ಬಾಲಿವುಡ್ ನಟಿ, ಕನ್ನಡತಿ ದೀಪಿಕಾ ಪಡುಕೋಣೆ ಮಲೆಯಾಳಂ ಬೆಡಗಿ, ಕಣ್ಸನ್ನೆ ಸುಂದರಿ ಪ್ರಿಯಾ ಪ್ರಕಾಶ್ ವಾರಿಯರ್ ಅವರನ್ನು ಟ್ಯಾಗ್ ಮಾಡಿ ಇನ್ಸ್ಟಾಗ್ರಾಮಲ್ಲಿ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದಾರೆ. ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಆ ವಿಡಿಯೋದ್ದೇ ಕಾರುಬಾರು.
ಅರೆ, ದೀಪಿಕಾ ಪ್ರಿಯಾಗೆ ಅದೆಂಥಾ ವಿಡಿಯೋವನ್ನು ಟ್ಯಾಗ್ ಮಾಡಿರಬಹದು. ಆ ವಿಡಿಯೋಕ್ಕೂ ಪ್ರಿಯಾಗೂ ಯಾವ ರೀತಿಯ ನಂಟಿರಬಹುದು ಅನ್ನೋ ಕುತೂಹಲ ಎಲ್ಲರಲ್ಲೂ ಸಹಜ.. ಆ ಕುತೂಹದಿಂದಲೇ ನೆಟ್ಟಿಗರು ವಿಡಿಯೋ ಕ್ಲಿಕ್ ಮಾಡಿ ನೋಡ್ತಿದ್ದಾರೆ. ಅಲ್ಲದೆ ದೀಪಿಕಾ ಇನ್ಸ್ಟಾದಲ್ಲಿ ಪೋಸ್ಟ್ ಮಾಡಿರೋ ಆ ವಿಡಿಯೋ ಈಗ ಬರೀ ಇನ್ಸ್ಟಾಗ್ರಾಮ್ ಮಾತ್ರವಲ್ಲದೆ ಫೇಸ್ಬುಕ್, ವಾಟ್ಸಮ್ ಎಲ್ಲಾ ಕಡೆಗಳಲ್ಲೂ ಹವಾ ಸೃಷ್ಠಿಸಿದೆ.
ನಿಮಗೆ ಗೊತ್ತೇ ಇದೆ, ದೀಪಿಕಾ ಪಡುಕೋಣೆ ಛಾಪಾಕ್ ಅನ್ನೋ ಸಿನಿಮಾದಲ್ಲಿ ಆ್ಯಕ್ಟ್ ಮಾಡ್ತಿದ್ದಾರೆ. ಪದ್ಮಾವತಿ ಬಳಿಕ ದೀಪಿಕಾ ನಟಿಸುತ್ತಿರುವ ಛಪಾಕ್ ಟ್ರೈಲರ್, ಪೋಸ್ಟರ್ಗಳಿಂದ ಸಖತ್ ಸದ್ದು ಮಾಡ್ತಿದೆ. ಮದ್ವೆ ಬಳಿಕ ದೀಪಿಕಾ ನಟಿಸಿರೋ ಮೊದಲ ಸಿನಿಮಾ ಈ ಚಪಾಕ್. ಸೆಟ್ಟೇರಿದಲ್ಲಿಂದಲೂ ಒಂದಲ್ಲ ಒಂದು ರೀತಿಯಲ್ ಸದ್ದು ಮಾಡ್ತಿದೆ.
ಆ್ಯಸಿಡ್ ದಾಳಿಗೆ ಒಳಗಾದ ಯುವತಿಯ ಕಥೆ ಛಪಾಕ್ ಸಿನಿಮಾ. ಸದ್ಯ ದೀಪಿಕಾ ಪಡುಕೋಣೆ ಕೂಡ ಚಿತ್ರಕ್ಕೆ ಸಂಬಂಧಿಸಿದ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಇನ್ಸ್ಟಾಗ್ರಾಮ್ನಲ್ಲಿ ಪ್ರೊಡೆಕ್ಷನ್ ವಿಡಿಯೋಗಳನ್ನು ಪೋಸ್ಟ್ ಮಾಡಿ, ಸಿನಿಮಾ ಮೇಲಿನ ಕ್ಯೂರಿಯಾಸಿಟಿಯನ್ನು ಹೆಚ್ಚಿಸುತ್ತಿದ್ದಾರೆ.
ಅಂತೆಯೇ ಮತ್ತೊಂದು ವಿಡಿಯೋವನ್ನು ಅಪ್ ಮಾಡಿ, ಮಲೆಯಾಳಂ ಚೆಲುವೆ ಪ್ರಿಯಾ ಪ್ರಕಾಶ್ ವಾರಿಯರ್ಗೆ ಟ್ಯಾಗ್ ಮಾಡಿದ್ದಾರೆ. ಸಿನಿಮಾ ನಿರ್ದೇಶಕಿ ಮೇಘನಾ ಗುಲ್ಜಾರ್ ಜೊತೆ ಮಾತನಾಡುವ ವಿಡಿಯೋವನ್ನು ದೀಪಿಕಾ ಅಪ್ಲೋಡ್ ಮಾಡಿ, ಪ್ರಿಯಾಗೆ ಟ್ಯಾಗ್ ಮಾಡಿದ್ದಾರೆ.ಆ ವಿಡಿಯೋ ಕೊನೆಯಲ್ಲಿ ‘ಟೇಕ್ ದಟ್ ಪ್ರಿಯಾವಾರಿಯರ್’ ಅಂತ ಬರೆಯಲಾಗಿದೆ.
ಗುಲ್ಜಾರ್ ಜೊತೆ ಮಾತನಾಡುತ್ತಾ ಕ್ಯಾಮರಾ ಕಡೆಗೆ ತಿರುಗಿದ ದೀಪಿಕಾ ಕಣ್ಣು ಹೊಡೆದಿದ್ದಾರೆ. ಪ್ರಿಯಾ ಜನಪ್ರಿಯವಾಗಿದ್ದು ಕೂಡ ಕಣ್ಸನ್ನೆಯಿಂದ. ಹೀಗಾಗಿ ದೀಪಿಕಾ ಪ್ರೀತಿಯಿಂದ ಪ್ರಿಯಾಗೆ ಕಣ್ಸನ್ನೆ ವಿಡಿಯೋವನ್ನು ಟ್ಯಾಗ್ ಮಾಡಿದ್ದಾರೆ. ವಿಭಿನ್ನ ಗೆಟಪ್ನಲ್ಲಿ ಕಾಣಿಸಿಕೊಂಡಿರೋ ದೀಪಿಕಾ ಕಣ್ಸನ್ನೆ ಅರೆಕ್ಷಣ ಎಲ್ಲರನ್ನೂ ಭಾವುಕರನ್ನಾಗಿಸುತ್ತದೆ.