Monday, May 25, 2020

ಯೂಟ್ಯೂಬ್​ನಲ್ಲೀಗ ದರ್ಶನ್​ ‘ಯಜಮಾನ’..!

0

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರೀಗ ಯೂಟ್ಯೂಬ್​ನಲ್ಲಿ ‘ಯಜಮಾನ’..! ದರ್ಶನ್ ಅಭಿನಯದ ‘ಯಜಮಾನ’ ಚಿತ್ರದ ಟ್ರೇಲರ್ ಈಗ ಯೂಟ್ಯೂಬ್​ ಟ್ರೆಂಡಿಂಗ್​ನಲ್ಲಿ ನಂಬರ್​ 1 ಸ್ಥಾನದಲ್ಲಿದೆ.
ನಿನ್ನೆಯಷ್ಟೇ ಯೂಟ್ಯೂಬ್​ಗೆ ಲಗ್ಗೆ ಇಟ್ಟ ಟ್ರೇಲರ್ ಕೇವಲ 24ಗಂಟೆಯೊಳಗೆ 8 ಮಿಲಿಯನ್​ಗಿಂತಲೂ ಹೆಚ್ಚಿನ ವೀಕ್ಷಣೆಯನ್ನು ಪಡೆದಿದೆ. 2.46 ನಿಮಿಷ​ ಇರುವ ಈ ಟ್ರೇಲರ್​ ನಲ್ಲಿ ದರ್ಶನ್ ಅವರ ಖದರ್ ಹಾಗೂ ಡೈಲಾಗ್​ಗೆ ಫ್ಯಾನ್ಸ್​ ಫಿದಾ ಆಗಿದ್ದಾರೆ.
ವಿ.ಹರಿಕೃಷ್ಣ ಮತ್ತು ಪಿ.ಕುಮಾರ್ ನಿರ್ದೇಶನದ ‘ಯಜಮಾನ’ ಮಾರ್ಚ್​ 1ರಂದು ರಿಲೀಸ್ ಆಗಲಿದೆ. ಈಗಾಗಲೇ ಹಾಡುಗಳಿಂದ ಸೌಂಡು ಮಾಡಿದ್ದ ‘ಯಜಮಾನ’ ಸಿನಿಮಾ ಇದೀಗ ಟ್ರೇಲರ್ ಮೂಲಕ ಯೂಟ್ಯೂಬ್​ನಲ್ಲಿ ತನ್ನದೇ ಟ್ರೆಂಡ್​ ಸೆಟ್ಟು ಮಾಡಿದೆ. ಇನ್ನು ‘ಯಜಮಾನ’ ದರ್ಶನ್​ಗೆ ಜೋಡಿಯಾಗಿ ಕಿರಿಕ್ ಬೆಡಗಿ ರಶ್ಮಿಕಾ ಮಂದಣ್ಣ ಅಭಿನಯಿಸಿದ್ದಾರೆ. ಡಾಲಿ ಧನಂಜಯ್, ಸಾಧುಕೋಕಿಲಾ, ರವಿಶಂಕರ್, ಮಂಡ್ಯ ರಮೇಶ್ ಮತ್ತಿತರರು ತಾರಗಣದಲ್ಲಿದ್ದಾರೆ.

ಸ್ಯಾಂಡಲ್​ವುಡ್​ನಲ್ಲಿ ರಿಜೆಕ್ಟ್ ಆಗಿದ್ದ ಟಾಲಿವುಡ್ ಟಾಪ್ ನಟಿ!

0

ಅನುಷ್ಕಾ ಶೆಟ್ಟಿ, ಅಪ್ಪಟ ಕನ್ನಡತಿ. ಇವ್ರು ಟಾಲಿವುಡ್ ನ ಟಾಪ್ ಹೀರೋಯಿನ್ ಗಳಲ್ಲೊಬ್ರು. ಸಿಕ್ಕಾಪಟ್ಟೆ ಬೇಡಿಕೆ ಇರೋ ನಟಿ. ಕೆಲವರಿಗೆ ಈ ವಿಷ್ಯ ಈಗಾಗ್ಲೇ ಗೊತ್ತಿರ್ಬಹುದು. ಕೆಲವರಿಗೆ ಗೊತ್ತಿರ್ಲಿಕ್ಕಿಲ್ಲ? ಏನಪ್ಪ ಅಂದ್ರೆ ಇವರು ಸ್ಯಾಂಡಲ್ ವುಡ್ ನಿಂದ ರಿಜೆಕ್ಟ್ ಆಗಿದ್ದವರು!

ಹೌದು, ಎಲ್ಲಾ ಅಂದುಕೊಂಡಂತೆ ಆಗಿದ್ದಿದ್ರೆ ಅನುಷ್ಕಾ ಇಂದು ಸ್ಯಾಂಡಲ್ ವುಡ್ ನ ಟಾಪ್ ಹೀರೋಯಿನ್ ಆಗಿರ್ತಿದ್ರೇನೋ? ಅನುಷ್ಕಾ ನಮ್ ಮಂಗಳೂರ ಚೆಲುವೆ. ಇದು ಯಾರ್ಗೂ ಗೊತ್ತಿಲ್ದೇ ಇರೋ ವಿಷ್ಯ ಅಲ್ಲ. 

ಅನುಷ್ಕಾಗೆ ಕಾಲೇಜು ಡೇಸ್ ನಲ್ಲೇ ಸ್ಯಾಂಡಲ್ ವುಡ್ ನಿಂದ ಅವಕಾಶ ಬಂದಿತ್ತಂತೆ. ಕಾಲೇಜಿಗೆ ಹೋಗುವಾಗ, ಎಲ್ಲಾದ್ರು ಶೂಟಿಂಗ್ ನಡೀತಾ ಇದೆ ಅಂತ ಗೊತ್ತಾದ್ರೆ ಸ್ಪಾಟ್ ಗೆ ಹೋಗಿ, ಶೂಟಿಂಗ್ ನೋಡ್ತಾ ನಿತ್ಕೋತ್ತಿದ್ರಂತೆ. ಹೀಗೆ ಒಂದ್ ದಿನ ಶೂಟಿಂಗ್ ನೋಡಲು ಹೋಗಿದ್ದಾಗ, ಇವರನ್ನು ಕಂಡ ಡೈರೆಕ್ಟರ್ ಒಬ್ರು, ‘ಸಿನಿಮಾದಲ್ಲಿ ನಟಿಸೋಕೆ ಇಂಟ್ರೆಸ್ಟ್ ಇದ್ಯಾ’ ಅಂತ ಕೇಳಿದ್ರಂತೆ. ಅನುಷ್ಕಾ ಖುಷಿಯಿಂದ ಸಿನಿಮಾ ಒಪ್ಕೊಂಡಿದ್ರಂತೆ. ಆದ್ರೆ, ಸ್ವಲ್ಪ ದಿನದ ನಂತ್ರ ಡೈರೆಕ್ಟರ್ ಹೇಳ್ದೆ, ಕೇಳ್ದೆ ಬೇರೆ ಹೀರೋಯಿನ್ ಅನ್ನು ಸೆಲೆಕ್ಟ್ ಮಾಡ್ಕೊಂಡಿದ್ರಂತೆ. ಆಗ, ಅನುಷ್ಕಾ, ‘ಪರವಾಗಿಲ್ಲ ಬಿಡಿ ಸರ್. ನಿಮ್ಗೂ ನಿಮ್ ಮೂವಿಗೂ ಆಲ್ ದಿ ಬೆಸ್ಟ್ ‘ ಅಂತ ವಿಶ್ ಮಾಡಿ ಸುಮ್ನಾಗಿದ್ರಂತೆ. ಆದ್ರೆ, ಅನುಷ್ಕಾಗೆ ಕನ್ನಡ ಚಿತ್ರರಂಗದ ಮೇಲೆ ಬೇಜಾರಿಲ್ಲ. ಒಳ್ಳೇ ಸ್ಟೋರಿ ಸಿಕ್ಕರೆ ಕನ್ನಡ ಸಿನಿಮಾದಲ್ಲಿ ನಟಿಸ್ತಾರೆ. ಇತ್ತೀಚೆಗೆ ಫೇಸ್ ಬುಕ್ ಲೈವ್ ಬಂದಾಗ, ಅಭಿಮಾನಿಯೊಬ್ಬ ಕನ್ನಡದಲ್ಲಿ ನಟಿಸ್ತೀರ ಅಂತ ಕೇಳಿದಾಗ, ಒಂದೊಳ್ಳೆ ಸ್ಕ್ರಿಪ್ಟ್ ಬಂದ್ರೆ ಮಾಡ್ತೀನಿ ಅಂದಿದ್ರು. ಆದ್ರೆ, ತಾನು ಹಿಂದೆ ರಿಜೆಕ್ಟ್ ಆಗಿದ್ದ ಸುದ್ದೀನ ಎಲ್ಲೂ ಹೇಳ್ಕೊಂಡಿಲ್ಲ.

 

 

 

 

 

ವಿಜಯ್ ಕಿರಗಂದೂರ್ ರಿಯಲ್ ಸ್ಟಾರ್..!

0

 ಕೆಜಿಎಫ್ ನಲ್ಲಿ ರಾಕಿಂಗ್ ಸ್ಟಾರ್ ಯಶ್​ ಹೀರೋ ಅನ್ನೋದು  ಗೊತ್ತೇ ಇದೆ. ಯಶ್  ಖಡಕ್ ಖದರ್ ಗೆ  ಭಾರತೀಯ ಚಿತ್ರರಂಗವೇ ಸಲಾಂ ರಾಕಿಭಾಯ್ ಅಂದಿದೆ. ಕನ್ನಡ  ಮಾತ್ರವಲ್ಲದೆ ಇದೀಗ ಬಾಲಿವುಡ್​. ಟಾಲಿವುಡ್, ಕಾಲಿವುಡ್, ಮಾಲಿವುಡ್  ಯಶ್ ಸಿನಿರಂಗದ ‘ರಾಜಾಹುಲಿ’ ಅಂತ  ಶಹಬ್ಬಾಸ್ ಗಿರಿ ಕೊಡುತ್ತಿವೆ.  ಆದರೆ, ಕೆಜಿಎಫ್​ ಯಶಸ್ಸಿನ ಹಿಂದೆ ಬಹಳಷ್ಟು ತೆರೆಮರೆಯ ಹೀರೋಗಳಿದ್ದಾರೆ .

ಡೈರೆಕ್ಟರ್ ನೀಲ್ ಕೆಜಿಎಫ್ ಸ್ಟಾರ್

 ಕೆಜಿಎಫ್​ ನ ತೆರೆಮರೆಯ ಹೀರೋಗಳಂತ ಬಂದ್ರೆ ಈಗಾಗಲೇ ನಾವು ಹೇಳಿದಂತೆ ಡೈರೆಕ್ಟರ್ ಪ್ರಶಾಂತ್ ನೀಲ್ ಫಸ್ಟ್ ನೆನಪಾಗ್ತಾರೆ. ತನ್ನ 2ನೇ ಚಿತ್ರದಲ್ಲೇ ಕನ್ನಡ ಚಿತ್ರರಂಗದ ಬ್ರಾಂಡ್ ವ್ಯಾಲ್ಯುವನ್ನು ಹೆಚ್ಚಿಸಿದ ಪ್ರಶಾಂತ್ ನೀಲ್  ಅವರತ್ತ ಇವತ್ತು ಇಡೀ ಭಾರತೀಯ ಚಿತ್ರರಂಗ ತಿರುಗಿ ನೋಡುತ್ತಿದೆ. ಯಾರ್ ಗುರೂ.. ಈ ಪ್ರಶಾಂತ್ ನೀಲ್..? ಎಲ್ಲಿಯವ್ರು. ಇವರ ಬ್ಯಾಗ್​ಗ್ರೌಂಡ್ ಏನು..? ಹಿಂದೆ ಯಾವೆಲ್ಲಾ ಮೂವಿಗಳನ್ನು ಮಾಡಿದ್ದಾರೆ ಅಂತ ತಿಳಿದುಕೊಳ್ಳುತ್ತಿದ್ದಾರೆ. ಎಷ್ಟೋ ಜನ ಪ್ರಶಾಂತ್ ನೀಲ್ ಅವರನ್ನು ಗೂಗಲ್​ ನಲ್ಲಿ ಹುಡುಕುತ್ತಿದ್ದಾರೆ.

ಸಲಾಂ ವಿಜಯ್ ಕಿರಗಂದೂರ್

ಡೈರೆಕ್ಟರ್​ ಪ್ರಶಾಂತ್ ನೀಲ್ ತಮ್ಮ ಮೊದಲ ಚಿತ್ರ ಉಗ್ರಂನಲ್ಲೇ ಭರವಸೆ ಮೂಡಿಸಿದ್ದು ನಿಜ. ಆದರೆ, ಎರಡನೇ  ಚಿತ್ರವನ್ನೇ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮಾಡ್ತಾರೆ ಅನ್ನೋ ಕಾನ್ಫಿಡೆನ್ಸ್ ಯಾರಿಗೆ ತಾನೆ ಇರುತ್ತೆ? ಸಿನಿ ಗೆಲುವು ಅನ್ನೋದು ನೀರಿನ ಮೇಲಿನ ಗುಳ್ಳೆ ತರ. ಎಂಥೆಂಥಾ ದೊಡ್ಡ ದೊಡ್ಡ ಡೆರೆಕ್ಟರ್ ಗಳ ಸಿನಿಮಾಗಳೇ  ನೆಲಕಚ್ಚಿದ ಉದಾಹರಣೆಗಳಿವೆ. ಹೀಗಿರುವಾಗ ಯುವ ಡೈರೆಕ್ಟರ್ ನ 2ನೇ ಸಿನಿಮಾಕ್ಕೆ  ಕೋಟಿ ಕೋಟಿ ಬಂಡವಾಳ ಸುರಿಯುವ ಧೈರ್ಯ ಮಾಡೋದು ಇದೆಯಲ್ಲಾ..? ಅದು ಹುಡುಗಾಟಿಕೆ ಅಲ್ಲ..!

 ಆದರೆ ‘ರಾಜಕುಮಾರ’ ವಿಜಯ್ ಕಿರಗಂದೂರ್ ಅವರನ್ನು ಈ ವಿಷಯದಲ್ಲಿ ಮೆಚ್ಚಲೇ ಬೇಕು. ಪ್ರಶಾಂತ್ ನೀಲ್ ಅವರ ಮೇಲೆ. ಅವರ ಕಥೆ ಮೇಲೆ ಹಾಗೂ ಮನೆಮಗ ‘ರಾಮಾಚಾರಿ’ ರಾಕಿಂಗ್​ ಸ್ಟಾರ್ ಮೇಲೆ ನಂಬಿಕೆ ಇಟ್ಟು 80 ಕೋಟಿ ರೂಪಾಯಿಯನ್ನು ಕೆಜಿಎಫ್​ ಗೆ ಸುರಿದಿದ್ದು ನಿಜಕ್ಕೂ ಹೆಮ್ಮೆ ಪಡಬೇಕಾದ ವಿಷಯ.

ವಿಜಯ್ ಕಿರಗಂದೂರ್ ಅವರು ಇಷ್ಟೊಂದು ದೊಡ್ಡ ಬಜೆಟ್ ಅನ್ನು ಕೆಜಿಎಫ್​ಗೆ ನೀಡದೇ ಇದ್ದಿದ್ದರೆ ಇವತ್ತು  ಸ್ಯಾಂಡಲ್​ವುಡ್ ನ ಈ ಕೆಜಿಎಫ್ ಅನ್ನೋ ಸಿನಿಮಾ ವರ್ಲ್ಡ್ ವೈಡ್ ಅಬ್ಬರಿಸೋಕೆ ಚಾನ್ಸೇ ಇರ್ತಿರ್ಲಿಲ್ಲ. ಫಸ್ಟ್ ಟೈಮ್ ಇನ್​ ದಿ ಹಿಸ್ಟರಿ ಕನ್ನಡದ ಸಿನಿಮಾವೊಂದು 5 ಭಾಷೆಗಳಲ್ಲಿ. ಅದರಲ್ಲೂ ಏಕಕಾಲದಲ್ಲಿ ರಿಲೀಸ್ ಆಗಿದೆ ಅಂದ್ರೆ ಅದು ಪ್ರೊಡ್ಸೂಸರ್ ವಿಜಯ್​ ಕಿರಂಗದೂರ್ ಅವರ ಸಾಹಸ ಅಂದ್ರೆ ತಪ್ಪಾಗಲ್ಲ.

 ಕಿರಂಗದೂರ್ ಕಥೆ ಓಕೆ, ಸ್ಯಾಂಡಲ್​ವುಡ್ ಆಚೆಗೆ ಯಾಕೆ ಅಂತ ಚಿಕ್ಕ ಬಜೆಟ್ ಮೂವಿಗೆ ಕೈ ಹಾಕಿ. ದೊಡ್ಡ ಸಿನಿಮಾ ಮಾಡುವ ಚಾಲೆಂಜ್ ಅನ್ನು ತನಗೆ ತಾನೇ ಸ್ವೀಕರಿಸದೇ ಇದ್ದಿದ್ದರೆ, ಕೆಜಿಎಫ್  ಈ ಮಟ್ಟದ ಯಶಸ್ಸು ಪಡೀತಾ ಇರಲಿಲ್ಲ.  ಸ್ಯಾಂಡಲ್​ವುಡ್ ಬ್ರಾಂಡ್​ ವ್ಯಾಲ್ಯೂ ಕೂಡ ಏಕಾಏಕಿ ಇಷ್ಟೊಂದು ಹೆಚ್ಚುತ್ತಿರಲಿಲ್ಲ. ಇದಕ್ಕಾಗಿ ನಾವು ಕೆಜಿಎಫ್ ರಿಯಲ್ ಸ್ಟಾರ್ ವಿಜಯ್ ಕಿರಗಂದೂರ್ ಅವರಿಗೆ ಬಿಗ್ ಸೆಲ್ಯೂಟ್ ಹೊಡಿಲೇ ಬೇಕು.

ಇನ್ನು ಈ ಕೆಜಿಎಫ್ ಗೆಲುವಿನಲ್ಲಿ ರಾಕಿಂಗ್ ಸ್ಟಾರ್ ಯಶ್,  ಚಿತ್ರಕ್ಕೆ ಬಣ್ಣ ಹಚ್ಚಿದ ಪ್ರತಿಯೊಬ್ಬರ ನಟನೆ, ಕಥೆ, ಚಿತ್ರಕಥೆ, ಸ್ಕ್ರೀನ್​ಪ್ಲೇ, ಚಿತ್ರ ನೆರೇಷನ್ ಎಲ್ಲದರ ಪಾತ್ರವೂ ಇದೆ. ಅಷ್ಟೇ ಅಲ್ಲ ಚಿತ್ರದ ಮೇಕಿಂಗ್ ಗೆ ಕಳೆದು ಹೋಗುತ್ತೀವಿ. ಭುವನ್ ಗೌಡ ಸಿನಿಮಾಟೋಗ್ರಫಿಯಂತೂ ಚಿಂದಿ. ರವಿ ಬಸ್ರೂರ್ ಅವರ ಸಂಗೀತ ಕೆಜಿಎಫ್ ಶಕ್ತಿ.  ಶ್ರೀಕಾಂತ್ ಅವರ ಎಡಿಟಿಂಗ್ ಕೂಡ ಸೂಪರ್.   ಟೆಕ್ನಿಕಲ್ ಆಗಿಯೂ ಸಿನಿಮಾ ಸಿಕ್ಕಾಪಟ್ಟೆ ರಿಚ್ ಆಗಿದೆ. ಹೀಗಾಗಿ ಕೆಜಿಎಫ್  ಟೀಮ್​ ನಲ್ಲಿ ದುಡಿದ ಪ್ರತಿಯೊಬ್ಬರೂ ಹೀರೋಗಳೇ… ಈ ತೆರೆಮರೆಯ ಹೀರೋಗಳಿಗೂ ನಮ್ಮದೊಂದು ಸಲಾಂ.

ವಿಜಯ್ ದೇವರಕೊಂಡ ನೋವನ್ನೂ ಸೆಲೆಬ್ರೇಟ್​ ಮಾಡಿ ಅಂದಿದ್ಯಾಕೆ?

0

ಇತ್ತೀಚೆಗೆ ಟಾಲಿವುಡ್​ನಲ್ಲಿ ಬೇಡಿಕೆಯಲ್ಲಿರುವ ನಟ ವಿಜಯ್ ದೇವರಕೊಂಡ ನೋವನ್ನೂ ಸೆಲಬ್ರೇಟ್​ ಮಾಡಿ ಅಂತ ಇನ್​​ಸ್ಟಾಗ್ರಾಮ್​ನಲ್ಲಿ ಬರೆದುಕೊಂಡಿದ್ದಾರೆ. ಇದೇನು ಹೀಗೆ ಬರೆದಿದ್ದಾರೆ ಅಂತ ಆಶ್ಚರ್ಯ ಆಗ್ತಿದ್ಯಾ..? “ನೋವನ್ನು ಸೆಲೆಬ್ರೇಟ್​ ಮಾಡಿ, ಯಾಕೆ ಅಂದ್ರೆ ಯಾವುದೂ ಸುಲಭವಾಗಿ ಸಿಗಲ್ಲ” ಅಂತ ಕಾರಣ ಕೊಟ್ಟಿದ್ದಾರೆ ವಿಜಯ್.

ವಿಜಯ್ ತಮ್ಮ ಹೊಸ ಚಿತ್ರ ‘ಡಿಯರ್​ ಕಾಮ್ರೆಡ್​’ ಫೈಟಿಂಗ್ ಸೀನ್​ ಶೂಟಿಂಗ್​ ವೇಳೆ ಎಡಗೈಗೆ ಪೆಟ್ಟು ಮಾಡಿಕೊಂಡಿದ್ದಾರೆ. ಆಂಧ್ರದ ಕಾಕಿನಾಡಿನಲ್ಲಿ ‘ಡಿಯರ್ ಕಾಮ್ರೆಡ್ ಚಿತ್ರೀಕರಣದಲ್ಲಿ ಮೂರು ವಾರಗಳಿಂದ ವಿಜಯ್ ಬ್ಯುಸಿಯಾಗಿದ್ದರು. ಶೂಟಿಂಗ್ ವೇಳೆ ಫೈಟಿಂಗ್ ದೃಶ್ಯ ಚಿತ್ರಿಕರಿಸುವಾಗ ಎಡಗೈಗೆ ಬಲವಾಗಿ ಪೆಟ್ಟು ಬಿದ್ದಿದೆ. ವಿಜಯ್ ತಾವು ಗಾಯಗೊಂಡಿರುವ ವಿಷಯವನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಚಿತ್ರದ ಜೊತೆಗೇ “ನಿಮ್ಮ ನೋವನ್ನೂ ಸೆಲೆಬ್ರೇಟ್ ಮಾಡಿ. ಯಾಕಂದ್ರೆ ಜೀವನದಲ್ಲಿ ಯಾವುದೂ ಸುಲಭವಾಗಿ ಬರಲ್ಲ” ಅಂತ ಬರೆದುಕೊಂಡಿದ್ದಾರೆ.

ಘಟನೆಯಲ್ಲಿ ಹೆಚ್ಚಿಗೆ ಅಪಾಯವೇನು ಸಂಭವಿಸಿಲ್ಲ. ಸದ್ಯ ವೈದ್ಯರು ಒಂದು ದಿನದ ಮಟ್ಟಿಗೆ ವಿಶ್ರಾಂತಿ ತೆಗೆದುಕೊಳ್ಳುವಂತೆ ವಿಜಯ್​ಗೆ ಸೂಚಿಸಿದ್ದಾರೆ. ಗೀತಾ ಗೋವಿಂದಂ ಚಿತ್ರದ ಯಶಸ್ಸಿನ ಬಳಿಕ  ವಿಜಯ್ ಹಾಗೂ ರಶ್ಮಿಕಾ ‘ಡಿಯರ್ ಕಾಮ್ರೆಡ್’ ಚಿತ್ರದಲ್ಲಿ ಮತ್ತೆ ಜೊತೆಯಾಗಿ  ತೆರೆ ಹಂಚಿಕೊಳ್ಳುತ್ತಿದ್ದಾರೆ.

ಪವನ್ ಕಲ್ಯಾಣ್ ಯಾವ್ದೇ ಸಿನಿಮಾ ಮಾಡಲ್ಲ.. ಅಸಲಿ ಕಾರಣ ಇದು..!

0

ಲೋಕಸಭಾ ಎಲೆಕ್ಷನ್ ಫಸ್ಟ್…ಆಮೇಲೇನಿದ್ರು ಸಿನಿಮಾ ಬಗ್ಗೆ ಯೋಚನೆ ಮಾಡೋದು ಅಂತ ಟಾಲಿವುಡ್ ಸ್ಟಾರ್ ನಟ ಪವನ್ ಕಲ್ಯಾಣ್ ತಿಳಿಸಿದ್ದಾರೆ.
ಪವನ್ ಕಲ್ಯಾಣ್ ಹೊಸ ಸಿನಿಮಾಕ್ಕೆ ಸಹಿ ಮಾಡಿದ್ದಾರೆ. ಎಲೆಕ್ಷನ್ ಗೂ ಮುನ್ನ ಸಿನಿಮಾವೊಂದರಲ್ಲಿ ನಟಿಸ್ತಾರೆ ಅಂತ ಸುದ್ದಿ ಹಬ್ಬಿತ್ತು. ಈ ಬಗ್ಗೆ ಸ್ವತಃ ಪವನ್ ಕಲ್ಯಾಣ್ ಅವರೇ ಸ್ಪಷ್ಟನೆ ನೀಡಿದ್ದಾರೆ.
‘ನಾನು ಹೊಸ ಚಿತ್ರಕ್ಕೆ ಸಹಿ ಮಾಡಿದ್ದೀನಿ ಅಂತ ಸುದ್ದಿಯೊಂದು ಹರಿದಾಡ್ತಿದೆ. ಇದು ಶುದ್ಧ ಸುಳ್ ಸುದ್ದಿ. ನಂಗೆ ಸಿನಿಮಾದಲ್ಲಿ ನಟಿಸೋಕೆ ಸದ್ಯಕ್ಕೆ ಟೈಮ್ ಇಲ್ಲ. ನಾನು ಲೋಕಸಭಾ ಎಲೆಕ್ಷನ್ ಮುಗಿಯೋ ತನಕ ಯಾವ್ದೇ ಸಿನಿಮಾ ಮಾಡಲ್ಲ. ಸಂಪೂರ್ಣವಾಗಿ ರಾಜಕೀಯದಲ್ಲಿ ತೊಡಗಿಸಿ ಕೊಳ್ಳೋಕೆ ಉದ್ದೇಶಿಸಿದ್ದೇನೆ” ಅಂತ ತಿಳಿಸಿದ್ದಾರೆ.
ಪವನ್ ಕಲ್ಯಾಣ್ 2014ರಲ್ಲಿ ಜನಸೇನಾ ಪಾರ್ಟಿ ಸ್ಥಾಪನೆ ಮೂಲಕ ರಾಜಕೀಯರಂಗಕ್ಕೆ ಅಧಿಕೃತ ಎಂಟ್ರಿಕೊಟ್ಟಿದ್ದರು. 2018 ಜನವರಿ 9ರಂದು ರಿಲೀಸ್ ಆದ ‘ಅಜ್ಞಾತವಾಸಿ’ ಪವನ್ ಕಲ್ಯಾಣ್ ಅವರ ಕೊನೇ ಸಿನಿಮಾ ಆಗಿದೆ.

ಸ್ಯಾಂಡಲ್ ವುಡ್ ಗಿಂತ ಟಾಲಿವುಡ್ ನಲ್ಲೇ ಹೆಚ್ಚಿದೆ ‘ಕೆಜಿಎಫ್’ ಹವಾ..!

0

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ‘ಕೆಜಿಎಫ್’ ಚಿತ್ರದ ಟ್ರೇಲರ್ ಲಾಂಚ್ ಆಗಿದೆ. ರೆಬಲ್ ಸ್ಟಾರ್ ಅಂಬರೀಶ್ 5 ಭಾಷೆಗಳಲ್ಲಿರೋ ಟ್ರೇಲರ್ ಅನ್ನು ರಿಲೀಸ್ ಮಾಡಿದ್ರು.
ಟ್ರೇಲರ್ ಲಾಂಚ್ ಮಾಡಿದ ಅಂಬರೀಶ್, ಕೆಜಿಎಫ್ ಬರೀ ಕರ್ನಾಟಕ ಮಾತ್ರವಲ್ಲ. ಇಡೀ ಪ್ರಪಂಚ ಸಿನಿಮಾವನ್ನು ಗುರುತಿಸುತ್ತೆ. ಸಿನಿಮಾ ಮಾಡುವಾಗ, ಪ್ರತಿ ಟೈಟಲ್ ಗಳಿಗೂ ಅದರದ್ದೇ ಅರ್ಥ ಇರುತ್ತೆ. ಆದ್ರೆ ಇದೀಗ ಅದು ಬದಲಾಗಿದೆ. ಕೆಜಿಎಫ್ ಅಂದ್ರೆ ಕೋಲಾರದ ಕೆಜಿಎಫ್ ಗೋಲ್ಡ್ ಅಂತ ಮನಸ್ಸಿಗೆ ಬರುತ್ತೆ. ಆದ್ರೆ ಈ ಕೆಜಿಎಫ್ ಸ್ವಲ್ಪ ವಿಭಿನ್ನವಾಗಿದೆ ಅಂದ್ರು. ಟ್ರೇಲರ್ ಬಹಳಾ ಕುತೂಹಲ ಹೆಚ್ಚಿಸಿದೆ, ಯಶ್ ಮತ್ತು ಅವ್ರ ತಂಡಕ್ಕೆ ಶುಭವಾಗಲಿ ಅಂತ ಹೇಳಿದ್ರು.
ಬಾಲಿವುಡ್ ಡೈರೆಕ್ಟರ್ ಫರಾನ್ ಅಕ್ತಾರ್, ತಮಿಳು ನಟ ವಿಶಾಲ್ ಸೇರಿದಂತೆ ಪರ ಭಾಷೆಯ ಸ್ಟಾರ್ ಗಳೂ ಕೂಡ ಕೆಜಿಎಫ್ ಗೆ ವಿಶ್ ಮಾಡಿದ್ದಾರೆ.
ಪ್ರಶಾಂತ್ ನೀಲು ಆ್ಯಕ್ಷನ್ ಕಟ್ ಹೇಳಿರೋ ಕೆಜಿಎಫ್ ಕನ್ನಡ, ತಮಿಳು, ಹಿಂದಿ, ತೆಲುಗು, ಮಲೆಯಾಳಂ ಭಾಷೆಗಳಲ್ಲಿ ರಿಲೀಸ್ ಆಗುತ್ತಿದೆ. ಈ 5 ಭಾಷೆಗಳಲ್ಲೂ ಟ್ರೇಲರ್ ರಿಲೀಸ್ ಆಗಿದೆ. ವಿಶೇಷವೆಂದ್ರೆ ಟ್ರೇಲರ್ ಕನ್ನಡಕ್ಕಿಂತ ವೇಗವಾಗಿ ತೆಲುಗಿನಲ್ಲಿ ಓಡ್ತಿದೆ. ರಿಲೀಸ್ ಆಗಿ ಗಂಟೆ ಆಗುವ ಮುನ್ನ ಕನ್ನಡಲ್ಲಿ ಸುಮಾರು 24 ಸಾವಿರ ಮಂದಿ ವೀಕ್ಷಣೆ ಮಾಡಿದ್ದು, ತೆಲುಗಿನಲ್ಲಿ 1ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ.

Popular posts