Home ರಾಜ್ಯ ನಿಗೂಢ ನಾಪತ್ತೆಯಾಗಿರುವ coffee day ಮಾಲೀಕ ಸಿದ್ದಾರ್ಥ್​ರಿಂದ ಭಾವುಕ ಪತ್ರ

ನಿಗೂಢ ನಾಪತ್ತೆಯಾಗಿರುವ coffee day ಮಾಲೀಕ ಸಿದ್ದಾರ್ಥ್​ರಿಂದ ಭಾವುಕ ಪತ್ರ

ನಿನ್ನೆ ರಾತ್ರಿ ನೇತ್ರಾವತಿ ಸೇತುವೆ ಬಳಿ ಕಾಣೆಯಾಗಿರುವ coffee day ಮಾಲೀಕ ಹಾಗೂ ಮಾಜಿ ಸಿಎಂ ಎಸ್​.ಎಂ ಕೃಷ್ಣರವರ ಅಳಿಯ ಸಿದ್ದಾರ್ಥ್​ ತಮ್ಮ ಸಂಸ್ಥೆಯ ನಿರ್ದೇಶಕರಿಗೆ ಹಾಗೂ coffee Day ಉದ್ಯೋಗಿಗಳಿಗೆ ಭಾವುಕ ಪತ್ರವೊಂದನ್ನು  ಬರೆದಿದ್ಧಾರೆ.

‘’ 37 ವರ್ಷಗಳಿಂದ ಬದ್ಧತೆ, ಶ್ರಮದಿಂದ ಸಂಸ್ಥೆ ಕಟ್ಟಿದ್ದೇನೆ. 30 ಸಾವಿರ ಉದ್ಯೋಗಗಳನ್ನು ಸೃಷ್ಟಿ ಮಾಡಿದ್ದೇನೆ.  ಐಟಿಯಲ್ಲಿ 20 ಸಾವಿರ ಉದ್ಯೋಗ ಸೃಷ್ಟಿಸಿದ್ದೇನೆ. ಆದ್ರೆ, ನಾನು ಲಾಭದಾಯಕ ಉದ್ಯಮ ಮಾಡುವಲ್ಲಿ ವಿಫಲನಾದೆ. ನನ್ನ ಪರಿಶ್ರಮದ ನಂತರವೂ ಯಾವುದೇ ಪ್ರಯೋಜನವಾಗಲಿಲ್ಲ.
ಲಾಭದಾಯಕ ಉದ್ಯಮದಲ್ಲಿ ಯಶಸ್ವಿ ಆಗಲಿಲ್ಲ. ಈಗ ಎಲ್ಲವನ್ನೂ ಕೈಚೆಲ್ಲುವ ನಿರ್ಧಾರ ಮಾಡಿದ್ದೇನೆ.
ನನ್ನ ಮೇಲೆ ವಿಶ್ವಾಸ ಇಟ್ಟವರ ನಂಬಿಕೆ ಉಳಿಸಿಕೊಳ್ಳುತ್ತಿಲ್ಲ. ಸಾಕಷ್ಟು ಹೋರಾಟದ ನಂತರ ನಾನು ಕೈ ಚೆಲ್ಲುತ್ತಿದ್ದೇನೆ.

ನನ್ನ ಷೇರುಗಳನ್ನು ಹಿಂಪಡೆಯಲು ನನಗೆ ಒತ್ತಡ ಇದೆ. ಹೆಚ್ಚಿನ ಒತ್ತಡ ನನ್ನಿಂದ ತೆಗೆದುಕೊಳ್ಳಲು ಆಗುತ್ತಿಲ್ಲ. 6 ತಿಂಗಳ ಹಿಂದಷ್ಟೆ ಅಧಿಕ ಪ್ರಮಾಣದ ಸಾಲ ಪಡೆದಿದ್ದೇನೆ. ಪರಿಸ್ಥಿತಿ ನಿಭಾಯಿಸಲು ನನ್ನ  ಮೇಲೆ ಅಧಿಕ ಒತ್ತಡ ಇದೆ. ಹಿಂದಿನ ಐಟಿ ಡಿಜಿಯಿಂದ ಕಾಫಿ ಡೇ, ಮೈಂಡ್‌ಟ್ರೀ ಸಂಸ್ಥೆ ಷೇರುಗಳ ವಿಚಾರವಾಗಿಯೂ ತುಂಬಾ ಕಿರುಕುಳವಾಗುತ್ತಿದೆ. ಒತ್ತಡಗಳ ನಡುವೆಯೂ ನಾನು ಐಟಿ ಫೈಲ್ ಮಾಡಿದ್ದೇನೆ. ಇದು ನನಗೆ ಆರ್ಥಿಕವಾಗಿ ಬಹಳ ನಷ್ಟ ಉಂಟು ಮಾಡಿದೆ.

ಈ ಉದ್ಯಮವನ್ನ ಮುಂದುವರೆಸಿಕೊಂಡು ಹೋಗಿ, ನೀವೆಲ್ಲಾ ಹೊಸ ಆಡಳಿತ ಮಂಡಳಿಗೆ ಸಹಕರಿಸಿ.
ನನ್ನ ಎಲ್ಲಾ ತಪ್ಪು ನಿರ್ಧಾರಗಳಿಗೆ ನಾನೇ ನೇರ ಕಾರಣ. ಎಲ್ಲಾ ಹಣಕಾಸು ವಹಿವಾಟುಗಳಿಗೆ ನಾನೇ ಹೊಣೆ. ನನ್ನ ವ್ಯವಹಾರದ ಬಗ್ಗೆ ಯಾರಿಗೂ ಮಾಹಿತಿ ಇಲ್ಲ. ನನ್ನ ತಂಡ, ಆಡಿಟರ್ ಹಾಗೂ ಹಿರಿಯ ಸದಸ್ಯರಿಗೂ ಕೂಡ ಈ ಬಗ್ಗೆ ಮಾಹಿತಿ ಇಲ್ಲ.ಕಾನೂನು ನನ್ನನ್ನು ಮಾತ್ರ ಜವಾಬ್ದಾರನನ್ನಾಗಿ ಮಾಡಬೇಕು. ನಾನು ಈ ಮಾಹಿತಿಯನ್ನು ಕುಟುಂಬ ಸದಸ್ಯರಿಂದಲೂ ಗೌಪ್ಯವಾಗಿಟ್ಟಿದ್ದೇನೆ. ಯಾರಿಗೂ ಮೋಸ ಮಾಡುವ ಉದ್ದೇಶ ನನ್ನದಾಗಿರಲಿಲ್ಲ.
ಒಬ್ಬ ಉದ್ಯಮಿಯಾಗಿ ನಾನು ವಿಫಲನಾಗಿದ್ದೇನೆ. ಎಲ್ಲರಿಗೂ ಇದು ನನ್ನ ಕಳಕಳಿಯ ಮನವಿ.
ಮುಂದೆ ನನ್ನನ್ನು ಅರ್ಥ ಮಾಡಿಕೊಂಡು ಕ್ಷಮಿಸುತ್ತೀರಾ ಎಂದು ಭಾವಿಸುತ್ತೇನೆ

ನನ್ನ ಆಸ್ತಿ, ಆಸ್ತಿಯ ಮೌಲ್ಯವನ್ನು ಪಟ್ಟಿ ಮಾಡಿ ಇಟ್ಟಿದ್ದೇನೆ. ನನ್ನ ಆಸ್ತಿಯಿಂದ ಪ್ರತಿಯೊಬ್ಬರಿಗೂ ಹಣ ಪಾವತಿಸಿದ್ದೇನೆ. ಈ ಮೂಲಕ ಆರ್ಥಿಕ ಒತ್ತಡದ ವಿರುದ್ಧ ಹೋರಾಟ ಮಾಡಿ ಕೈಚೆಲ್ಲಿದ್ದೇನೆ’’  ಎಂದು ಎರಡು ದಿನಗಳ ಹಿಂದೆಯೇ ಸಿದ್ದಾರ್ಥ್​ರವರು  ಪತ್ರ ಬರೆದಿದ್ಧಾರೆ. ಈ ಪತ್ರ ಈಗ ಹಲವು ಅನುಮಾನಗಳಿಗೆ ಎಡೆ ಮಾಡಿಕೊಟ್ಟಿದೆ.

LEAVE A REPLY

Please enter your comment!
Please enter your name here

- Advertisment -

Most Popular

ದೇಶದಲ್ಲಿ  24 ಗಂಟೆಗಳಲ್ಲಿ 48,648 ಕೊರೋನಾ ಕೇಸ್ ಪತ್ತೆ!

ನವದೆಹಲಿ : ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 48,648 ಮಂದಿಯಲ್ಲಿ ಕೊರೋನಾ ಸೋಂಕು ಪತ್ತೆಯಾಗಿದೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 80,88,851ಕ್ಕೆ ತಲುಪಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ...

 ಸಿನಿಮೀಯ ರೀತಿಯಲ್ಲಿ ನಗರಸಭೆ ಸದಸ್ಯ ಕಿಡ್ನಾಪ್​!

ಕೊಪ್ಪಳ : ಸಿನಿಮೀಯ ರೀತಿಯಲ್ಲಿ ನಗರಸಭೆ ಸದಸ್ಯನನ್ನು ಕಿಡ್ನಾಪ್ ಮಾಡಲಾಗಿದೆ. ಕಿಡ್ನಾಪ್​ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಕೊಪ್ಪಳ ಜಿಲ್ಲೆಯ ಗಂಗಾವತಿಯಲ್ಲಿ ನವೆಂಬರ್ 2 ರಂದು ನಗರಸಭೆ ಚುನಾವಣೆ ನಡೆಯಲಿದ್ದು, ಗಂಗಾವತಿ ನಗರಸಭೆ ಕಾಂಗ್ರೆಸ್ ಸದಸ್ಯ...

ಅಲಹಬಾದ್​ ಹೈಕೋರ್ಟ್ ನಿಗಾದಲ್ಲಿ ಹತ್ರಾಸ್​ ಗ್ಯಾಂಗ್ ರೇಪ್​ ಕೇಸ್ ತನಿಖೆಗೆ ಸುಪ್ರೀಂ ಆದೇಶ

ನವದೆಹಲಿ : ಉತ್ತರ ಪ್ರದೇಶ ಹತ್ರಾಸ್​​​​ ಗ್ಯಾಂಗ್​ ರೇಪ್​​ ಪ್ರಕರಣದ ತನಿಖೆ ಅಲಹಬಾದ್​ ಹೈಕೋರ್ಟ್​ ನಿಗಾದಲ್ಲಿ ನಡೆಯಬೇಕೆಂದು ಸುಪ್ರೀಂ ಕೋರ್ಟ್​ ಆದೇಶಿಸಿದೆ. ಸದ್ಯ ಸಿಬಿಐ ಪ್ರಕರಣದ ತನಿಖೆಯನ್ನು ನಡೆಸುತ್ತಿದ್ದು, ತನಿಖಾ ತಂಡದಲ್ಲಿರುವ ಅಧಿಕಾರಿಗಳನ್ನು ರಾಜ್ಯದಿಂದ...

ಡಿ.ಬಾಸ್​​ಗಾಗಿ ಕನ್ನಡ ಕಲಿತ ಜಗಮಪತಿ ಬಾಬು..!

ಸಾಲ್ಟ್ ಅಂಡ್ ಪೆಪ್ಪರ್ ಲುಕ್​ನಲ್ಲಿ ಸೌತ್​ನಲ್ಲಿ ಸಂಚಲನ ಸೃಷ್ಠಿಸಿರೋ ಜಗಪತಿ ಬಾಬು, ಮತ್ತೊಂದು ನೂತನ ದಾಖಲೆ ಬರೆದಿದ್ದಾರೆ. ಅದೂ ಡಿ ಬಾಸ್ ದರ್ಶನ್​ಗಾಗಿ ಅನ್ನೋದು ವಿಶೇಷ. ಇಷ್ಟಕ್ಕೂ ಮೋಸ್ಡ್ ಡಿಮ್ಯಾಂಡಿಂಗ್ ಜಗಪತಿ ಬಾಬು...

Recent Comments