HomeP.Specialವಿಜ್ಞಾನ-ತಂತ್ರಜ್ಞಾನಸುಳ್ಳು ಸುದ್ದಿ ಉತ್ತೇಜಿಸೋ ವೆಬ್​ಸೈಟ್​​ಗಳಿಗೆ ಶಾಕ್​ ಕೊಟ್ಟ ಗೂಗಲ್ ..!

ಸುಳ್ಳು ಸುದ್ದಿ ಉತ್ತೇಜಿಸೋ ವೆಬ್​ಸೈಟ್​​ಗಳಿಗೆ ಶಾಕ್​ ಕೊಟ್ಟ ಗೂಗಲ್ ..!

ಇದು ಸೋಶಿಯಲ್ ಮೀಡಿಯಾ ಜಮಾನ… ಸಾಕಷ್ಟು ವೆಬ್​ಸೈಟ್​ ಗಳು ತಮ್ಮ ಮನಬಂದ ಸುದ್ದಿಗಳನ್ನು, ಸಿದ್ಧಾಂತಗಳನ್ನು ವಿವೇಚನೆ ಇಲ್ದೆ ಹರಿ ಬಿಡುತ್ತಲೇ ಇರುತ್ತವೆ.  ಹಲವಾರು ಮಾರ್ಗಗಳಲ್ಲಿ ದುಡ್ಡುಗಳಿಸಲು, ಸುದ್ದಿ ವೈರಲ್ ಗೀಳಿಗೆ ಬಿದ್ದು ಸುಳ್ಳು ಸುದ್ದಿಗಳಿಗೆ ಮಸಾಲೆ ಹಾಕಿ ಪೋಸ್ಟ್ ಮಾಡುತ್ತಿವೆ… ಇವುಗಳಿಗೆ ಕಡಿವಾಣ  ಹಾಕಲು ಇದೀಗ ಪ್ರತಿಷ್ಠಿತ ಸರ್ಚ್​ ಇಂಜಿನ್ ಗೂಗಲ್ ಮುಂದಾಗಿದೆ.

ಹೌದು ಕೋವಿಡ್ -19 ಬಗ್ಗೆ ಇಲ್ಲಸಲ್ಲದ ಸುಳ್ಳುಗಳನ್ನು ಉತ್ತೇಜಿಸುವ ವೆಬ್​ಸೈಟ್​ ಗಳಿಗೆ ಪಾಠ ಕಲಿಸಲು ಗೂಗಲ್ ಮುಂದಾಗಿದೆ. ಅಂಥಾ ವೆಬ್​ಸೈಟ್​​ಗಳಿಂದ ಜಾಹಿರಾತುಗಳನ್ನು ನಿರ್ಭಂದಿಸುವುದಾಗಿ ಗೂಗಲ್ ಹೇಳಿದೆ. ಅಲ್ಲದೆ ವೆಬ್​ಸೈಟ್​ಗಳ ನಿಯಮಗಳನ್ನು ಮೀರುವ ವೆಬ್​ ಪಬ್ಲಿಷರ್​​​ ಹಾಗೂ ಜಾಹಿರಾತುದಾರರ ವಿರುದ್ಧ ಕ್ರಮ ತೆಗೆದುಕೊಳ್ಳುವುದಾಗಿ ಎಚ್ಚರಿಕೆ ನೀಡಿದೆ.

ಗೂಗಲ್ ಜಾಹಿರಾತುಗಳ ಮೂಲಕ ಹಣಗಳಿಸಲು ಮುಂದಾಗೋ ವೆಬ್​ ಪಬ್ಲಿಷರ್​ಗಳು ಯಾವ್ದೇ ರೀತಿಯ ಆಧಾರಗಳಿಲ್ಲದೆ ಬೇಕಾಬಿಟ್ಟಿ, ಮನಸೋ ಇಚ್ಛೆ ಸುದ್ದಿಗಳನ್ನು , ಜಾಹಿರಾತುಗಳನ್ನು. ಸಿದ್ಧಾಂತಗಳನ್ನು ಉತ್ತೇಜಿಸೋದನ್ನು ಪತ್ತೆ ಮಾಡಲು ಕಾರ್ಯಪ್ರವೃತ್ತವಾಗಿದೆ. ಕೋವಿಡ್ ಹಾಗೂ ಇಂಥಾ ಸಾಂಕ್ರಮಿಕ ರೋಗಗಳನ್ನು ಬಂಡವಾಳವನ್ನಾಗಿಸಿಕೊಂಡು ಲಾಭ ಪಡೆಯಲು ಪ್ರಯತ್ನಿಸುತ್ತಿದ್ದ 200 ದಶಲಕ್ಷಕ್ಕೂ ಹೆಚ್ಚಿನ ಜಾಹಿರಾತುಗಳನ್ನು ತೆಗೆದುಹಾಕಿದೆ. 

ಗೂಗಲ್ ಒಡೆತನದ ಯೂಟ್ಯೂಬ್  ಕೋವಿಡ್ -19ಗೆ ಸಂಬಂಧಿಸಿದಂತೆ ತಪ್ಪು ಮಾಹಿತಿ, ಇಲ್ಲಸಲ್ಲದ್ದನ್ನು ಪ್ರಕಟಿಸಿ ಹಣಗಳಿಕೆ ಮಾಡೋ  ತನ್ನ ಚಾನಲ್​ ಗಳನ್ನು ಬ್ಯಾನ್ ಮಾಡಿದೆ.  ಹೀಗೆ ಸುಳ್ಳು ಸುದ್ದಿಗಳನ್ನು ಬಿತ್ತರಿಸುತ್ತಲೇ ಇದ್ದರೆ ಅಂಥಾ ವೆಬ್​ಸೈಟ್ ಗಳು ಮತ್ತು ಸಂಬಂಧಿಸಿದವರ ವಿರುದ್ಧ ಕಟ್ಟುನಿಟ್ಟಿನ ಕ್ರಮಕೈಗೊಳ್ಳುವುದಾಗಿ ಎಚ್ಚರಿಕೆ ಬೆಲ್ ಬಡಿದಿದೆ.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments