ಮುಂಬೈ : ಕ್ರಿಕೆಟ್ನಲ್ಲಿ ಗತವೈಭವ ಮರುಕಳಿಸಿದೆ. ಕ್ರಿಕೆಟ್ ದೇವರು ಸಚಿನ್ ತೆಂಡೂಲ್ಕರ್ ಮತ್ತು ಡ್ಯಾಶಿಂಗ್ ಓಪನರ್ ಸೆಹ್ವಾಗ್ ಅವರ ಅದ್ಬುತ ಬ್ಯಾಟಿಂಗ್ ನೆರವಿನಿಂದ ಭಾರತ ಲೆಜೆಂಡ್ಸ್ ಆಸ್ಟ್ರೇಲಿಯಾ ಲೆಜೆಂಡ್ಸ್ ವಿರುದ್ಧ ನಡೆದ ರೋಡ್ ಸೇಫ್ಟಿ ವರ್ಲ್ ಸೀರಿಸ್ ಟಿ20ಯ ಮೊದಲ ಪಂದ್ಯದಲ್ಲಿ ಜಯ ದಾಖಲಿಸಿದೆ.
ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಶನಿವಾರ ನಡೆದ ಮ್ಯಾಚಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ವೆಸ್ಟ್ ಇಂಡೀಸ್ ಡ್ಯಾರೆನ್ ಗಂಗಾ (32), ಶಿವನರೇನ್ ಚಂದ್ರಪಾಲ್ (61) ಉತ್ತಮ ಆಟದ ನೆರವಿನಿಂದ 8 ವಿಕೆಟ್ ಕಳೆದುಕೊಂಡು 150ರನ್ ಮಾಡಿತು. ಗುರಿ ಬೆನ್ನತ್ತಿದ ಭಾರತದ ಪರ ಸೆಹ್ವಾಗ್, ಸಚಿನ್ ಆರಂಭಿಕರಾಗಿ ಕಣಕ್ಕಿಳಿದ್ರು. ಸೆಹ್ವಾಗ್ 57 ಬಾಲ್ಗಳಲ್ಲಿ ಅಜೇಯ 74 ಹಾಗೂ ಸಚಿನ್ 29 ಬಾಲ್ಗಳಲ್ಲಿ 36ರನ್ ಗಳಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ರು. ಮೊಹಮ್ಮದ್ ಕೈಫ್ 14 ಮತ್ತು ಯುವರಾಜ್ ಸಿಂಗ್ ಅಜೇಯ 10ರನ್ ಬಾರಿಸಿದ್ರು. 18.2 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ ಗುರಿತಲುಪಿತು. ಸೆಹ್ವಾಗ್ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದ್ರು.
ಇನ್ನು ಭಾರತದ ಪರ ಬೌಲಿಂಗ್ನಲ್ಲಿ ಜಹೀರ್ ಖಾನ್, ಮುನಾಫ್ ಪಟೇಲ್, ಪ್ರಗ್ಯಾನ್ ಓಜಾ ತಲಾ ಎರಡು ಹಾಗೂ ಇರ್ಫಾನ್ ಪಠಾಣ್ 1 ವಿಕೆಟ್ ಪಡೆದ್ರು.
ಮರುಕಳಿಸಿದ ಗತವೈಭವ – ಸೆಹ್ವಾಗ್, ಸಚಿನ್ ಮೋಡಿ ; ಭಾರತ ಜಯಭೇರಿ..!
