Homeರಾಜ್ಯನಿಮ್ಮ ಕಾಲಿಗ್ ಬೀಳ್ತೀನಿ ಹತ್ರ ಬರ್ಬೇಡಿ : ದುನಿಯಾ ವಿಜಿ

ನಿಮ್ಮ ಕಾಲಿಗ್ ಬೀಳ್ತೀನಿ ಹತ್ರ ಬರ್ಬೇಡಿ : ದುನಿಯಾ ವಿಜಿ

ಹುಬ್ಬಳ್ಳಿ : ನಗರದಲ್ಲಿಂದು ಸಲಗ ಚಿತ್ರತಂಡದಿಂದ ಸುದ್ದಿಗೋಷ್ಟಿ ನಡೆಸಿ ಮಾತನಾಡಿದ ದುನಿಯಾ ವಿಜಿ ಅವರು, ಸಿನಿಮಾ ಥಿಯೇಟರ್ ಗಳ ಮೇಲೆ ಸರ್ಕಾರ ಹೇರಿರುವ ಕೋವಿಡ್ ನಿಯಮಗಳ ಬಗ್ಗೆ ದುನಿಯಾ ವಿಜಿ ಅಸಮಾಧಾನ ವ್ಯಕ್ತಪಡಿಸಿದರು. ಕೋವಿಡ್ ನಿಯಮಗಳು ನಮಗೆ ಸಮಾಧಾನ ತಂದಿಲ್ಲ ಸಿನಿಮಾ ಮಂದಿರಗಳಿಗೆ ಸರ್ಕಾರ ಟಫ್ ರೂಲ್ಸ್ ಜಾರಿ ಮಾಡಿದೆ. ಸರ್ಕಾರದ ಮುಂದಿನ ನಿರ್ಧಾರ ನೋಡಿಕೊಂಡು ಸಿನಿಮಾ ರೀಲಿಸ್ ಮಾಡ್ತಿವಿ, ಸರ್ಕಾರದ ನಿರ್ಧಾರಕ್ಕೆ ನಮ್ಮ ಒಪ್ಪಿಗೆ ಇಲ್ಲ. ಜಿಮ್ ಮತ್ತು ಸಿನಿಮಾ ಥಿಯೇಟರ್ ನಲ್ಲಿ ಮಾತ್ರ ಕೊರೋನಾ ಬರುತ್ತಾ ಎಂದು ಸರ್ಕಾರಕ್ಕೆ ದುನಿಯಾ ವಿಜಯ್ ಖಡಕ್ಕಾಗಿ ಪ್ರಶ್ನೆ ಮಾಡಿದರು. 

ರಾಜಕೀಯ ಸಮಾವೇಶಗಳಿಗೆ ಕೋರೊನಾ ಬರುವುದಿಲ್ವಾ?

ಜಿಮ್ ಮತ್ತು ಸಿನಿಮಾ ಥಿಯೇಟರ್ ನಲ್ಲಿ ಕಡಿಮೆ ಜನಾ ಇರ್ತಾರೆ. ಏಪ್ರಿಲ್ 7 ರವರೆಗೆ ಥಿಯೇಟರ್ ಗಳಲ್ಲಿ 100 % ಅವಕಾಶ ಕೊಟ್ಟಿರುವುದು ನಮಗೆ ಸಮಾಧಾನವಿಲ್ಲ. ಥಿಯೇಟರ್ ಗಳಲ್ಲಿ 100% ಪ್ರೇಕ್ಷಕರಿಗೆ ಅವಕಾಶ ಕೊಟ್ಟ ನಂತರವೆ ಸಿನಿಮಾ ರಿಲೀಸ್ ಮಾಡುತ್ತೇವೆ. ಸಿನಿಮಾದವರಿಂದಲೆ ಕೋವಿಡ್ ಬರುತ್ತಿದೆ ಎಂದು ಸರಕಾರ ಹೇಳುತ್ತಿದೆ. ಹಾಗಾಗಿ ಸೆಲ್ಪಿ‌ ಪಡೆಯಲು ಅಭಿಮಾನಿಗಳು ಹತ್ತಿರ ಬರಬೇಡಿ, ದಯವಿಟ್ಟು ಕಾಲಿಗೆ ಬೀಳ್ತಿನಿ ಎಂದು ಅಭಿಮಾನಿಗಳಿಗೆ ಮನವಿ ಮಾಡಿದರು.

ನಟನಾಗಿ 14 ವರ್ಷ ಆಗಿದೆ, ಉತ್ತರ ಕರ್ನಾಟಕ ಅಂದಾಗ ಹೆಚ್ಚಿನ ಪ್ರೀತಿ. ಸಲಗ ಸಿನಿಮಾದಲ್ಲಿ ನಾನು ಮತ್ತು ಡಾಲಿ ಧನಂಜಯ ಇಬ್ಬರು ನಟರು. ಸವದತ್ತಿಯಿಂದ ಚಿತ್ರದ ಶೂಟಿಂಗ್ ಶುರು ಮಾಡಿದ್ವಿ ಎಂದರು. 

ಬಳಿಕ ಮಾತನಾಡಿದ ನಟ ಡಾಲಿ ಧನಂಜಯ್, ಸರ್ಕಾರ ಕಾನೂನು ಮಾಡುವಾಗ ಕೆಳ ಮಟ್ಟದ ಕಾರ್ಮಿಕರನ್ನು ಗಮನದಲ್ಲಿ ಇಟ್ಟುಕೊಂಡು ಕಾನೂನು ಮಾಡಬೇಕು ಅಗ ಕಾನೂನು ಪರಿಣಾಮಕಾರಿಯಾಗುತ್ತದೆ. ಸರ್ಕಾರ ಚಿತ್ರಮಂದಿರಗಳಿಗೆ ಸೀಟು ಕಡಿವಾಣ ಹಾಕುವುದು ಸರಿಯಲ್ಲ. ಯುವರತ್ನ ಚಲನಚಿತ್ರಕ್ಕೆ ಉತ್ತಮ ಸ್ಪಂದನೆ ಸಿಕ್ಕಿದೆ. ನನ್ನ ಕೈಯಲ್ಲಿ ಮುಂದೆ ಮೂರು ನಾಲ್ಕು ಪ್ರೊಜೆಕ್ಟ್ ಗಳಿವೆ ಎಂದರು.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments