Home ಸಿನಿ ಪವರ್ ಒಟ್ಟಿಗೆ ಅಖಾಡಕ್ಕೆ ಇಳಿಯುತ್ತಿದ್ದಾರೆ ದರ್ಶನ್, ಪುನೀತ್​, ಶ್ರೀಮುರಳಿ..!

ಒಟ್ಟಿಗೆ ಅಖಾಡಕ್ಕೆ ಇಳಿಯುತ್ತಿದ್ದಾರೆ ದರ್ಶನ್, ಪುನೀತ್​, ಶ್ರೀಮುರಳಿ..!

ಸ್ಯಾಂಡಲ್​ವುಡ್​ನಲ್ಲಿ ಸ್ಟಾರ್​ಗಳ ಅಬ್ಬರ ಸಿಕ್ಕಾಪಟ್ಟೆ ಜೋರಾಗಿದೆ. ಕಳೆದ ವರ್ಷ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಪಂಚಭಾಷೆಗಳಲ್ಲಿ ಸಪ್ತಸಾಗರದಾಚೆಗೂ ಅಬ್ಬರಿಸಿತ್ತು. ಈಗ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯ ಕುರುಕ್ಷೇತ್ರ ಮತ್ತು ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿನಯದ ಪೈಲ್ವಾನ್​ ವಿಶ್ವವ್ಯಾಪಿ ಭರ್ಜರಿ ಸೌಂಡು ಮಾಡ್ತಾ ಇದೆ. ಸ್ಟಾರ್ ನಟರ ಇನ್ನೂ ಒಂದಿಷ್ಟು ಸಿನಿಮಾಗಳು ಒಂದರ ಹಿಂದೆ ಒಂದರಂತೆ ರಿಲೀಸ್ ಆಗಲಿವೆ. ಅದರಲ್ಲೂ ದರ್ಶನ್​, ಪುನೀತ್​, ಶ್ರೀಮುರಳಿ  ಅಭಿಮಾನಿಗಳಿಗಂತೂ ಹಬ್ಬದೂಟದ ಸೌಭಾಗ್ಯ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್​ ಈ ವರ್ಷ ಆರಂಭದಿಂದಲೂ ಒಂದೊಂದೇ ಸರ್‌ಪ್ರೈಸ್ ಕೊಡ್ತಿದ್ದಾರೆ. ಮಾರ್ಚ್​ನಲ್ಲಿ ‘ಯಜಮಾನ’ನಾಗಿ ಮನ ಗೆದ್ದ ದಚ್ಚು ಈಗ ‘ಕುರುಕ್ಷೇತ್ರ’ದ ಸುಯೋಧನನಾಗಿ ದರ್ಬಾರು ನಡೆಸ್ತಿದ್ದಾರೆ. ಈ ವರ್ಷದಲ್ಲಿ ಇಷ್ಟಕ್ಕೆ ಡಿ.ಬಾಸ್ ಸಿನಿಹಬ್ಬ ಮುಗಿದಿಲ್ಲ. ಒಡೆಯ, ರಾಬರ್ಟ್​ ಟೀಮ್​ಗಳಿಂದ ಒಂದರ ಹಿಂದೆ ಒಂದು ಸ್ವೀಟ್ ನ್ಯೂಸ್ ಬರ್ತಿದೆ.

ಅಂತೆಯೇ  ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್ ಕೂಡ ತನ್ನ ಅಭಿಮಾನಿಗಳಿಗೆ ಹಬ್ಬದೂಟ ಉಣಬಡಿಸುತ್ತಿದ್ದಾರೆ. ಫೆಬ್ರವರಿಯಲ್ಲಿ ‘ನಟ ಸಾರ್ವಭೌಮ’ನಾಗಿ ಪಕ್ಕಾ ಫ್ಯಾಮಿಲಿ ಎಂಟರ್​ಟ್ರೈನ್ ಸಿನಿಮಾ ನೀಡಿದ್ದ ಅಪ್ಪು ‘ಯುವರತ್ನ’ನಾಗಿ ಬಾಕ್ಸ್​​ಆಫೀಸ್​​ ಚಿಂದಿ ಉಡಾಯಿಸಲು ರೆಡಿಯಾಗ್ತಿದ್ದಾರೆ.

ಇನ್ನು, ರೋರಿಂಗ್​ ಸ್ಟಾರ್ ಶ್ರೀಮುರಳಿ ‘ ಭರಾಟೆ’ ಕೇಳ್ಬೇಕೇ… ‘ಮಫ್ತಿ’ ಸ್ಟಾರ್ ಮುರಳಿ ‘ಭರಾಟೆ’ ಜೋರಾಗಿಯೇ ಇದೆ. ಸೆಟ್ಟೇರಿದಲ್ಲಿಂದಲೂ ಸದ್ದು ಮಾಡ್ತಿರೋ ಭರಾಟೆಯಿಂದ ಸದ್ಯದಲ್ಲೇ ಮತ್ತೊಂದು ಸ್ವೀಟ್​ ನ್ಯೂಸ್ ಬರಲಿದೆ. ಅಪ್ಪು, ದಚ್ಚು ಜೊತೆ ಜೊತೆಗೇನೇ ಮುರಳಿ ತನ್ನ ಫ್ಯಾನ್ಸ್​ಗೆ ಗಿಫ್ಟ್​ ಕೊಡಲಿದ್ದಾರೆ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್, ರೋರಿಂಗ್ ಸ್ಟಾರ್ ಶ್ರೀಮುರಳಿ ಒಟ್ಟಿಗೆ ತಮ್ಮ ಫ್ಯಾನ್ಸ್​ಗೆ ಉಡುಗೊರೆ ನೀಡ್ತಿರೋದು ನಿಜಕ್ಕೂ ವಿಶೇಷ. ಅದೂ ಕೆಲವೇ ಕೆಲವು ದಿನಗಳಲ್ಲಿ..! ದಸರಾ ಸಂಭ್ರಮದಲ್ಲಿರುವ ಸಿನಿಪ್ರಿಯರಿಗೆ ಈ ಮೂವರು ಸ್ಟಾರ್ ನಟರ ಸಿನಿ ತಂಡದಿಂದ ಭರ್ಜರಿ ಗಿಫ್ಟ್ ಸಿಗ್ತಿರೋದು ಪಕ್ಕಾ…!

ಹೌದು. ದರ್ಶನ್  ಅಭಿನಯದ ‘ಒಡೆಯ’, ಪುನೀತ್ ನಟನೆಯ ‘ಯುವರತ್ನ’, ಮುರಳಿಯ ‘ಭರಾಟೆ’ ಟೀಮ್​ನಿಂದ ಬಂದಿರೋ ಸರ್​​ಪ್ರೈಸ್​ ನ್ಯೂಸ್ ಇದು. ವಿಜಯ ದಶಮಿ ಸಡಗರಲ್ಲಿ ಮೂವರಿಂದ ಒಂದೊಂದು ಉಡುಗೊರೆ ಸಿಗುತ್ತಿದ್ದು, ಹಬ್ಬದ ಸಂಭ್ರಮ ಇಮ್ಮಡಿಗೊಂಡಿದೆ.

ಈಗಾಗಲೇ ಪೋಸ್ಟರ್​ನಿಂದ ಸಿಕ್ಕಾಪಟ್ಟೆ ಸದ್ದು ಮಾಡ್ತಿರುವ ದರ್ಶನ್ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ‘ಒಡೆಯ’ ಟೀಸರ್​ ವಿಜಯದಶಮಿಯಂದು ರಿಲೀಸ್ ಆಗಲಿದೆ. ಇನ್ನು, ‘ಕುರುಕ್ಷೇತ್ರ’ದ ಸುಯೋಧನನ ಗುಂಗಿನಲ್ಲೇ ಖುಷಿಯಲ್ಲಿರುವ ದಚ್ಚು ಫ್ಯಾನ್ಸ್ ‘ಒಡೆಯ’ನ ದರ್ಶನಕ್ಕೆ ವ್ಹೇಟ್ ಮಾಡ್ತಿದ್ದಾರೆ. ಒಡೆಯ ಟೀಸರ್​ ಗಿಫ್ಟ್​ ಮಾತ್ರವಲ್ಲದೆ ದಚ್ಚು ಅಭಿನಯದ ‘ರಾಬರ್ಟ್’​​ನಿಂದಲೂ ಸಿಹಿ ಸುದ್ದಿ ಸಿಗಲಿದೆ.

ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್ ಅಭಿಮಾನಿಗಳು ‘ಯುವರತ್ನ’ನನ್ನು ಕಣ್ತುಂಬಿಕೊಳ್ಳಲು ಕಾಯ್ತಿದ್ದು, ಪೋಸ್ಟರ್​ನಿಂದ ಗಮನ ಸೆಳೆದಿರುವ, ಸಾಕಷ್ಟು ನಿರೀಕ್ಷೆಯನ್ನು ಹುಟ್ಟುಹಾಕಿರುವ ‘ಯುವರತ್ನ’ ಟೀಸರ್ ಮಹಾನವಮಿಗೆ ರಿಲೀಸ್ ಆಗಲಿದ್ದು, ಅಪ್ಪು ಅಭಿಮಾನಿಗಳು ವಿಜಯ ದಶಮಿಗಾಗಿ ಕಾದಿದ್ದಾರೆ.

ಹಾಗೆಯೇ ರೋರಿಂಗ್ ಸ್ಟಾರ್ ಶ್ರೀಮುರಳಿ ಅಭಿನಯದ ಭರಾಟೆ ಈಗಾಗಲೇ ಟೀಸರ್, ಸಾಂಗ್​ನಿಂದ ಸೋಶಿಯಲ್ ಮೀಡಿಯಾದಲ್ಲಿ ಹವಾ ಕ್ರಿಯೇಟ್ ಮಾಡಿದ್ದು, ಈ ಸಿನಿಮಾದ ಮತ್ತೊಂದು ಹಾಡು ಕೂಡ ವಿಜಯದಶಮಿಗೆ ರಿಲೀಸ್ ಆಗಲಿದೆ.

ಒಟ್ಟಿನಲ್ಲಿ ದರ್ಶನ್, ಪುನೀತ್​, ಶ್ರೀಮುರಳಿ ಒಟ್ಟಿಗೇ ಅಖಾಡಕ್ಕೆ ಇಳಿಯುತ್ತಿದ್ದು, ದಸರಾ ಸಡಗರದಲ್ಲಿ ಅಭಿಮಾನಿಗಳಿಗೆ ಸಿನಿ ರಸದೌತಣ ನೀಡಲಿದ್ದಾರೆ. ಇದನ್ನ ಕಣ್ತುಂಬಿಕೊಳ್ಳಲು ಫ್ಯಾನ್ಸ್‌ ಕೂಡ ಫುಲ್‌ ಖುಷಿಯಲ್ಲಿದ್ದಾರೆ.

LEAVE A REPLY

Please enter your comment!
Please enter your name here

- Advertisment -

Most Popular

ದೇಶದಲ್ಲಿ  24 ಗಂಟೆಗಳಲ್ಲಿ 48,648 ಕೊರೋನಾ ಕೇಸ್ ಪತ್ತೆ!

ನವದೆಹಲಿ : ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 48,648 ಮಂದಿಯಲ್ಲಿ ಕೊರೋನಾ ಸೋಂಕು ಪತ್ತೆಯಾಗಿದೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 80,88,851ಕ್ಕೆ ತಲುಪಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ...

 ಸಿನಿಮೀಯ ರೀತಿಯಲ್ಲಿ ನಗರಸಭೆ ಸದಸ್ಯ ಕಿಡ್ನಾಪ್​!

ಕೊಪ್ಪಳ : ಸಿನಿಮೀಯ ರೀತಿಯಲ್ಲಿ ನಗರಸಭೆ ಸದಸ್ಯನನ್ನು ಕಿಡ್ನಾಪ್ ಮಾಡಲಾಗಿದೆ. ಕಿಡ್ನಾಪ್​ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಕೊಪ್ಪಳ ಜಿಲ್ಲೆಯ ಗಂಗಾವತಿಯಲ್ಲಿ ನವೆಂಬರ್ 2 ರಂದು ನಗರಸಭೆ ಚುನಾವಣೆ ನಡೆಯಲಿದ್ದು, ಗಂಗಾವತಿ ನಗರಸಭೆ ಕಾಂಗ್ರೆಸ್ ಸದಸ್ಯ...

ಅಲಹಬಾದ್​ ಹೈಕೋರ್ಟ್ ನಿಗಾದಲ್ಲಿ ಹತ್ರಾಸ್​ ಗ್ಯಾಂಗ್ ರೇಪ್​ ಕೇಸ್ ತನಿಖೆಗೆ ಸುಪ್ರೀಂ ಆದೇಶ

ನವದೆಹಲಿ : ಉತ್ತರ ಪ್ರದೇಶ ಹತ್ರಾಸ್​​​​ ಗ್ಯಾಂಗ್​ ರೇಪ್​​ ಪ್ರಕರಣದ ತನಿಖೆ ಅಲಹಬಾದ್​ ಹೈಕೋರ್ಟ್​ ನಿಗಾದಲ್ಲಿ ನಡೆಯಬೇಕೆಂದು ಸುಪ್ರೀಂ ಕೋರ್ಟ್​ ಆದೇಶಿಸಿದೆ. ಸದ್ಯ ಸಿಬಿಐ ಪ್ರಕರಣದ ತನಿಖೆಯನ್ನು ನಡೆಸುತ್ತಿದ್ದು, ತನಿಖಾ ತಂಡದಲ್ಲಿರುವ ಅಧಿಕಾರಿಗಳನ್ನು ರಾಜ್ಯದಿಂದ...

ಡಿ.ಬಾಸ್​​ಗಾಗಿ ಕನ್ನಡ ಕಲಿತ ಜಗಮಪತಿ ಬಾಬು..!

ಸಾಲ್ಟ್ ಅಂಡ್ ಪೆಪ್ಪರ್ ಲುಕ್​ನಲ್ಲಿ ಸೌತ್​ನಲ್ಲಿ ಸಂಚಲನ ಸೃಷ್ಠಿಸಿರೋ ಜಗಪತಿ ಬಾಬು, ಮತ್ತೊಂದು ನೂತನ ದಾಖಲೆ ಬರೆದಿದ್ದಾರೆ. ಅದೂ ಡಿ ಬಾಸ್ ದರ್ಶನ್​ಗಾಗಿ ಅನ್ನೋದು ವಿಶೇಷ. ಇಷ್ಟಕ್ಕೂ ಮೋಸ್ಡ್ ಡಿಮ್ಯಾಂಡಿಂಗ್ ಜಗಪತಿ ಬಾಬು...

Recent Comments