Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Sunday, October 20, 2019

ಕೊಲಂಬೋ ಸ್ಫೋಟದಲ್ಲಿ ಮಂಗಳೂರು ದಂಪತಿ ಜಸ್ಟ್​ ಎಸ್ಕೇಪ್​..!

0

ಮಂಗಳೂರು: ಕೊಲಂಬೋ ದುರಂತದಲ್ಲಿ ಮಂಗಳೂರಿನ ದಂಪತಿ ಕೂದಲೆಳೆ ಅಂತರದಲ್ಲಿ ಪಾರಾಗಿದ್ದಾರೆ. ವಿವಾಹ ವಾರ್ಷಿಕೋತ್ಸವಕ್ಕೆ ಕೊಲೋಂಬೊಗೆ ತೆರಳಿದ್ದ ಡಾ.ಕೇಶವರಾಜ್, ಪತ್ನಿ ಶ್ರೀದೇವಿ ದಂಪತಿ ‘ದಿ ಸಿನೆಮೆನ್ ಗ್ರ್ಯಾಂಡ್ ಹೋಟೆಲ್​’ನಲ್ಲಿ ಉಳಿಯಬೇಕಿತ್ತು. ಆದರೆ ಕೊನೇ ಕ್ಷಣದಲ್ಲಿ ಏಜೆನ್ಸಿಯಿಂದ ಹೊಟೇಲ್ ಬದಲಾಯಿಸಿದ್ದರು. ಹಾಗಾಗಿ ದಂಪತಿಗಳಿಬ್ಬರೂ ಕೊಲಂಬೋ ಸರಣಿ ಸ್ಫೋಟದಿಂದ ಪಾರಾಗಿದ್ದಾರೆ.

ವಿವಾಹ ವಾರ್ಷಿಕೋತ್ಸವದ ಪ್ರಯುಕ್ತ ಶ್ರೀಲಂಕಾಗೆ ತೆರಳಿದ್ದ ದಂಪತಿ ಪೂರ್ವ ನಿಯೋಜನೆಯಂತೆ ‘ದಿ ಸಿನೆಮೆನ್ ಗ್ರ್ಯಾಂಡ್ ಹೋಟೆಲ್​’ನಲ್ಲಿ ಉಳಿಯಬೇಕಾಗಿತ್ತು. ಹೋಟೆಲ್​ ಕ್ಯಾನ್ಸ್​ಲ್​ ಆದ ಕಾರಣ ದಂಪತಿ ಬದುಕುಳಿದಿದ್ದಾರೆ. ಶ್ರೀಲಂಕಾ ರಾಜಧಾನಿ ಕೊಲಂಬೋದಲ್ಲಿ ನಡೆದ ಸರಣಿ ಸ್ಫೋಟದಲ್ಲಿ ‘ದಿ ಸಿನೆಮೆನ್ ಗ್ರ್ಯಾಂಡ್ ಹೋಟೆಲ್​’ ಮೇಲೂ ಬಾಂಬ್​ ದಾಳಿಯಾಗಿತ್ತು.

ಬಾಂಬ್​ ದಾಳಿಯಲ್ಲಿ ಮಂಗಳೂರು ಮಹಿಳೆ ಸಾವು

0

ಕೊಲಂಬೋ : ಶ್ರೀಲಂಕಾದ ರಾಜಧಾನಿ ಕೊಲಂಬೋದದಲ್ಲಿ ನಡೆದ ಉಗ್ರರ ಬಾಂಬ್ ದಾಳಿಯಲ್ಲಿ ಮಂಗಳೂರಿನ ಮಹಿಳೆಯೊಬ್ಬರು ಮೃತಪಟ್ಟಿದ್ದಾರೆ. ರಝೀನಾ ಮೃತ ದುರ್ದೈವಿ. ಅವರು ಪತಿಯ ಜೊತೆಗೆ ಶ್ರೀಲಂಕಾಕ್ಕೆ ತೆರಳಿದ್ರು. ಪತಿ ಖಾದರ್ ಕುಕ್ಕಾಡಿ ಅವರ ಜೊತೆ ಶಾಂಘ್ರಲಾ ಹೋಟೆಲ್​ನಲ್ಲಿ ತಂಗಿದ್ದರು. ರಝೀನಾ ಮಂಗಳೂರು ಹೊರವಲಯದ ಬೈಕಂಪಾಡಿ ನಿವಾಸಿ.

‘ಸ್ವಂತ ಪಕ್ಷವಿದ್ರೂ ಕಾಂಗ್ರೆಸ್​ಗೆ ಮತ, ಇಂಥಾ ಸ್ಥಿತಿ ಬರಬಾರದಿತ್ತು’..!

0

ಮಂಗಳೂರು: ತಮ್ಮದೇ ಸ್ವಂತ ಪಕ್ಷವಿದ್ದರೂ ಕುಮಾರಸ್ವಾಮಿ ಕುಟುಂಬ ಕಾಂಗ್ರೆಸ್‌ಗೆ ಮತ ಹಾಕಿದ್ದಾರೆ. ಕುಮಾರಸ್ವಾಮಿ ಕುಟುಂಬಕ್ಕೆ ಇಂಥ ಸ್ಥಿತಿ ಬರಬಾರದಿತ್ತು ಅಂತ ನಳಿನ್​ ಕುಮಾರ್​ ಕಟೀಲ್ ಟ್ವೀಟ್ ಮಾಡಿದ್ದಾರೆ.

ರಾಜ್ಯದಲ್ಲಿ ಮೊದಲನೇ ಹಂತದ ಲೋಕಸಭಾ ಚುನಾವಣೆ ನಡೆದಿದ್ದು, ಸಿಎಂ ಕುಮಾರಸ್ವಾಮಿ ಹಾಗೂ ಅವರ ಕುಟುಂಬ ಎ. 18ರಂದು ಮತ ಚಲಾಯಿಸಿತ್ತು. ಮೈತ್ರಿ ಅಭ್ಯರ್ಥಿಗೆ ಮತ ಚಲಾಯಿಸಿದ್ದು ಈ ಬಗ್ಗೆ ದಕ್ಷಿಣ ಕನ್ನಡ ಬಿಜೆಪಿ ಅಭ್ಯರ್ಥಿ ನಳಿನ್ ಕುಮಾರ್ ಕಟೀಲ್ ಸಿಎಂ ಕಾಲೆಳೆದಿದ್ದಾರೆ. ಕುಮಾರಸ್ವಾಮಿ, ಅನಿತಾ ಕುಮಾರಸ್ವಾಮಿ, ನಿಖಿಲ್‌ ಮತ ಚಲಾಯಿಸಿದ ಫೋಟೋ ಪೋಸ್ಟ್ ಮಾಡಿ ಸಿಎಂಗೆ ವ್ಯಂಗ್ಯ ಮಾಡಿದ್ದಾರೆ.

ರಾಮನಗರ ತಾಲೂಕಿನ ಕೇತಗಾನ ಹಳ್ಳಿ ಮತಗಟ್ಟೆಯಲ್ಲಿ ಸಿಎಂ ಕುಮಾರಸ್ವಾಮಿ ಅವರು ಪತ್ನಿ ಅನಿತಾ ಹಾಗೂ ಪುತ್ರ ನಿಖೀಲ್ ಜೊತೆಗೆ ಬಂದು ಮತ ಚಲಾಯಿಸಿದ್ದರು. ಬೆಂಗಳೂರು ಗ್ರಾಮಾಂತರ ಕ್ಷೇತ್ರದಿಂದ ಮೈತ್ರಿ ಅಭ್ಯರ್ಥಿ ಡಿ.ಕೆ ಸುರೇಶ್ ಸ್ಪರ್ಧಿಸಿದ್ದಾರೆ.

ಬಸ್​ ನಿಲ್ಲಿಸಿ ಓಡೋಡಿ ಹೋಗಿ ಮತ ಚಲಾಯಿಸಿದ ಚಾಲಕ..!

0

ಮಂಗಳೂರು: ರಜೆ ಇದ್ದರೂ ಮತದಾನ‌ ಮಾಡದೇ ಚುನಾವಣೆಯಿಂದ ದೂರ ಉಳಿಯುವ ಮತದಾರರ ನಡುವೆ ಮಂಗಳೂರಿನ ಖಾಸಗಿ ಬಸ್ಸು ಚಾಲಕರೊಬ್ಬರು ಮಾದರಿಯಾಗಿದ್ದಾರೆ. ರಾಜ್ಯದಲ್ಲಿ ನಿನ್ನೆ ಲೋಕಸಭಾ ಚುನಾವಣೆಯ ಮೊದಲನೇ ಹಂತದ ಮತದಾನ ನಡೆದಿದ್ದು, ಮಂಗಳೂರಿನ ಚಾಲಕರೊಬ್ಬರು ಬಸ್​ ನಿಲ್ಲಿಸಿ ಮತಚಲಾಯಿಸಿದ್ದಾರೆ. ಮತದಾನದ ಬಗ್ಗೆ ಸಾಕಷ್ಟು ಅರಿವು ಮೂಡಿಸಿದರೂ ಹಲವು ಕಡೆ ಶೇಕಡಾ ಮತದಾನ ಕಮ್ಮಿ ಇದೆ. ಮಂಗಳೂರಿನಲ್ಲಿ ಚಾಲಕರೊಬ್ಬರು ಬಸ್​​ ನಿಲ್ಲಿಸಿ, ಓಡೋಡಿ ಮತಗಟ್ಟೆಗೆ ಹೋಗಿ ಮತ ಚಲಾಯಿಸಿ ಮತ್ತೆ ಕರ್ತವ್ಯದಲ್ಲಿ ತೊಡಗಿದ್ದಾರೆ.

ಮಂಗಳೂರು- ಶಿವಮೊಗ್ಗ ಓಡಾಡುವ ಜಯರಾಜ್ ಹೆಸರಿನ ಖಾಸಗಿ ಬಸ್ಸು ಚಾಲಕನಾಗಿರುವ ವಿಜಯ್ ಶೆಟ್ಟಿ ಮೊನ್ನೆ ಬುಧವಾರ ಶಿವಮೊಗ್ಗಕ್ಕೆ ತೆರಳಿದ್ದರು. ಬಳಿಕ ನಿನ್ನೆ ಬೆಳಗ್ಗೆ ಶಿವಮೊಗ್ಗದಿಂದ ಹೊರಟ ಬಸ್ಸು ಬೆಳುವಾಯಿ ಬಳಿ ಬರುತ್ತಿದ್ದಂತೆ ಬಸ್​ ನಿಲ್ಲಿಸಿ ಓಡೋಡಿ ತನ್ನ ಮತಗಟ್ಟೆಗೆ ಹೋಗಿ ಮತಚಲಾಯಿಸಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲೆಯ ಮೂಡಬಿದ್ರಿ ತಾಲೂಕಿನ ಬೆಳುವಾಯಿ ನಿವಾಸಿ ವಿಜಯ್ ಶೆಟ್ಟಿ ಬೆಳುವಾಯಿ ಮತಗಟ್ಟೆಯ ಬಳಿ ಬಸ್​ ನಿಲ್ಲಿಸಿದ ವಿಜಯ್​ ಶೆಟ್ಟಿ ಬೇಗನೆ ಹೋಗಿ ತಮ್ಮ ಹಕ್ಕು ಚಲಾಯಿಸಿ, ಪ್ರಯಾಣಿಕರಿಗೂ ತೊಂದರೆಯಾಗದಂತೆ ಮತ್ತೆ ಕರ್ತವ್ಯಕ್ಕೆ ಹಾಜರಾಗೋ ಮೂಲಕ ಇತರರಿಗೆ ಮಾದರಿಯಾದ್ರು.

ಮತದಾನ ಜವಾಬ್ದಾರಿ ಮೆರೆದ ಬಸ್​ ಚಾಲಕ ವಿಜಯ್​ ಶೆಟ್ಟಿ ಅವರ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಒಂದು ವೇಳೆ ಕೊನೆಯ ನಿಲ್ದಾಣವಾದ ಮಂಗಳೂರಿಗೆ ತೆರಳುತ್ತಿದ್ದರೆ, ವಿಜಯ್ ಶೆಟ್ಟಿ ಅವರು ಹಿಂತಿರುಗಿ ಬಂದು ಮತ ಚಲಾಯಿಸಲು ಅವಕಾಶ ಸಾಧ್ಯವಾಗುತ್ತಿರಲಿಲ್ಲ. ಆದ್ದರಿಂದ ತಾನು ದುಡಿಯುತ್ತಿದ್ದ ಜಯರಾಜ್ ಮೋಟಾರ್ಸ್ ಸಂಸ್ಥೆಯ ಮಾಲಕರ ಗಮನಕ್ಕೆ ತಂದು ಮತಚಲಾಯಿಸಿ ತನ್ನ ಹಕ್ಕನ್ನು ಮೆರೆದಿದ್ದಾರೆ. ಸದ್ಯ ಇವರ ಈ ಮತದಾನದ ಪ್ರಜ್ಞೆಗಾಗಿ ಅಪಾರ ಮೆಚ್ಚುಗೆ ವ್ಯಕ್ತವಾಗಿದೆ. ರಜೆ ಇದ್ದರೂ, ಮತಗಟ್ಟೆ ಹತ್ತಿರವಿದ್ದರೂ ಮತದಾನದಿಂದ ದೂರವುಳಿಯೋ ಮಹಾನಗರದ ಮಂದಿಗೂ ವಿಜಯ್ ಶೆಟ್ಟಿ ಮಾದರಿಯಾಗಿದ್ದಾರೆ.

ಕಾಲಿನಿಂದ ಮತಚಲಾಯಿಸಿದ ವಿಶೇಷಚೇತನ ಮಹಿಳೆ..!

0

ಬೆಳ್ತಂಗಡಿ : ಮತದಾನ ನಮ್ಮ ಹಕ್ಕು. ನಮ್ಮ ಪ್ರತಿನಿಧಿಗಳನ್ನು ಆಯ್ಕೆ ಮಾಡೋ ಅಧಿಕಾರವನ್ನು ಸಂವಿಧಾನ ನಮಗೆ ಈ ಹಕ್ಕಿನ ಮೂಲಕ ನೀಡಿದೆ. ಈ ಬಗ್ಗೆ ಎಷ್ಟೇ ಜಾಗೃತಿ ಮೂಡಿಸಿದ್ರೂ ಕೆಲವರು ಈ ಕುರಿತು ಎಚ್ಚೆತ್ತುಕೊಳ್ಳೋದು ಇಲ್ಲ. ಮತ ಹಾಕೋಕೆ ಸಿಕ್ಕ ರಜೆಯಲ್ಲಿ ಟ್ರಿಪ್ ಹೊಡೆಯೋರೇ ಹೆಚ್ಚು. ಮತ ಹಾಕದೇ ನೆಪ ಹೇಳೋ ಮಂದಿ ನಡುವೆ ಕೆಲವರು ತುಂಬಾ ಗ್ರೇಟ್ ಎನಿಸಿಕೊಳ್ಳುತ್ತಾರೆ.
ಇಳಿ ವಯಸ್ಸಿನಲ್ಲಿ ಮತದಾನ ಮಾಡುವ ಅಜ್ಜ-ಅಜ್ಜಿಯರು ವೋಟ್ ಮಾಡಿ ಸ್ಫೂರ್ತಿಯಾಗಿರುವ ಉದಾಹರಣೆಗಳು ಇಂದೂ ಕೂಡ ನಮ್ಮ ಮುಂದಿವೆ. ಮದುವೆ ಮಂಟಪದಿಂದ ನೇರವಾಗಿ ಮತಗಟ್ಟೆ ಬಂದು ಮತಚಲಾಯಿಸಿದ ನವಜೋಡಿಗಳು, ಹಕ್ಕನ್ನು ಚಲಾಯಿಸಲೇ ಬೇಕು ಅಂತ ಕಷ್ಟಪಟ್ಟು ಬಂದು ಮತ ಚಲಾಯಿಸಿದ ಗರ್ಭಿಣಿ ಕೂಡ ನಮ್ಮ ನಡುವೆ ಇದ್ದಾರೆ.
ಹೀಗೆ ಇವರೆಲ್ಲರಿಗಿಂಥಾ ಗಮನಸೆಳೆಯುವುದು ಕೈಗಳಿಲ್ಲದ ಯುವತಿಯೊಬ್ಬರು. ದಕ್ಷಿಣ ಕನ್ನಡ ಲೋಕಸಭಾ ಕ್ಷೇತ್ರ ವ್ಯಾಪ್ತಿಯ ಬೆಳ್ತಂಗಡಿಯವರಾದ ಸಬಿತಾ ಮೋನಿಶ್ ಅನ್ನೋ ಮಹಿಳೆ ಗರ್ಡಾಡಿಯ ಬೂತ್​ನಲ್ಲಿ ಮತಹಾಕಿದ್ದಾರೆ. ಅವರಿಗೆ ಎರಡೂ ಕೈಗಳಿಲ್ಲ..! ಕಾಲಿನಿಂದ ಮತಹಾಕಿ ಮಾದರಿಯಾಗಿದ್ದಾರೆ. ಅಧಿಕಾರಿಗಳು ಕಾಲಿನ ಬೆರಳಿಗೆ ಇಂಕ್ ಹಾಕಿದ್ದಾರೆ. ವಿಶೇಷ ಚೇತನ ಮಹಿಳೆ ಸಬಿತಾ ಅವರು ನಿಜಕ್ಕೂ ಎಲ್ಲರಿಗೂ ಮಾದರಿ.

ಇದು ವಂಶೋದಯ -ಅಂತ್ಯೋದಯದ ನಡುವಿನ ಚುನಾವಣೆ : ಪ್ರಧಾನಿ ಮೋದಿ

0

ಮಂಗಳೂರು : ಈಗ ನಡೆಯುತ್ತಿರೋ ಚುನಾವಣೆ ವಂಶೋದಯ ಮತ್ತು ಅಂತ್ಯೋದಯದ ನಡುವಿನ ಚುನಾವಣೆ ಅಂತ ಪ್ರಧಾನಿ ನರೇಂದ್ರ ಮೋದಿ ಹೇಳಿದರು.
ಮಂಗಳೂರಿನ ನೆಹರು ಮೈದಾನದಲ್ಲಿ ನಡೆದ ಸಂಕಲ್ಪ ಯಾತ್ರೆಯಲ್ಲಿ ಮಾತನಾಡಿದ ಅವರು, ”ಹೊಸ ಭಾರತ ನಿರ್ಮಾಣಕ್ಕೆ ಚುನಾವಣೆ ಆಗ್ಬೇಕಿದೆ. ದೇಶಕ್ಕಾಗಿ ಮತ ಹಾಕುತ್ತೀರಿ ಅಲ್ವಾ..? ಕಾಂಗ್ರೆಸ್​, ಜೆಡಿಎಸ್​ನಂತ ಪಕ್ಷಗಳದ್ದು ಪರಿವಾರವಾದ. ನಮ್ಮ ಪಕ್ಷದ್ದು ರಾಷ್ಟ್ರೀಯ ವಾದ. ತಮ್ಮ ಕುಟುಂಬದ ಕಟ್ಟಕಡೆಯ ವ್ಯಕ್ತಿಗೆ ಅಧಿಕಾರದ ಗುರಿ. ಇದು ಪರಿವಾರ್​ ವಾದ ಇರುವ ಪಕ್ಷಗಳ ಗುರಿ . ಕಟ್ಟಕಡೆಯ ವ್ಯಕ್ತಿಗೂ ನ್ಯಾಯ ನೀಡೋದು ನಮ್ಮ ಪಕ್ಷ . ಅವರ ವಂಶೋದಯ ಪಕ್ಷದ ವರಿಷ್ಠರನ್ನೂ ಕಡೆಗಣಿಸುತ್ತೆ. ಬಿಜೆಪಿಯ ಅಂತ್ಯೋದಯ ಚಾಯ್​ವಾಲಾಗೂ ಪ್ರಧಾನಿ ಪಟ್ಟ ನೀಡುತ್ತೆ. ಬಿಜೆಪಿ ಅಂತ್ಯೋದಯ ಬಡತನಕ್ಕೆ ಕಡಿವಾಣ ಹಾಕುತ್ತೆ. ವಂಶವಾದ ದಲ್ಲಾಳಿಗಳ ಜೋಳಿಗೆ ತುಂಬುತ್ತದೆ. ಜನಧನ್​ ಆಧಾರದ ಮೂಲಕ ನಾವು ಬಲಿಷ್ಠ ವ್ಯವಸ್ಥೆ ರೂಪಿಸಿದ್ದೇವೆ. ಸಬ್​ ಕಾ ಸಾಥ್​ ಸಬ್​ ಕಾ ವಿಕಾಸ್​ ಮಂತ್ರ ನಮ್ಮದು. ಸಮಾಜದಲ್ಲಿ ಅಪರಿಚಿತರಿಗೂ ಗೌರವ ನೀಡುತ್ತೇವೆ” ಅಂತ ಹೇಳಿದರು.
ಸಾಲು ಮರದ ತಿಮ್ಮಕ್ಕನಿಗೆ ಪದ್ಮಶ್ರೀ ನೀಡಿದ್ದನ್ನುಸ್ಮರಿಸಿದ ಮೋದಿ, ಬುಡಕಟ್ಟು ಜನರ ಸೇವೆ ಸಲ್ಲಿಸೋರಿಗೂ ಉನ್ನತ ಗೌರವ ನೀಡುತ್ತೇವೆ. ಹರಿದ ಚಪ್ಪಲಿ ಧರಿಸಿದವರಿಗೂ ರಾಷ್ಟ್ರಪತಿಗಳ ಗೌರವ ಸಿಗುತ್ತದೆ. ಐದು ವರ್ಷಗಳ ಹಿಂದೆ ಇಂಥ ಕಲ್ಪನೆಯೂ ಇರಲಿಲ್ಲ ಎಂದರು.
ಮೀನುಗಾರರ ಅಭಿವೃದ್ಧಿಗೂ ಕೇಂದ್ರ ಸರ್ಕಾರದ ಕ್ರಮ ಕೈಗೊಳ್ಳಲಿದೆ. ಮೇ 23ಕ್ಕೆ ಕೇಂದ್ರ ಸರ್ಕಾರದಲ್ಲಿ ಹೊಸ ಸರ್ಕಾರ ಬರುತ್ತೆ. ಮೋದಿ ಸರ್ಕಾರ ಅಧಿಕಾರ ಬರುತ್ತದೆ, ಅದಕ್ಕಾಗಿ ನಿರ್ಧಾರ ಮಾಡಲಾಗಿದೆ . ಮೀನುಗಾರ ಸಚಿವಾಲಯ ಪ್ರತ್ಯೇಕ ಸ್ಥಾಪನೆ ಆಗಲಿದೆ . ಮೀನುಗಾರರಿಗೆ ಕ್ರೆಡಿಟ್​ ಕಾರ್ಡ್​ ಮೂಲಕ ಸೌಲಭ್ಯ ಸಿಗಲಿದೆ . ಮತ್ಸ್ಯ ಸಂಪದ ಯೋಜನೆಗೆ ಬಿಜೆಪಿ ಸಂಕಲ್ಪ ಮಾಡಿದೆ. ನಿಮ್ಮ ಸಹಯೋಗದಿಂದ ಬಿಜೆಪಿ ಸಂಕಲ್ಪಗಳು ಈಡೇರಲಿವೆ . ಅದಕ್ಕಾಗಿ ನಿಮ್ಮ ಸಹಯೋಗ ಅಗತ್ಯವೂ ಆಗಿದೆ ಎಂದು ಮತಯಾಚನೆ ಮಾಡಿದರು.

ಸಿಎಂಗೆ ಮಾಧ್ಯಮಗಳು ಕಾಟ ಕೊಡ್ತಿವೆಯಂತೆ..!

0

ಮಂಗಳೂರು: ಪದೇ ಪದೇ ಮಾಧ್ಯಮಗಳ ಕುರಿತು ತಮ್ಮ ಅಸಮಾಧಾನವನ್ನು ತೋರಿಸುತ್ತಿರುವ ಸಿಎಂ ಹೆಚ್​. ಡಿ. ಕುಮಾರಸ್ವಾಮಿ ಅವರು ಮತ್ತೆ ಮಾಧ್ಯಮಗಳ ವಿರುದ್ಧ ಹರಿಹಾಯ್ದಿದ್ದಾರೆ. ಮಾಧ್ಯಮಗಳ ಮೇಲೆ ಕೋಪ ವ್ಯಕ್ತಪಡಿಸಿದ ಸಿಎಂ ಅವರು, “ಮಾಧ್ಯಮಗಳು ಕೆಲಸ ಮಾಡಲು ಬಿಡ್ತಿಲ್ಲ. ಕಾಟ ಕೊಡ್ತಿವೆ” ಅಂತ ಆರೋಪಿಸಿದ್ದಾರೆ.

ಮಂಗಳೂರಿನಲ್ಲಿ ಮಾತನಾಡಿದ ಸಿಎಂ, “ಮಾಧ್ಯಮಗಳು ನನ್ನ ವಿರುದ್ಧವಾಗಿ ಪ್ರಚಾರ ಕೊಡುತ್ತಾ ಬಂದಿದ್ದಾರೆ. ನನ್ನ ಪ್ರತಿಕ್ರಿಯೆ ವೇಳೆ ನಮ್ಮ ವಿರೋಧಿಗಳನ್ನ ತೋರಿಸುತ್ತೀರಿ. ಇದು ಯಾವ ರೀತಿಯ ಪ್ರಚಾರ..? ನನಗೆ ಯಾರ ಬಗ್ಗೆಯೂ ದ್ವೇಷವಿಲ್ಲ. ಹಾಗಿರುವಾಗ ನಿಮಗೇಕೆ ನನ್ನ ಬಗ್ಗೆ ದ್ವೇಷ” ಅಂತ ಪ್ರಶ್ನಿಸಿದ್ದಾರೆ. “ನೀವು ಕೇಳೋ ಪ್ರಶ್ನೆಗಳಿಗೆ ಅರ್ಥ ಇದೆಯಾ? ನಿಮಗೆ ಸಮಾಧಾನ ಇದೆಯಾ? ನೀವು ತೋರಿಸಿದ್ದನ್ನ ರಿವೈಂಡ್ ಮಾಡಿ ನೋಡಿಕೊಳ್ಳಿ” ಎಂದು ಫುಲ್ ಗರಂ ಆಗಿದ್ದಾರೆ.

‘ನಳಿನ್​ಗೆ ಟಿಕೆಟ್​ ಕೊಡಬೇಡಿ’: ಕಾರ್ಯಕರ್ತನ ಬೆದರಿಕೆ ಏನು..?

0

ಮಂಗಳೂರು: ದಕ್ಷಿಣ ಕನ್ನಡ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿಯಾಗಿ ನಳಿನ್ ಕುಮಾರ್ ಕಟೀಲ್ ಬದಲಾವಣೆಗೆ ಒತ್ತಡ ಹೆಚ್ಚಿದೆ. ಈ ಬಗ್ಗೆ ಇಬ್ಬರು‌ ಕಾರ್ಯಕರ್ತರ ಫೋನ್ ಸಂಭಾಷಣೆ ವೈರಲ್ ಆಗಿದೆ. ನಳಿನ್ ಕುಮಾರ್ ಕಟೀಲ್ ಅವರಿಗೆ ಟಿಕೆಟ್ ಕೊಟ್ಟರೆ ವಿಷ ತೆಗೆದುಕೊಳ್ಳುವುದಾಗಿ ಹೇಳಿಕೆ ನೀಡುತ್ತಿರುವುದು ಆಡಿಯೋದಲ್ಲಿ ದಾಖಲಾಗಿದೆ. ಶಕ್ತಿಕೇಂದ್ರದ ಮೀಟಿಂಗ್​ಗೆ ಆಹ್ವಾನಿಸಿದಾಗ ಆಕ್ರೋಶ ವ್ಯಕ್ತಪಡಿಸಿರುವ ಕಾರ್ಯಕರ್ತ, “ನಳಿನ್​ ಕುಮಾರ್​ಗೆ ಟಿಕೆಟ್ ಕೊಟ್ಟರೆ ಜಿಲ್ಲಾ ಬಿಜೆಪಿ ಕಚೇರಿ ಮುಂಭಾಗ ವಿಷ ತೆಗೆದುಕೊಳ್ಳುತ್ತೇನೆ. ಇಲ್ಲದಿದ್ದರೆ ಸಂಘ ನಿಕೇತನ ಮುಂದೆ ವಿಷ ತೆಗೆದುಕೊಳ್ಳುತ್ತೇನೆ” ಅಂತ ಹೇಳಿದ್ದಾರೆ. ಕಾರ್ಯಕರ್ತರಿಬ್ಬರು ತುಳುವಿನಲ್ಲಿ ಮಾತನಾಡಿದ್ದು, ಆಡಿಯೋ ಸಂಭಾಷಣೆಯ ತುಣುಕು ಈಗ ವೈರಲ್ ಆಗಿದೆ.

ಯಕ್ಷಗಾನದಲ್ಲೂ ‘ಎಲ್ಲಿದ್ದೀಯಪ್ಪಾ’ ಹಾಸ್ಯ ತುಣುಕು..!

0

ಮಂಗಳೂರು: ಈಗಾಗಲೇ ಟ್ರೋಲ್​ಗೊಳಗಾಗಿರುವ ಮುಖ್ಯಮಂತ್ರಿ ಕುಮಾರಸ್ವಾಮಿ ಹಾಗೂ ಪುತ್ರ ನಿಖಿಲ್ ಕುಮಾರಸ್ವಾಮಿ ನಡುವಿನ ಸಂಭಾಷಣೆ ಯಕ್ಷಲೋಕದಲ್ಲೂ ಹಾಸ್ಯದ ಹೊನಲು ಹರಿಸಿದೆ. ನಿಖಿಲ್ ಎಲ್ಲಿದ್ದೀಯಪ್ಪಾ, ಜನರ ಮಧ್ಯೆ ಆಗ್ಲೇ ಸೇರಿಬಿಟ್ಟಿದ್ದೀಯಾ ಅನ್ನೋ ಈ ಸಂಭಾಷಣೆ ಈಗ ಎಲ್ಲರ ಅಚ್ಚುಮೆಚ್ಚಿನ ಸ್ಟೇಟಸ್ ಟ್ರೋಲ್ ಆಗಿದೆ.

ಕರಾವಳಿಯ ಗಂಡುಕಲೆ ಯಕ್ಷಗಾನದಲ್ಲೂ ಈ ಹಾಸ್ಯ ತುಣುಕು ಇಣುಕು ಹಾಕಿದೆ. ತಂದೆ ಮಗನ ಸಂಭಾಷಣೆ ಯಾವ ರೀತಿ ನಗು ಬುಗ್ಗೆ ಹರಿಸಿತು ಅನ್ನೋದಕ್ಕೆ ಈಗ ಕರಾವಳಿಯಾದ್ಯಂತ ಹರಿದಾಡುತ್ತಿರುವ ಬಪ್ಪನಾಡು ಶ್ರೀದುರ್ಗಾಪರಮೇಶ್ವರಿ ಪ್ರಸಾದಿತ ಯಕ್ಷಗಾನ ಮಂಡಳಿಯ ಪ್ರಸಂಗದ ತುಣುಕು ಸಾಕ್ಷಿಯಾಗಿದೆ. ಅದರಲ್ಲೂ ಈ ಹಾಸ್ಯದ ತುಣುಕು ಪ್ರಸಿದ್ಧ ಹಾಸ್ಯ ಕಲಾವಿದರ ಬಾಯಲ್ಲಿ ವಿಭಿನ್ನವಾಗಿ ಯಕ್ಷ ಪ್ರಿಯರನ್ನು ತಲುಪಿದ್ದು ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ಗೊಳಗಾಗಿ ಹಾಸ್ಯಕ್ಕೆ ಕಾರಣವಾಗಿದೆ.

ದಕ್ಷಿಣ ಕನ್ನಡ ಜಿಲ್ಲೆಯ ಬಪ್ಪನಾಡು ಶ್ರೀದುರ್ಗಾಪರಮೇಶ್ವರಿ ಯಕ್ಷಗಾನ ಮಂಡಳಿಯ ಈ ಋತುವಿನ ಜನಪ್ರಿಯ ಯಕ್ಷಗಾನ ಪ್ರಸಂಗ ‘ಬೊಳ್ಳಿದ ಬೊಲ್ಗೊಡೆ’ (ಬೆಳ್ಳಿಯ ಛತ್ರಿ)ಯಲ್ಲಿ ಈ ಹಾಸ್ಯದ ತುಣುಕು ಕಾಣಿಸಿಕೊಂಡಿದೆ. ಖ್ಯಾತ ಹಾಸ್ಯ ಕಲಾವಿದರಾದ ಪ್ರಸನ್ನ ಶೆಟ್ಟಿ ಬೈಲೂರು, ಕಡಬ ಶ್ರೀನಿವಾಸ ರೈ ಯಕ್ಷ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದರೆ, ಸಭಿಕರ ಮಧ್ಯೆಯಿಂದ ಖ್ಯಾತ ಹಾಸ್ಯ ಕಲಾವಿದ ದಿನೇಶ್ ಕೊಡಪಡವು ನಟಿಸಿದ್ದಾರೆ. ಯಕ್ಷಗಾನದ ಚೌಕಟ್ಟು ಮೀರದಂತೆ ಹಾಗೂ ಯಾರಿಗೂ ನೋವಾಗಬಾರದೆನ್ನುವ ದೃಷ್ಟಿಕೋನದಿಂದ ಯಥಾವತ್ತಾಗಿ ಸಂಭಾಷಣೆ ಗೊತ್ತು ಮಾಡದೇ, ‘ವಾಮನ ಎಲ್ಲಿದ್ದೀಯಾ, ನೀನು ಬಿರುದು ಸಿಕ್ಕಿದ ಕೂಡಲೇ ಜನರ ಮಧ್ಯೆ ಹೋಗಿ ಕೂತಿದ್ದೀಯ ಮಗಾ’ ಎನ್ನುವ ಕಾಲ್ಪನಿಕ ಸಂಭಾಷಣೆ ನಡೆಯುತ್ತೆ. ಇದು ಹೆಚ್​​ಡಿಕೆ- ನಿಖಿಲ್ ಕುಮಾರಸ್ವಾಮಿ ನಡುವಿನ ಸಂಭಾಷಣೆಯಂತೆಯೇ ಭಾಸವಾಗುತ್ತಿದ್ದು, ಯಕ್ಷಾಭಿಮಾನಿಗಳ ಅಚ್ಚುಮೆಚ್ಚಿನ ಟ್ರೋಲ್ ತುಣುಕಾಗಿ ಹರಿದಾಡತೊಡಗಿದೆ.‌ ಅಂದಹಾಗೆ ಈ ಯಕ್ಷಗಾನ ಪ್ರಸಂಗವು ಉಡುಪಿಯ ಪಳ್ಳಿಯಲ್ಲಿ ಅತಿಥಿ ಕಲಾವಿದರ ಸಹಯೋಗದೊಂದಿಗೆ ಬಪ್ಪನಾಡು ಮೇಳದ ಕಲಾವಿದರು ನಿನ್ನೆಯಷ್ಟೇ ಪ್ರದರ್ಶಿಸಿದ್ದರು.‌

https://www.facebook.com/powertvnews/videos/2025670714216442/

ನೀವು ಹೆಣ್ಮಕ್ಕಳಿಗೆ ಕೊಡೋ ಗೌರವ ಇದೇನಾ..? ರೇವಣ್ಣ ವಿರುದ್ಧ ಶೋಭಾ ವಾಗ್ದಾಳಿ

0

ಮಂಗಳೂರು: ಹೆಣ್ಮಕ್ಕಳಿಗೆ ನೀವು ಕೊಡುವ ಗೌರವ ಇದೇನಾ ಅಂತ ಸಂಸದೆ ಶೋಭಾ ಕರಂದ್ಲಾಜೆ ಲೋಕೋಪಯೋಗಿ ಸಚಿವ ಹೆಚ್.​ ಡಿ ರೇವಣ್ಣ ಅವರ ವಿರುದ್ಧ ಮಂಗಳೂರಿನಲ್ಲಿ ವಾಗ್ದಾಳಿ ನಡೆಸಿದ್ದಾರೆ.

ಲೋಕಸಭಾ ಚುನಾವಣೆಗೆ ಮಂಡ್ಯ ಕ್ಷೇತ್ರದಿಂದ ಸ್ಪರ್ಧಿಸುತ್ತಿರೋ ಸುಮಲತಾ ಅಂಬರೀಶ್ ಬಗ್ಗೆ ರೇವಣ್ಣ ಅವರು ನೀಡಿದ ಹೇಳಿಕೆಗಳ ಕುರಿತು ಪ್ರತಿಕ್ರಿಯಿಸಿದ ಶೋಭಾ ಅವರು, “ಅಂಬರೀಶ್ ಸತ್ತಾಗ ನೀವು ಹಾಕಿದ್ದು ಮೊಸಳೆ ಕಣ್ಣೀರಾ? ಗಂಡ ಸತ್ತವರು ತಲೆ ಬೋಳಿಸಿಕೊಂಡು ಮನೆಯಲ್ಲಿರಬೇಕಾ? ನೀವು ಯಾವ ಶತಮಾನದಲ್ಲಿ ಇದ್ದೀರಾ? ವಿಧವೆಯೊಬ್ಬರ ಬಗ್ಗೆ ಈ ರೀತಿ ಮಾತನಾಡಿರೋದು ದುಃಖ ತಂದಿದೆ” ಅಂತ ಹೇಳಿದ್ದಾರೆ.

ಸುಮಲತಾ ಸ್ಪರ್ಧೆ ಬಗ್ಗೆ ಪ್ರತಿಕ್ರಿಯಿಸಿ, “ಸುಮಲತಾ ಅವರಿಗೆ ಸ್ಪರ್ಧೆ ಮಾಡುವ ಹಕ್ಕಿದೆ. ಸುಮಲತಾ ಅಂಬರೀಶ್ ಕನ್ನಡದ ಸೊಸೆ” ಅಂತ ಹೇಳಿದ್ದಾರೆ.

Popular posts