Home ಕ್ರೀಡೆ P.Cricket ವಿಹಾರಿ ಚೊಚ್ಚಲ ಸೆಂಚುರಿ, ಬ್ಯಾಟ್ಸ್​​ಮನ್​ಗಳೇ ನಾಚುವಂತೆ ಬ್ಯಾಟ್​ ಬೀಸಿದ ಇಶಾಂತ್...!

ವಿಹಾರಿ ಚೊಚ್ಚಲ ಸೆಂಚುರಿ, ಬ್ಯಾಟ್ಸ್​​ಮನ್​ಗಳೇ ನಾಚುವಂತೆ ಬ್ಯಾಟ್​ ಬೀಸಿದ ಇಶಾಂತ್…!

ಕಿಂಗ್​​ಸ್ಟನ್ : ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಟೆಸ್ಟ್​​ನಲ್ಲಿ ಟೀಮ್ ಇಂಡಿಯಾ ಸದ್ಯ 329ರನ್​ಗಳ ಮುನ್ನಡೆ ಕಾಯ್ದಿರಿಸಿಕೊಂಡಿದೆ.
ಸಬಿನಾ ಪಾರ್ಕ್​​ನಲ್ಲಿ ನಡೆಯುತ್ತಿರುವ ಟೆಸ್ಟ್​ನಲ್ಲಿ 5 ವಿಕೆಟ್​ಗೆ 264ರನ್​ಗಳಿಂದ 2ನೇ ದಿನದ ಆಟ ಮುಂದುವರೆಸಿದ ವಿರಾಟ್​ ಪಡೆಗೆ ಆಲ್​ರೌಂಡರ್ ಹನುಮ ವಿಹಾರಿ (117) ಮತ್ತು ವೇಗಿ ಇಶಾಂತ್ ಶರ್ಮಾ (57) ಆಸೆಯಾದ್ರು. 2ನೇ ದಿನಕ್ಕೆ ವಿಹಾರಿ ಜೊತೆ ಬ್ಯಾಟಿಂಗ್ ಆರಂಭಿಸಿದ ವಿಕೆಟ್ ಕೀಪರ್ ಬ್ಯಾಟ್ಸ್​ಮನ್​ ರಿಷಬ್ ಪಂತ್ ಮೊದಲ ದಿನ ತಾವುಗಳಿಸಿದ್ದ ರನ್​ಗಷ್ಟೇ ತೃಪ್ತಿ ಪಟ್ಟರು. 2ನೇ ದಿನದಾಟದಲ್ಲಿ ಒಂದೇ ಒಂದು ರನ್ ಪೇರಿಸಿದೆ (27) ಪೆವಿಲಿಯನ್ ಸೇರಿದ್ರು. ನಂತರ ವಿಹಾರಿ ಜೊತೆಯಾದ ಅನುಭವಿ ಆಲ್​ರೌಂಡರ್ ರವೀಂದ್ರ ಜಡೇಜಾ ಆಟ 16ರನ್​ ಗಳಿಗೆ ಸೀಮಿತವಾಯ್ತು. ಬಳಿಕ ವಿಹಾರಿ ಜೊತೆ ಸೇರಿದ ಬೌಲರ್ ಇಶಾಂತ್ ಶರ್ಮಾ ಬ್ಯಾಟ್ಸ್​ಮನ್​ಗಳೇ ನಾಚುವಂತೆ ವಿಂಡೀಸ್ ದಾಳಿಯನ್ನು ಎದುರಿಸಿ ತಂಡದ ಮೊತ್ತ ಹೆಚ್ಚಿಸುವಲ್ಲಿ ವಿಹಾರಿಗೆ ಸಾಥ್ ನೀಡಿದ್ರು.
ವಿಹಾರಿ ಮತ್ತು ಇಶಾಂತ್ ಜೋಡಿ 28.3 ಓವರ್​ ಕ್ರೀಸ್​ನಲ್ಲಿ ಬೇರೂರಿತ್ತು. ಈ ಜೋಡಿಯನ್ನು ಬೇರ್ಪಡಿಸಲು ಕೆರಬಿಯನ್ನರು ಹರಸಾಹಸ ಪಟ್ಟರು. 8ನೇ ವಿಕೆಟ್​ಗೆ ಇವರಿಬ್ಬರು ಒಡಗೂಡಿ 112ರನ್ ಕಲೆಹಾಕಿದ್ರು. ತಂಡದ ಮೊತ್ತ 414ರನ್ ಆಗಿದ್ದಾರ ಶರ್ಮಾ (57) ಔಟಾದ್ರು. ಮತ್ತೆ ತಂಡಕ್ಕೆ ಎರಡು ರನ್ ಸೇರುವಷ್ಟರಲ್ಲಿ ಮೊಹಮ್ಮದ್ ಶಮಿ ಮತ್ತು ವಿಹಾರಿ (117) ಪೆವಿಲಿಯನ್ ಸೇರಿದ್ರು. ಇದರೊಂದಿಗೆ ಭಾರತ ಮೊದಲ ಇನ್ನಿಂಗ್ಸ್​ನಲ್ಲಿ 416ರನ್​ಗಳಿ ಸರ್ವಪತನ ಕಂಡಿತು. ಹನುಮ ವಿಹಾರಿ ಟೆಸ್ಟ್​​​ ಕ್ರಿಕೆಟ್​ನಲ್ಲಿ ಚೊಚ್ಚಲ ಶತಕ ಸಿಡಿಸಿ ಮಿಂಚಿದ್ರು.
ಬಳಿಕ ತನ್ನ ಮೊದಲ ಇನ್ನಿಂಗ್ಸ್ ಆರಂಭಿಸಿದ ವೆಸ್ಟ್ ಇಂಡೀಸ್ ಭಾರತದ ದಾಳಿಗೆ ತತ್ತರಿಸಿತು. ವೇಗಿ ಜಸ್​ಪ್ರೀತ್ ಬುಮ್ರಾ ವಿಂಡೀಸ್​ ಬ್ಯಾಟ್ಸ್​​ಮನ್ ಗಳನ್ನು ಸಿಂಹಸ್ವಪ್ನವಾಗಿ ಕಾಡಿದ್ರು. ದಿನದಾಟದ ಅಂತ್ಯಕ್ಕೆ ವಿಂಡೀಸ್ 33 ಓವರ್​ ಬ್ಯಾಟ್ ಮಾಡಿ 7 ವಿಕೆಟ್​ ನಷ್ಟಕ್ಕೆ 87ರನ್ ಗಳಿಸಿದೆ. ಭಾರತದ ಪರ ಹ್ಯಾಟ್ರಿಕ್ ಸೇರಿದಂತೆ 6 ವಿಕೆಟ್ ಕಿತ್ತ ಜಸ್​ಪ್ರೀತ್ ಬುಮ್ರಾ ವಿಂಡೀಸ್ ಬ್ಯಾಟಿಂಗ್​ಗೆ ಬ್ರೇಕ್ ಹಾಕಿದ್ರು. ಮೊಹಮ್ಮದ್​ ಶಮಿ 1 ವಿಕೆಟ್ ಪಡೆದಿದ್ದಾರೆ.

LEAVE A REPLY

Please enter your comment!
Please enter your name here

- Advertisment -

Most Popular

‘ಈ ಗ್ರಾಮದಲ್ಲಿ ಎಲ್ಲರಿಗೂ ಕಷಾಯ ಉಚಿತ’

ಗದಗ : ಕೊರೊನಾ ನಿರ್ಮೂಲನೆಗೆ ಗ್ರಾಮ ಪಂಚಾಯತಿಯೊಂದು ವಿಭಿನ್ನ ಹಾಗೂ ವಿನೂತನ ಪ್ರಯತ್ನ ನಡೆಸಿದೆ. ಈಗಾಗಲೇ ರಾಜ್ಯದಲ್ಲಿ ಹಲವು ಗ್ರಾಮ‌ ಪಂಚಾಯತಿಗಳು ಕೊರೋನಾ ನಿರ್ಮೂಲನೆಗೆ ಅತ್ಯುನ್ನತ ಹಾಗೂ ವಿನೂತನ ಕಾರ್ಯಗಳನ್ನ ಮಾಡಿ ಮಾದರಿ...

‘ವಿಚಿತ್ರ ರೋಗಕ್ಕೆ ನವಜಾತ ಶಿಶು ಬಲಿ’

ಬೆಂಗಳೂರು : ಕೊರೋನಾದಿಂದ ಗುಣಮುಖವಾದ ಮಕ್ಕಳನ್ನು ಈಗ ಹೊಸದೊಂದು ರೋಗ ಕಾಡುತ್ತಿದೆ. ಪುಟ್ಟ ಮಕ್ಕಳಲ್ಲೇ ಈ ರೋಗ ಹೆಚ್ಚಾಗಿ ಕಂಡು ಬರುತ್ತಿದ್ದು, ಪೋಷಕರು ಕಂಗಾಲಾಗಿದ್ದಾರೆ. ಈ ರೋಗಕ್ಕೆ ಚಿಕಿತ್ಸೆ ನೀಡಲು ಒಂದು ಮಗುವಿಗೆ...

ಖಾಸಗಿ ಶಾಲಾ ಶುಲ್ಕದಲ್ಲಿ ಕಡಿತ ಮಾಡುವ ಪ್ರಮೇಯವೇ ಇಲ್ಲ : ಕ್ಯಾಮ್ಸ್ ತೀರ್ಮಾನ

ಬೆಂಗಳೂರು : ಖಾಸಗಿ ಶಾಲಾ ಶುಲ್ಕದಲ್ಲಿ ಕಡಿತ ಮಾಡುವ ಪ್ರಮೇಯವೇ ಇಲ್ಲ. ಪೂರ್ತಿ ಶುಲ್ಕ ಕಟ್ಟಲೇ ಬೇಕು ಎಂದು ವರ್ಚುವಲ್ ಮೀಟಿಂಗ್ ನಲ್ಲಿ ಕ್ಯಾಮ್ಸ್ ತೀರ್ಮಾನ ಕೈಗೊಂಡಿದೆ. ವರ್ಚುವಲ್ ಮೀಟಿಂಗ್ ನಲ್ಲಿ 10ಕ್ಕೂ...

ಬೈಕ್‌ ಅಪಘಾತದಲ್ಲಿ ನಟ ಸಂಚಾರಿ ವಿಜಯ್‌ ಗೆ ಗಂಭೀರ ಗಾಯ..

ಬೆಂಗಳೂರು :  ರಾಷ್ಟ್ರ ಪ್ರಶಸ್ತಿ ನಟ ಸಂಚಾರಿ ವಿಜಯ್ ಗೆ ಅಪಘಾತವಾಗಿದ್ದು, ಸಂಚಾರಿ ವಿಜಯ್ ಸ್ಥಿತಿ ಚಿಂತಾಜನಕವಾಗಿದೆ. ಬನ್ನೇರುಘಟ್ಟ ರಸ್ತೆಯಲ್ಲಿರುವ ಅಪೊಲೋ ಆಸ್ಪತ್ರೆಗೆ ಸೇರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ನಟ ಸಂಚಾರಿ ವಿಜಯ್ ತಲೆಗೆ...

Recent Comments