಿಕೆಟ್), ರವಿಚಂದ್ರನ್ ಅಶ್ವಿನ್ (3 ವಿಕೆಟ್), ಉಮೇಶ್ ಜಾದವ್ (2 ವಿಕೆಟ್) ಮತ್ತು ಇಶಾಂತ್ ಶರ್ಮಾ (1 ವಿಕೆಟ್) ದಾಳಿಗೆ ತತ್ತರಿಸಿ 213ರನ್​ಗಳಿಗೆ ಆಲ್​ಔಟ್ ಆಗುವುದರೊಂದಿಗೆ ಇನ್ನಿಂಗ್ಸ್ ಮತ್ತು 130ರನ್​ಗಳಿಂದ ಸೋಲುಂಡಿತು.
ಬಾಂಗ್ಲಾ ಮುಷ್ಫಿಕುರ್ ರಹೀಮ್ ಎರಡು ಇನ್ನಿಂಗ್ಸ್​ಗಳಲ್ಲಿ ಕ್ರಮವಾಗಿ 43, 64 ರನ್ ಮಾಡಿದ್ದು ಬಿಟ್ಟರೆ ಬೇರಾರು ಹೋರಾಟದ ಇನ್ನಿಂಗ್ಸ್ ಕಟ್ಟಲಿಲ್ಲ.

LEAVE A REPLY

Please enter your comment!
Please enter your name here