ಬೆಂಗಳೂರು: ಹಿರಿಯ ಸಾಹಿತಿ ಗಿರೀಶ್ ಕಾರ್ನಾಡ್ ವಿಧಿವಶರಾಗಿರುವ ಹಿನ್ನೆಲೆಯಲ್ಲಿ ಜೂನ್​. 13ರ ತನಕ ರಾಜ್ಯದಲ್ಲಿ ಶೋಕಾಚರಣೆ ಜಾರಿಯಲ್ಲಿರಲಿದೆ. ಶೋಕಾಚರಣೆ ಹಿನ್ನೆಲೆ ಸಂಪುಟ ವಿಸ್ತರಣೆ ಮುಂದೂಡಲಾಗಿದೆ. ಹಿರಿಯ ಸಾಹಿತಿ ಗಿರೀಶ್‌ ಕಾರ್ನಾಡ್‌ ವಿಧಿವಶರಾಗಿದ್ದು, ಸರ್ಕಾರ ಮೂರು ದಿನ ಶೋಕಾಚರಣೆ ಘೋಷಿಸಿದೆ. ಸಿಎಂ ಹೆಚ್​. ಡಿ. ಕುಮಾರಸ್ವಾಮಿ ಜೂನ್​​​ 13ರಂದು ಸಂಪುಟ ವಿಸ್ತರಣೆಗೆ ಅವಕಾಶ ಕೋರಿದ್ದರು. ರಾಜ್ಯಪಾಲರ ಬಳಿ ಸಮಯವನ್ನೂ ನಿಗದಿಪಡಿಸಿದ್ದರು. ಆದರೆ ಜೂನ್ 13ರವರೆಗೂ ರಾಜ್ಯದಲ್ಲಿ ಶೋಕಾಚರಣೆ ಜಾರಿಯಾಗಿರುವುದರಿಂದ ಸಂಪುಟ ವಿಸ್ತರಣೆಗೆ ವಿಘ್ನವಾಗಿದೆ.

ಬೆಂಗಳೂರು: ತಮ್ಮ ಮನೆಯ ಸಮೀಪ ನಡೆದ ಸ್ಫೋಟಕ್ಕೆ ಸಂಬಂಧಿಸಿ ಆರ್.ಆರ್​​. ನಗರ ಶಾಸಕ ಮುನಿರತ್ನ ಪ್ರತಿಕ್ರಿಯಿಸಿದ್ದಾರೆ. “ಯಾವುದೇ ಘಟನೆಯನ್ನು ಊಹೆ ಮಾಡಿಕೊಳ್ಳುವುದು ಬೇಡ. ಬೆಂಗಳೂರು ಪೊಲೀಸರು ಪ್ರಕರಣ ಪ್ರಾಮಾಣಿಕ ತನಿಖೆ ಮಾಡಬೇಕು. ಮೃತ ವೆಂಕಟೇಶ್​​​​ ತಂದೆ, ನಮ್ಮ ತಂದೆ ಸ್ನೇಹಿತರು. ನಾನು ಮತ್ತು ವೆಂಕಟೇಶ್​ ಕೂಡ ಒಟ್ಟಿಗೆ ಬೆಳೆದವರು. ತನಿಖೆ ಆಗೋವರೆಗೆ ತಾಳ್ಮೆಯಿಂದ ನೋಡೋಣ” ಅಂತ ಹೇಳಿದ್ರು.

ವೆಂಕಟೇಶ್​ಗೆ ಮೂವರು ಸಹೋದರರು ಹಾಗೂ ಓರ್ವ ಸಹೋದರಿ ಇದ್ದಾರೆ. ಮರಣೋತ್ತರ ಪರೀಕ್ಷೆಗಾಗಿ ವೆಂಕಟೇಶ್ ಮೃತದೇಹ ಬೌರಿಂಗ್ ಆಸ್ಪತ್ರೆಗೆ ರವಾನೆ ಮಾಡಲಾಗಿದೆ.

ಬೆಂಗಳೂರು: ಶಾಸಕ ಮುನಿರತ್ನ ನಿವಾಸದ ಮುಂದೆ ನಿಗೂಢ ಸ್ಫೋಟ ಸಂಭವಿಸಿದೆ. ನಿಗೂಢ ಸ್ಫೋಟಕ್ಕೆ ವೆಂಕಟೇಶ್​ ಎಂಬವರು​ ಸಾವನ್ನಪ್ಪಿದ್ದಾರೆ. ನಗರದ ವೈಯ್ಯಾಲಿ ಕಾವಲ್​​ನಲ್ಲಿ ಇರುವ ಶಾಸಕ ಮುನಿರತ್ನ ನಿವಾಸದ ಮುಂದೆ ಸ್ಫೋಟ ನಡೆದಿದ್ದು, ಸ್ಫೋಟದ ತೀವ್ರತೆಗೆ ವೆಂಕಟೇಶ್ ದೇಹ ಛಿದ್ರವಾಗಿದೆ. ಧೋಬಿ ಘಾಟ್ ನಿವಾಸಿಯಾಗಿರುವ ವೆಂಕಟೇಶ್​​ ಐರನ್​ ಕೆಲಸ ಮಾಡ್ತಿದ್ದರು. ಸ್ಫೋಟದ ಸ್ಥಳಕ್ಕೆ ಹಿರಿಯ ಪೊಲೀಸ್​ ಅಧಿಕಾರಿಗಳ ದೌಡಾಯಿಸಿದ್ದಾರೆ. ನಗರ ಪೊಲೀಸ್​ ಆಯುಕ್ತ ಟಿ.ಸುನೀಲ್​ ಕುಮಾರ್​ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಘಟನಾ ಸ್ಥಳದಲ್ಲಿ ಬಾಂಬ್​ ಸ್ಕ್ವಾಡ್​, ಎಫ್​ಎಸ್​ಎಲ್ ತಜ್ಞರು ಪರಿಶೀಲನೆ ನಡೆಸುತ್ತಿದ್ದಾರೆ.

ಬೆಂಗಳೂರು: ಮಧ್ಯಾಹ್ನ ಎಂದಿನಂತೆಯೇ ಬಿರುಬಿಸಿಲಿದ್ದರೂ, ಸಡನ್ ಮೋಡ ಆವರಿಸಿ ನಗರದ ಹಲವೆಡೆ ವರುಣ ತಂಪೆರೆದಿದ್ದಾನೆ. ಮಧ್ಯಾಹ್ನದ ಬಿರುಬಿಸಿಲಲ್ಲೇ ಸಡನ್​ ಎಂಟ್ರಿ ಕೊಟ್ಟ ವರುಣನಿಂದ ಸಿಲಿಕಾನ್ ಸಿಟಿ ತಂಪಾಗಿದೆ. ಬಿಸಿಲು ಮಾಯವಾಗಿ ಸಿಲಿಕಾನ್​ ಸಿಟಿ ಹಲವೆಡೆ ಮಳೆ ಸುರಿದಿದೆ. ರಾಜಾಜಿನಗರ, ಮೆಜೆಸ್ಟಿಕ್​, ಹೆಬ್ಬಾಳ, ಮಲ್ಲೇಶ್ವರಂ ಸೇರಿ ಹಲವೆಡೆ ಗುಡುಗು, ಮಿಂಚು ಸಹಿತ ಮಳೆಯಾಗಿದೆ. ಬೆಂಗಳೂರಿನ ಕೆಲವು ಪ್ರದೇಶಗಳಲ್ಲಿ ಆಲಿಕಲ್ಲು ಮಳೆಯಾಗಿದೆ. ದಿಢೀರ್​ ಮಳೆಯಿಂದಾಗಿ ನಗರದ ಹಲವೆಡೆ ವಾಹನ ಸವಾರರ ಪರದಾಡಿದ್ದಾರೆ.

ಬೆಂಗಳೂರು: ಜಾಗ ನಿಮ್ಮದೇ ಆಗಿದ್ರೂ, ಅಲ್ಲಿ ಬೇರೆಯವರು ಮನೆ ಕಟ್ಟಿ ನಿಮ್ಮನ್ನು ಯಾಮಾರಿಸಬಹುದು. ಬೆಂಗಳೂರಿಗರೇ ಹುಷಾರ್​..! ಸುಳ್ಳು ದಾಖಲೆ ಸೃಷ್ಟಿಸುವ ಖತರ್ನಾಕ್​ ಖದೀಮರು ಬೆಂಗಳೂರಿನಲ್ಲಿದ್ದಾರೆ. ನಿಮ್ಮದೇ ಜಮೀನಿನಲ್ಲಿ ಮನೆ ಕಟ್ಟಿ, ನಿಮನ್ನೇ ಯಾಮಾರಿಸುವ ವಮಚಕರು ನಿಮ್ಮ ಜಾಗ, ನಿಜಕ್ಕೂ ನಿಮ್ಮದೇನಾ ಅನ್ನೋ ಗೊಂದಲ ತಂದಿಡಬಹುದು.

ಈ ರೀತಿ ಬೆಂಗಳೂರಿನ ನಾಗಾವರದಲ್ಲಿ ಲಕ್ಷ್ಮಿ ನಾರಾಯಣ ಎಂಬವರಿಗೆ ಮೋಸ ನಡೆದಿದ್ದು, ಖದೀಮರಿಗೆ ಪಾಲಿಕೆಯ ಅಧಿಕಾರಿಗಳೇ ಸಾಥ್ ನೀಡುತ್ತಿರುವ ಆರೋಪ ಕೇಳಿ ಬಂದಿದೆ. ಲಕ್ಷ್ಮಿ ನಾರಾಯಣಗೆ ಸೇರಿದ್ದ ಜಾಗದಲ್ಲಿ ಜಯಪ್ರಕಾಶ್​ ಎಂಬವರಿಂದ ಕಟ್ಟಡ ನಿರ್ಮಾಣವಾಗಿದ್ದು, ಕಟ್ಟಡ ನಿರ್ಮಾಣಕ್ಕೆ ಅಕ್ರಮವಾಗಿ ಜಯಪ್ರಕಾಶ್​ ಪಾಯ ಹಾಕಿಸಿಕೊಂಡಿದ್ದಾರೆ. ಜಯಪ್ರಕಾಶ್ ಅಕ್ರಮವಾಗಿ ದಾಖಲೆ ಸೃಷ್ಟಿಸಿದ್ದಾರೆಂದು ಲಕ್ಷ್ಮಿ ನಾರಾಯಣ ಆರೋಪ ಮಾಡಿದ್ದಾರೆ. ಮೂಲ ದಾಖಲೆಗಳಿದ್ರೂ ಸೈಟ್​ ಕೈತಪ್ಪುತ್ತಿರೋದಕ್ಕೆ ಲಕ್ಷ್ಮಿನಾರಾಯಣ ಅಳಲು ತೋಡಿಕೊಂಡಿದ್ದಾರೆ. ಈ ಬಗ್ಗೆ ಪಾಲಿಕೆ ಅಧಿಕಾರಿಗಳು ಸ್ಪಂದಿಸ್ತಿಲ್ಲ, ಅವರೂ ವಂಚನೆಯಲ್ಲಿ ಶಾಮೀಲಾಗಿದ್ದಾರೆ ಎಂದು ಲಕ್ಷ್ಮಿನಾರಾಯಣ ಆರೋಪಿಸಿದ್ದಾರೆ.