Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Sunday, February 24, 2019

ಮೀನುಗಾರರ ಪತ್ತೆ ಇಲ್ಲ: ಇಂದು ಮಲ್ಪೆ ಬಂದರು ಸಂಪೂರ್ಣ ಬಂದ್​

0

ಅರಬ್ಬೀ ಸಮುದ್ರದಲ್ಲಿ 7 ಮೀನುಗಾರರ ನಾಪತ್ತೆ ಪ್ರಕರಣಕ್ಕೆ ಸಂಬಂಧಿಸಿ ಮಲ್ಪೆ ಬಂದರಿನಲ್ಲಿ ಮೀನುಗಾರರು ಸಂಪೂರ್ಣ ಬಂದ್​ಗೆ ಕರೆ ನೀಡಿದ್ದಾರೆ. ನಾಪತ್ತೆಯಾದ ಮೀನುಗಾರರ ಹುಡುಕಾಟದಲ್ಲಿ ಸರ್ಕಾರ ವಿಫಲವಾಗಿದೆ ಅಂತ ಆರೋಪಿಸಿ ಮೀನುಗಾರರು ಬಂದ್​ ಮಾಡಿದ್ದಾರೆ. ಬಂದ್ ಕಾರಣ ಬೋಟುಗಳು ಸಮುದ್ರಕ್ಕೆ ತೆರಳದೆ ಬಂದರಿನಲ್ಲೇ ಲಂಗರು ಹಾಕಿವೆ. ಮೀನುಗಾರರನ್ನು ಹುಡುಕುವಲ್ಲಿ ರಾಜ್ಯ ಮತ್ತು ಕೇಂದ್ರ ಸರ್ಕಾರ ವಿಫಲವಾಗಿರುವ ಕುರಿತು ಮೀನುಗಾರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಈ ಸಂಬಂಧ ಮಲ್ಪೆ ಬಂದರಿನಿಂದ ಜಾಥಾ ನಡೆಯಲಿದ್ದು ಸುಮಾರು 25 ಸಾವಿರಕ್ಕೂ ಹೆಚ್ಚು ಜನ ಜಾಥಾದಲ್ಲಿ ಭಾಗವಹಿಸಲಿದ್ದಾರೆ.

‘ಸುವರ್ಣ ತ್ರಿಭುಜ’ ಹೆಸರಿನ ಮೀನುಗಾರಿಕಾ ಬೋಟ್ ಮಲ್ಪೆಯಿಂದ ಮೀನುಗಾರಿಕೆಗೆ ತೆರಳಿತ್ತು. ಮೀನುಗಾರರಿಗಾಗಿ ನೌಕಾ ಸೇನೆ , ಕೋಸ್ಟಲ್​ ಗಾರ್ಡ್ ಸಿಬ್ಬಂದಿ ಗೋವಾ, ಮಹಾರಾಷ್ಟ್ರ ಗಡಿಯಲ್ಲಿ ಹುಡುಕಾಟ ಮುಂದುವರಿಸಿದ್ದಾರೆ. ಉಡುಪಿ, ಮಂಗಳೂರು, ಕಾರವಾರ ಮೀನುಗಾರರು ಗೂಗಲ್ ಮ್ಯಾಪ್ ಮತ್ತು ಹೆಲಿಕಾಪ್ಟರ್ ಸಹಾಯ ಪಡೆದು ಶೋಧ ಕಾರ್ಯ ನಡೆಸುತ್ತಿದ್ದಾರೆ.

ಕರಾವಳಿ ಉತ್ಸವದಲ್ಲಿ ಕೈಕೊಡ್ತು ಕರೆಂಟ್, ಬೈಕ್​ಹೆಡ್​ಲೈಟ್​ ಬೆಳಕಲ್ಲೇ ನಡೀತು ಕಾರ್ಯಕ್ರಮ..!

0

ಪ್ರತಿ ವರ್ಷ ಕೊನೆಯಲ್ಲಿ ನಡೆಯುವ ಫೇಮಸ್​ ಕರಾವಳಿ ಉತ್ಸವದಲ್ಲಿ ಕರೆಂಟ್​ ಕೈಕೊಟ್ಟಿದೆ. ನಿನ್ನೆ ರಾತ್ರಿ ಬೈಕ್ ಹೆಡ್ ಲೈಟ್​ ಬೆಳಕಿನಲ್ಲಿಯೇ ಕಲಾವಿದರು ಪ್ರದರ್ಶನ ನೀಡಿದ ಘಟನೆ ನಡೆದಿದೆ.

ಡಿಸೆಂಬರ್ 21 ರಂದು ಕರಾವಳಿ ಉತ್ಸವವು ಮಂಗಳೂರಿನ ಮೈದಾನದಲ್ಲಿ ಚಾಲನೆ ಪಡೆದಿತ್ತು.  ಆದರೆ ನಿನ್ನೆ ದಿನ ರಂಗಸಂಗಾತಿ ಕಲಾವಿದರು ತಮ್ಮ ಕಾಯರ್ಕ್ರಮದ ಸಮಯಕ್ಕೆ ಸಿದ್ಧರಿದ್ದರೂ, ಲೈಟ್ ವ್ಯವಸ್ಥೆಯಿಲ್ಲದೇ ಕಲಾವಿದರು ಪ್ರದರ್ಶನ ನೀಡಲು ಹಿಂದೇಟು ಹಾಕಿದ್ದರು. ‌ಆದರೆ ಪ್ರೇಕ್ಷಕರು ಎದ್ದು ಹೋಗುವುದನ್ನು ಗಮನಿಸಿದ ಕಲಾವಿದರು, ಪ್ರೇಕ್ಷಕರನ್ನು ನಿರಾಸೆಗೊಳಿಸಬಾರದು ಅನ್ನೋ ಕಾರಣಕ್ಕಾಗಿ ಕತ್ತಲಲ್ಲೇ ರಂಗಗೀತೆ ಹಾಗೂ ಜಾನಪದ ಗೀತೆಗಳ ಗಾಯನ ಪ್ರದರ್ಶನ ಆರಂಭಿಸಿದ್ದರು. ಬಳಿಕ ಪ್ರೇಕ್ಷಕರೊಬ್ಬರು ಬೈಕ್​ನ ಹೆಡ್​ಲೈಟ್​​ನ್ನು ವೇದಿಕೆಗೆ ಹರಿಸಿ ಬೆಳಕು ನೀಡಿದರು. ಜರೇಟರ್​ನ ಡೀಸೆಲ್ ಮುಗಿದಿದ್ದೇ ಲೈಟ್ ವ್ಯವಸ್ಥೆ ಕೈಕೊಡಲು ಕಾರಣ ಅಂತ ಹೇಳಲಾಯಿತು. ಆದರೆ ಲೈಟ್ ವ್ಯವಸ್ಥೆ ಆಗದಿರುವುದಕ್ಕೆ ಯಾರು ಹೊಣೆಗಾರರು ಅನ್ನೋದು ಈಗ ಚರ್ಚೆಗೆ ಕಾರಣವಾಗಿದೆ.

ದಕ್ಷಿಣ ಕನ್ನಡ ಜಿಲ್ಲಾಡಳಿತ ಪ್ರತಿವರ್ಷವೂ ಕರಾವಳಿ ಉತ್ಸವ ಆಯೋಜಿಸುತ್ತಿದ್ದು, ಈ ವರುಷ ಅತ್ಯಂತ ಕಳಪೆ ಹಾಗೂ ತರಾತುರಿಯ ವ್ಯವಸ್ಥೆ ಮಾಡಲಾಗಿದೆ ಅನ್ನೋ ಆರೋಪ ಕೇಳಿಬಂದಿದೆ. ಅಲ್ಲದೇ ಉದ್ಘಾಟನಾ ದಿನದಂದೇ ಕರಾವಳಿ ಕರ್ನಾಟಕ ಜನಾಭಿವೃದ್ಧಿ ವೇದಿಕೆಯಡಿ ಸಾಮಾಜಿಕ ಕಾರ್ಯಕರ್ತೆ ವಿದ್ಯಾ ದಿನಕರ್ ನೇತೃತ್ವದಲ್ಲಿ ಕರಾವಳಿ ಉತ್ಸವ ವಿರೋಧಿಸಿ ಪ್ರತಿಭಟನೆ ನಡೆಸಲಾಗಿತ್ತು.‌

ಕರಾವಳಿ ಉತ್ಸವಕ್ಕೆ ಚಾಲನೆ: ಜಿಲ್ಲೆಯಲ್ಲಿ ಸಂಭ್ರಮ

0

ಮಂಗಳೂರಿನಲ್ಲಿ ವರ್ಷಾಂತ್ಯಕ್ಕೆ ನಡೆಯುವ ಕರಾವಳಿ ಉತ್ಸವಕ್ಕೆ ನಿನ್ನೆ ವೈಭವದ ಚಾಲನೆ ದೊರೆತಿದೆ.  ಕರಾವಳಿ ಉತ್ಸವ ಮೈದಾನದಲ್ಲಿ ನಡೆದ ಕಾರ್ಯಕ್ರಮಕ್ಕೆ ಖ್ಯಾತ  ಸಂಗೀತ ನಿರ್ದೇಶಕ ಗುರುಕಿರಣ್ ಅವರು  ಚಾಲನೆ ನೀಡಿದರು.

ಉದ್ಘಾಟನಾ ಕಾರ್ಯಕ್ರಮದಲ್ಲಿ ದಕ್ಷಿಣ ಕನ್ನಡ ಉಸ್ತುವಾರಿ ಸಚಿವ ಯು ಟಿ ಕಾದರ್, ಜಿಲ್ಲಾಧಿಕಾರಿ ಸಸಿಕಾಂತ್ ಸೆಂಥಿಲ್ , ಮೇಯರ್ ಭಾಸ್ಕರ್ ಮೊಯ್ಲಿ ಸೇರಿ ಅನೇಕ ಗಣ್ಯರು ಭಾಗವಹಿಸಿದ್ದರು. 10 ದಿನಗಳ ಕಾಲ ಜಿಲ್ಲಾಡಳಿತ ವತಿಯಿಂದ ಮಂಗಳೂರಿನ ಕರಾವಳಿ ಉತ್ಸವ ಮೈದಾನ, ಕದ್ರಿ ಪಾರ್ಕ್ ಹಾಗೂ ಪಣಂಬೂರು ಬೀಚ್​ನಲ್ಲಿ ವಿವಿಧ ಕಾರ್ಯಕ್ರಮಗಳು ನಡೆಯಲಿದೆ. ಉದ್ಘಾಟನೆಗೂ  ಮುನ್ನ ಮಂಗಳೂರಿನ ನೆಹರೂ ಮೈದಾನದಿಂದ ಕೆ.ಎಸ್. ರಾವ್ ರಸ್ತೆ ಮಾರ್ಗವಾಗಿ ಕರಾವಳಿ ಉತ್ಸವ ಮೈದಾನದವರೆಗೆ ಸುಮಾರು 3 ಕಿಲೋ ಮೀಟರ್ ಮೆರವಣಿಗೆ ನಡೆದಿದ್ದು, ಮೆರವಣಿಗೆಯಲ್ಲಿ ವೀರಗಾಸೆ, ಡೊಳ್ಳು ಕುಣಿತ, ಯಕ್ಷಗಾನ, ಹುಲಿವೇಷ, ಕೋಲಾಟ, ಹಾಗೂ ಟ್ಯಾಬ್ಲೋಗಳ ಸಹಿತ ಸುಮಾರು 75 ರಷ್ಟು ಕಲಾ ಪ್ರಕಾರಗಳು ಸಾಗಿ ಬಂದಿದ್ದು ವಿಶೇಷವಾಗಿತ್ತು.

ಗಣಿತ ಪಾಠ ಮಾಡಿದ್ರು ಮಾಜಿ ಎಂಎಲ್​ಎ ವೈ.ಎಸ್​.ವಿ ದತ್ತಾ..!

0

ಮಂಗಳೂರು: ಮಾಜಿ ಶಾಸಕ ವೈ.ಎಸ್.ವಿ ದತ್ತಾ ಸ್ವಲ್ಪ ಹೊತ್ತಿಗೆ ಗಣಿತ ಮೇಷ್ಟ್ರಾಗಿ ಬದಲಾದ್ರು. ಹೇಗೆ ಅಂತೀರಾ ಪುತ್ತೂರಿನ ಆಯಿಶಾ ವಿದ್ಯಾಸಂಸ್ಥೆಯ ನೂರಾರು ವಿದ್ಯಾರ್ಥಿಗಳಿಗೆ ಗಣಿತ ಹೇಳ್ಕೊಟ್ಟಿದ್ದಾರೆ ಮಾಜಿ ಶಾಸಕ ದತ್ತಾ.

ರಾಜಕಾರಣಿಯಾದ್ರೂ ಶಿಕ್ಷಕ ವೃತ್ತಿ ಮರೆಯದ ವೈಎಸ್​ವಿ ದತ್ತಾ ಸಿಂಪಲ್ಲಾಗಿ ಗಣಿತ ಪಾಠ ಮಾಡಿದ್ರು. ವಾರ್ಷಿಕೋತ್ಸವ ಕಾರ್ಯಕ್ರಮ ನಿಮಿತ್ತ ಸಂಸ್ಥೆಗೆ ಆಗಮಿಸಿದ್ದ ಮಾಜಿ ಶಾಸಕರು, ಅರ್ಥಗಂಟೆಗಳ ಕಾಲ ಪಾಠ ಮಾಡಿದ್ರು. ನನ್ನನ್ನು ರಾಜಕಾರಣಿಯಾಗಿ ಕಾಣಬೇಡಿ, ಮೇಷ್ಟ್ರಾಗಿ ಕಾಣಿ ಎಂದು ಮಕ್ಕಳಲ್ಲಿ ಮನವಿ ಮಾಡಿಕೊಂಡ ದತ್ತಾ ಭಾಷಣ ಬದಲು ಗಣಿತ ಪಾಠ ಮಾಡಿದ್ದಾರೆ. ಚಾಕ್ ಪೀಸು, ಡಸ್ಟರ್ ಹಿಡಿದು ಅರ್ಧ ಗಂಟೆ ಕಾಲ ಗಣಿತ ಪಾಠ ಮಾಡಿದ್ದಾರೆ.

ಸಿಂಪಲ್ ಮ್ಯಾತ್ ಮ್ಯಾಟಿಕ್ಸ್ ಹೇಳಿಕೊಟ್ಟ ದತ್ತಾ, ಶಿಕ್ಷಕ ವರ್ಗದೊಂದಿಗೂ ಚರ್ಚೆ ನಡೆಸಿದ್ದಾರೆ. ರಾಜಕಾರಣಿಯಾದ್ರೂ ಶಿಕ್ಷಕ ವೃತ್ತಿ ಮರೆಯದ ವೈಎಸ್​ವಿ ದತ್ತಾ ಸರಳತೆಗೆ ಆಯಿಶಾ ವಿದ್ಯಾಸಂಸ್ಥೆ ಸಾಕ್ಷಿಯಾಯಿತು.

ರಸ್ತೆ ಕೊಡಿ ಇಲ್ಲವೇ ದಯಾಮರಣಕ್ಕೆ ಅವಕಾಶ ನೀಡಿ..!

0

ಮಂಗಳೂರು : ನಮಗೆ ನಡೆದಾಡಲು ರಸ್ತೆ ಕೊಡಿ ಇಲ್ಲವೇ ರಾಜ್ಯ ಸರ್ಕಾರ ದಯಾಮರಣಕ್ಕೆ ಅವಕಾಶ ಕಲ್ಪಿಸಿಕೊಡಲಿ ಅಂತ ಮಂಗಳೂರು ಹೊರವಲಯ ಮರವೂರು ಗ್ರಾಮಸ್ಥರು ಆಗ್ರಹಿಸುತ್ತಿದ್ದಾರೆ.
ಕಳೆದ ಏಳು ವರ್ಷಗಳಿಂದ ನಡೆದಾಡಲು ಸಮರ್ಪಕ ದಾರಿಯಿಲ್ಲದೇ ಪರದಾಡುತ್ತಿರೋ ಮರವೂರು ಗ್ರಾಮಸ್ಥರ ಅಳಲು ಇದು. ಆರು ವರ್ಷಗಳ ಹಿಂದೆ ಈ ಗ್ರಾಮದಲ್ಲಿ ಎರಡನೇ ಹಂತದ ರೈಲ್ವೇ ಹಳಿಯ ವಿಸ್ತರಣೆ ಕಾಮಗಾರಿ ಆರಂಭವಾಗಿತ್ತು. ಅಂದಿನಿಂದ ಈ ವಿಸ್ತರಣೆ ಕಾಮಗಾರಿಯು ಜನಸಾಮಾನ್ಯರು ನಡೆದಾಡಿಕೊಂಡು ಹೋಗುತ್ತಿದ್ದ ರಸ್ತೆಯಲ್ಲೇ ಆರಂಭವಾಗಿದ್ದರ ಪರಿಣಾಮ ಜನತೆ ಇದೀಗ ಮನೆಗೆ ತಲುಪಲು ರೈಲು ಹಳಿಯ ಮೇಲೆಯೇ ನಡೆದಾಡುವಂತಾಗಿದೆ. ಅಲ್ಲದೇ ಈ ಬಗ್ಗೆ ಹಲವು ಬಾರಿ ಸ್ಥಳೀಯ ಶಾಸಕ, ಸಂಸದರಿಗೆ ಹೇಳಿದ್ರೂ ಪ್ರಯೋಜನವಾಗಿಲ್ಲ,
ಸಂಸದ ನಳಿನ್ ಕುಮಾರ್ ಕಟೀಲ್ ಒಂದೆರಡು ಬಾರಿ ಇಲ್ಲಿಗೆ ಆಗಮಿಸಿ ತೆರಳಿದ್ದಾರೆ ಹೊರತು ಸೂಕ್ತವಾಗಿ ಸ್ಪಂದಿಸಿಲ್ಲ. ಇನ್ನೊಂದೆಡೆ ರೈಲ್ವೇ ಅಧಿಕಾರಿಗಳು ನಿಮಗೆ ಮಾರ್ಗ ಬೇಕಿದ್ದರೆ ಒಂದೂವರೆ ಕೋಟಿ ಅಂತ ಡಿಮ್ಯಾಂಡ್ ಇಡುತ್ತಿದ್ದಾರೆ. ಸುಮಾರು 55 ಮನೆಯನ್ನು ಸಂಪರ್ಕಿಸುವ ಮಾರ್ಗವನ್ನು ರೈಲ್ವೇ ಇಲಾಖೆ ತನ್ನ ಉಪಯೋಗಕ್ಕೆ ಬಳಸಿದ್ರಿಂದ ಸದ್ಯ ನಡೆಯುತ್ತಿರುವ ಮಂಗಳೂರು- ಮುಂಬೈ ರೈಲ್ವೇ ಹಳಿಯ ಮೇಲೆಯೇ ಶಾಲಾ ಮಕ್ಕಳು, ವೃದ್ಧರು ನಡೆದಾಡುವಂತಾಗಿದೆ. ಅದಲ್ಲದೇ ಮುಂದಿನ ಫೆಬ್ರವರಿ ಆರಂಭಕ್ಕೆ ಕಾಮಗಾರಿ ನಡೆಯುತ್ತಿರುವ ರೈಲು ಹಳಿಯಲ್ಲಿ ಎಲೆಕ್ಟ್ರಿಕ್ ರೈಲುಗಳ ಓಡಾಟ ಆರಂಭವಾಗಲಿದೆ ಎನ್ನಲಾಗಿದೆ. ರೈಲು ಓಡಾಟ ಆರಂಭವಾದ ಬಳಿಕ ರೈಲ್ವೇ ಹಳಿಯ ಮೇಲೆ ತಮ್ಮ ಮಕ್ಕಳನ್ನು ಹೇಗಪ್ಪಾ ಕಳಿಸೋದು ಅಂತಾ ಈ ಭಾಗದ ಜನ ಚಿಂತಾಕ್ರಾಂತರಾಗಿದ್ದಾರೆ,. ಆದ್ದರಿಂದ ಒಂದೋ ರಸ್ತೆ ಕೊಡಿ, ಇಲ್ಲವೇ ದಯಾಮರಣ ಕಲ್ಪಿಸಿ ಅಂತಾ ಅಂಗಾಲಾಚುತ್ತಿದ್ದಾರೆ.

ಪ್ರಿಯಕರನ ಎದುರೇ ಯುವತಿ ಮೇಲೆ ಗ್ಯಾಂಗ್ ರೇಪ್..! ಮಂಗಳೂರಲ್ಲೊಂದು ‘ನಿರ್ಭಯಾ’ ಘಟನೆ..!

0

ಮಂಗಳೂರಲ್ಲೊಂದು ‘ನಿರ್ಭಯಾ’ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ಕಾಮುಕರು ಪ್ರಿಯಕರನ ಎದುರೇ ಯುವತಿ ಮೇಲೆ ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ. ಮಂಗಳೂರಿನ ತಣ್ಣೀರು ಬಾವಿಯ ತೋಟಬೆಂಗ್ರೇ ಬೀಚ್​ಗೆ ಪ್ರೇಮಿಗಳು ತೆರಳಿದ್ದಾಗ ಅಲ್ಲಿದ್ದ ಮಾದಕ ವ್ಯಸನಿಗಳು ಯುವತಿಯ ಮೇಲೆ ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ.ಯುವತಿಯ ಜೊತೆಗಿದ್ದ ಯುವಕನಿಗೆ ಹಿಗ್ಗಾಮುಗ್ಗ ಥಳಿಸಿ ಯುವತಿಗೆ ಕೊಲೆ ಬೆದರಿಕೆ ಹಾಕಿ ಅತ್ಯಾಚಾರ ಮಾಡಲಾಗಿದೆ ಅಂತ ನೊಂದ ಯುವತಿ ಪಣಂಬೂರು ಪೊಲೀಸ್​ ಠಾಣೆಗೆ ದೂರು ನೀಡಿದ್ದಾರೆ. ತಕ್ಷಣ ಎಚ್ಚೆತ್ತ ಮಂಗಳೂರು ಪೊಲೀಸರು ಎಫ್​ಐಆರ್​ ದಾಖಲಿಸಿಕೊಂಡು ಇಬ್ಬರು ಅಪ್ರಾಪ್ತರು ಸೇರಿ 6 ಮಂದಿ ಆರೋಪಿಗಳನ್ನ ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. ಈ ಹಿಂದೆ 2014 ರಲ್ಲಿ ದೇರಳಕಟ್ಟೆಯಲ್ಲಿ ಮೆಡಿಕಲ್​ ವಿದ್ಯಾರ್ಥಿನಿ ಮೇಲೆ ಗ್ಯಾಂಗ್​ ರೇಪ್​ ನಡೆದಿದ್ದನ್ನು ಸ್ಮರಿಸಬಹುದು.

Popular posts