Friday, April 3, 2020

ರಾಬರ್ಟ್ ಮತ್ತೊಂದು ಹಾಡು ರಿಲೀಸ್ – ಹೊಸ ಹಾಡನ್ನು ಸ್ನೇಹಿತರಿಗೆ ಅರ್ಪಿಸಿದ ಡೈರೆಕ್ಟರ್..!

0

ಸ್ಯಾಂಡಲ್​ವುಡ್​ನ ಬಹುನಿರೀಕ್ಷಿತ ‘ರಾಬರ್ಟ್‘ ಸಿನಿಮಾದ ಮತ್ತೊಂದು ಹಾಡು ಬಿಡುಗಡೆಯಾಗಿದ್ದು, ಬಿಡುಗಡೆಯಾಗಿ ಕೆಲವೇ ಗಂಟೆಗಳಲ್ಲಿ 4 ಲಕ್ಷಕ್ಕೂ ಹೆಚ್ಚಿನ ವೀವ್ಸ್ ಪಡೆದಿದೆ.

ಇಂದು ರಿಲೀಸ್ ಆಗಿರುವ ‘ದೋಸ್ತಾ ಕಣೋ‘ ಹಾಡಿನಲ್ಲಿ ದರ್ಶನ್ ಅವರ ಬಾಲ್ಯದ ಸ್ನೇಹಿತರಿಂದ ಹಿಡಿದು ಇಲ್ಲಿಯವರೆಗಿನ ಎಲ್ಲಾ ಸ್ನೇಹಿತರು ಕಾಣ ಸಿಗುತ್ತಾರೆ. ಸಾಹಿತ್ಯ ಭರಾಟೆ ಚೇತನ್​ ಕುಮಾರ್​ ಅವರದ್ದಾಗಿದ್ದು, ಅರ್ಜುನ್​ ಜನ್ಯ ಸಂಗೀತದ ಬಲ ನೀಡಿದ್ದಾರೆ. ವಿಜಯ್ ಪ್ರಕಾಶ್​ ಹಾಗೂ ಹೇಮಂತ್ ಹಾಡಿಗೆ ಧ್ವನಿಯಾಗಿದ್ದಾರೆ. 

ಇನ್ನು ಹಾಡು ಬಹದ್ದೂರ್ ಚೇತನ್, ಹಾಗೂ ಅರ್ಜುನ್ ಜನ್ಯ ಸಾಹಿತ್ಯದಲ್ಲಿ ಮೂಡಿ ಬಂದಿದ್ದು, ಖ್ಯಾತ ಗಾಯಕ ವಿಜಯ್ ಪ್ರಕಾಶ್ ಹಾಗೂ ಹೇಮಂತ್ ಹಾಡಿಗೆ ಧ್ವನಿಯಾಗಿದ್ದಾರೆ.

 ಚಿತ್ರದ  ನಿರ್ದೇಶಕ ತರುಣ್ ಸುಧೀರ್ ಈ ಹಾಡನ್ನು ತಮ್ಮ ಸ್ನೇಹಿತರಿಗೆ ಅರ್ಪಿಸಿದ್ದು, ಟ್ವಿಟರ್​ನಲ್ಲಿ ಎಲ್ಲಾ ಸ್ನೇಹಿತರಿಗೂ ಧನ್ಯವಾದ ತಿಳಿಸಿದ್ದಾರೆ.

 

‘ಸಪ್ತ ಸಾಗರದಾಚೆ ಎಲ್ಲೋ’ ಹೊರಟ ರಕ್ಷಿತ್ ಶೆಟ್ಟಿ!

0

ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ‘ಸಪ್ತ ಸಾಗರದಾಚೆ ಎಲ್ಲೋ’ ಹೊರಟಿದ್ದಾರೆ. 777 ಚಾರ್ಲಿ ಸಿನಿಮಾದಲ್ಲಿ ಬ್ಯುಸಿ ಇರೋ ಅವರು ಯಾವ್ ಕಡೆ ಟ್ರಿಪ್ ಹೊರಟ್ರು? ಅದೂ ಈ ಕೊರೋನಾ ಆತಂಕದ ನಡುವೆ ಅಂತ ಕೇಳ್ತಿದ್ದೀರಾ? ಅವ್ರು ಎಲ್ಲಿಗೂ ಸದ್ಯ ಹೊರಟಿಲ್ಲ… ‘ಸಪ್ತ ಸಾಗರದಾಚೆ ಎಲ್ಲೋ’ ಅನ್ನೋದು ಅವರ ಮುಂದಿನ ಸಿನಿಮಾ! 

ಹೌದು ರಕ್ಷಿತ್ ಶೆಟ್ಟಿ ಅಭಿನಯದ ‘ಗೋಧಿ ಬಣ್ಣ ಸಾಧಾರಣ ಮೈಕಟ್ಟು‘ ಸಿನಿಮಾದ ಮೂಲಕ ಸ್ಯಾಂಡಲ್​ವುಡ್​ಗೆ ಕಾಲಿಟ್ಟ ನಿರ್ದೇಶಕ ಹೇಮಂತ್ ರಾವ್​ ಇನ್ನೊಂದು ಸಾಹಸಕ್ಕೆ ಕೈ ಹಾಕಿದ್ದಾರೆ. ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಚಿತ್ರ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿತ್ತು. ಇದೀಗ ಅದೇ ಟೀಮ್ ಮತ್ತೊಮ್ಮೆ ಜೊತೆಯಾಗಿ ಬರಲು ಸಿದ್ಧತೆ ಮಾಡಿಕೊಂಡಿದೆ. 

` ಸಪ್ತ ಸಾಗರದಾಚೆ ಎಲ್ಲೋ’ ಎಂಬ ಸಿನಿಮಾವನ್ನು ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಣ  ಮಾಡಲಿದ್ದು, ರಕ್ಷಿತ್ ಶೆಟ್ಟಿ ನಾಯಕ ನಟನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಸಿನಿಮಾಕ್ಕೆ  ಹೇಮಂತ್ ರಾವ್ ನಿರ್ದೇಶಿಸಲಿದ್ದಾರೆ. ಈ ಮೂಲಕ ಮತ್ತೊಮ್ಮೆ ಮೂವರು ಒಟ್ಟಾಗಿ ಸಿನಿಮಾ ಮಾಡಲು ಹೊರಟಿದ್ದಾರೆ.

`ಸಪ್ತ ಸಾಗರದಾಚೆ ಎಲ್ಲೋ’   ವಿಭಿನ್ನ ಕಥೆಯನ್ನು ಒಳಗೊಂಡಿದ್ದು, ಇದೊಂದು ಲವ್ ಕಂ ಆ್ಯಕ್ಷನ್ ಸಿನಿಮಾವಾಗಿದೆ  ಎಂದು ಚಿತ್ರತಂಡ ಹೇಳಿದೆ.

“ನಾನು ಅಲ್ಲಮನೂ ಹೌದು, ಡಾಲಿಯೂ ಹೌದು”!  : ಟೀಕಾಕಾರರಿಗೆ ಧನಂಜಯ್ ತಿರುಗೇಟು

0

ತಾವಾಯ್ತು ತಮ್ಮ ಸಿನಿಮಾ ಆಯ್ತು ಅಂತಿರೋ ನಟ ಡಾಲಿ ಧನಂಜಯ್. ಹೊಸ ಹೊಸ ಸಿನಿಮಾಗಳ ಮೂಲಕ ಸದಾ ಸುದ್ದಿಯಲ್ಲಿರುವ ಅವರು, ನಿನ್ನೆಯಿಂದ ಟ್ವೀಟೊಂದರಿಂದ ಸುದ್ದಿಯಲ್ಲಿದ್ದಾರೆ! ಚಿಂತಕ ಚಕ್ರವರ್ತಿ ಸೂಲಿಬೆಲೆ ಟ್ವೀಟ್​ಗೆ ‘ಏನಾದರೂ ಆಗು ಮೊದಲು ಮಾನವನಾಗು’ ಎಂದು ರೀ ಟ್ವೀಟ್​ ಮಾಡಿದ್ದರು. ಆ ವಿಚಾರವಾಗಿ ಸಿಕ್ಕಾಪಟ್ಟೆ ಪರ – ವಿರೋಧ ಚರ್ಚೆಗಳು ನಡೀತಾ ಇವೆ. ಈ ನಡುವೆ ಅವರು ತಮ್ಮ ಆ ಹೇಳಿಕೆಗೆ ಸಂಬಂಧಿಸಿದಂತೆ ಸ್ಪಷ್ಟನೆ ನೀಡಿದ್ದಾರೆ. ಜೊತೆಗೆ ನಾನು ಅಲ್ಲಮನೂ ಹೌದು, ಡಾಲಿಯೂ ಹೌದು ಎನ್ನುವ

ತನ್ನ ಟ್ವೀಟ್​ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದ್ದಂತೆ ಅದರ ಗಂಭೀರತೆಯನ್ನು ಅರಿತ ಡಾಲಿ ಧನಂಜಯ್​ ವಿಡಿಯೋ ಮೂಲಕ ವಿವಾದಕ್ಕೆ ಅಂತ್ಯಹಾಡುವ ಪ್ರಯತ್ನ ಮಾಡಿದ್ದಾರೆ.

 “ ಕವಿ ಸಿದ್ಧಯ್ಯ ಪುರಾಣಿಕ್​ ಅವರ ಏನಾದರೂ ಆಗು ಮೊದಲು ,ಮಾನವನಾಗು ಎಂಬ ಪದ್ಯವನ್ನು ಪೂರ್ತಿಯಾಗಿ ಓದಿದ್ದರೆ ನನ್ನ ಟ್ವೀಟ್​ನ ಅರ್ಥ ತಿಳಿಯುತ್ತದೆ. ಕೊರೋನಾ ವೈರಸ್​ನಿಂದಾಗಿ ಇಡೀ ಪ್ರಪಂಚವೇ ನಲುಗಿ ಹೋಗಿದೆ. ಈ ಸಂದರ್ಭದಲ್ಲಿ ಇಟಲಿ ಸರ್ಕಾರ ಮಾಡಿರುವ ನಿರ್ಧಾರವೂ ತಪ್ಪು, ಇಟಲಿ ಅಂತಹ ಸ್ಥಿತಿಯಲ್ಲಿದೆ ಎಂದರೆ ನಾವು ಆ ವಿಷಯದ ಗಂಭೀರತೆಯನ್ನು ಅರಿತುಕೊಳ್ಳಬೇಕು. ಬದಲಾಗಿ ವ್ಯಂಗ್ಯ ಮಾಡುವುದು ಖಂಡಿತಾ ಸರಿಯಲ್ಲ”  ಎಂದು ಹೇಳಿದ್ದಾರೆ

ಇನ್ನು ಇದೇ ವಿಚಾರವಾಗಿ ತಮ್ಮನ್ನು ಟೀಕಿಸಿದವರಿಗೆ, “ನನ್ನ ನಾಡು, ಭಾಷೆಯ ಬಗ್ಗೆ ಖಂಡಿತಾ ನನಗೆ ಅಭಿಮಾನವಿದೆ. ಇವೆಲ್ಲದರ ಅಸ್ತಿತ್ವದ ವಿಚಾರ ಬಂದಾಗ ಹೋರಾಡುವ ಪ್ರವೃತ್ತಿಯೂ ನನ್ನಲ್ಲಿದೆ. ಸಮಾಜಕ್ಕೆ ಎಲ್ಲರ ಕೊಡುಗೆಯೂ ಬಹಳ ಮುಖ್ಯ. ನಾನು ಮಾಡಿರುವ ಪಾತ್ರದ ಬಗ್ಗೆ ಪ್ರಶ್ನೆ ಮಾಡಿರುವ ನೀವುಗಳು ಎಂಥಾ ಪಾತ್ರಗಳನ್ನು ಮಾಡಿದ್ದೀರಾ? ನಾನು ಅಲ್ಲಮನೂ ಹೌದು, ಡಾಲಿಯೂ ಹೌದು ನನಗೆ ಜಾತಿ ಧರ್ಮ ಮುಖ್ಯ ಅಲ್ಲ, ಸಂಬಂಧಗಳು ಮಾತ್ರ ಮುಖ್ಯ.”  ಎಂದು ತಿರುಗೇಟು ನೀಡಿದ್ದಾರೆ.

‘ಯುವರತ್ನ‘ನಿಗೆ 45ನೇ ಹುಟ್ಟುಹಬ್ಬದ ಸಂಭ್ರಮ

0

ನಟ ಪವರ್ ಸ್ಟಾರ್ ಪುನೀತ್ ರಾಜ್​ಕುಮಾರ್​ಗೆ ಇಂದು 45ನೇ ವರ್ಷದ ಹುಟ್ಟುಹಬ್ಬದ ಸಂಭ್ರಮ. ಈ ಬಾರಿ ಕೊರೋನಾ ಆತಂಕದ ಹಿನ್ನೆಲೆಯಲ್ಲಿ ಅಪ್ಪು ಅಭಿಮಾನಿಗಳ ಜೊತೆ ಬರ್ತ್​​ಡೇ ಸೆಲೆಬ್ರೇಷನ್ ಮಾಡಿಕೊಳ್ಳುತ್ತಿಲ್ಲ. ನೀವೆಲ್ಲಾ ಸುರಕ್ಷಿತವಾಗಿದ್ರೆ ನನಗದೇ ಉಡುಗೊರೆ ಅಂತ ಅಭಿಮಾನಿಗಳಿಗೆ ಹೇಳಿದ್ದಾರೆ. 
ಪ್ರತಿ ವರ್ಷದಂತೆ ಈ ಬಾರಿಯೂ ಪುನೀತ್ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಿಸಲು ಅಭಿಮಾನಿಗಳು ಪ್ಲಾನ್ ಮಾಡಿದ್ದರು. ಈ ಬಾರಿ ಅಪ್ಪು ಬರ್ತ್​ಡೇ ಆಚರಿಸಿಕೊಳ್ಳುತ್ತಿಲ್ಲ ಎಂಬ ಸುದ್ದಿ ಕೇಳಿ ಅಭಿಮಾನಿಗಳಿಗೆ ಕೊಂಚ ಬೇಸರವಾಗಿದೆ. ಹಾಗಾಗಿ ಅಪ್ಪು ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲೇ ಶುಭಾಶಯಗಳನ್ನು ತಿಳಿಸಿದ್ದಾರೆ.
ಈ ಬಾರಿ ಬರ್ತ್​ಡೇ ಸೆಲೆಬ್ರೇಷನ್ ಮಾಡಿಕೊಳ್ಳದೆ ಇದ್ದರೂ ಹುಟ್ಟುಹಬ್ಬದ ಸಂಭ್ರಮ ಹೆಚ್ಚಿಸಲು ‘ಯುವರತ್ನ‘ ಸಿನಿಮಾದ 2ನೇ ಡೈಲಾಗ್ ಟೀಸರ್ ಸೋಮವಾರ ರಾತ್ರಿಯೇ ರಿಲೀಸ್ ಮಾಡಲಾಗಿದೆ. 

ಮಾರ್ಚ್ ಅಂತ್ಯದಲ್ಲಿ ಪೊಗರು ಆಡಿಯೋ ರಿಲೀಸ್

0

ಸ್ಯಾಂಡಲ್​ವುಡ್​ನ ಆ್ಯಕ್ಷನ್ ಪ್ರಿನ್ಸ್ ಅಭಿನಯದ ಬಹುನಿರೀಕ್ಷಿತ ಪೊಗರು ಸಿನಿಮಾದ ಆಡಿಯೋ ಅತಿ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ. ಪೊಗರು ಸಿನಿಮಾ ಚಿತ್ರೀಕರಣ ಪ್ರಾರಂಭವಾಗಿ ಎರಡು ವರ್ಷದ ಮೇಲಾಯಿತು. ಹಾಗಾಗಿ ಸಿನಿಮಾ ಯಾವಾಗ ತೆರೆಮೇಲೆ ಬರಲಿದೆ. ಯಾವಾಗ ಆಡಿಯೋ ಲಾಂಚ್ ಆಗಲಿದೆ ಎಂದು ಕಾಯುತ್ತಿದ್ದ ಅಭಿಮಾನಿಗಳಿಗೆ ಇದೀಗ ಒಂದು ಸಿಹಿಸುದ್ದಿ ಸಿಗುತ್ತಿದೆ. ಇದೇ ತಿಂಗಳ ಕೊನೆಯಲ್ಲಿ ಸಿನಿಮಾದ ಆಡಿಯೋ ಲಾಂಚ್ ಆಗಲಿದೆ.

ಚಂದನ್ ಶೆಟ್ಟಿ ಪೊಗರು ಸಿನಿಮಾದ ಸಂಗೀತ ಸಂಯೋಜನೆಯನ್ನು ಮಾಡಿದ್ದು, ವಿ. ಹರಿಕೃಷ್ಣ ಬ್ಯಾಗ್ರೌಂಡ್  ಸ್ಕೋರ್ ಮಾಡಿದ್ದಾರೆ. ಹಾಗಾಗಿ ಚಿತ್ರದ ಹಾಡುಗಳ ಮೇಲೆ ನಿರೀಕ್ಷೆಯೂ ಹೆಚ್ಚಾಗಿದೆ.

ಇನ್ನು ರಶ್ಮಿಕಾ ಮಂದಣ್ಣ ಸಿನಿಮಾದ ನಾಯಕ ನಟಿಯಾಗಿ ಕಾಣಿಸಿಕೊಂಡಿದ್ದು, ಯಜಮಾನ ಸಿನಿಮಾದ ಬಳಿಕ ರಶ್ಮಿಕಾ ಮಂದಣ್ಣ ನಟಿಸಿರುವ ಕನ್ನಡ ಸಿನಿಮಾ ಇದಾಗಿದೆ. ಈಗಾಗಲೇ ಸಿನಿಮಾದ ಟ್ರೈಲರ್ ರಿಲೀಸ್ ಆಗಿ ಪ್ರೇಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಗಿದೆ. 

ಕೆಜಿಎಫ್ – 2 ರಿಲೀಸ್ ಡೇಟ್ ಫಿಕ್ಸ್..!

0

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಸ್ಯಾಂಡಲ್​ವುಡ್​ನ ಬಹುನಿರೀಕ್ಷಿತವ ಕೆಜಿಎಫ್ -2 ರಿಲೀಸ್​ಗೆ ಮುಹೂರ್ತ ಫಿಕ್ಸ್ ಆಗಿದೆ. ಕೆಜಿಎಫ್​ ಚಾಪ್ಟರ್ 2 ರಿಲೀಸ್​ ಡೇಟ್ ಅನ್ನು ಚಿತ್ರತಂಡ ಅನೌನ್ಸ್​ ಮಾಡಿದೆ. ಅಕ್ಟೋಬರ್​ 23ರಂದು ವಿಶ್ವದಾದ್ಯಂತ ತೆರೆಕಾಣಲಿದೆ. ಹೊಂಬಾಳೆ ಫಿಲ್ಸ್​ ಈ ಬಗ್ಗೆ ಟ್ವೀಟ್ ಮಾಡಿದೆ. 

ಪ್ರಶಾಂತ್ ನೀಲ್ ನಿರ್ದೇಶನದ, ವಿಜಯ್ ಕಿರಗಂದೂರ್ ನಿರ್ಮಾಣದ ಕೆಜಿಎಫ್ ಪಂಚಭಾಷೆಗಳಲ್ಲಿ ರಿಲೀಸ್ ಆಗಿ, ಸಪ್ತಸಾಗರದಾಚೆಗೂ ಸಖತ್ ಸದ್ದು ಮಾಡಿತ್ತು. ಕೆಜಿಎಫ್ ರಿಲೀಸ್ ಆದಾಗಲೇ ಚಾಪ್ಟರ್ 2 ಬಗ್ಗೆ ಕುತೂಹಲ ಗರಿಗೆದರಿತ್ತು. ಈಗ ಸಿನಿಮಾ ರಿಲೀಸ್ ಡೇಟ್ ಅನೌನ್ಸ್ ಆಗಿದ್ದು, ಅಕ್ಟೋಬರ್ ತಿಂಗಳನ್ನು ಸ್ವಾಗತಿಸಲು ಅಭಿಮಾನಿಗಳು ಕಾಯ್ತಿದ್ದಾರೆ. ಕನ್ನಡ, ಹಿಂದಿ, ತೆಲುಗು, ತಮಿಳು ಮತ್ತು ಮಲೆಯಾಳಂ ಭಾಷೆಗಳಲ್ಲಿ ಸಿನಿಮಾ ತೆರೆಕಾಣಲಿದೆ. 

 

ಶ್ರೀರಾಮನ ಜಪದಲ್ಲಿ ‘ರಾಬರ್ಟ್’..!

0

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಬಹು ನಿರೀಕ್ಷಿತ ರಾಬರ್ಟ್ ಸಿನಿಮಾದ ಮತ್ತೊಂದು ಹಾಡು ರಿಲೀಸ್ ಆಗಿದೆ. ‘ ಜೈ ಶ್ರೀರಾಮ್​’ ಹಾಡು ಈಗಾಗಲೇ ಸೋಶಿಯಲ್ ಮೀಡಿಯಾದಲ್ಲಿ ಹವಾ ಕ್ರಿಯೇಟ್ ಮಾಡಿದೆ. ” ರಾಮ ಬಿಟ್ಟ ಬಾಣಕೆ ಸತ್ತ ರಾವಣ, ಆಂಜನೇಯನಲ್ಲವೇ ಗೆದ್ದ ಕಾರಣ” ಅನ್ನೋ ಸಾಲುಗಳಿಗೆ ದರ್ಶನ್ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಇನ್ನು ತರುಣ್ ಸುಧೀರ್ ನಿರ್ದೇಶನದ ರಾಬರ್ಟ್​ಗೆ ಅರ್ಜುನ್ ಜನ್ಯಾ ಸಂಗೀತದ ಬಲ ನೀಡಿದ್ದಾರೆ. ಉಮಾಪತಿ ಶ್ರೀನಿವಾಸ ಗೌಡ ಬಂಡವಾಳ ಹಾಕಿದ್ದಾರೆ. ಚಿತ್ರ ಏಪ್ರಿಲ್ 9ರಂದು ರಿಲೀಸ್ ಆಗುತ್ತಿದೆ.

ಯೂಟ್ಯೂಬ್​ನಿಂದ ಕೋಟಿಗೊಬ್ಬ -3 ಟೀಸರ್ ಡಿಲೀಟ್..! ಅಸಲಿ ಕಾರಣ ಏನ್ ಗೊತ್ತಾ?

0

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಭಿನಯದ ಕೋಟಿಗೊಬ್ಬ -3 ಸಿನಿಮಾದ ಟೀಸರ್ ಯೂಟ್ಯೂಬ್​ನಿಂದ ಡಿಲೀಟ್ ಆಗಿದೆ.
ಚಿತ್ರತಂಡ ನಂಗೆ ಮೋಸ ಮಾಡಿದೆ ಅಂತ ಆರೋಪಿಸಿದ್ದ ಮುಂಬೈ ಮೂಲದ ವೈಬ್ರೆಂಟ್ ಲಿಮಿಟೆಡ್​ ಕಂಪನಿ ಮಾಲೀಕ ಅಜಯ್ ಪಾಲ್ ಅವರೇ ಚಿತ್ರದ ಟೀಸರ್ ಡಿಲೀಟ್ ಮಾಡಿಸಿದ್ದಾರೆ ಅಂತ ಹೇಳಲಾಗಿದೆ. ಪೋಲೆಂಡ್​​​​​​​​ನಲ್ಲಿ ಚಿತ್ರೀಕರಿಸಿದ ದೃಶ್ಯಗಳು ಕಂಒನಿ ಹೆಸ್ರಲ್ಲಿದೆ. ಆದ್ರೆ, ಬಾಕಿ ಹಣ ನೀಡದೆ ಟೀಸರ್ ರಿಲೀಸ್ ಮಾಡಲಾಗಿದೆ. ಹಾಗಾಗಿ ಆ ದೃಶ್ಯಗಳನ್ನು ನೀಡಲ್ಲ ಅಂದಿರೋ ಅಜಯ್ ಪಾಲ್​ ಆನಂದ್ ಆಡಿಯೋ ಯೂಟ್ಯೂಬ್​​ ಚಾನೆಲ್​ನಲ್ಲಿ ರಿಲೀಸ್ ಆಗಿದ್ದ ಟೀಸರನ್ನು ತೆಗೆಸಿದ್ದಾರೆ ಎನ್ನಲಾಗಿದೆ.

‘ ಈ ಸಲ ರಾಧಿಕಾ ಬರ್ತ್​​ಡೇ ಆಚರಿಸಲ್ಲ’ ಅಂದ್ರು ಯಶ್..!

0

ಸ್ಯಾಂಡಲ್​​ವುಡ್ ಸಿಂಡ್ರೆಲ್ಲಾ ರಾಧಿಕಾ ಪಂಡಿತ್ ನಾಳೆ 36ನೇ ವಸಂತಕ್ಕೆ ಕಾಲಿಡುತ್ತಿದ್ದಾರೆ. ಆದರೆ, ಈ ಬಾರಿ ಅವರ ಹುಟ್ಟುಹಬ್ಬವನ್ನು ದೊಡ್ಡ ಮಟ್ಟದಲ್ಲಿ ಆಚರಿಸಲ್ಲ ಅಂತ ಅವರ ಪತಿ, ನಟ ರಾಕಿಂಗ್ ಸ್ಟಾರ್ ಯಶ್ ಹೇಳಿದ್ದಾರೆ.
ರಾಧಿಕಾ ಬರ್ತ್​ಡೇ ಆಚರಣೆ ಮಾಡದಿರಲು ಕಾರಣ ಡೆಡ್ಲಿ ಕೊರೋನಾ! ನಗರದಲ್ಲಿ ಮಾತನಾಡಿದ ಯಶ್, ಕೊರೋನಾ ಭೀತಿಯಿಂದ ರಾಧಿಕಾ ಪಂಡಿತ್ ಹುಟ್ಟುಹಬ್ಬ ಆಚರಿಸೋದು ಬೇಡ ಅಂತ ತೀರ್ಮಾನಿಸಿದ್ದೇವೆ. ಮಕ್ಕಳು ಬೇರೆ ಇರೋದ್ರಿಂದ ಆರೋಗ್ಯದ ಮೇಲೆ ಪರಿಣಾಮ ಭೀರುತ್ತೆ ಅಂದಿದ್ದಾರೆ.
ಅಲ್ಲದೆ ಕೊರೋನಾ ಭೀತಿಯಿಂದ ಜನರೆಲ್ಲಾ ಗುಂಪು ಗುಂಪಾಗಿ ಸೇರೋಕೆ ಆಗಲ್ಲ. ಆದ್ರಿಂದ ರಾಜ್ಯದ ಜನ ಹುಷಾರಾಗಿರ್ಬೇಕು. ಸ್ವಲ್ಪ ಆರೋಗ್ಯ ಕೆಟ್ರೂ ಚಿಕಿತ್ಸೆ ಪಡೆದುಕೊಳ್ಳಿ ಅಂತ ಮನವಿ ಮಾಡಿದ್ದಾರೆ.

ಮತ್ತೆ ದರ್ಶನ್ ‘ರಾಜ ವೀರಮದಕರಿ ನಾಯಕ’ನ ಅಖಾಡಕ್ಕೆ!

0

ಚಾಲೆಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ರಾಜ ವೀರಮದಕರಿ ನಾಯಕ ಚಿತ್ರದ 2ನೇ ಹಂತದ ಶೂಟಿಂಗ್ ಪ್ರಾರಂಭವಾಗಿದೆ. 2ನೇ ಹಂತದ ಚಿತ್ರೀಕರಣ ಹೈದರಾಬಾದ್​ನಲ್ಲಿ ನಡೆಯಲಿದ್ದು, ಮೊದಲ ಹಂತದ ಚಿತ್ರೀಕರಣ ಕೇರಳದಲ್ಲಿ ನಡೆದಿದೆ.

ಈ ಸಿನಿಮಾದ ಚಿತ್ರೀಕರಣಕ್ಕಾಗಿ ಬೆಂಗಳೂರು, ಹೈದರಾಬಾದ್, ಚಿತ್ರದುರ್ಗ ಹಾಗೂ ಮುಂಬೈ ಸೇರಿದಂತೆ ಹಲವು ಲೊಕೇಶನ್​ಗಳನ್ನು ಫಿಕ್ಸ್ ಮಾಡಲಾಗಿದೆ. ಸಿನಿಮಾದ ಕಥೆಯು ಬಿ.ಎಲ್ ವೇಣು  ಕಾದಂಬರಿಯನ್ನು ಆಧರಿಸಿದೆ. ಈ ಸಿನಿಮಾದಲ್ಲಿ ಸುಮಲತಾ ಅಂಬರೀಶ್ ರಾಜಮಾತೆಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ದೊಡ್ಡಣ್ಣ, ರವಿಶಂಕರ್ ತಾರಾಗಣದಲ್ಲಿದ್ದಾರೆ. ಚಿತ್ರದ ನಿರ್ಮಾಣವನ್ನು ರಾಕ್​ಲೈನ್ ವೆಂಕಟೇಶ್ ಮಾಡುತ್ತಿದ್ದು, ರಾಜೇಂದ್ರ ಸಿಂಗ್ ಬಾಬು ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. 

 

Popular posts