ಅಮೆರಿಕಾದ ಪ್ರಸಿದ್ಧ ಬಾಹ್ಯಾಕಾಶ ಸಂಸ್ಥೆ ನಾಸಾ ಮತ್ತೊಂದು ಐತಿಹಾಸಿಕ ಮೈಲುಗಲ್ಲು ನೆಟ್ಟಿದೆ. ನಾಸಾದ ‘ನ್ಯೂಹಾರಿಜನ್​’ ಉಪಗ್ರಹ ವಿಶ್ವದ ಅತೀ ದೂರದ ಬಾಹ್ಯಾಕಾಶ ಅಧ್ಯಯನಕ್ಕೆ ಹೊರಟಿದೆ.
ಸೌರಮಂಡಲದಾಚೆಗಿನ ಅನ್ಯಗ್ರಹ ಜೀವಿಗಳ ಕುರಿತಾದ ಅಧ್ಯಯನಕ್ಕಾಗಿ ನಾಸಾ ಹಾರಿಬಿಟ್ಟಿದ್ದ ‘ನ್ಯೂಹಾರಿಜನ್’ ಕಟ್ಟೆಕಡೆಯ ಗ್ರಹ ಫ್ಲೂಟೋವನ್ನು ದಾಟಿದ್ದು, ಸೌರಂಡಲದಾಚೆಗೆ ತನ್ನ ಅಧ್ಯಯನ ನಡೆಸಲಿದೆ. ಈ ಉಪಗ್ರಹ ತನ್ನ ಹಾದಿಯಲ್ಲಿ ಅತ್ಯಂತ ಹಳೆಯ ಹಿಮಗಲ್ಲನ್ನು ಸ್ಪಷ್ಟವಾಗಿ ಸೆರೆ ಹಿಡಿದಿದೆ.
ವಿಜ್ಞಾನಿಗಳು ಜಗತ್ತಿನ ಕೊನೆಯ ಲೇಯರ್ ಅಲ್ಟಿಮಾ ಠ್ಯುಲಿ ಎಂದು ಹೇಳುತ್ತಿದ್ದು, ಈ ಉಪಗ್ರಹ ನಡೆಸುವ ಅಧ್ಯಯನದಿಂದ ಇದಕ್ಕೂ ಸರಿಯಾದ ಉತ್ತರ ಸಿಗಲಿದೆ. ನ್ಯೂಹಾರಿಜನ್’ ಠ್ಯುಲಿ ತಲುಪಬಹುದು, ಇದರಿಂದ ಅದರ ಬಗ್ಗೆ ತಿಳಿಯುತ್ತೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.

ಜೀವ ವೈವಿಧ್ಯ ಲೋಕದಲ್ಲಿ ಒಂದೊಂದು ಜೀವಿಯೂ ಒಂದೊಂದು ರೀತಿ ಆಶ್ಚರ್ಯ, ವಿಸ್ಮಯವನ್ನು ಮೂಡಿಸುತ್ತವೆ. ಅದರಲ್ಲೂ ಕೀಟಗಳ ಜಗತ್ತಿನಲ್ಲಿ ‘ಸ್ಪೈಡರ್’ -ಜೇಡರ ಹುಳುವಿನ ರೀತಿಯೇ ವಿಭಿನ್ನ, ವಿಸ್ಮಯ..!
ಇದನ್ನ ಫಾರಿನ್ ಗಳಲ್ಲಿ ಸೈಡರ್ ಎಂದು ಕರೆಯುತ್ತಾರೆ. ಕರ್ನಾಟದಲ್ಲಿ, ಅಚ್ಚ ಕನ್ನಡದಲ್ಲಿ ಇದನ್ನು ಶಲದಿ, ಜೇಡ, ಊರ್ಣನಾಭ ಎಂದು ಕರೀತಾರೆ.
ಜೇಡ ಕಟ್ಟಿರೋ ಮೂಲೆ ನೋಡೀ…ಎಂದು ತಮಾಷೆ ಮಾಡುವುದು ಸಾಮಾನ್ಯ, ಅಲ್ಲವೇ..! ಆದರೆ, ಅದು ತಮಾಷೆಗಲ್ಲ! ಜೇಡವಿಲ್ಲದ ಜಾಗವೂ ಇಲ್ಲ!
ಗಾಳಿಯಿಂದ ನೇರವಾಗಿ ಆಮ್ಲಜನಕವನ್ನು ಪಡೆದು ಜೀವಿಸುವ ಕೆಲಿಸೆರಾಟಾ ಎಂಬ ಉಪಸಂತತಿಗೆ ಸೇರಿವೆ ಈ ಜೇಡಗಳು.
ಸಿರ್ಬಾ ಆಸಿಲ್ಲೇಟಾ ಜಾತಿಗೆ ಸೇರಿದ ಜೇಡರ ಹುಳು ಮೊದಲ ಬಾರಿ 1876ರಲ್ಲಿ ಪತ್ತೆಯಾಗಿತ್ತು. ಸಿರ್ಬಾ ಸಿಮಾನ್ ಈ ಬಗ್ಗೆ ಸಂಶೋಧನೆ ನಡೆಸಿದ್ದರು.ಜೇಡರ ಹುಳು, ಎಲ್ಲೆಂದರಲ್ಲಿ ಬಲೆಗಳನ್ನು ಹೆಣೆದು ಆಹಾರವನ್ನು ಕೆಡವಿಕೊಳ್ಳುವ ಶೈಲಿ ಅತ್ಯಂತ ರೋಚಕವಾದದ್ದು.
ಅಂಟಾರ್ಟಿಕಾವನ್ನು ಹೊರತುಪಡಿಸಿ ಪ್ರಪಂಚದಾದ್ಯಂತ ಕಂಡುಬರುವ ಅರೇನಿ ವರ್ಗಕ್ಕೆ ಸೇರಿದ ಜೀವಿಗೆ ಇಂಥದ್ದೇ ವಾತಾವರಣ ಬೇಕೆಂದಿಲ್ಲ.
ಈ ಜೀವಿ, ಹೆಚ್ಚೂ ಕಡಿಮೆ ಎಲ್ಲಾ ಪರಿಸರದಲ್ಲಿಯೂ ಒಗ್ಗಿಕೊಳ್ಳುತ್ತದೆ. ಇದೂವರೆಗೆ ಸುಮಾರು 40 ಸಾವಿರ ಜಾತಿಗಳ ಜೇಡರ ಹುಳುಗಳಿವೆ ಎಂದು ಸಂಶೋಧನೆಗಳು ಹೇಳುತ್ತವೆ.

ಜೇಡರ ಹುಳುವಿನ ಕುಟುಂಬಕ್ಕನುಸಾರವಾಗಿ ಹಲವು ಬದಲಾವಣೆಗಳಿವೆ. ಇತ್ತೀಚಿನ ವರದಿ ಪ್ರಕಾರ ಭಾರತದಲ್ಲಿ 438 ಜಾತಿಗಳ 1685 ಜೇಡಗಳಿವೆ. ಪ್ರಪಂಚದಾದ್ಯಂತ ಒಟ್ಟು 620 ಪ್ರಬೇಧಗಳ 5 ಸಾವಿರದ 845 ಬಗೆಯ ಜೇಡಗಳಿವೆ.
ದೇಹದ ರಚನೆಯಲ್ಲಿಯೂ ಕೆಲ ಪ್ರಮುಖ ವ್ಯತ್ಯಾಸಗಳಿದ್ದರೂ ಹೆಚ್ಚಾಗಿ ಗುರುತಿಸಿಕೊಳ್ಳುವುದು ಅವುಗಳ ಮೈಬಣ್ಣ. ಮತ್ತೆ ಅವುಗಳ ವಿಷದ ಪ್ರಮಾಣದ ಆಧಾರದ ಮೇಲೆ.
ಜೇಡಕ್ಕೆ ಮನುಷ್ಯನಂತೆ ಎರಡು ಕಾಲು, ಪ್ರಾಣಿಗಳಂತೆ ನಾಲ್ಕು ಕಾಲುಗಳಿಲ್ಲ, ಎಣಿಸಿದಂತೆ ಎಂಟು ಕಾಲುಗಳಿವೆ. ಜೀವಜಗತ್ತಿನಲ್ಲಿ ಎಂಟು ಕಾಲುಗಳನ್ನು ಹೊಂದಿದ ಏಕೈಕ ಜೀವಿಯೂ ಹೌದು. ಜೇಡರ ಕಣ್ಣು ಹದ್ದಿನ ಕಣ್ಣಿಗಿಂತಲೂ ಭಾರಿ ಸೂಕ್ಷ್ಮ. ಕಣ್ಣಿನ ರಚನೆಯೂ ಇತರೆಲ್ಲ ಜೀವಿಗಳಿಗಿಂತ ವಿಭಿನ್ನ…!!
ಅತಿ ಹೆಚ್ಚು ವಿಷ : ಪ್ರಪಂಚದಲ್ಲಿಯೇ ಅತಿ ಹೆಚ್ಚು ವಿಷವನ್ನು ಹೊಂದಿರುವ ಜೇಡರ ಹುಳು ಅದು ಬ್ರೆಜಿಲ್ ರಾಷ್ಟ್ರದಲ್ಲಿ ಕಂಡುಬರುತ್ತದೆ. ಇದರ ವಿಷ ಎಷ್ಟು ಅಪಾಯಕಾರಿಯೆಂದರೆ, ತೀಕ್ಷಣತೆಯಲ್ಲಿ ಈ ಜೇಡದ ವಿಷಕ್ಕೂ ನಾಗರ ಹಾವಿನ ನ್ಯೂರೋ ಟಾಕ್ಸಿಕ್ ವರ್ಗದ ವಿಷಕ್ಕೂ ಯಾವುದೇ ವ್ಯತ್ಯಾಸವಿಲ್ಲ.
ಕಡಿತಕ್ಕೊಳಗಾದ ಕೆಲ ನಿಮಿಷಗಳಲ್ಲಿಯೇ ಉಸಿರು ನಿಲ್ಲಿಸುವ ಶಕ್ತಿ ಈ ಜೇಡಗಳ ವಿಷಕ್ಕಿದೆ. ಇದರ ನಂಜು ಹಾವಿನ ನಂಜಿಗಿಂತ 15 ಪಟ್ಟು ಹೆಚ್ಚು.

ದಟ್ಟಾರಣ್ಯ ಮತ್ತು ಮಳೆಯಾಧಾರಿತ ಕಾಡಿನಲ್ಲಿ ಕಾಣಬರುವ ಟರಾಂಟ್ಯು ಲಾ ಎಂಬ ಇನ್ನೊಂದು ಜಾತಿಯ ಅಂಗೈ ಅಗಲದ ಕಪ್ಪು ಜೇಡ ಬೇಟೆಯಾಡುವ ಶೈಲಿ ವಿಶಿಷ್ಠವಾಗಿದೆ.
ಇದು ಇತರ ಜೇಡಗಳಂತೆ ಬಲೆ ನೇಯುವುದಿಲ್ಲ. ಬದಲಿಗೆ, ಮರ ಅಥವಾ ಗಿಡದ ಮೇಲೆ ಬಲೆ ನೇಯಲು ಉಪಯೋಗಿಸುವ ಅಂಟನ್ನೇ ಸ್ರವಿಸುತ್ತವೆ. ಅಲ್ಲಿ ಸಿಲುಕಿಕೊಳ್ಳುವ ಚಿಕ್ಕ ಚಿಕ್ಕ ಕೀಟಗಳು, ಪುಟಾಣಿ ಪಕ್ಷಿಗಳ ದೇಹದೊಳಕ್ಕೆ ತನ್ನ ಚೂಪಾದ ಹಲ್ಲಿನಿಂದ ವಿಷವನ್ನು ಸೇರಿಸಿ ಆ ಬೇಟೆಯನ್ನು ಕೊಲ್ಲುತ್ತದೆ. ನಂತರ ನಿಧಾನವಾಗಿ ರಕ್ತವನ್ನು ಹೀರಿಬಿಡುತ್ತದೆ..!
ಹಾಗೆಂದು ಎಲ್ಲ ಜಾತಿಯ, ಜೇಡಗಳೂ ಅಪಾಯಕಾರಿಯೆಂದೇನಲ್ಲ. ಕೆಲ ಜೇಡಗಳು ಹುಳ ಹುಪ್ಪಟೆ, ಕೀಟಗಳನ್ನು ನಾಶಪಡಿಸುವುದರ ಮೂಲಕ ಮನುಷ್ಯನಿಗೆ ಮತ್ತು ರೈತರಿಗೆ ಉಪಕಾರಿಯೇ.

ಸಿರ್ಬಾ, ಆಸಿಲ್ಲೇಟಾ ಎಂಬ ಜೇಡ ಹಾರುವ ಜಾತಿಗೆ ಸೇರಿದ್ದು. ಇದರ ಹಿಂಭಾಗ ಎರಡು ಕಾಲುಗಳು ಅತ್ಯಂತ ಬಲಿಷ್ಟ. ಸ್ಪರ್ಶ ಮತ್ತು ಬೇಟೆಯಾಡಲು ಮುಂಭಾಗದ ಕಾಲುಗಳನ್ನು ಬಳಸುತ್ತವೆ.
ಬೇರೆ ಹುಳುಗಳು ತಂದ ಆಹಾರವನ್ನು ತುಂಬಾ ಉಪಾಯ, ಮೋಸದಿಂದ ಪಡೆದುಕೊಳ್ಳುವುದು ಇದರ ವೈಶಿಷ್ಟ್ಯ.
ಕೆಲವೊಂದು ದೊಡ್ಡ ಗಾತ್ರದ ಜೇಡ, ಹಕ್ಕಿಗಳನ್ನು ಕೂಡ ತಿನ್ನುತ್ತವೆ.!! ಮತ್ತೆ ಕೆಲವು ತಮ್ಮ ಶಕ್ತಿ ಹಾಗೂ ಮೈಯಲ್ಲಿ ನೂಲಿನ ಮಟ್ಟವನ್ನು ಉಳಿಸಿಕೊಳ್ಳಲು ತಮ್ಮ ನೂಲನ್ನೇ ತಿಂದು ತೇಗುತ್ತವೆ.
ಜೇಡರ ನೂಲು ಹಾಗೂ ಬಲೆಯ ಸ್ವಾರಸ್ಯ ವಿಸ್ಮಯ. ಜೇಡರ ಬಲೆಯು ಕನಿಷ್ಟ 100 ಮಿಲಿಯನ್ ವರ್ಷಗಳ ಕಾಲದಿಂದಲೂ ಅಸ್ತಿತ್ವದಲ್ಲಿದೆಯಂತೆ. ಸುಮಾರು 50 ಸಾವಿರಕ್ಕೂ ಹೆಚ್ಚಿನ ಜಾತಿಯ ಜೇಡರ ಹುಳುಗಳಿವೆ.
ಇನ್ನೊಂದು ಅಪರೂಪದ ಸಂಗತಿ ಎಂದರೆ ಹೆಣ್ಣು ಜೇಡರ ಹುಳು ಮಾತ್ರ ನಯ ನಾಜೂಕಾದ ಬಲೆಯನ್ನು ಹೆಣೆಯುತ್ತದೆ. ಇದರ ನೂಲು ಅದೇ ದುಂಡಗಲದ ಉಕ್ಕಿಗಿಂತ ಐದು ಪಟ್ಟು ಗಟ್ಟಿ. ಮನುಷ್ಯನಿಗೆ ಜೇಡರ ನೂಲಿನಂತಹ ನೂಲನ್ನು ತಯಾರಿಸಲು ಇಲ್ಲಿವರೆಗೂ ಸಾಧ್ಯವಾಗಿಲ್ಲ.

ಮೊದಲಿಗೆ ನೀರಿನಲ್ಲಿ ಬದುಕುತ್ತಿದ್ದ ಜೇಡರ ಹುಳುಗಳು ಕಾಲಕಳೆದಂತೆ ನೆಲದ ಮೇಲೆ ಬದುಕಲು ಪ್ರಾರಂಭಿಸಿದವು. ಬಳಿಕ ತಮ್ಮ ಉಳಿಯುವಿಕೆಗಾಗಿ ನೂಲನ್ನು ತಯಾರಿಸುವ ಚಳಕವನ್ನು ಕಂಡುಕೊಂಡವು..!!
ಮುಖ್ಯವಾಗಿ ಜೇಡ, ಮೊದಲಿಗೆ ನೂಲಿನ ಚಿಕ್ಕ ಚಿಕ್ಕ ಸಾಲುಗಳನ್ನು ದಾರಿತೋರುವುದಾಗಿ ಬಳಸುತ್ತಿದ್ದ ಜೇಡರ ಹುಳಗಳು ಹಂತಹಂತವಾಗಿ ಬೇಟೆಗಾಗಿ ಬಲೆಯನ್ನು ಹೆಣೆಯಲು ಬಳಸಲು ಪ್ರಾರಂಬಿಸಿದವು.
ಜೇಡರ ಬಲೆಗಳಲ್ಲಿ ನಾನಾ ವಿಧ. ಉಂಡೆ ಆಕಾರದ ಬಲೆ, ಗೋಜಲಾಕಾರದ ಬಲೆ, ಹಾಳೆಯಾಕಾರದ ಬಲೆ, ಕೊಳವೆ ಆಕಾರದ ಬಲೆ, ಗುಮ್ಮಟ ಆಕಾರದ ಬಲೆ ಹೀಗೆ ಹಲವಾರು ಬಗೆಯ ಬಲೆಗಳನ್ನು ಹೆಣೆಯುತ್ತದೆ.
ಡಾರ್ವಿನ್ನ ತೊಗಟೆ ಜೇಡರ ಹುಳು, ವಿಶ್ವದ ಅತ್ಯಂತ ದೊಡ್ಡ ಉಂಡೆ ಆಕಾರದ ಜೇಡರ ಬಲೆಯನ್ನು ಹೆಣೆದಿದ್ದು, ಇದು ಸುಮಾರು 900 ರಿಂದ 28 ಸಾವಿರ ಚದರ ಸೆಂಟಿಮೀಟರುಗಳಷ್ಟು ಸುತ್ತಳತೆಯ ಹಾಗೂ ಸುಮಾರು 82 ಅಡಿ ಉದ್ದದ ಹಿಡಿಗೂಟದ ನೂಲುಗಳನ್ನು ಹೊಂದಿದೆಯಂತೆ.
ಬಲೆ, ನೂಲು ಹಣೆಯ ವಿಸ್ಮಯ ಜೀವಿ, ಜೇಡರ ಹುಳು ಎಷ್ಟು ಮನುಷ್ಯನಿಗೆ ಎಷ್ಟು ಡೇಂಜರ್​ ಅಷ್ಟೇ ಸಹಾಯಕಾರಿ ಕೂಡ. ಅನೇಕ ಅಪಾಯಕಾರಿ ಕೀಟಗಳನ್ನು ತಿನ್ನುವ ಈ ಹುಳು, ಪರಿಸರ ಸಮತೋಲನಕ್ಕೂ ಸಹಕಾರಿ. ಕೃಷಿ ಕ್ಷೇತ್ರಕ್ಕೂ ಸಹ ಸಾಕಷ್ಟು ಸಹಕಾರಿ.

-ಎನ್.ಜಿ ರಮೇಶ್, ಸ್ಪೆಷಲ್ ಡೆಸ್ಕ್, ಪವರ್ ಟಿವಿ

ಜನವರಿಯಲ್ಲಿ ಮಾರುತಿ ಸುಝುಕಿ ಇಂಡಿಯಾ ತನ್ನ ವಿವಿಧ ಮಾಡೆಲ್​ನ ಕಾರುಗಳ ಬೆಲೆಯನ್ನು ಹೆಚ್ಚಿಸಲಿದೆ. ಈ ಮೂಲಕ ಗ್ರಾಹಕರಿಗೆ ಕಹಿ ಸುದ್ದಿ ನೀಡಿದೆ. ಸರಕು ಬೆಲೆಗಳು ಮತ್ತು ವಿದೇಶಿ ವಿನಿಮಯ ದರಗಳು ಹೆಚ್ಚಾಗಿರುವುದರಿಂದ ಕಾರ್​​ಗಳ ಬೆಲೆ ಹೆಚ್ಚಿಸಲು ನಿರ್ಧರಿಸಿರುವುದಾಗಿ ಕಂಪನಿ ತಿಳಿಸಿದೆ. ಸರಕು ಮತ್ತು ವಿದೇಶಿ ವಿನಿಮಯಗಳ ಬೆಲೆ ಹೆಚ್ಚಾಗಿರುವುದರಿಂದ ಕಾರುಗಳ ಬೆಲೆ ಹೆಚ್ಚಿಸುವುದು ಅನಿವಾರ್ಯವಾಗಿದೆ. ಮಾಡೆಲ್​ಗಳಿಗೆ ಅನುಗುಣವಾಗಿ ಬೆಲೆ ಹೆಚ್ಚಳವಾಗಲಿದೆ . ಹೆಚ್ಚಳವಾಗಲಿರುವ ಬೆಲೆಯ ಕುರಿತು ಶೀಘ್ರದಲ್ಲಿಯೇ ಗ್ರಾಹಕರಿಗೆ ತಿಳಿಸಲಾಗುವುದು ಎಂದು ಕಂಪನಿ ತಿಳಿಸಿದೆ.

ಸಾವಿರಾರು ವರ್ಷಗಳು.. ಭಯಂಕರವಾದ ಜೀವಿಗಳು.. ಇಡೀ ಪ್ರಪಂಚವೇ ಇವುಗಳ ಇರುವಿಕೆಯ ವಿಚಾರವೇ ಕೇವಲ ಇಮೇಜಿನ್ ಅಂತ ಭಾವಿಸಿತ್ತು. ಆದ್ರೆ, ಸತತವಾಗಿ ನಡೆಯುತ್ತಿರೋ ಸಂಶೋಧನೆಗಳು, ಜೀವಶಾಸ್ತ್ರಜ್ಞರಿಗೆ ಹಲವು ಕುರುಗಳನ್ನು ನೀಡಿವೆ.

ಆದ್ರೆ, ಸಂಶೋಧಕರು ನಡೆಸ್ತಿರೋ ನಿರಂತರ ಪ್ರಕ್ರಿಯೆಗಳು, ದೂರ ದೃಷ್ಠಿ ಇವತ್ತು, ದೈತ್ಯ, ಹಾಗು ವೆರಿ ಡೆಡ್ಲಿಯಸ್ ಪ್ರಾಣಿ ಡೈನೋಸಾರಸ್ ಗಳು ಸಾವಿರಾರು ವರ್ಷಗಳ ಹಿಂದೆ ಇದ್ದವು ಅನ್ನೋ ಬಗ್ಗೆ ಸಾಕ್ಷ್ಯಗಳನ್ನು ಒದಗಿಸುತ್ತಿವೆ. ಇವುಗಳ ಇರುವಿಕೆ ಬಗ್ಗೆ ಗೊತ್ತಾಗಿದ್ದೇ ಅವುಗಳ ಪಳೆಯುಳಿಕೆ ಸಿಕ್ಕ ನಂತರ..!

ಯಸ್.. ಡೈನೋಸಾರ್​ ಗಳು ನೀರಿನಲ್ಲಿ, ಆಕಾಶದಲ್ಲಿ, ಭೂಮಿ ಮೇಲೆ ಘರ್ಜಿಸಿದ್ದವು. ಈಗ ರಿವೀಲ್ ಆಗ್ತಿದೆ ಮತ್ತೊಂದು ಸೀಕ್ರೆಟ್.

ಸಾಧಾರಣವಾದ ಜೀವಿಗಳು ಮೊದಲು ಭೂಮಿ ಮೇಲೆ ಬಂದಿದ್ದು, 600 ಮಿಲಿಯನ್ ಹಿಂದೆ. ಆದ್ರೆ, ಸಂಶೋಧಕರಿಗೆ ಶೇಕಡ 99 ರಷ್ಟು ಸಾಮಾನ್ಯ ಜೀವಿಗಳ ಪಳೆಯುಳಿಕೆಗಳೇ ಸಿಕ್ಕಿದ್ವು. ಆದ್ರೆ, ಅದರ ಹೊರತಾಗಿ ಸಿಕ್ಕ ಈ ಪಳೆಯುಳಿಕೆಗಳು ಇವತ್ತು 70 ಕ್ಕೂ ಹೆಚ್ಚು ಮಿಲಿಯನ್ ವರ್ಷಗಳ ಇತಿಹಾಸ ಹೇಳ್ತಿವೆ. ದೊರಕಿರೋ ದೈತ್ಯ ಮೂಳೆಗಳು ಈ ಹಿಂದೆ ಡೈನೋಸಾರ್​ಗಳ ಆಕಾರವನ್ನು ಹೇಳುತ್ತಿವೆ. ಇದೇ ವಿಚಾರವಾಗಿ, ಅವುಗಳ ಜೀವನ ಶೈಲಿ, ಅವುಗಳು ಹಾರಾಟ ನಡೆಸುತ್ತಿದ್ದ ರೀತಿಯನ್ನು ಈ ಮೂಳೆಗಳು ಜೋಡಿಸಿ ನೋಡಿದಾಗ ಬೆಚ್ಚಿ ಬೀಳೋ ಆಕಾರ ರೂಪಗೊಳ್ಳುತ್ತೆ. ಅವುಗಳಿಗೆ ರೆಕ್ಕೆಗಳು ಹೇಗಿದ್ವು ಅನ್ನೋದು ಗೊತ್ತಾಗುತ್ತೆ.

100ಕ್ಕೂ ಹೆಚ್ಚು ಮಿಲಿಯನ್ ವರ್ಷಗಳ ಹಿಂದಿನ ಡೈನೋಸಾರ್​ಗಳ ಬೋನ್​ಗಳು ಮಣ್ಣಿನಲ್ಲಿ ಊತು ಹೋಗಿದ್ದು, ಅವುಗಳನ್ನು ಹೊರತೆಗೆದು ಸಂಶೋಧನೆಗೆ ಒಳಪಡಿಸಲಾಗ್ತಿದೆ. ಹೀಗೆ ಸಿಕ್ಕ ಬೋನ್ ಗಳು ಹಲವು ಸೀಕ್ರೆಟ್ ಗಳನ್ನು ಹೇಳುತ್ತಿವೆ.

ಡೈನೋಸಾರ್​ ಗಳು ಟ್ರಿಯಾಸಿಕ್ ಅವಧಿಯಲ್ಲಿ ಮೊದಲು ಕಾಣಿಸಿಕೊಂಡ ಡೈನೋಸಾರಿಯ ಪ್ರಾಣಿಗಳ ವೈವಿಧ್ಯಮಯ ಗುಂಪು ಎನ್ನಲಾಗುತ್ತೆ. ಆದ್ರೂ, ಇವುಗಳ ವಿಕಾಸನದ ಸಮಯ ಇನ್ನೂ ಕೂಡಾ ಸಂಶೋಧನೆಯ ವಿಷವಾಗಿಯೇ ಉಳಿದಿದೆ. ಸುಮಾರು 150 ಮಿಲಿಯನ್ ವರ್ಷಗಳ ಕಾಲ, ಅಂದರೆ ಟ್ರಿಯಾಶಿಕ್ ಯುಗದಿಂದ ಕ್ರಿಟಾಶಿಯಸ್ ಯುಗದ ವರೆಗೂ, 65 ಮಿಲಿಯನ್‌ ವರ್ಷಗಳ ಹಿಂದೆ ಡೈನೋಸಾರ್ ಗಳು ಭೂಮಿಯ ಮೇಲೆ ಬದುಕಿದ್ದವು ಅಂತ ಹೇಳಲಾಗುತ್ತೆ.

ಆದ್ರೆ, ವೈಜ್ಞಾನಿಕವಾಗಿ ಹೇಳೋದಾದ್ರೆ 231 ಮತ್ತು 243 ಮಿಲಿಯನ್‌ ವರ್ಷಗಳ ಹಿಂದೆ ಇವುಗಳ ಮೂಲ ಅಥವಾ ಅಸ್ತಿತ್ವ ಇತ್ತು ಎನ್ನಲಾಗಿದೆ. ಅವು 201 ಮಿಲಿಯನ್‌ ವರ್ಷಗಳ ಹಿಂದೆ ಟ್ರಿಯಾಸಿಕ್‌ ಜುರಾಸಿಕ್‌ ಅಳಿವಿನ ಘಟನೆ ನಂತರ ಬೆನ್ನುಮೂಳೆ ಹೊಂದಿರುವಂತ ಜೀವಿಗಳು ಕಾಣಿಸಿಕೊಂಡವು. ಅವುಗಳ ಪ್ರಾಬಲ್ಯ ಜುರಾಸಿಕ್ ಮತ್ತು ಕ್ರಿಟೇಷಿಯನ್ ಅವಧಿಯಲ್ಲೂ ಮುಂದುವರೆಯಿತು. ಆದ್ರೆ, 66 ಮಿಲಿಯನ್ ವರ್ಷಗಳ ಹಿಂದೆ ಆಕಾಶದಿಂದ ಬಿದ್ದ ಪ್ರಬಲ ಉಲ್ಕೆಯಿಂದಾಗಿ  ಹಿಚ್ಚಿನ ಡೈನೋಸಾರ್‌ ಗುಂಪುಗಳು ನಶಿಸಿದ್ವು.

ಡೈನೋಸಾರಸ್ ಗಳ ಪಳೆಯುಳಿಕೆಗಳು ಅಂಟಾರ್ಟಿಕಾ  ಸೇರಿದಂತೆ ಎಲ್ಲಾ ಖಂಡಗಳಲ್ಲಿಯೂ ದೊರಕಿವೆ. ಡೈನೋಸಾರ್ ಗಳನ್ನು ಅಧ್ಯಯನ ಮಾಡುವ ಪಳೆಯುಳಿಕೆ ತಜ್ಞರು ಎರಡು ವಿಧಗಳಲ್ಲಿ ವರ್ಗೀಕರಿಸಿದ್ದಾರೆ. ಆರ್ನಿಥೇಶಿಯಸ್ ಹಾಗೂ ಸೌರೇಶಿಯಸ್. ಕೆಲವು ಮಾಂಸಾಹಾರಿಗಳು, ಕೆಲವು ಸಸ್ಯಾಹಾರಿಗಳು. ಕೆಲವು ಡೈನೋಸಾರ್ ಗಳು ದೈತ್ಯಾಕಾರವಾಗಿದ್ದವು, ಕೆಲವು ಚಿಕ್ಕದಿದ್ದವು.

ಆರ್ನಿಥೀಶಿಯನ್  ಡೈನೋಸಾರ್ :  ಇವುಗಳನ್ನು ಪಕ್ಷಿಯಾಕಾರದ ಡೈನೋಸಾರ್ ಗಳಾಗಿವೆ. ಇವುಗಳೆಲ್ಲವು ಶುದ್ದ ಸಸ್ಯಾಹಾರಿಗಳು. ಇವುಗಳಿಗೆ ದೊಡ್ಡದಾದ ಹಲ್ಲುಗಳಿದ್ದವು. ಕೋರಿಥೋಸಾರಸ್ ಎಂಬ ಡೈನೋಸಾರ್ ಅತಿ ಹೆಚ್ಚು ಹಲ್ಲುಗಳನ್ನು ಹೊಂದಿತ್ತು ಎನ್ನಲಾಗುತ್ತೆ.

ಇಗುವಾಂಡನ್‌ ಡೈನೋಸಾರ್ :  ಇದು ಪ್ರಥಮ ಬಾರಿಗೆ ದೊರಕಿದ ಡೈನೋಸಾರ್‌ ಎನ್ನಲಾಗುತ್ತೆ. ಸಂಶೋಧನೆ ವೇಳೆ ಸಿಕ್ಕ ಬೋನ್‌ ಗಳನ್ನು ಜೋಡಿಸಿದಾಗ ಇದರ ಆಕಾರ ಗೊತ್ತಾಯ್ತು ಅಂತಾರೆ ವಿಜ್ಞಾನಿಗಳು. ಆದ್ರೆ, ಇದರ ಕೆಲವು ಅಂಗಗಳ ಪಳೆಯುಳಿಕೆಗಳು ಮಾತ್ರ ದೊರೆತಿರುವುದರಿಂದ ನಿಖರವಾದ ಆಕಾರವನ್ನು ಕಂಡುಹಿಡಿಯಲಾಗಿಲ್ಲ. ಗಿಡೆಯೋನ್ ಮಾಂಟೆಲ್ ಎಂಬ ವಿಜ್ಞಾನಿ ಇಗುವಾಂಡನ್ ಎಂಬ ಹೆಸರನ್ನು ನೀಡಿದರು. ಯಾಕೆಂದರೆ ಇದರ ದೇಹವು ಉಡವನ್ನು ಹೋಲಿಕೆಯಾಗುತ್ತಿತ್ತು. ಇಗುವಾಂಡನ್ ಪಾದಗಳು ಸಣ್ಣ ಬೆರಳುಗಳಂತ ಆಕೃತಿ ಹೊಂದಿದ್ದವು. ಇವುಗಳಲ್ಲಿ ನಡೆಯುತ್ತಿದ್ದ ಈ ಪ್ರಾಣಿಯ ಸಂಪೂರ್ಣ ಭಾರವು ಆ ಗಟ್ಟಿಯಾದ ಬೆರಳುಗಳ ಮೇಲೆ ಬೀಳುತ್ತಿತ್ತು.

ಸೌರೀಶಿಯನ್ ಡೈನೋಸಾರ್ : ಇವುಗಳು ಹಲ್ಲಿಯಾಕಾರದ ಡೈನೋಸಾರ್ ಗಳು. ಕೆಲವು ಜಾತಿಯವುಗಳು ಮಾಂಸಾಹಾರಿಗಳಾಗಿದ್ದವು. ಇವುಗಳಲ್ಲಿ ಕೆಲವು ಎರಡು ಕಾಲುಗಳಲ್ಲಿ ನಡೆಯುತ್ತಿದ್ದವು. ಉದಾಹರಣೆಗೆ, ಟೈರಾನೋಸಾರಸ್ ಹಾಗೂ ಕೆಲವು ಸಸ್ಯಾಹಾರಿ ಸಾರೋಪೋಡ್ ಗಳು ಇವುಗಳು ನಾಲ್ಕು ಕಾಲಿನಲ್ಲಿ ನಡೆಯುತ್ತಿದ್ದವು. ಸಾರೋಪೋಡ್ ಗಳು ಇಲ್ಲಿಯ ವರೆಗೂ ಭೂಮಿಯ ಮೇಲೆ ಜೀವಿಸಿದ್ದ ಅತಿ ದೊಡ್ಡ ಜೀವಿಗಳಾಗಿವೆ.

ಟೈರಾನೋಸಾರಸ್  : ಟೈರಾನೋಸಾರಸ್‌ ಅತಿದೊಡ್ಡ ಮಾಂಸಾಹಾರಿಗಳಲ್ಲವಾದರೂ ಅತಿ ಭಯಾನಕ ಹಾಗೂ ಕ್ರೂರಿಯಾದ ಡಯನೋಸಾರ್ ಗಳೆಂದು ಕರೆಯಲ್ಪಡುತ್ತವೆ. ಇದು ತನ್ನ ತಲೆಯನ್ನು ಮೇಲಕ್ಕೆತ್ತಿ ಹಿಂಗಾಲುಗಳಲ್ಲಿ ನಡೆಯುತ್ತಿತ್ತು. ಬಹಳ ವೇಗವಾಗಿ ಓಡಬಲ್ಲ ಡೈನೋಸಾರ್ ಇದು. ದೈತ್ಯ ದೇಹದ ಭಾರವನ್ನು ತನ್ನ ದೊಡ್ಡದಾದ ಬಾಲದಿಂದ ಸರಿದೂಗಿಸುತ್ತಿತ್ತು. ಇದು ಇತರ ಡೈನೋಸಾರ್ ಗಳ ಮೇಲೆ ಹಲ್ಲೆ ನಡೆಸಿ ಅವುಗಳ ವಿನಾಶಕ್ಕೂ ಕಾರಣವಾಗಿರಬಹುದೆಂದು ಹೇಳಲಾಗಿದೆ. ಅತಿದೊಡ್ಡ ತಲೆಬುರುಡೆ ಹಾಗೂ ಬಲಶಾಲಿ ದವಡೆಗಳಿದ್ದವು.

ಡೈನೋಸಾರ್ ಗಳು ಇಡುತ್ತಿದ್ದ ಮೊಟ್ಟೆಗಳು ತುಂಬ ಗಟ್ಟಿಯಾಗಿರುತ್ತಿದ್ದವು. ನೆಲದ ಮೇಲೆ ಗೂಡಿನಾಕಾರದ ಗುಂಡಿಯನ್ನು ಮಾಡಿ ಅದರಲ್ಲಿ ತನ್ನ ಮೊಟ್ಟೆಗಳನ್ನಿಡುತ್ತದ್ದವು. ಕೆಲವು ಪ್ರದೇಶದಲ್ಲಿ ಪಳೆಯುಳಿಕೆಯಂತಹ ಗೂಡುಗಳು ನೆಲದ ಮೇಲೆ ಪತ್ತೆಯಾಗಿವೆ. ಮೊಟ್ಟೆಯೊಡೆದು ಬಂದ ಮರಿಗಳು ಬಲು ಬೇಗ ದೊಡ್ಡದಾಗಿ ತಮ್ಮ ಗೂಡನ್ನು ತೊರೆಯುತ್ತಿದ್ದವು.

ಜಗತ್ತಿನಲ್ಲಿ ಅಸ್ತಿತ್ವದಲ್ಲಿದ್ದ ಅತಿದೊಡ್ಡ ಪ್ರಾಣಿ ಡೈನೋಸಾರ್​ಗಳ ಸಂತತಿ ನಶಿಸಿ ಹೋಗಿ ಹಲವು ವರ್ಷವೇ ಕಳೆದಿವೆ. ಇದೀಗ ಸ್ಕಾಟ್ಲೆಂಡ್ ನಲ್ಲಿ ಡೈನೋಸಾರ್ ನ ಅತಿ ದೊಡ್ಡ ಹೆಜ್ಜೆ ಗುರುತು ಪತ್ತೆಯಾಗಿದೆ. 12ಕ್ಕೂ ಹೆಚ್ಚು ಹೆಜ್ಜೆಗುರತುಗಳನ್ನು ಪತ್ತೆ ಮಾಡಲಾಗಿದೆ.

ಇವು 170 ಮಿಲಿಯನ್ ವರ್ಷಗಳಿಗಿಂತ್ಲೂ ಹಳೆಯವು ಎನ್ನುತ್ತಾರೆ ವಿಜ್ಞಾನಿಗಳು. ಒಂದೊಂದು ಹೆಜ್ಜೆ ಗುರುತು ಸುಮಾರು 15 ಮೀಟರ್ ಉದ್ದವಿದೆ. ಅಂದ್ರೆ ಡೈನೋಸರ್ ಸುಮಾರು 10 ಟನ್ ತೂಕವಿದ್ದಿರಬಹುದು ಅಂತಾ ಅಂದಾಜಿಸಲಾಗಿದೆ.

ಇದು ಅತ್ಯಂತ ಹಳೆಯ ಹೆಜ್ಜೆ ಗುರುತು ಅಂತಾ ಹೇಳಲಾಗುತ್ತಿದೆ. 2015ರಲ್ಲಿ ಪತ್ತೆಯಾಗಿದ್ದ ಡೈನೋಸಾರ್ ಹೆಜ್ಜೆ ಸ್ವಲ್ಪ ಚಿಕ್ಕದಾಗಿತ್ತು. ಆಹಾರ ಅರಸಿ ಡೈನೋಸರ್ ಗಳು ನೀರಿನ ಸಮೀಪದಲ್ಲೇ ವಾಸಿಸುತ್ತಿದ್ವು. ಹಾಗಾಗಿ ನದಿಗಳ ಬಳಿಯೇ ಹೆಜ್ಜೆಗುರುತುಗಳು ಸಿಕ್ಕಿವೆ.

ಉದ್ದ ಕತ್ತಿನ ದೈತ್ಯ ಡೈನೋಸರ್ ಇತ್ತು ಅನ್ನೋದನ್ನು ವಿಜ್ಞಾನಿಗಳು ದೃಢಪಡಿಸಿದ್ದಾರೆ. ಈಶಾನ್ಯ ಆಸ್ಟ್ರೇಲಿಯಾದಲ್ಲಿ ಅಗೆದು ತೆಗೆದ ಪಳೆಯುಳಿಕೆಗಳನ್ನು ಪರೀಕ್ಷೆಗೆ ಒಳಪಡಿಸಿದಾಗ ಈ ವಿಚಾರ ಬೆಳಕಿಗೆ ಬಂದಿದೆ.

ಈ ಡೈನೋಸಾರ್ ಗಳು ಅಂಟಾರ್ಟಿಕಾದಲ್ಲಿ ನೆಲೆಸಿದ್ದವು ಎನ್ನಲಾಗಿದೆ. ಈ ಡೈನೋಸಾರ್ ಗಳ ತಲೆಯಿಂದ ಬಾಲದವರೆಗಿನ ಉದ್ದ ಕನಿಷ್ಠ 14 ಮೀಟರ್ ಗಳಷ್ಟಿತ್ತು. ಭೂಮಿಯ ಮೇಲಿನ ಅತಿ ದೊಡ್ಡ ಜೀವಿ ಈ ಡೈನೋಸಾರ್.

ವೇಡ್ ಮತ್ತು ಮಟಿಲ್ಡಾ ಎಂಬ ಎರಡು ಜಾತಿಯ ಈ ಡೈನೋಸಾರ್ ಗಳು ಆಸ್ಟ್ರೇಲಿಯಾದ ಅತ್ಯಂತ ವಿಶಿಷ್ಠ ಪ್ರಾಣಿಗಳಾಗಿದ್ದವು. ಕೆಲವು ತಜ್ಞರ ಪ್ರಕಾರ ಡೈನೋಸಾರ್ ಗಳು ಕ್ರಿಟೇಷಿಯಸ್ ಅವಧಿಗಿಂತಲೂ ಮುನ್ನ ಅಸ್ಥಿತ್ವದಲ್ಲಿದ್ದವು. ಅದು ಕೊನೆಗೊಂಡಿದ್ದು 66 ಮಿಲಿಯನ್ ವರ್ಷಗಳ ಹಿಂದೆ.

ಸ್ವೀಡನ್ ವಿಶ್ವವಿದ್ಯಾನಿಲಯದ ವಿಜ್ಞಾನಿ ಸ್ಟೀಫನ್ ಪೊರೊಪಟ್ ಅವರ ಪ್ರಕಾರ ಈ ಡೈನೋಸರ್ ಗಳು ಅಂಟಾರ್ಟಿಕಾದ ಭೂಮಿ ಸೇತುವೆಯೊಂದನ್ನು ದಾಟಿ, ಪ್ರಯಾಣ ಮುಂದುವರಿಸಿ ಬಳಿಕ ಆಸ್ಟ್ರೇಲಿಯಾದ ಸೇತುವೆಯನ್ನು ದಾಟಿವೆ. ಕ್ರಿಟೇಷಿಯಸ್ ಅವಧಿಯಲ್ಲಿ ತುಂಬಾ ತಂಪಾದ ವಾತಾವರಣವಿದ್ದಿದ್ದರಿಂದ ಡೈನೋಸರ್ ಗಳಿಗೆ ಬದುಕಲು ಅಸಾಧ್ಯವಾಗಿರಬಹುದು ಎನ್ನುತ್ತಾರೆ ಅವರು. ವಿಜ್ಞಾನಿಗಳ ಈ ಹೊಸ ಸಂಶೋಧನೆಯಿಂದ ಡೈನೋಸರ್ ಗಳು ಭೂಮಿ ಮೇಲೆ ಇದ್ದವು ಅನ್ನೋ ವಾದಕ್ಕೆ ಬಲ ಬಂದಿದೆ.

ಬ್ರಿಜಿಲ್ ನಲ್ಲಿ 66 ವರ್ಷಗಳ ಹಿಂದೆ ಪತ್ತೆಯಾಗಿದ್ದ ಡೈನೊಸಾರಸ್ ಪಳೆಯುಕೆಯ ಗಾತ್ರ ಮತ್ತು ಕಾಲದ ಬಗ್ಗೆ ವಿಜ್ಞಾನಿಗಳು ಅಧಿಕೃತ ಪಡಿಸಿದ್ದಾರೆ. ಇದು ಬ್ರೆಜಿಲ್​ನಲ್ಲಿ ಈವರೆಗೆ ಪತ್ತೆಯಾಗಿರುವ ಡೈನೊಸಾರಗಳಲ್ಲೇ ಅತ್ಯಂತ ದೊಡ್ಡದು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಬ್ರಿಜಿಲ್​ನ ರಿಯೊ ಡಿ ಜನೈರೊದ ಅರ್ಥ್ ಸೈನ್ಸ್ ಮ್ಯೂಸಿಯಂ ನಲ್ಲಿ ಇದರ ಪಳೆಯುಳಿಕೆಯನ್ನು ಇರಿಸಲಾಗಿದೆ. ದೇಹದ ಲಭ್ಯವಿರುವ ಕೆಲವೇ ಕೆಲವು ಭಾಗಗಳು ಇಟ್ಟುಕೊಂಡು ಪೂರ್ಣ ಪ್ರಮಾಣದ ದೇಹ ರಚಿಸಲು ಗಾತ್ರ ಲೆಕ್ಕಹಾಕಲು ವಿಜ್ಞಾನಿಗಳು ಬರೋಬ್ಬರಿ 66 ವರ್ಷಗಳು ತೆಗೆದುಕೊಂಡಿದ್ದಾರೆ. ಇವತ್ತಿಗೂ ಭೂಮಿ ಮೇಲೆ ಅವುಗಳ ಹೆಜ್ಜೆ ಗುರುತು ಇರೋದು ವಿಜ್ಞಾನಿಗಳ ಸಂಶೋಧನೆಗೆ ಪುಷ್ಟಿ ನೀಡಿದೆ.

ಜಗತ್ತಿನ ವಿಸ್ಮಯ ಅದೆಷ್ಟಿದೆಯೋ ಗೊತ್ತಿಲ್ಲ. ಆದ್ರೆ, 600 ಮಿಲಿಯನ್ ವರ್ಷಗಳ ದೈತ್ಯ ಡೈನೊಸಾರ್​ಗಳ ಸಂಶೋಧನೆಗಳು ಇವತ್ತಿಗೂ ಮುಂದುವರೆಯುತ್ತಲೇ ಇವೆ. ಆದ್ರೆ, ಮಾಮೂಲಿ ಪಕ್ಷಿ, ಮೀನು, ಮೊಸಳೆ, ಹಲ್ಲಿ ಯಂತಹ ಜೀವಿಗಳೂ ಕ್ರಮೇಣ ದೊಡ್ಡ ಗಾತ್ರದ ಡೈನೊಸಾರ್​ ಗಳು ಉಗಮಕ್ಕೆ ಕಾರಣವಾಗಿರಬಹುದು.

ಅಮೆರಿಕಾದ  ಮ್ಯೂಸಿಯಂನಲ್ಲಿ `Dinosaurs Among Us’ ಅನ್ನೋ ಟೈಟಲ್  ಅಡಿ ಒಂದು ವಿಶೇಷ ಪ್ರದರ್ಶನ ಏರ್ಪಡಿಸಿತ್ತು. ಇದರ ಉದ್ದೇಶ ಡೈನೊಸಾರಸ್​ನಿಂದ ಪಕ್ಷಿಗಳಾಗಿ ಬದಲಾಗಿವೆ. ಅವುಗಳು ನಮ್ಮ ಮಧ್ಯೆಯೇ ಇವೆ ಅನ್ನೋ ಸಂದೇಶ ಸಾರುವಂತಿತ್ತು.

ಕಳೆದವಾರವಷ್ಟೇ ಆಲ್ಟುರಸ್​ ಜಿ4 ಎಸ್​​ಯುವಿ ಬಿಡುಗಡೆ ಮಾಡಿದ ಮಹೀಂದ್ರ ತನ್ನ ಮತ್ತೊಂದು ಹೊಸ ಎಸ್​ಯುವಿಯನ್ನು ಮಾರುಕಟ್ಟೆಗೆ ತರಲು ಸಜ್ಜಾಗಿದೆ. ಎಸ್​201 ಕೋಡ್​ನೇಮ್​ ಇರುವಂತಹ ಈ ಎಸ್​ಯುವಿ ಕಾರಿನ ಹೆಸರನ್ನು ಡಿಸೆಂಬರ್​ 1ರಂದು ಬಹಿರಂಗಗೊಳಿಸಲಿದೆ.
ಕೊರಿಯನ್​ ಸ್ಯಾಂಗ್ಯಾಂಗ್ ಮಾಡೆಲ್​ ಮಾದರಿಯನ್ನು ಅವಲಂಬಿಸಿ ಭಾರತದ ತಂತ್ರಜ್ಱರು ಹೊಸ ಮಾಡೆಲ್​ ಹೊರತರುತ್ತಿದ್ದಾರೆ. ಬ್ರೆಝಾವನ್ನು ಹೊರತುಪಡಿಸಿ ಈ ಕಾರು ತನ್ನ ಸ್ಪೆಷಲ್​ ಫೀಚರ್​ಗಳಿಂದ ಫೋರ್ಡ್​ ಇಕೋಸ್ಪೋರ್ಟ್​ನ್ನು ಮೀರಿಸಲಿದ್ದು, ನುವೋಸ್ಪೋರ್ಟ್​ಗಿಂತ ಮುಂಚೂಣಿಯಲ್ಲಿ ನಿಲ್ಲಲಿದೆ.
ಈ ಕಾರು ಹಲವು ಸ್ವೆಷಲ್​ ಫೀಚರ್​ಗಳನ್ನು ಒಳಗೊಂಡಿದ್ದು ಕಾರು ಪ್ರಿಯರಿಗೆ ಕ್ರಿಸ್ಮಸ್​ ಉಡುಗೊರೆಯಾಗಿ ಮಾರುಕಟ್ಟೆಗೆ ಬರಲಿದೆ. ಆ್ಯಪಲ್​ ಫ್ಲೇಯವರ ಟಚ್​ಸ್ಕ್ರೀನ್​ ಇನ್ಫೋಟೈನ್​ಮೆಂಟ್​ನ್ನು ಕಾರಿನಲ್ಲಿ ಅಳವಡಿಸಲಾಗಿದ್ದು, ಸ್ಪಷ್ಟ ಮತ್ತು ಸುಮಧುರ ಸಂಗೀತವನ್ನೂ ಆಲಿಸಬಹುದಾಗಿದೆ. ಇನ್ನೂ ಮುಖ್ಯವಾಗಿ ನೀವಿರುವ ಸ್ಥಳದ ಹವಾಮಾನಕ್ಕನುಗುಣವಾಗಿ ನಿಮಗೆ ಕಂಫರ್ಟ್​ ಅನಿಸುವಂತಹ ವಾತಾವರಣವನ್ನು ನಿಮಗೆ ಒದಗಿಸಲಿದೆ. ಹಾಗೇ ಈ ಕಾರಿನಲ್ಲಿ ಮಲ್ಟಿ ಸ್ಟೀರಿಂಗ್​ ಚಕ್ರಗಳನ್ನು ಅಳವಡಿಸಲಾಗಿದೆ.
ಹಾಗೇ ಲೆದರ್ ಹಾಗೂ ಫಾಬ್ರಿಕ್​ ಸೀಟ್​ಗಳನ್ನು ಆರಿಸಿಕೊಳ್ಳುವುದಕ್ಕೆ ಅವಕಾಶವಿದೆ. ಸ್ಟಾರ್ಟ್​-ಸ್ಟೋಪ್​ ಬಟನ್​, ಕ್ರೂಸ್ ಕಂಟ್ರೋಲರ್​, ರಿವರ್ಸ್​ ಪಾರ್ಕಿಂಗ್​​ ಕ್ಯಾಮೆರವನ್ನು ಒಳಗೊಂಡಿದೆ. ಸೇಫ್ಟಿಗೆ ಆದ್ಯತೆ ನೀಡುವ ಮಹೀಂದ್ರ ತನ್ನ ಹೊಸ ಕಾರಿನಲ್ಲಿ ಎಬಿಎಸ್​ ಹಾಗೂ ಇಬಿಡಿ ಗುಣಮಟ್ಟದ ಡ್ಯುವಲ್​ ಫ್ರಂಟ್​ ಏರ್​​ಬ್ಯಾಗ್​ಗಳನ್ನು ಅಳವಡಿಸಿದೆ.
ಸಾಮಾನ್ಯವಾಗಿ ಮಹೀಂದ್ರ ತನ್ನೆಲ್ಲ ಕಾರ್​ಗಳ ಹೆಸರನ್ನು ‘ಒ’ ಅಕ್ಷರದಲ್ಲಿ ಕೊನೆಗೊಳ್ಳುವಂತೆ ಗಮನವಿಡುತ್ತಿದ್ದು, ಈ ಹೊಸಕಾರಿಗೆ ಯಾವ ಹೆಸರಿಡಲಿದ್ದಾರೆಂದು ಕಾದು ನೋಡಬೇಕಿದೆ.