ದಯವಿಟ್ಟು ಮನೆಯಲ್ಲೇ ಇರಿ : ಅಭಿಮಾನಿಗಳೊಂದಿಗೆ ಸೆಲೆಬ್ರೆಟಿಗಳ ಮನವಿ

0
316

ಕೊರೋನಾ ವೈರಸ್ ಹರಡುವುದನ್ನು ತಡೆಯುವ ಹಿನ್ನೆಲೆ ದೇಶಾದ್ಯಂತ 21 ದಿನಗಳ ಕಾಲ ಸಂಪೂರ್ಣ ಲಾಕ್​ಡೌನ್ ಘೋಷಿಸಲಾಗಿದೆ. ಆದರೆ ದೇಶದ ಜನತೆ ಸರ್ಕಾರದ ಆದೇಶವನ್ನು ನಿರ್ಲಕ್ಷಿಸುತ್ತಿದ್ದಾರೆ. ಹಾಗಾಗಿ ಸೆಲೆಬ್ರೆಟಿಗಳು ತಮ್ಮ ಅಭಿಮಾನಿಗಳಿಗೆ ಮನೆಯಿಂದ ಹೊರಬರದಂತೆ ಮನವಿಯನ್ನು ಮಾಡಿಕೊಂಡಿದ್ದಾರೆ.

ಟ್ವೀಟ್ ಮೂಲಕ ಮನವಿ ಮಾಡಿಕೊಂಡಿರುವ ಅಮಿತಾಬ್ ಬಚ್ಚನ್, ಈ ಲಾಕ್​ಡೌನ್ ನಮ್ಮ ಜೀವವನ್ನು ಉಳಿಸುತ್ತದೆ. 21ದಿನಗಳ ಕಾಲ ಮನೆಯಲ್ಲೇ ಇದ್ದು, ಕೊರೋನಾವನ್ನು ಮಸಣ ಸೇರಿಸೋಣ ಎಂದು ತಿಳಿಸಿದ್ದಾರೆ. 

ಇಂತಹ ಸಿಂಪಲ್ ಕೆಲಸಗಳನ್ನು ಮಾಡೋದಕ್ಕೆ ಜನರಿಗೆ ಕಷ್ಟವಾಗೋದು. ಯಾಕಂದ್ರೆ ಇಂತಹ ಕೆಲಸಗಳಿಗೆ ಶಿಸ್ತು ಹಾಗೂ ದೃಢಸಂಕಲ್ಪ ಇರಬೇಕು. ನಾವು ಮಾಡೋ ಸಣ್ಣ ಕೆಲಸಗಳಿಂದ ಲಕ್ಷಾಂತರ ಜೀವಗಳನ್ನು ಉಳಿಸಬಹುದು ಎಂದು ಮಾಜಿ ಕ್ರಿಕೆಟರ್ ಸಚಿನ್ ತೆಂಡೂಲ್ಕರ್ ಟ್ವೀಟ್​ನಲ್ಲಿ ಬರೆದುಕೊಂಡಿದ್ದಾರೆ.

ಇನ್ನು ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಟ್ವೀಟ್ ಮಾಡಿ ನಮ್ಮ ಪ್ರಧಾನ ಮಂತ್ರಿಗಳು ಆದೇಶಿಸಿರುವಂತೆ 21 ದಿನಗಳ ಕಾಲ ಮನೆಯಲ್ಲೇ ಇರಿ. ನಾನು ಎಲ್ಲರಲ್ಲೂ ಮನವಿ ಮಾಡಿಕೊಳ್ತಿದ್ದೇನೆ. ಈ ಕೊರೋನಾದಿಂದ ಬಚಾವಾಗಲು ಸೋಶಿಯಲ್ ಡಿಸ್ಟೆನ್ಸ್​ನಿಂದ ಮಾತ್ರ ಸಾಧ್ಯ ಎಂದು ಹೇಳಿದ್ದಾರೆ.

ಮುಂದಿನ 21 ದಿನಗಳು ನಮ್ಮ ದೇಶದ ಇತಿಹಾಸದಲ್ಲಿ ತುಂಬಾ ಮುಖ್ಯವಾದ ದಿನವಾಗಿದೆ. ಹಾಗಾಗಿ ಪ್ರತಿಯೊಬ್ಬರೂ ಜನರಿಂದ ದೂರವಿದ್ದು, ತಮ್ಮ ಮನೆಗಳಲ್ಲಿ ಉಳಿದುಕೊಂಡು ಜವಾಬ್ದಾರಿಯುತ ಪಾತ್ರವಹಿಸಬೇಕಾಗಿದೆ. ಸರ್ಕಾರದ ಆದೇಶವನ್ನು ಶಿಸ್ತಿನಿಂದ ಪಾಲಿಸಿದ್ರೆ ಕೊರೋನಾ ಆತಂಕದಿಂದ ಬೇಗನೆ ಹೊರಬರಬಹುದು ಎಂದು ಮಾಜಿ ಕ್ರಿಕೆಟರ್ ವೀರೇಂದ್ರ ಸೆಹ್ವಾಗ್ ಟ್ವೀಟ್​ನಲ್ಲಿ ಬರೆದುಕೊಂಡಿದ್ದಾರೆ.

 

 

LEAVE A REPLY

Please enter your comment!
Please enter your name here