ಬಾಲಿವುಡ್​ನ ಬಹು ನಿರೀಕ್ಷಿತ ಸಿನಿಮಾ ದಬಾಂಗ್​ 3 ಚಿತ್ರತಂಡದಿಂದ ಅಭಿಮಾನಿಗಳಿಗೆ ಒಂದರ ಮೇಲೊಂದು ಗುಡ್​ ನ್ಯೂಸ್​ ಸಿಕ್ತಾನೆ ಇದೆ. ಇದೀಗ ಮತ್ತೊಂದು ಗಿಫ್ಟ್​ ಸಿಕ್ಕಿದ್ದು ವಿಶೇಷವಾಗಿ ಸ್ಯಾಂಡಲ್​ವುಡ್​ ಬಾದ್​ ಶಾ ಸುದೀಪ್​ ಅಭಿಮಾನಿಗಳು ಗಿಫ್ಟ್​ ನೋಡಿ ಫುಲ್​ ಖುಷಿಯಾಗಿದ್ದಾರೆ.

ಭುದೇವ್​​ ನಿದೇರ್ಶನದ ದಬಾಂಗ್​-3 ಸಿನಿಮಾ ಸೆಟ್ಟೇರಿದಲ್ಲಿಂದಲೂ ಸದ್ದು ಮಾಡ್ತಾನೆ ಇದೆ. ಕಳೆದ ತಿಂಗಳು ಈ ಚಿತ್ರದ ಟ್ರೈಲರ್​​ ರಿಲೀಸ್​ ಆಗಿದ್ದು, ಕನ್ನಡದಲ್ಲಿ ಸಲ್ಮಾನ್​ ಡಬ್​ ಮಾಡಿರುವ ವಿಷಯ ಬಾರಿ ಸದ್ದು ಮಾಡಿತ್ತು.

ದಬಾಂಗ್​ ಹಾಗೂ ದಬಾಂಗ್​​​-2 ರಲ್ಲಿ ಚುಲ್​​​ಬುಲ್ ಪಾಂಡೆ ಆಗಿ ನಟಿಸಿದ್ದ ಸಲ್ಮಾನ್ ಇಲ್ಲೂ ಅದೇ ಪಾತ್ರ ಮಾಡುತ್ತಿದ್ದಾರೆ. ಚಿತ್ರದ ಟೀಸರ್​ ಕೂಡ ಅಭಿಮಾನಿಗಳಿಗೆ ತುಂಬಾ ಇಷ್ಟವಾಗಿತ್ತು. ಸದ್ಯದ ವಿಷಯ ಅಂದ್ರೆ ದಬಾಂಗ್​ 3 ಚಿತ್ರದ ಶೂಟಿಂಗ್​ ಕಂಪ್ಲೀಟ್​ ಆಗಿ ಚಿತ್ರತಂಡ ಪೋಸ್ಟ್​ ಪ್ರೊಡಕ್ಷನ್​​​ ಕೆಲಸದಲ್ಲಿ ಬ್ಯುಸಿಯಾಗಿದೆ. ಈ ವಿಷಯ ತಿಳಿದ ಅಭಿಮಾನಿಗಳು ಫುಲ್​ ಖುಷಿಯಾಗಿದ್ದಾರೆ.

ವಿನೋದ್ ಖನ್ನಾ ಜನ್ಮದಿನದ ನೆನಪಲ್ಲಿ ಸಲ್ಮಾನ್ ಖಾನ್ ಟ್ವೀಟ್​ ಮಾಡುವ ಮೂಲಕ ಗೌರವ ಅರ್ಪಿಸಿದ್ದಾರೆ. ಶೂಟಿಂಗ್ ಕಡೆಯ ದಿನ ತಾವು ಮಾತನಾಡಿರುವ ವಿಡಿಯೋವೊಂದನ್ನು ಸಲ್ಮಾನ್ ಖಾನ್ ತಮ್ಮ ಟ್ವೀಟರ್​​ನಲ್ಲಿ ಅಪ್​ಲೋಡ್​ ಮಾಡಿದ್ದಾರೆ.

ಸಲ್ಮಾನ್ ಖಾನ್​​​​​​ ತಮ್ಮ ಟ್ವಿಟರ್​ ಖಾತೆ ಹೆಸರನ್ನು ಚುಲ್​​ಬುಲ್ ಪಾಂಡೆ ಎಂದು ಬದಲಿಸಿಕೊಂಡಿದ್ದು ತಮ್ಮ ಟ್ವಿಟರ್​​ ಸುದೀಪ್ ಫಸ್ಟ್​​​ಲುಕ್ ಪೋಟೋವನ್ನು ಶೇರ್​​​​​​ ಮಾಡಿದ್ದಾರೆ. ಬಲ್ಲಿ ಪಾತ್ರ ಮಾಡಿರುವ ಕಿಚ್ಚ ಸುದೀಪ್ ಅವರನ್ನು ನಿಮಗೆ ಪರಿಚಯ ಮಾಡಿಸುತ್ತಿದ್ದೇನೆ ಎಂದು ಸಲ್ಮಾನ್ ಫೋಟೋ ಜೊತೆಗೆ ಕ್ಯಾಪ್ಷನ್ ನೀಡಿದ್ದಾರೆ. ಸಲ್ಲು ರಿಲೀಸ್ ಮಾಡಿರುವ ಕಿಚ್ಚನ ಫಸ್ಟ್​ ಲುಕ್​ಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ. 

Villain jitna bada ho, usse bhidne mein utna hi mazaa aata hai.
Introducing Sudeep Kiccha as Balli in 'Dabangg 3'.#KicchaSudeepInDabangg3@KicchaSudeep @arbaazSkhan @sonakshisinha @saieemmanjrekar @PDdancing @nikhil_dwivedi @SKFilmsOfficial @saffronbrdmedia pic.twitter.com/vvZYvroHYF

— Chulbul Pandey (@BeingSalmanKhan) October 8, 2019

ಸಲ್ಮಾನ್ ಖಾನ್ ಫಿಲಮ್ಸ್ ಹಾಗೂ ಅರ್ಬಾಜ್ ಖಾನ್ ಪ್ರೊಡಕ್ಷನ್ ಬ್ಯಾನರ್ ಅಡಿ ಡ್ಯಾನ್ಸಿಂಗ್​ ಸ್ಟಾರ್ ಪ್ರಭುದೇವ ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ. ಡಿಸೆಂಬರ್ 20 ರಂದು ಸಿನಿಮಾ ಬಿಡುಗಡೆಯಾಗುತ್ತಿದ್ದು ಸಲ್ಮಾನ್ ಹಾಗೂ ಸುದೀಪ್ ಇಬ್ಬರನ್ನೂ ತೆರೆ ಮೇಲೆ ಒಟ್ಟಿಗೆ ನೋಡಲು ಅಭಿಮಾನಿಗಳು ವ್ಹೇಟ್ ಮಾಡ್ತಿದ್ದಾರೆ. 

 ಈ ಹಿಂದೆ ಸುದೀಪ್​, ಸಲ್ಮಾನ್ ಖಾನ್, ಪ್ರಭುದೇವ್​ ಡ್ಯಾನ್ಸ್ ಮಾಡಿದ್ದ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​​ ಆಗಿತ್ತು. ಇನ್ನು ಇದೀಗ  ಸಿನಿಮಾದಲ್ಲೇ ಈ ದಿಗ್ಗಜರು ಒಟ್ಟಾಗಿ ಕಾಣಿಸಿಕೊಂಡಿರೋದ್ರಿಂದ ಚಿತ್ರ ಎಷ್ಟರ ಮಟ್ಟಿಗೆ ಹಿಟ್ ಆಗುತ್ತೆ ಅನ್ನೋದು ಕುತೂಹಲ. 

ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್​​ ‘ಟೈಮೂ ನಂದು, ತಾರೀಕೂ ನಂದು’ ಅಂತ ಕನ್ನಡಕ್ಕೆ ಬಂದಿದ್ದಾರೆ..! ಅರೆ, ಕನ್ನಡ ಸಿನಿಮಾದಲ್ಲಿ ಸಲ್ಲು ಅಂತ ಆಶ್ಚರ್ಯವಾಯ್ತು..? ಹೌದು, ಸಲ್ಲು ಅಭಿನಯದ ದಬಾಂಗ್ -3 ಕನ್ನಡದಲ್ಲೂ ರಿಲೀಸ್ ಆಗ್ತಿದೆ. ಇದರೊಂದಿಗೆ ಸ್ಯಾಂಡಲ್​ವುಡ್​ನಲ್ಲೂ ಬಾಲಿವುಡ್ ಸ್ಟಾರ್ ಸದ್ದು ಮಾಡಲಿದ್ದಾರೆ..!
ದಬಾಂಗ್ 3 ಸಿನಿಮಾದ ಮೋಷನ್ ಪೋಸ್ಟರ್ ರಿಲೀಸ್ ಆಗಿದ್ದು, ಈಗಾಗಲೇ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗ್ತಿದೆ. ಪ್ರಭುದೇವ್ ಆ್ಯಕ್ಷನ್ ಕಟ್ ಹೇಳ್ತಿರೋ ಈ ಸಿನಿಮಾದಲ್ಲಿ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಕೂಡ ಸಲ್ಲು ಜೊತೆ ಸ್ಕ್ರೀನ್ ಶೇರ್ ಮಾಡಿಕೊಳ್ತಿದ್ದಾರೆ. ಹಿಂದಿ, ಕನ್ನಡ, ತೆಲುಗು ಮತ್ತು ತಮಿಳಿನಲ್ಲಿ ಸಿನಿಮಾ ರಿಲೀಸ್ ಆಗ್ತಿದೆ. ಮೋಷನ್ ಪೋಸ್ಟರ್ನಿಂದ ಸಿನಿಮಾ ಮೇಲಿನ ನಿರೀಕ್ಷೆ ಹೆಚ್ಚಿದೆ. ಈ ಪೋಸ್ಟರ್​ನಲ್ಲಿ ‘ಟೈಮೂ ನಂದು, ತಾರೀಕೂ ನಂದು’ ಅನ್ನೋ ಡೈಲಾಗಿದೆ. ನೀವಿನ್ನೂ ನೋಡಿಲ್ಲ ಅಂತಾದ್ರೆ.. ಇಲ್ಲಿದೆ ಲಿಂಕ್…

ಅಭಿನಯ ಚಕ್ರವರ್ತಿ, ಸ್ಯಾಂಡಲ್​ವುಡ್​ ಬಾದ್​ ಷಾ ಕಿಚ್ಚ ಸುದೀಪ್ 46ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಸುದೀಪ್ ಕನ್ನಡ ಮಾತ್ರವಲ್ಲದೆ ತೆಲುಗು, ಹಿಂದಿ ಚಿತ್ರರಂಗದಲ್ಲೂ ಗುರುತಿಸಿಕೊಂಡಿರುವ ಸ್ಟಾರ್. ಸುದೀಪ್ ಕನ್ನಡದ ಜೊತೆಗೆ ಬೇರೆ ಚಿತ್ರರಂಗದಲ್ಲೂ ಒಳ್ಳೆಯ ಸಂಬಂಧವನ್ನು ಹೊಂದಿದ್ದು, ಅವರಿಗೆ ಬಹು ದೊಡ್ಡ ಸ್ನೇಹಿತರ ಬಳಗವನ್ನು ಹೊಂದಿದ್ದಾರೆ.
ಇನ್ನು ಸುದೀಪ್​ ಮತ್ತು ಬಾಲಿವುಡ್ ‘ಸುಲ್ತಾನ’ ಸಲ್ಮಾನ್ ಖಾನ್ ಉತ್ತಮ ಸ್ನೇಹಿತರು ಅನ್ನೋದು ಎಲ್ಲರಿಗೂ ಗೊತ್ತಿರುವಂಥಾ ವಿಷಯವೇ. ಸುದೀಪ್ ಸಲ್ಲು ಜೊತೆ ದಬಾಂಗ್-3ನಲ್ಲಿ ಅಭಿನಯಿಸ್ತಿದ್ದಾರೆ. ಇಂದು ಸುದೀಪ್ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಸಲ್ಮಾನ್ ಖಾನ್ ವಿಶ್ ಮಾಡಿದ್ದಾರೆ. ಸಲ್ಮಾನ್ ಖಾನ್ ಮತ್ತು ಅವರ ಸಹೋದ ಅರ್ಬಾಝ್​ ಖಾನ್ ಹಾಗೂ ಡೈರೆಕ್ಟರ್ ಪ್ರಭುದೇವ ವಿಡಿಯೋ ಮೂಲಕ ವಿಶೇಷವಾಗಿ ಸುದೀಪ್​ಗೆ ಶುಭ ಹಾರೈಸಿದ್ದಾರೆ. ಜೊತೆಗೆ ಪೈಲ್ವಾನ್ ಸಿನಿಮಾಕ್ಕೆ ಯಶಸ್ಸು ಸಿಗಲಿ ಅಂತಲೂ ವಿಶ್ ಮಾಡಿದ್ದಾರೆ.

Many many happy returns of the day @KicchaSudeep from team ‘Dabangg 3’! #HappyBirthdayKicchaSudeep #HBDKichchaSudeep @BeingSalmanKhan @sonakshisinha @arbaazSkhan @PDdancing @MLee7 #AnlArasu @nikhil_dwivedi @saffronbrdmedia pic.twitter.com/pSmArHMMhe

— Salman Khan Films (@SKFilmsOfficial) September 2, 2019

ಮೆಗಾಸ್ಟಾರ್ ಚಿರಂಜೀವಿ ಅಭಿನಯದ ಬಹು ನಿರೀಕ್ಷಿತ ಸೈರಾ ನರಸಿಂಹ ರೆಡ್ಡಿ ಸಿನಿಮಾ ಕನ್ನಡದಲ್ಲೂ ತೆರೆಕಾಣುವುದು ಪಕ್ಕಾ ಆಗಿದೆ. ಇಂದು ಚಿತ್ರದ ಟೀಸರ್ ಬಿಡುಗಡೆಯಾಗಿದೆ. ಕನ್ನಡ, ಹಿಂದಿ, ತೆಲುಗು, ತಮಿಳು ಮತ್ತು ಮಲೆಯಾಳಂ ಭಾಷೆಗಳಲ್ಲಿ ಸಿನಿಮಾ ರಿಲೀಸ್ ಆಗುತ್ತಿದೆ. ಅಕ್ಟೋಬರ್ 2ರಂದು ಸಿನಿಮಾ ತೆರೆ ಕಾಣುತ್ತಿದ್ದು, ಬಿಡುಗಡೆಯಾಗಿರುವ ಪಂಚ ಭಾಷಾ ಟೀಸರ್​ಗಳು ಚಿತ್ರದ ಮೇಲಿನ ನಿರೀಕ್ಷೆಯನ್ನು ಹೆಚ್ಚಿಸಿದೆ.
ಇನ್ನು ಈ ಸಿನಿಮಾದಲ್ಲಿ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಕೂಡ ನಟಿಸಿದ್ದು ಕನ್ನಡದ ಅಭಿಮಾನಿಗಳು, ಚಿತ್ರರಸಿಕರು ಸಿನಿಮಾ ಬಿಡುಗಡೆಗೆ ವ್ಹೇಟ್ ಮಾಡ್ತಿದ್ದಾರೆ. ಸುದೀಪ್ ಅವರಲ್ಲದೆ ಅಮಿತಾಭ್​ ಬಚ್ಚನ್​, ವಿಜಯ್ ಸೇತುಪತಿ, ತಮನ್ನಾ, ನಯನಾತಾರ , ಜಗಪತಿ ಬಾಬು ಮತ್ತಿತರರು ಅಭಿನಯಿಸಿದ್ದಾರೆ.

ಬಾಲಿವುಡ್ ಮಾತ್ರವಲ್ಲದೇ ಹಾಲಿವುಡ್​​ನಲ್ಲೂ ಮಿಂಚುತ್ತಿರುವ ನಟಿ ಪ್ರಿಯಾಂಕಾ ಚೋಪ್ರಾ ವಯಸ್ಸಿನಲ್ಲಿ ತನಗಿಂತ 10ವರ್ಷ ಚಿಕ್ಕವನನ್ನು ಮದ್ವೆಯಾಗಿ ಸುದ್ದಿಯಾಗಿದ್ದರು, ಅಷ್ಟೇ ಅಲ್ಲದೆ ಅಮೆರಿಕಾದ ಮೆಟ್​ ಗಾಲಾ ಸಂಭ್ರಮದಲ್ಲಿ ಗುಂಗುರು ಕೂದಲು, ಸಿಲ್ವರ್​ ಬಣ್ಣದ ಗೌನಿನಲ್ಲಿ ಗುರುತೇ ಸಿಗದಂತೆ ಕಾಣಿಸಿಕೊಂಡಿದ್ದರು. ಅವರ ಆ ಫೋಟೋ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು.
ಇದೀಗ ಮತ್ತೊಮ್ಮೆ ಪ್ರಿಯಾಂಕಾ ಸೋಷಿಯಲ್ ಮೀಡಿಯಾದಲ್ಲಿ ಪ್ರಿಯಾಂಕಾ ಸದ್ದು ಮಾಡುತ್ತಿದ್ದಾರೆ. ಇನ್‌ಸ್ಟಾಗ್ರಾಮ್​ನಲ್ಲಿ 43 ಮಿಲಿಯನ್ ಫಾಲೋವರ್ಸ್​ ಹೊಂದಿರುವ ಪ್ರಿಯಾಂಕ ಚೋಪ್ರಾ ಒಂದು ಪೋಸ್ಟ್ ಅನ್ನು ತಮ್ಮ ಅಕೌಂಟ್​​ನಲ್ಲಿ ಹಾಕಲು 2,71,000 ಡಾಲರ್​​, ಅಂದ್ರೆ 1.50ಕೋಟಿ ರೂನಷ್ಟು ಹಣ ಪಡೀತಾರಂತೆ..!
2019 ರ ವರದಿಯ ಪ್ರಕಾರ ಪ್ರಿಯಾಂಕಾ ಸೋಷಿಯಲ್ ಮೀಡಿಯಾದಲ್ಲಿ ಭಾರತದಲ್ಲೇ ಅತೀ ಹೆಚ್ಚು ಸಂಭಾವನೆ ಪಡೆಯುವ ನಟಿ ಅನ್ನೋ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಬೇರೆ ಬೇರೆ ಬ್ರಾಂಡ್​​ಗಳ ಉತ್ಪನ್ನಗಳನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಪ್ರಮೋಟ್ ಮಾಡುವ ಮೂಲಕವೂ ಸಂಭಾವನೆ ಪಡೆಯುತ್ತಿದ್ದಾರೆ ಎನ್ನಲಾಗಿದೆ.

ಪ್ರಧಾನಿ ನರೇಂದ್ರ ಮೋದಿ ಅವರ ಜೀವನಾಧಾರಿತ ಸಿನಿಮಾ ‘ಪಿಎಂ ನರೇಂದ್ರ ಮೋದಿ’ ಚಿತ್ರದ ಬಿಡುಗಡೆಗೆ ಚುನಾವಣಾ ಆಯೋಗ ತಡೆ ನೀಡಿದೆ.
ಇಂದು ಬೆಳಗ್ಗೆಯಷ್ಟೇ ಚಿತ್ರಕ್ಕೆ ಸೆನ್ಸಾರ್ ಮಂಡಳಿಯಿಂದ ಯು-ಸರ್ಟಿಫಿಕೇಟ್ ಸಿಕ್ಕಿತ್ತು. ಆದರೆ, ಸಿನಿಮಾ ಚುನಾವಣೆ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುವ ಹಿನ್ನೆಲೆಯಲ್ಲಿ ಎಲೆಕ್ಷನ್​​ ಮುಗಿಯುವವರೆಗೆ ಚಿತ್ರ ಬಿಡುಗಡೆಗೆ ಚುನಾವಣಾ ಆಯೋಗ ತಡೆ ನೀಡಿದೆ.